Nyāyabinduprakaraṇa with Vinītadeva's Nyāyabinduvistaraṭīkā (with commentary) · Chapter 6
ācāryadharmottaraviracitāyāṃ nyāyabinduṭīkāyāṃ prathamaḥ pratyakṣaparicchedaḥ samāptaḥ ||
darśayati | yāvat pratyakṣaṃ svaviṣaye svātmani niścayaṃ nitpādayati, na tāvat pramāṇaṃ bhavati ātmavyāpārānirvartanāt | tataścādhyavasāyaṃ kurvadeva pramāṇamiti niścayamaprkṣate | nanu yadi niścayaṃ vinā pramāṇameva na bhavati pratyakṣaṃ vikalpasahitam, tarhi pratyakṣaṃ pramāṇaṃ syāt, na kevalaṃ tadanvayavyatirekāditi manyamānaścodayati- yadayevamityādinā | naitadevam..............
dvitīyaḥ svārthānumānaparicchedaḥ
1 anumānaṃ dvidhā ||
2 svārtha parārtha ca ||
3 tatra svārtha trirūpāt liṅgād yadanumaye jñānaṃ tadanumānam ||
pratyakṣānumānabhedena samyagjñānaṃ dvividhamuktam | tatra pratyakṣaṃ saprapañcaṃ kṛtavyākhyānam | anumānakathanānujñārthamāha- anumānaṃ dvidheti | anumānasya prakārau dvau veditavyau | jñānābhidhānātmakayoḥ svaparārthānumānayoḥ sāmānyalakṣaṇaṃ kimapi nāsti, kathaṃ tāvat pūrvaṃ na lakṣaṇamabhidīyeta? vibhāgena ca pratiniyataṃ lakṣaṇaṃ sukhena vaktu śakyam | tasmāt pūrvaṃ vibhāga uktaḥ
svārthamiti | svārtha parārtah ceti viśeṣeṇa dvaividhyamevopadarśyate | atra artha iti prayohanam | svaprayojanaṃ paraprayojanaṃ ceti śeṣaḥ | yenātmanaḥ pratītistat svārtham, yena cāparasya pratipattistat parārthamavagantavyamiti
Original text: Nyāyabinduprakaraṇa with Vinītadeva's Nyāyabinduvistaraṭīkā (Śiṣyahita) and Dharmottara's Nyāyabinduṭīkā · Edition: Swami Dwarikadas Shastri: Nyāyabindu Prakaraṇa of Ācārya Dharmakīrti, with Commentary of Ārya Vinītadeva and Dharmottara. Varanasi 1994 (Bauddha Bhārati Series, 18). · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0