Padma Samhita · Chapter 4.11

utsavārambhadivasādarvāgahani saptame /
āṅkurānāvapellagne śobhane deśikottamaḥ

aṣṭottara śateṣveva pālikāsu yathāvidhi /
ṣaṭtriṃśatsvatha vā
paścādalaṅkāraṃ samācaret

kramukairdārujairvāpi toraṇai rvīdhikāmukham /
catvārāṇi tathā greṣu gopurāṇāmalaṅkriyā

phalabhārāvanamrāśca kadalīkramukādayaḥ /
pārśveṣu toraṇānāṃ syuḥ sthāpyā gamanavīdhayaḥ

samabhūmitalāḥkāryāssikatābhiśca śobhitāḥ /
dukūlakṣaumapāsobhi rdarbhamālāśatena ca

dhvajaiśca sarvato dikṣu śobhayecca prapādibhiḥ /
śodhayetsarvabhūbhāgaṃ gomayombhobhirāplutaiḥ

prāsadabhittayaḥ kāryāścitritā varṇapañcakaiḥ /
kambhābhiḥ pūrṇakumbhaiśca dīpikāvalibhi stathā

muktādāmabhiranyaiśca sāṅkuraiḥpālikāśataiḥ /
deśāddeśātsametānāṃ varṇānāṃ ca tadutsave

sevituṃ devadeveśa mannādyaistuṣṭimāvahet /
prapāpānīyaśālādhyai ryajamāno divāniśam

rogārtānatha bhaiṣajyairbhiṣajeddhanarāśibhiḥ /
prathamāvaraṇe brahman kārayedyāgamaṇḍapam

yadvāvakāśānuguṇaṃ dvitīyāvaraṇe bhavet /
antarāleṣu sarvatra diśāmiṣṭe kvacidbhavet

saptahastāyataṃ yadvā pañcahastāyataṃ tu vā /
vistārāyāmasadṛśaṃ yaturdvārasa manvitam

maṇḍapaṃ kārayettasya paritaḥ kārayetprapām /
tasya madhye triyaṃśe tu vedīṃ hastasamucchṛtām

vistīrṇāṃ dvitrihastena
vedyāḥ prācyāṃ prakalpayet /
kuṇḍamāhavanīyasya caturaśraṃ yathoditam

dakṣiṇasyāṃ dakṣiṇāgnerdiśi cāpa samākṛti /
kuṇḍaṃ tu gārhapatyasya pratīcyāṃ vṛtta madbhutam

sabhyasya kuṇḍaṃ kauberyāṃ trikoṇaṃ tadanantaram /
aiśānyā magnikoṇe vā kuṇḍaṃ ca caturaśrakam

avasakthyasya śikhinaḥ pañcāgnyutsava muttamam /
yadvā''vasakthya rahitaṃ caturagniṃ caturdiśi

sabhyāvasakthya rahitaṃ yadvāgni trayasaṃyutam /
ekāmāhavanīyaṃ vā kalvayetkatkuricchayā

aśvatthādidrumairdvāratoraṇāni caturdiśam /
sruksruvau kārayedaṣṭa maṅgalāni yathāpuram

āsanaṃ tvṛtvijāṃ homapātrāṇi vividhāni ca /
maṇḍapānāṃ ca purataḥ prapāsyātpārśvayorapi

dukūlakṣaumakāśeyairvicitraṃ maṇṭapaṃ prapām /
vitānayedveṣṭayecca stambhānantarbahisthsitān

muktādāmāni sarvatra lambayeddīpamālikāḥ /
āropayecca stambheṣu patākāvalibandhanam

muktāvitānaṃ badhnī yātpuṣpamālāśca sarvataḥ /
evamādipariṣkārai rbhūṣayenmaṇḍapādikam

tiraskariṇyo vipulā badhnīyācca vicitritāḥ /
agre caturṇāṃ varaṇa mācāryāṇāṃ ca ṛtvijām

ṣoḍaśā nāṃ tathānyeṣāṃ svīkāraḥ paricāriṇām /
te ca bhūṣyā yathāvittaṃ bhūṣaṇaiḥ kaṭakādibhiḥ

vāsobhiśca navaiścitre radhikārānu sārataḥ /
uṣṇīṣairuttarīyaiśca gandhadravyāsu lepanaiḥ

śobhanīyāḥ prayatnena yajamānena sarvadā /
snapanaṃ cotsavā rambhe tadante ca yathoditam

kuryāddevasya pūrvedyuḥ kautukaṃ bandhayedguruḥ /
sauvarṇe rājate vāpi pātre vimalataṇḍule

khāridvayena vārdhena yadvā pādena sammite /
nyasyetsūtraṃ ca sauvarṇaṃ kṣaumaṃ kārpāsameva vā

saptabhiḥ pañcabhirvāpi sūtraṃ kṣaumāditantubhiḥ /
śatena ṣaṣṭhyārūḍhena phalaiḥ kramukajairapi

nāgavallīdalaissārdhaṃ phalasaṅkhyā caturguṇaiḥ /
tadardhairvā tadardhairvā kadalyādiphalairapi

sārdhaṃ tadanu tatpātraṃ sādhāraṃ nyasya mūrdhani /
vastreṇaācchāditaṃ chatracāmaravyajanānvitam

bahudīpakasaṃyuktaṃ savitānaṃ ca mūrtipaḥ /
paṭhadbhiśśākunaṃ sūktaṃ brāhmaṇairveda pāragaiḥ

tūrya maṅgalagītaiśca sārdhaṃ nītvā pradakṣiṇam /
dhāma viṣṇostathā tasya bahirāvaraṇāni ca

prādakṣiṇyena vā grāmaṃ praviśeddevatā ntikam /
devasya purato bhūmitale gomayapāriṇā

ālipte caturaśreca śālibhāreṇa pūrite /
pātraṃ nidhāya puṇyāhaṃ vācayitvā yathāvidhi

sabhājayitvā ttsūtra mantramantreṇa deśikaḥ /
aṅguṣṭhā nāmikābhyāṃ tu gṛhītvā hastayordvayoḥ

aparājitayā sūtraṃ candanakṣoda vāriṇā /
ālipya dakṣiṇe haste badhvā cotsavakautukam

spṛṣṭvā dakṣiṇahastena sūtraṃ pārān śataṃ japet /
antramantraṃ tathārghyārdairiṣṭvādevaṃ nivedayet

mahāpūvaṃ tathāpūpān pṛthukāṃśca phalānyapi /
keyaṃ nṛttaṃ tathāpādya mācareddevatāntike

tribhirbhāgavatairdevaṃ sthāne'nyatra niveśayet /
snānāntaṃ kṣaumavasanamāliptaṃ candanādinā

bhūṣitaṃ bhūṣaṇaissarvaissrigviṇaṃ devadaivatam /
arcayitvā yathāśāstraṃ paramānnaṃ nivedayet

yathoditaṃ pratiṣṭhāyāṃ yathāśayana kalpanam /
bhimbaṃ copari vinyasya śayane sthāpayecchubhe

koṇeṣu sthāpayeddīpān pālikā ssāṅkurāstathā /
tūryaghoṣaistathāvedaistotraistutvā madhudviṣam

niśāṃ nayojjāgareṇa samāhitamanā guruḥ /
śvobhūte śobhane prāpte muhūrte bhāskarodaye

uttiṣṭhe tyādimantreṇa tribhirbhāgavataissaha /
dikṣu śākunikaṃ sūktaṃ paṭhatsu brāhmaṇeṣvapi

utthāvya śayanāddevaṃ taṃ
idaṃviṣṇurityṛcā /
āropayeyuśśibhikāṃ suvarṇa prabhayā saha

vaheyu rbhūsurā yānaṃ dhyāyanto vihagādhipam /
vikiretsarvato dikṣu puṣpāṇisurabhīṇi ca

lājāṃśca sākaṃ muktābhistūryaghoṣaiśca nādayet /
īdṛsairmaṅgalairanyaissarvāvaraṇa bhūmikāḥ

nītvā pradakṣiṇaṃ
yānādavaropya prabhānvite /
bhadrāsane dukulādicitrāstaraṇaśobhite

pārśvekalpadrumacchāyāśītale svarṇanirmite /
niveśya maṇṭape sarvamupacāraṃ samācaret

prābhṛtaṃ cāhṛtaṃ sarvaṃ dravyamutsavakāraṇam /
devāya darśayetsarvaṃ janasaṃnadi deśikaḥ

kṛtvopacāra makhilaṃ tatassnapanamaṇṭape /
snāpayeddevadeveśaṃ yathāpūrvoditaiḥkramamaiḥ

ācāryo yajamānaśca samīkṣya vibhavodayam /
mahāhavirnivedyānte hutvā havyairyathāvidhi

garbhagehaṃ vimānasya nayenmaṅgalasaṃyutam /
tato'parāhṇasamaye aṅkurādhāramṛttikām

ānetuṃ bahirudyāna būmeryadvā nadītaṭāt /
yānamāropya garuḍaṃ senānyaṃ vā pariṣkṛtam

devādeśaṃ puraskṛtya sarvamaṅgala saṃyutam /
vahadbhiḥpālikāḥpūrvaṃ khanitraṃ cāpi bhūṣitam

brāhmaṇairbahubhirvedānadhīyānaissamantataḥ /
nītvā pradakṣiṇaṃ grāmaṃ tato nirgatya deśikaḥ

diśaṃ prācīmudīcīṃ vā pratisaṅgṛhyamṛttikām /
yathāpūrvoditaṃ dhāma praviśya rajanīmukhe

pradoṣe yāgasadasi pālikā dvādaśāvarāḥ /
śarāvakumbhasahitāstadvargā api ṣoḍaśa

īśānabhāge saṃsthāpya somakumbhasamanvitāḥ /
āvapettāsu bījāni muhūrte śobhane guruḥ

tataḥ praviśya sadanaṃ yajamāno guruśca tau /
praṇamya daṇḍavadbhūmau devamutsava sampadam

yācetāṃ gururanvakca badhvā kalyāṇakautukam /
utsavasnānabalyartha pratimāsu yathā kramam

sudarśane caśayane kalpite'nyata pūrvavat /
baddhapratisaraṃ sarvamadhivāsya yathākramam

utthāpya sadyaścārādhya prādakṣiṇyena mandiram /
nītvā praveśya yāgārthamaṇḍapaṃ tatra cāsane

nityotsavā rcāṃ cakraṃ ca niveśya tadanantaram /
vedikāyāṃ dhānyapīṭhaṃ kṛtvā purveditakramāt

tatra prakṣālitān kumbhān sūtreṇa pariveṣṭitān /
gandhodakena sampūrṇā nnavaratnayutānnava

sarvagandharajomiśrān karakeṇa samanvitān /
pratyekaṃ syastasauvarṇaniṣkānaśvatthapallavaiḥ

kuśakūrcena sahitān mukheṣvapi samallakān /
madhyamaṃ vastra yugnena śiṣṭānekena vāsasā

veṣṭitānvedikābhūmau sthāpayeddhānyarāśiṣu /
ayataṃ saptabhirhastaiṣṣadbhirvā cātha pañcabhiḥ

vistīrṇaṃ vastramāyāmamānārdhena niyojayet /
bhagavanmayavipraiśca puṇyāhamapi vācayet

dvāratoraṇakumbhādīn pratiṣṭhāyāmi vārcayet /
madhyakumbhe mūlaberaṃ karake ca sudarśanam

pūrvādyāśāgate kumbhe vāsudevādi kānyajet /
āgneyādiṣu koṇeṣu yaṣṭavyāḥ puruṣādayaḥ

tadhaiva puruṣassatyaḥ krameṇācyutadevatā /
anantaśceti haviṣā caturṇāṃ ca nivedanam

kumbhe tathāstre ca balibimbe cai vāṣṭa maṅgalam /
veṣṭitaṃ vāsasā vede radhastāddhānya rāśiṣu

nyasyābhyarcya caturdikṣu vedatūryādighoṣaṇe /
pravṛtte juhuyādagnau dhyāyannāhava nīyake

vāsudevaṃ dakṣiṇāgnau saṅkarṣaṇa manantare /
pradyumnaṃ paścime cāgnāvudī cīne'niruddhakam

āvasakthye mūlamūrtimiṣṭvā tīrthāva sānikam /
sannidhiṃ prārtha kuṇḍeṣu juhuyā tsarpirādibhiḥ

sarpiṣā ca prasūnaiśca dhūpadravyaiśca padmaja /
samidhā payasā dadhnā tilavrīhi yavai stathā

tattaddaivatamantreṇa aṣṭottara śataṃ pṛthak /
aṣṭāviṃśativārānvā kuṇḍeṣu prāgupakramaḥ

pāyasaiḥkṛsarairgaulyairharidrānnaiśca maurdikaiḥ /
hotavyaṃ pauruṣai ssūktaiḥ pṛthagagniṣu pañcasu

pañcame paramānnena brahmādyuddiśya devatāḥ /
tattannāma caturthyantaṃ parivārapadānvitam

svāhāntaṃ mantramuccārya dhyātvā brahmādidevatāḥ /
brahmā prajāpatī rudrassarve devā yathākramam

chandhāṃsi vedā ṛṣayo gandharvāśca sarīsṛpāḥ /
yakṣāścapsarasaścaiva māsādyaissaha vatsarāḥ

saritaśca samudrāśca parvatāśca tathāpagāḥ /
bhūtāni paśavo vṛkṣā stathaivauṣadhayaḥsmṛtāḥ

vanaspatiścodbhidaśca svedajāścāṇḍajā stathā /
jarāyujāśca bhūrādisaptalokāstathaiva ca

atalādyāstathālokāssapta caṇḍādidevatāḥ /
ityetebhyo balidravyaṃ juhuyānmūlavidyayā

idaṃ viṣṇuritiprocya pūrṇāhuti mathācaret /
na dahetparidhīn darbhān devānnodvāsayet sthitān

pratyahaṃ dhārayedagnīn yāvattīrthadināvadhi /
ahorātraṃ pratidinaṃ juhuyāduktavartanā

ekāgnauvāpi hotavyaṃ homadravyamaśeṣataḥ /
traye catuṣṭaye caivamagnīnāṃ kamalāsana

balipradānaṃ prathamaṃ kuryādyāgasya maṇṭape /
cakraṃ ca balibhimbaṃ ca samādāyānnamūrtinā

sākaṃ niṣkramya sadanāttaddvāre kumudādikam /
abhyarcyapurato dadyādbaliṃ bhūmitale śucau

pātrasthaṃ tadbalidravyaṃ ghaṇṭāṃ prasavabhājanam /
toyapūrṇaṃ ca karakaṃ dīpapātraṃ ca dīpikāḥ

dhūpapātraṃ gṛhītvāgre gacchantu paricārakāḥ /
agre gacchedanna mūrtistataścakramanantaram

nityotsavārcāṃ tadanu vitānādi samanvitām /
tataścaṇḍa pracaṇḍādīn dvāreṣvā varaṇeṣu ca

nityotsavaprakriyāyā balimabhyarcya nikṣipet /
madhyamārabhya ca grāme brahmādīnāṃ yathāvidhi

deśeṣvīśānaparyantaṃ datvā'bhyarcya baliṃ tataḥ /
mahāpīṭhe balidravyaṃ pariśiṣṭama śeṣataḥ

dadyātpāriṣadān sarvānuddiśya kamalāsana /
muhūrte śobhane prāpte gururutsava kautukam

śayanasthaṃ samutthāpya mantramuttiṣṭha pūrvakam /
uccārayan svastisūktaṃ paṭhadbhirbrāhmaṇai ssaha

niṣkramya mandirāttasmā duccārya ca rathantaram /
samāropya rathaṃ yuktaṃ caturbhirhastipuṅgavaiḥ

vājibhirvā balīvardaiśśīghragāmibhiruttamaiḥ /
kalpakadrumasaṃyuktaṃ hemakuṭai ralaṅkṛtam

rathasyo parikṛtvā ca nayedāsthitasārathim /
yantreṇa vā vipravaryau radhīyānai rbalānvitaiḥ

gaje vā syandanālābhe yāne vā tadasambhave /
bhadraṅkarṇeti mantreṇa yānamāropayettadā

sapuṣpahemaprabhayāyuktaṃ puṣpairalaṅkṛtam /
haimena ca vimānena yuktaṃ puṣpādiśobhinā

kuṭākāreṇa vā yuktaṃ mayūracchadaśobhinā /
sarvālaṅkāra yuktena samanaḥpariveṣinā

yāne tatra samāsīsamabhyarcyanyāsapūrvakam /
devaṃ nivedayettasmai bhakṣyaṃ ca pṛthukādikam

nānyaṃ caraṇayornyasyenniśācūrṇāni sarvaśaḥ /
dīpairudagrairbahubhiḥ pariṣiktai rghṛtādinā

parassahasrai ssarvatra dīpayecca śatāvaraiḥ /
dvijendramukhyairbahubhi rbhūṣitairdhavalāmbaraiḥ

kañcukoṣṇīṣasahitai rvālavyajanapāṇibhiḥ /
tālavyajanahastaiśca barhibarhakaraistathā

muktātapatrahastai śca meghuḍambaradhāribhiḥ /
bhibhrāṇairdhūpapātrāṇi gandhodgārīṇī viśvataḥ

yānāruḍhena purato racitāñjalikarmāṇā /
ucchairdhvajādhirūḍhena tathā tārkṣyeṇa padmaja

pṛṣṭhataśca praṇamatā śibhikāṃ kalakojjvalām /
ārūḍhena viriñcādīn samutsārayatā bahiḥ

viṣvaksenena devena vedrahastena sevitaḥ /
upānahau pāduke ca pātre kanakanirmite

samāropya puro viprairdhārayadbhiralaṅkṛtaiḥ /
rājacihnāni cānyāni yātavyamavilambitam

vipraistrayī madhīyānai rjavastuti parāyaṇaiḥ /
nṛtyatā gāyatā cāpi gāṇikyenānu sevitam

vīṇādivādanaparairvandibhiśca tathā paraiḥ /
ṣaḍjadigītanipuṇai rvādyavādanakonidaiḥ

gadyaṃ padyaṃ tathā miśraṃ paṭhadbhistotra mujjvalam /
bhāṣāśca bahudhā bhinnā bhāṣamāṇai rita stataḥ

vaitaṇḍi kai stathā jalpanipuṇairvāda śikṣitaiḥ /
tathā tatvakathāniṣṭhaiḥ padārthajñaiśca tārkikaiḥ

vimāṃsakairyājñikaiśca cchāndasaissāṅkhyakovidaiḥ /
yogajñaiśca pūrṇajñai śśābdikaustatva vedibhiḥ

mauhurtikaiśca gaṇaśaḥparasparajigīṣubhiḥ /
tattacchāstroktamārgeṇa prameyaṃ bahudhā sthitam

uccairbruvāṇairva dvadbhiḥ pañca rātra parāyaṇaiḥ /
pāsudevasya mahātmyaṃ kathayadbhiśca sātvikaiḥ

saṃskṛtaṃ prākṛtaṃ miśramīra yadbhirita stataḥ /
śāstreṣu naipuṇaṃ sarvaṃ pradarśayitu mudyataiḥ

devasya purataḥpṛṣṭhe pārśvataśca sthitairjanaiḥ /
senayā sarvatodikṣu caturaṅga nalāḍhyayā

devasya pārśvayoḥpūrve lākṣā rañcitamaskaraiḥ ? /
yantrerdāru mayaiścitraiṛḥ pakṣyākārairiti stataḥ

devatākṛti yantraiśca tathā yantrairgajādibhiḥ /
niṣādibhissamārūḍhaistrībhiśca bharatoditaiḥ

mārgairbahuvidhairnṛttaṃ darśayantībhiradbhutam /
lekhāyantre striyārūḍhai ryantre ranyestathāvidhaiḥ

gatāgatāni kurvāṇairanuyātassamākulaiḥ /
itthamāvaraṇaṃ sarvaṃ parikramya bahi stathā

grāmādivīdhi kāśchāpi parikramya pradakṣiṇam /
praveśasamaye cāpi prākāravalayaṃ tathā

prādakṣiṇyena gatvāntaḥ praviśenmaṇṭa pāvanim /
tatrāvaropayeddevaṃ baliberaṃ tu mandire

cakraṃ ca yāgasadane balipīṭhe bahisthtate /
annamūrtiṃkṣipennityaṃ samārādhanakalpitaiḥ

vastubhirdvaguṇairnityaṃ druvabheraṃ samarcayet /
rātriśeṣe vyatikrānai maṇṭape siṃhaviṣṭare

avasthāpyautsavaṃ bimbamarcayecchāntravartmanā /
snapanaṃ tatra vā bimbe yadvānnaparakautuke

ekabheravidhāne tu mūlabimbe'bhiṣecanam /
pratyahaṃ snapanaṃ kuryādyathāśakti yathāvidhi

mehīhavirni vedyātha bimbe kalyāṇakalpite /
maṇḍanālayamāsādya śobhayodbhūṣaṇādibhiḥ

bimbe tatra sthite yāgamaṇṭapaṃ prāpya deśikaḥ /
kumbhādikaṃ samabhyarcya nivedya ca yathoditam

hutvā ca pūrvavatpīṭhe baliṃ datvā yathāvidhi /
sarvamanyacca
balyarcāṃ nītvā grāmādivīdhikāḥ

yathāniśaṃ vidhāyānvagutsavārcaṃ nayedbhahiḥ /
yathāpuramalaṅkāraṃ kṛtvā parikarāṃ stathā

divasānuguṇānanyān dhvajādīnviṣvagucchṛtān /
tāmbūlavīṭikāṃ datvā sthāne sthāne samāhṛtām

puthu kādīṃ stathā bhakṣyā nnālikeraphalāni ca /
pānīyācamānādīna coditāni yathāvidhi

datvānaivedyamakhilamadbhiḥ prokṣyāstravidyayā /
nivedayedapūpādīn pakvaṃ tūṣṇīṃ pradarśayet

pānīyaṃ ca tathā svādu payaḥprabhṛti cāhṛtam /
piṣpamūlādi yaccāsyaccandanakṣodabhājanam

bhūṣaṇaṃ cāṅgulīyādi bhaktyā yatpratidīyate /
prokṣya sarvaṃ tathāstreṇa devaṅge yojayodguruḥ

grāmaṃ pradakṣiṇaṃ nītvātadhaivāvaraṇāni ca /
praveśya dhāma śibhikāmanyāmāropya maṅgalām

pnānamaṇṭapabhūbhāge kāñcane paramānane /
sukhāstaraṇa saṃyukte yūnāderavaropyatam

niveśyābhīṣṭadigbhāge sammukhaṃ makhakautukam /
ārādhayedbhāgavata ssarvālaṅkāra saṃyutaḥ

ahatena susūkṣmeṇa vāsanā ślakṣṇatastunā /
baddoṣṇīṣottarāsaṅgaḥ karṇakārdauralaṅkṛtaḥ

sauvarṇavāravāṇena dhavalena virājitaḥ /
baddhasvadehasannāhaḥ pavitratakaraśśuciḥ

samārādhanavastūni nayadbhiḥ paricārakaiḥ /
kañcukoṣṇīṣavāsobhirbhavitavyaṃ samantataḥ

devasya dakṣiṇe pārśve pūjarendropaveśanam /
āsthitavyaṃ bhagavataḥ pārśvayoḥ pṛṣṭhata stataḥ

ekāgremānasaissarvai rekāntibhiruvāsakaiḥ /
āsthitavyaṃ yativaraistridaṇḍairekadaṇḍibhiḥ

brahmadhyāna parairanva gārādhana vidhikramam /
anusandhāyi bhiśśaśva dupaveṣṭavya mantike

bahisteṣāṃ ca kalyāṇai rvaiṣṇavai ssaṃyatendriyaiḥ /
ānasdajāśru salilai rāplutāṅgairmahīsuraiḥ

upāsitavyamantyestu sadasyairmaṇṭapādbahiḥ /
adhastātsarvatodikṣu prapāyā mupaveśanam

adhastādagrato nṛttagītavādyaviśāradaiḥ /
nāṭyaṃ bahuvidhaṃ vādyaṃ prakṛṣṭaṃ bahudhāsthitam

gītaṃ ca divyaṃ ṣaḍjadyaissvaraiḥkālānusāribhiḥ /
pradarśayadbhirlāsyāni bandhanānītarāṇica

āviṣkurvadbhirānyāṃśca śravyaṃ dṛśyaṃ ca taddvayam /
darśayadbhiradhīyānaistrayūṃ svādhyāyakalpitām

itihāsapurāṇāni kathayadbiryathāyatham /
sannidhātavyamanyābhi rvāṇinībissamantataḥ

itthaṃ saṃsevite tatra maṇḍape madhuvidviṣam /
arcayitvā tatassnānapīṭhe nītvā yathāpuram

sahasradhārāparyantaṃ snāpayetpuruṣottamam /
alaṅkārāsane nītvā tatra kṛtyama śeṣataḥ

kṛtvā yātrāsane devamāropya saparicchadam /
praveśya maṇḍapaṃ tatra nyasettaṃ bhojavāsane

mahāhavirnivedyātha pānakāntaṃ yathoditam /
sukhāsane sthāpayitvā rājavatsarvamācaret

alaṅkārāsanaṃ nītvā yānamāropya maṅgalam /
avaropyāsane tatra maṇḍayitvā yathāpuram

homādi balidānāntaṃ kṛtvā sarvama śeṣataḥ /
autsavaṃ bimbamādāya kuryādevaṃ mahotsavam

pratyahaṃ mahamuktena vidhinā vihitaṃ kramāt /
apūrvābharaṇairmālyairapūrvaiścāmbaraistathā

apūrvodyānayānādyairyathā kautūhalaṃ bhavet /
tathā viśiṣya kartavyaṃ yāvattīrthadināvadhi

yasminnāsthānabhūbhāge ye bhogāḥ kalpitāḥ purā /
tatreva te vidhātavyā devasya sati sambhave

śriyā vasudhayā sārdhaṃ grāmādau nityamutsave /
paribhramaṇamīśasya kevalasyāpi vā bhavet

ahani prathamādausyā dbalidānamanukramāt /
palalaṃ rajanīcūrṇaṃ karambhān lājasaṃyutān

caruṇā saha saṃyojya baliṃ tadyādyathāvidhi /
dvitīye'hani saṃyojya caruṇā tilataṇḍulam

miśritāṃścaruṇā lājā dhānānyāpūpakāṃ stathā /
tṛtīye ca caturthe ca nālikerajalaissaha

saktūṃśca śālipiṣṭaṃ ca saṃyojya caruṇā saha /
paṃcame padmabhījāni pāyasaṃ śālitaṇḍulam

ṣaṣṭhe tvapūpān saṃyojya caruṇā nikṣipedbalim /
saptamādiṣu sarvatra sārdhamannaiścaturvidhaiḥ

apūpāṃśca tathā saktūn pratyahaṃ nikṣipedbalim /
brahmādīśānaparyantaṃ sthāneṣvaṣṭasu pūrvavat

vidhāya balipīṭhāni gomayāliptabhūmiṣu /
teṣu vādyaṃ tathā nṛttaṃ geyaṃ nityetsave yathā

kṛtvā dadyāttoyapūrvaṃ baliṃ teyottaraṃ tathā /
balimudrāṃ darśayitvā darśayenmaṅgalāṣṭakam

baliṃ pradakṣiṇīkṛtya gaccheyurbalidāyinaḥ /
ārambhadivase rātrau samāptidivase'hani

balimekāṃ kṣipenmadhyadivaseṣu balidvayam /
ahni rātrau ca sarvatra balidānaṃ yathāvidhi

avasānadine rātrau grahaṇe viṣuve'yane /
prāpte kuryādavabhṛthaṃ yadi tasmin balidvayam

grāmādirahite sthāne madhye tu purato balim /
mahāpīṭhasya vitaredbrahmaṇe deśikottamaḥ

purvedyustīrthadivasāddevasya mṛgayā bhavet /
mṛgayādivasātpūrvaṃ jaladroṇyavagāhanam

avagāhadinātpūrvadivase devamarcayet /
śrībhūmibhyāṃ sahaikasmin viṣṭare vipule sthitam

udyānādau ca devībhyāṃ sārdhaṃ devasya nirgamaḥ /
kīḍrāśca tatra bahudhā darśaye ccopadāḥ punaḥ

deśāddeśādāhṛtāni prābhṛtāni gurussvayam /
pradarśya devadevāya janasaṃsadi maṇḍape

ito yātamidaṃ sarva mito yātamitīryaca /
devādīnapi cāhartṝnkāle vijñāpaye ttataḥ

tanmayatvāddeśikendro devo'hamiti bhāvayan /
kuryādanugrahaṃ sarvaṃ devasyālokya cānanam

abhiprāyaṃ yathā rājño jñātvā tena pradarśitam /
bruvanti tatsamīpasthā rājñāṃ tattadanugraham

sudarśanānnamūrtibhyāṃ saha tābhyāṃ vināpi vā /
saha balyarcayā kuryādvinā vā taṃ mahotsavam

kevalotsavabimbena dineṣvavabhṛthāvadhi /
jaladroṇīṃ jalasnānadine kṛtvā yathāpuram

utsavaṃ devadevasya prātarārabhya maṅgaḻam /
aparāhṇe jaladroṇyāmavagāhanamiṣyate

sopānadeśe sarasi jaladroṇīṃ niveśayet /
kaṭāhaṃ vāpi sauvarṇaṃ pūrayedgandhavāribhiḥ

muktā bhānyakṣatānyatra parito vikiret sthale /
jaleṣvāvāhya gaṅgādyāssaritastāssabhājayet

jale'bhimantrite mantrairabliṅgairdevamarcitam /
upacārairyathāpūrvaṃ snānāntrairavagāhayet

kāle tasminnadhīyūran sūktaṃ vāruṇamuccakaiḥ /
tanmayā dikṣu sarvāsu ghoṣayettūryamuccakaiḥ

avagāḍhaṃ tato devaṃ yānamāropya maṇḍapam /
anyamānīya tatrāpi yathāpūrvaṃ sabhājayet

anuṣṭhitamidaṃ tīrthaṃ brahmadyairapi daivataiḥ /
etaiśca tīrthasalilaiḥpītaiśśirapi dhāritaiḥ

snānairnirdhūtapāpmāno yānti brahma sanātanam /
mṛgayādivase vāpi prātarārabhya pūrvavat

kṛtvotsavamaśeṣeṇa tasyānte mṛgayā bhavet /
mṛgayānuguṇaissarvairbhūṣaṇairbhūṣitaṃ tataḥ

tadyogyāyudhasannāhaṃ hastyādau parikalpite /
āropya kṛtrime cāśve nayedgrāmādi pūrvavat

devībhyāṃ saha sīmādau sainyairhastyādibhiryutam /
udyanamaṇṭape cāpi madhye sauvarṇaviṣṭare

āsane tatra cāsīnaṃ snānapūrvaṃ samarcayet /
maṇṭape'nyatra vidhinā nivedya ca mahāhaviḥ

yānamāropya tadrātrau mandrirāntarbhuvaṃ nayet /
nityotsavaṃ yathāpūrvaṃ kuryāttadanu maṅgalam

paścime rātribhāge tu tīrthabhimābādhivāsanam /
badvā pratisaraṃ tīrthabimbābhāve caturmukha

nityotsavapratikṛterabhāve tvadhivāsanam /
snānarcāyāṃ bhavedyadvā bimbasyotsavakāriṇaḥ

utsavaṃ prātarārabhya kuryātpūrvoditakramāt /
utthāpya śāyitaṃ bimbaṃ niveśya mukhamaṇṭape

ādāya sthāpitān kumbhān yāgamaṇḍapabhūmiṣu /
nītvā pradakṣiṇaṃ dhāma tīrthabhimbasya sannidau

sthāpayitvā dhānyarāśau tīrthabimbaṃ yathāvidhi /
vastrāntamarcayitvānte muhūrte śobhane guruḥ

ekabhere mūlabheramanyathā tīrthakautukam /
kumbaurabhyuddhṛtairdevaṃ mūlamantreṇa mantravit

vūrvādimadhyakumbhāntamabhiṣiñcedyathāvidhi /
snānādidīpaparyuntaṃ pratikumbhaṃ samarcayet

paṭhatsu vipravaryeṣu dikṣu svādhyāyamuccakaiḥ /
ghoṣayatsu ca vādyeṣu mantrairabdaivadairguruḥ

navavastrottarīyādyairdīpāntairarcite harau /
dhvajapīṭhasya purataḥ kṣitau gomayapāriṇā

ālipte caturaśre ca śālibhārairvikīryaca /
vastrapūrvādyalaṅkārairulūkhalamaṅkṛtam

kṣālitaṃ sthaṇḍile pīṭhe sthāpayitvā caturmukha /
śrīnūktavidyayā lakṣmīṃ dhyātvā mantritamarcitam

musalaṃ kṣālitaṃ cāpi mantritaṃ mūlavidyayā /
ādāya mārtipaissārdhaṃ deśikendrassamāhitaḥ

avahanyānni śācūrṇaṃ nikṣiptaṃ tadulūkhale /
gāyantyo gaṇikā gītaṃ mandire devadāsikāḥ

avahanyurniśācūrṇaṃ yathāsūkṣmataraṃ bhavet /
nikṣiptacūrṇaṃ tadanu kumbhaṃ veṣṭitavāsanam

sakūrcamallakaṃ pīṭhe taṇḍulaiḥ parikalpite /
sthāpitaṃ mūlamantreṇa gandhādibhirathārcitam

ādāyakumbhacūrṇaistaiśśrīsūktenābhiṣecayet /
ṛtvijo deśikendraśca devaṃ gatvā pradakṣiṇam

aṣṭāṅgapraṇipātena praṇipatya vikīrya ca /
puṣpāṇyañjalibhirdevaṃ stutvā stotre ranekaśaḥ

alaṅkṛtairbhāgavataiśchatracāmaradhāribhiḥ /
taireva sarvairbahubhirbhāvyaṃ devasamīpagaiḥ

aropya devaṃ hāstyādau tīrthabhimbamalaṅkṛtam /
paścādutsavabimbena nīyamānena pūrvavat

sahitaṃ sarita stīrthaṃ nītvā yadvā sarittaṭam /
darśe ca paurṇamāsyāṃ ca arvākcedyojanāvadau

samudratīramathavā maṇḍape tatra kalpite /
avaropyāsane yānā nniviṣṭe tīrthakautuke

kalaśānagrataḥpañca viṃśatiṃ daśa sapta ca /
yadvā yadvā nava nyasya yathāvidhi yathākramam

kalaśairabhiñceta cakraṃ śiṣṭaiśca vāribhiḥ /
saritādau ca tīrtheṣu tīrthānyāvāhya nāmabhiḥ

nimajjayettatra bimbaṃ cakraṃ ca triryathāvidhi /
tīrthārthamautsave bimbe samānīte tu vāribhiḥ

prokṣya kūrcāgrapatitairbhimbaṃ cakraṃ nimajjayet /
cakrābhāve tu tatkūrcaṃ kevalaṃ devasannidau

devena saha tatkāle nimajjanti ca ye narāḥ /
te nirdhūyākhubhaṃ sarvaṃ mahāpātakamapyatha

yānti druvaṃ suduṣprāpaṃ sthānamācandratārakam /
maṇḍape devamānīya pūjayitvā yathāpuram

mahāhavirnivedyātha brāhmaṇān bhojayettataḥ /
pratyahaṃ bhojayedviprān sahasraṃ śatameva vā

ālayābhyantaraṃ yānamāropya prāpayettataḥ /
tadrātrau maṇḍape devaṃ nītvābhyarca yathāvidhi

nivedya ca yathānyāyaṃ prabhāte maṇḍapāntare /
bhaktairbhāgavataiścaiva sevite bhūtela kvacit

cakrābjaṃ vartayitvoktavartanā varaṇānvitam /
prasavaiḥ kālajaiśśyāmaiḥ kṛṣṇaiśca tulasīdalaiḥ

nyūvātirekarahitairvarṇaireva sitādibhiḥ /
vicitrayetpañcavarṇaiścitrite tasya madhyataḥ

bhadrapīṭhe prabhāyuktenyaste kalyāṇakautukam /
niveśyārādhayedarghyapādyādibhiranukramāt

dvādaśākṣaramantrasthānyakṣarāṇi yathāyatham /
uddiśya bhūṣāparyantairarghyārdyairnavabhiḥkramāt

pratyakṣaraṃ samastāni puṣpau rabhyarcayeddharim /
hṛdayādīni cāṅgāni samuddiśyāñjalisthitaiḥ

phalaṃ bhavatu me puṣpairnama ityavasānakam /
tantra mantraṃ samuccārya mantraviddeśikottamaḥ

bhūṣaṇāni tathoddiśya śrīvatpādīnyanukramāt /
āyudhāni ca divyāni cakrādīni yathākramam

tathaivāvaraṇasthānāṃ devatānāṃ samarcanam /
matsyādimūrtidaśakaṃ keśavādīṃ stathā parān

caturviṃśatisaṅkhyātā nuddiśya kusumārcanam /
pauruṣeṇa tu sūktena pratyṛcaṃ kamalāsana

nārāyaṇānuvākena viṣṇusūktena deśikaḥ /
puṣpāṇi tadyāddevasya caraṇāmbojayordvayoḥ

tathaupaniṣadairmantreḥ ñcabhissarvapāpanaiḥ /
dikṣu vedāṃśca caturaḥ paṭheyurmantravittamāḥ

vidikṣvekāyanāṃ śākhāṃ tanmayūssumukhā stathā /
adhīyīran tathā stotrenṛttaiśca satatodyataiḥ

toṣayeddevadeveśaṃ geyaiśca bahudhā sthitaiḥ /
puṣpābhiṣekaṃ prahitaiḥ puṣpaireva sitādibhiḥ

devasya kṛtvā devāya pāyasādi caturvidham /
annaṃ nivedya juhuyāddiśyagnermaṇḍapasca ca

samidbhirājyaiścaru bhiścatubhirnaśca pṛthakpṛthak /
aṣṭottaraśataṃ vārān mūlamantreṇa mantravit

tataḥpradakṣiṇaṃ kṛtvā devaṃ stutvā ca bhūtale /
praṇayeddaṇḍadyānamāropya śibhikādikam

praviśayedāvaraṇaṃ prathamaṃ tatra ca sthitaḥ /
sevānubhūtivivaśārna bhaktān bhāgavatāṃśca saḥ

brahmādīnapi kalyāṇamanusandhātumāgatān /
praṇatānālayaṃ svaṃ svaṃ gantuṃ sarveśvaro hariḥ

niyujyāvaraṇaṃ tacca parikramya pradakṣiṇam /
sārdhamabhyantarai rnirtaissevakai ranuyāyibhi

abhyantaraṃ mandirasya praviśenjaṅgalānvitam /
tadaharniśi pūrvasmin nyasyetsnasapanamaṇḍape

utsavāntocitaṃ snānaṃ kalaśairā caretkramāt /
mahāhavirnivedyatha nītvātanmaṇḍapāntare

yāgamaṇḍapamāsādya homaṃ kuryādyathāvidhi /
śāntihomaṃ tataḥkuryādyathā pūrvoditatramāt

prāyaścittaṃ tu juhuyātpañsopaniṣadā ghṛtam /
sahasraṃ vāśataṃ vāpi hutvā pūrṇāhutiṃ caret

agnīn visarjayeddevān tatrasthāṃ storaṇādiṣu /
dhvaja stambhaṃ samāsādya pūjayitvā khagādhipam

havirni vedya garuḍaṃ parikramya pradakṣiṇam /
tamudvasetpaṭāttārkṣyaṃ saṃhārakramamāśritaḥ

avaropya dhvajastambha mutpāṭya ca mahāniśi /
stambhaṃ dhvajaṃ cagṛhṇīyāddeśikendrassvayaṃ tataḥ

grahaṇaṃ deśikendreṇa tārkṣyatṛptikaraṃ bhavet /
sthāne cāvāhitān devān tatra tatra sthitānapi

baliṃ datvā tūryaghoṣaiḥ sthāne sthāne sakṛtsakṛt /
ghoṣayitvā caturvaktra samudvāsya svanāmabhiḥ

mūkaiḥ parikaraissārdhaṃ gururaṣṭākṣaraṃ japet /
praviśya dhāma devasya vijñāpya śakaṭādikam

yānamāropya dhāmāntaḥ prāpayenmakhakautukam /
prabhātāyāṃ niśāyāṃ vā'nuṣṭhite yāgakarmaṇi

yajamāno guruṃ vastre rbhūṣamaiḥkaṭakādibhiḥ /
sauvarṇairgandhapuṣpādpaidyairalaṅkṛtyābhipūjya ca

dakṣitāmuttamāṃ svarṇaśataniṣkāṃ tato'dhikām /
yathāvibhūti datvānyā dakṣiṇāḥ pratipāsaram

daśaniṣkaṃ tadardhaṃ vā tadardhaṃ vā yathāvasu /
niṣkarūpāṃ yathāśraddhamācāryaya tadardhakām

tadardhamṛtvijāṃ dadyāttadardhaṃ paricāriṇām /
hemavastrānnayānādyestoṣaye dupacaryayā

gāyakādyān janān sarvānadhikārānusārataḥ /
karmāṅgabhūtānanyāṃśca kalyāṇaṃ draṣṭumāgatān

bharktā bhāgavatāṃśaiva sāmānyāṃścepsitairdhanaiḥ /
apyalpikāpi dātavyā dakṣiṇā yāgakarmaṇi

karmirbhyo dakṣiṇāhīno niṣphalaḥkarturabjaja /
yajñaḥpratyuta kartṝṇāṃ pratyavāyāma kalpate

tasmādarthānuguṇyena dātavyā dakṣiṇā bhavet /
śraddhayā vāsudevasya sāṅgo pāṅgaṃ sadakṣiṇam

utsavaṃ devadevasya yaḥkuryātsakulaṃ svakam /
uttarayarna svayaṃ viṣṇossāyujyaṃ gacchati druvam

hayamedhasahasreṇa yajate yassamāhitaḥ /
yaścotsavena yajate tayostulyaphalānvayaḥ

yāgānāmapi sarveṣāṃ phalamutsava karmaṇā /
devasyāśnuvate sarvaṃ yaṣṭāro nāstisaṃśayaḥ

upakurvanti ye martyādevasyotsava karmaṇi /
karmaṇā manasā vācā te'pi yānti yathepsitam

grāme vā nagare vāpi pattene vā mahotsavaḥ /
viṣṇoḥ pravartate yatra deśe rāṣṭre'pi vā bhavet

bhayaṃ na mṛtyorsavyādherna durbhikṣādisambhavaḥ /
nasyanti taskarāstatra nādharmassaṃpravartate

dharmayukto bhavedrājā janā dharmaparāyaṇāḥ /
bhavanti sukhinassarve sarvaduḥkhavivarjitāḥ

mahotsave vartamāne yatarthibhyaḥpradīyate /
pānīyamannaṃ vastraṃ vā tatsavāsraguṇaṃ bhavet

puṣpamūlaphalai rijyā devasyābharaṇādikaiḥ /
kriyamāṇā yathāśakti phalānantyāya kalpate

sevaste tatra ye devamaharniśamatantritāḥ /
teṣāmidamiyacceti phalaṃ vaktuṃ na śaktate

alepanaṃ mārjanaṃ ca rajaḥpraśamanaṃ tathā /
vāribhirdīpikāropaṃ kṣvelanāsphoṭanādikam

kurvantiye brahmalokaṃ te yāntyamaradurlabham /
yānaṃ vahantiye viprāste yānti brahmaṇaḥpadam

rathaṃ vahantiye cāśvāste'pi yānti surālayam /
chatrādidhāriṇaścāpi modantedivi mānavāḥ

deśiko mūrtipāścaita tathaiva paricārakāḥ /
utsave'dhikṛtā viṣṇoḥprāpnuvanti yathepsitam

ṛco yajūṃṣi sāmāni ye tatrādhīyate janāḥ /
te pare pyomni devasya pārśve vartantinispṛhāḥ

sarvaśāntikaraṃ sarvaduḥkhotsādanamuttamam /
rājño rāṣṭrasya sukhadayāyurārogyavardhanam

prajānāṃ vāsudevasya kalyāṇā rādhanaṃ mahat /
imaṃ devadayassarve viṣṇorutsavamuttamam

kṛtvā śāśvatikaṃ sthānaṃ prāpuratyantadurlabham /
utsave tridinai kāhasādhye śraddhā pravartite

balipradānaṃ samanoyajanaṃ cādhipāsanam /
navāvāmapi kumbhānāṃ tathā tīrdhāvagāhanam

mṛgayā ca jaladroṇī varjanīyāni padmaja /
tāvatyevotsavadine tīrthānte grāmavīdhiṣu

brahmādidevatāssadyassamāvāhya baliḥ kṣipet /
kenalodanamagnau ca homo niśyadhivāsanam

snapanaṃ viṣuvādyeṣu nadyādāvavagāhanam /
puṣpayāgo jaladreṇī mṛgayā ca na yujyate

anyatsarvaṃ yathāpūrvaṃ kartavyaṃ phalakājñkṣibhiḥ /
iti guhyatamaṃ brhamannuttamārādhanaṃ param