Niruttara Tantra · Chapter p2

ekādaśaḥ paṭalaḥ
śrīdevyuvāca -
yogināṃ sādhanaṃ deva ! sūcitaṃ na prakāśitaṃ /
idānīṃ śrotumicchāmi kṛpayā kathaya prabho //
śrīśiva uvāca-
ātmano jñāna-mātreṇa tatva-jñānaṃ bhavet priye !
tattva-jñānī bhaved yogī sa yogī tri-vidhaḥ smṛtaḥ //
ātmanyevātmano yogaṃ śaktau vā śiva-yojanaṃ //
abhiṣekeṇa deveśi ! bhairavo jāyate bhuvi /
avadhūto bhaved voro divyaśca kula-sundari //
śmaśānāgama-niṣṭhaśca kula-yoṣit-parāyaṇaḥ /
nirālambaśca sālambo bhaktaśca parameśvari !
bhakto'pi vīra-bhāvena sādhayet kula-sādhanaṃ //
śakti-mātraṃ yajedyogo bhakto yoga-parāyaṇaḥ /
kula-śāstrārtha-samvaktā balidāna-rataḥ sadā //
nirdvandvo nirahaṅkāro nirlobho nirbhayaḥ śuciḥ /
guru-deva-rataḥ śānto ghṛṇā-lajjā-virvarjitaḥ //
rakta-candana-liptāṅgo rakta-kaupīna-bhūṣaṇaḥ /
udāra-cittaḥ sarvatra vaiṣṇavācāra-tatparaḥ //
kulācāra-rato vīraḥ paṇḍitaḥ kula-vartmani /
kula-saṅgha ta-samvettā kula-śāstra-viśāradaḥ //
mahā-balo mahā-buddhirmahā-sāhasikaḥ śuciḥ /
nitya-karmaṇi niṣṭhāto dambha-hiṃsā-vivarjitaḥ //
para-nindā-sahiṣṇuḥ syādupakāra-rataḥ sadā /
vīramāsanamāsīnaḥ pitṛ-bhūmi-gataḥ śuciḥ //
sarvadānanda-hṛdayaḥ kumārī-pūjane rataḥ /
evaṃ yadi bhaved vīrastadaiva honajāṃ yajet //
divyo'pi vīra-bhāvena sādhayet kula-sādhanaṃ /
kulaṃ ca sarva-jātīnāṃ pūjanīyaṃ kulārcane //
siddha-vidyā viśeṣeṇa siddhidā kula-pūjane /
śmaśāne nirjane ramye tripānte śūnya-maṇḍale //
grāme pātālake vāpi sādhayet kula-sādhanaṃ /
bali-dānaṃ vinā pānaṃ śmaśāna-gamanaṃ binā //
japa-pūjādikaṃ karma tvabhicārāya kalpyate /
tasmāt sarva-prayatnena bali-dānaṃ samācaret //
praṇavaṃ pūrvamuddhṛtya tatra bhāve tataḥ paraṃ /
tato vikaṭa-daṃṣṭre ca para-pakṣaṃ mohaya-dvayaṃ ///
khādaya-dvayamuktvā ca para-pakṣa-dvayaṃ tathā /
yā māṃ hiṃsitumudyatā ca yoginī ca hara-hara huṃ phaṭ tataḥ paraṃ//
vahni-jāyā tato devi ! para-vidyāṃ tataḥ paraṃ /
ākarṣaya tato devi ! chedaka-kapāline //
gṛhṇa-dvayaṃ vahni-jāyā anena balimāharet/
anena bali-dānaṃ tu kula-karma-susiddhaye //
tripāntare śmaśāne vā baliṃ dadyājjapenmanuṃ /
mahā-tripāntare dattvā kiṃ na siddhayati bhū-tale //
bali-dānaṃ vinā kiñcit sādhanaṃ naiva sādhayet /
śrīdevyuvāca -
sādhakaḥ kathito deva ! sādhikā kīdṛśī prabho ?
śrīśiva uvāca -
nirlobhā kāmanā-hīnā nirlajjā dambha-varjitā /
śiva-saṅga-gatā sādhvī svecchyā viparotagā //
caturvarṇodbhavā rambhā praśastā kula-pūjane /
caturvarṇodbhavānāṃ ca puraścaryā vidhīyate //
varṇa-saṅkarato jātā hīnajā parikīrtitā /
lajjā-lāñchita-bhālā yā sā sākṣād bhuvaneśvarī //
nānā-jātyudbhavānāṃ ca sā dīkṣā kula-pūjane /
brāhmaṇo hīnajāṃ devīṃ manasā vā prapūjayet //
ajñātvā kaulikoṃ devīṃ paśu-vat pari-pūjayet /
paśu-vat pūjayed vīro dīkṣitāṃ vāpyadīkṣitāṃ //
śakti-mātraṃ yajed vīraḥ prāpta-yoga-manāḥ smaret /
aṣṭottara śataṃ devi ! tad-yogaṃ surato japet //
praṇamya manasā devīṃ cumbanaṃ manasā smaret /
sundaroṃ nāṃgaroṃ dṛṣṭvā evaṃ saṃñcintayennaraḥ ///
sa eva kālikā-putraḥ sadā-śiva ihāparaḥ /
haṃṭṭe vā mandire ramye tripānte pathi cāntare //
dṛṣṭvā ca sundaroṃ ramyāṃ manasā ca prapūjayet /
tad-yogaṃ manasā smṛtvā japedaṣṭottaraṃ śataṃ //
jayaṃ samarpya tāṃ cumbya praṇamya ca punaḥ punaḥ /
bhakṣya-dravyaṃ tatastābhyo bhaktyā ca vinivedayet //
yadā dravyāṇi gṛhṇanti tadā siddhirbhaved dhruvaṃ /
yadi bhāgya-vaśenaiva hīnajāṃ kaulikoṃ parāṃ //
pūjayenmanasā vācā tattvaṃ vicintayet /
aṣṭottara śataṃ japtvā cumbayitvā punaḥ punaḥ //
punastattvaṃ caret tatra japa-saṃkhyā rasātalaṃ /
tatastu pūrva-vat kṛtvā puraścaraṇamuccaret //
hīna-jāte tu saṃyuktā dīkṣitā saiva sarvadā /
śāṅkarī śaktikā vāpi vaiṣṇavī vāpyavaiṣṇavī //
sarvadā sādhane yojyā sādhakānāṃ kulācaṃne /
vākyādvā krīḍayā vāpi dhanādvā mānasaṃ nayet //
na doṣo dravya dāne ca honajā kula-sādhane /
vijayā-rasa-saṃyuktā honajā dīkṣitā sadā //
tad-bhāle vilikhenmāyāṃ tataḥ sā bhuvaneśvarī /
hīnajā bhāla-saṃyuktā bhuvanā bhuvaneśvarī //
hīnajā kula-sāmānyā kula-cakraṃ likhet priye !
tatra pūjā cared yogī guru-mārga-krameṇa ca //
aṣṭottara śataṃ japtvā puraścaraṇamucyate /
athavā śakti-bhāle tu tripañvāre likhet priye //
manuṃ vāpi trikoṇasthaṃ tatra pūjādikaṃ caret /
vajra-puṣpeṇa saṃlikhya vajra-puṣpeṇa pūjayet /
tattva-yogājjaped vidyāṃ kalau kaluṣa-hāriṇīṃ /
aṣṭottara śataṃ japtvā puraścaraṇamucyate //
kulajāṣṭa-sutāṃ śuddhāṃ rajakīṃ yoginīṃ tathā /
naṭīṃ kāpālikāṃ veśyāṃ śauṇḍikāṃ śvapacoṃ tathā //
vidagdhāṃ hīnajāṃ sarvā pūjayed dravyaṃ-dānataḥ /
āsāṃ bhāle likhenmāyāṃ tatastāḥ paripūjayet //
sarvathā dīkṣayennaitāṃ dīkṣayennarakaṃ vrajet /
nānā-jātyudbhavā rambhā honajā parikīrtitā //
caturvarṇodbhavā rambhā dīkṣayet guru-mārgataḥ /
hīnajāṃ yadi labhyate tadānyāṃ pari-cintayet //
hīnajāṃ pūjayed yogī niḥsaṅgo niśi vārataḥ /
honajāṃ dravya-dānena toṣāya tatva-cintanāt //
tatra mantraṃ ca yanvaṃ ca likhitvā pūjayed yadi /
sa muktaḥ kālikā-putro na sa bhūmau prajāyate //
kāmākhyā pūjitā yena sa mukto nātra saṃśayaḥ /
śakti-mantrā na siddhayanti kāmākhyā-pūjanaṃ vinā //
brāhmaṇīṃ kṣatriyāṃ vaiśyāṃ śūdrāṃ ca vara-varṇini/
nāhared dravya-dānena harecca narakaṃ vrajet //
ākarṣitāya śiṣyāya pratyānutyāṃ ca dīkṣitāṃ /
pūjayet parayā bhaktyā tāsāṃ cāhaṃ viśeṣataḥ//
āsāmabhāve deveśi ! sva-śaktiṃ pari-jayet /
sva-śaktau siddha-mantrī syāt paścād devān prapūjayet //
tadaiva hīnajāṃ śaktiṃ śodhayedukta-vartmanā //
hīnajāṃ śodhayedekāṃ siddha-mantrī tvalipsitaḥ /
hīnajā suprasannā cet siddhirbhavati sādhake//
sarvadā hīnajāṃ śaktiṃ sarvatraiva prapūjayet /
guru-nāma ca yantraṃ ca pūjayet kula-mārgiṇam //
aṅgāvaraṇa-pūjādau yadi vā lakṣate kulaṃ /
bhairavaṃ bhairavīṃ tattvaṃ manasā na prakāśayet /
kanyā-koṭi-pradānena hema-bhāra-śatasya ca //
yatphalaṃ labhate devi ! tatphalaṃ nija-mandire /
prathamāṃ dvitīyāmuktāṃ śaktibhyo'pi daded yadi //
tṛpyanti devatāḥ sarvā yoginyo bhairavādayaḥ /
pṛthivīṃ hema-sampūrṇāṃ datvā yatphalamālabhet //
tatphalaṃ kaulikāṃ gehe pūjāyāṃ labhate dhruvaṃ /
aśvamedhādhikaṃ puṇyaṃ kulīnāṃ gṛha-darśanaṃ //
gavāṃ koṭi-pradānena yatphalaṃ labhate naraḥ /
tatphalaṃ hīnajā-gehe labhate vātra saṃśayaḥ //
tisraḥ koṭyarddha-koṭī ca tīrtha-snāneṣu yatphalaṃ /
tatphalaṃ labhate devi ! kulīnāṃ yantra-darśane //
kulīnāṃ yantramālikhya yadyat karma samācaret/
tatkarma saphalaṃ yāti satyaṃ satyaṃ na saṃśayaḥ //
kulīnāṃ yantramālokya sarva-pāpaiḥ pramucyate/
śaivāḥ śāktāśca saurāśca vaiṣṇavāśca kuleśvari //
pūjayanti sadā bhaktyā kulīnāṃ gṛha-mandire /
sarveṣāṃ yantra-mantrāṇāṃ durgādhiṣṭhātṛ-devatā //
yato vai jāyate viśvaṃ tasmāt tāṃ pari-pūjayet /
yantra-pūjā-kṛto mantrī na sa yonau prajāyate //
yantra-pūjāṃ vinā devi ! na śakti-pūjanaṃ caret /
// iti śrīniruttara-tantre śiva-pārvatī-samvāde ekādaśaḥ paṭalaḥ //