Niruttara Tantra · Chapter p1

aṣṭamaḥ paṭalaḥ
śrīśiva uvāca -
śiva-śaktiṃ ca sampūjya sthāpayed ghaṭamuttamam /
nāti-hrasvaṃ nāti-dorghaṃ svarṇaraupyavinimitam //
viśeṣārghyasya yantre vā trikoṇe vāpi vinyaset /
kāma-bījena samprokṣya vāgbhavenaiva tāḍayet //
śaktyādhāre samāropya māyayā pūraṇaṃ jalaiḥ /
mantreṇānena tīrthāni deśikastu pravinyaset //
ॐ gaṅgādyāḥ saritaḥ sarvāḥ samudrāśva sarāṃsi ca /
sarve samudrāḥ saritaḥ sarāṃsi ca jalāhradāḥ //
hradāḥ prasravaṇāḥ puṇyāḥ svarga-pātāla-bhūṣitāḥ /
sarva-tīrthāni puṇyāni ghaṭe kurvantu sannidhim //
śrī-bījena prajaptena pallavaṃ pratipādayet /
kūrcena phala-dānaṃ syāt strī-bījena sthirācaret //
sindūraḥ vahni-bījena puṣpaṃ pretena vinyaset /
mūlena praṇavenāpi dūrvāṃ dadyād vicakṣaṇaḥ //
hūm̐ phaṭ svāheti mantreṇa kuryād darbheṇa tāḍanam /
vicintya devīṃ pīṭhaṃ ca tatrāvāhya prapūjayet //
anenaiva vidhānena sarva-karmasu sundari !
ghaṭaṃ sthāpya yajed devi ! ṣaṭ-karmasu viśeṣataḥ //
mahā-pūjāṃ cared dhīmān ṣoḍaśairupacārakaiḥ /
gurūṇāṃ ca mahā-pūjā śaktīnāṃ ca tataḥ param //
tatpaścāt sādhakānāṃ ca kuryācca pari-pūjanam /
kumārībhyo baliṃ datvā kulajābhyo viśeṣataḥ //
abhiṣekaṃ tato devi ! kuryācca guru-mārgataḥ /
svatantrokta-vidhānena mantramuccāraṇaiḥ saha //
cālayet tu ghaṭaṃ mantrī mantreṇānena deśikaḥ /
uttiṣṭha brahma-kalaśa ! sevito'śeṣa-siddhidaḥ //
sarva-torthāmbu-pūrṇana pūrayāmi manoratham /
īśānendu-smara-kṣauṇī tadante bhuvaneśvarī //
mantreṇānena vādyānāṃ nirghoṣaiścānayed ghaṭaṃ /
abhiṣiñced guruḥ śiṣyaṃ yajamānaṃ purohitaḥ //
siñced duṣṭa-grahe'śvatthaiḥ pallavairbhūta-saṅgame /
siñcedauḍumbarairmantra-doṣe ca karavīrajaiḥ //
yaśo-dhanāya tejasvī phala-kāme ca bhūtakaiḥ /
tulasī-mañjarībhiśva sarva-pāpa-kṣayāthibhiḥ //
sarva-tīrtha-phalāvāpteḥ śāktānāṃ vilva-sambhavaiḥ /
abhicāre nāsiṃhairabhiṣekaṃ pracakṣyate //
kuryāt daṃrbheṣu garbheṣu doṣeṣu svīkṛteṣu ca /
asaubhāgyena nārīṇāṃ dūrvābhiḥ secanaṃ caret //
(athavā) sarva-kāryeṣu siddhārthairdūrvayā cūta-pallavaiḥ /
asyābhiṣekasya dakṣiṇāmūrtim ṛṣiranuṣṭupchandaḥ,
śaktirdevatā sarva-saṅkalpa-siddhyarthe viniyogaḥ /
ॐ rāja-rājeśvarī śakti-bhairavī kāla-bhairavī //
śmaśāna-bhairavī devī tripurānanda-bhairavī /
tripuṭā tripurā-devī tathā tripura-sundarī //
tripureśī mahādevī tathā tripura-mālikā /
tripurā-nandinī devī tatraiva tripurātanī //
etāstvāmabhiṣiñcantu mantra-pūtena vāriṇā /
chinnamastā mahādevī tathā caikajaṭeśvarī //
tārā ca jayadurgā ca śūlinī bhuvaneśvarī /
haritākhyā mahādevī tathā ca rati-ghaṇṭikā //
nityā ca nitya-rūpā ca vajtra-prastāriṇī tathā /
etāstvāmabhiṣiñcanta mantra-pūtena vāriṇā //
aśvārūḍhā mahā-devī tathā mahiṣa-mardinī /
durgā ca nava-durgā ca śrīdurgā bhaga-mālinī //
tathā bhaga-devī devī bhaga-klinnāṃ tathā parā /
sarva-cakreśvarī devī tathā dakṣiṇa-kālikā //
etāstvāmabhiṣiñcantu mantra-pūtena vāriṇā /
kṣemaṅkarī mahā-kālī cāniruddhā sarasvatī //
mātaṅgī cānnapūrṇā ca rāja-rājeśvarī tathā /
etāstvāmabhiṣiñcantu mantra-pūtena vāriṇā /
ugra-caṇḍā pracaṇḍā ca caṇḍogrā caṇḍa-nāyikā /
caṇḍā caṇḍa-vatī caiva caṇḍa-rūpāti-caṇḍikā //
etāstvāmabhiṣiñcantu mantra-pūtena vāriṇā /
ugra-daṃṣṭrā mahā-daṃṣṭrā su-daṃṣṭrā tu kapālinī //
bhīma-netrā viśālākṣī maṅgalā vijayā jayā /
etāstvāmabhiṣiñcantu mantra-pūtena vāriṇā //
maṅgalā nandino bhadrā lakṣmīḥ kītiryaśasvinī /
puṣṭirmedhā śivā sādhvī yaśaḥ śobhā jayā dhṛtiḥ //
ānandā ca sunandā ca nandinyānanda-pūjitā /
etāstvāmabhiṣiñcantu mantra-pūtena vāriṇā //
vijayā maṅgalā bhadrā smṛtiḥ śāntiḥ kṣamā dhṛtiḥ /
siddhistuṣṭī ramā puṣṭiḥ śrīḥ siddhiśva ratistathā //
dīptā kāntiryaśo-lakṣmīrīśvarī buddhireva ca /
śakrī māyā ratirbāhmī jayantī cāparājitā //
ajitā mānavī śvetā prītistvaditireva ca /
māyā caiva mahā-māyā mohinī kṣobhiṇī tathā //
kamalā vimalā gaurī lāvaṇyāmbudhi-sundarī /
durgā kriyārundhatī ca tathaiva vigrahātmikā //
carcācakā cāparā jñeyā tathaiva sura-pūjitā /
vaivasvatī ca kaumārī tathā māheśvarī parā //
vaiṣṇavī ca mahālakṣmīḥ kātikī kauśikī tathā /
śiva-dūtī ca cāmuṇḍā muṇḍa-mālā-vibhūṣitā //
etāstvāmabhiṣiñcantu mantra-pūtena vāriṇā /
indro-vahniryamaścaiva naiṛto varuṇastathā //
pavano dhanadeśāno brahmānando digīśvarāḥ /
samvatsarāścāyane ca māsa-pakṣa-dināni ca //
tithayaścābhiṣiñcantu mantra-pūtena vāriṇā /
raviḥ somaḥ kujaḥ somyo guruḥ śukraḥ śanaiścaraḥ //
rāhuḥ ketuśca satatamabhiṣiñcantu te grahāḥ /
nakṣatraṃ karaṇaṃ yogo'mṛta-siddhistataḥ param //
dagdhaṃ pāpaṃ tathā bhadrā yogo vārāḥ kṣaṇāstathā /
vāraṃ-velā kāla-velā daṇḍā rāśyādayastathā //
abhiṣiñcantu satataṃ mantra-pūtena vāriṇā /
asitāṅgo ruruścaṇḍaḥ krodha unmatta-saṃjñakaḥ //
kapālī bhīṣaṇākhyaśca saṃhāro'ṣṭau ca bhairavāḥ /
ete tvāmabhiṣiñcantu mantra-pūtena vāriṇā //
ḍākino-putrikā caiva rākiṇo putrikā tathā /
tataśca raṅkiṇī-puttro devī-putrī tataḥ paraṃ //
mātṝṇāṃ ca tathā putro cordhva-mukhyāḥ sutāca yāḥ /
adhomukhyāḥ sutāścaiva vyāla-mukhyāḥ sutāḥ parāḥ //
etāstvāmabhiṣiñcantu mantra-pūtena vāriṇā /
brahmā viṣṇuśca rudraśca īśvaraśca sadāśivaḥ //
ete tvāmabhiṣiñcantu mantra-pūtena vāriṇā /
puruṣaḥ prakṛtiścaiva vikārāścaiva ṣoḍaśa //
ātmā parātmā jīvātmā jñānātmā paramātmanaḥ /
ātmānaścātmanaścaiva sthala-sūkṣmāśca ye'pare //
ete tvāmabhiṣiñcantu mantra-pūtena vāriṇā /
tanniketanaṃ // vedādi-vījaṃ hūṃ vojaṃ strī-vījaṃ
śakti-vījaṃ ramā-vījaṃ sudhā-vījaṃ ca kevalaṃ /
cintā-ratnaṃ mahā-vījaṃ nārasiṃhaṃ ca tārakaṃ //
mārtaṇḍa-bhairavaṃ daurga-vījaṃ śrīpuruṣottamaṃ /
gāṇapatyaṃ ca vārāhaṃ kālī-vījaṃ bhayāpahaṃ //
ttvāmevamabhiṣiñcantu mantra-pūtena vāriṇā /
vahniśra vahnijāyā ca vaṣaṭ kūrcamataḥ paraṃ //
vauṣaṭ-kāraṃ tu phaṭ-kāramabhiṣiñcantu sarvadā /
naśyantu preta-kūṣmāṇḍā rākṣasā dānavāśca ye //
piśāca-guhyakā bhūtā abhiṣekena rtāpatāḥ /
alakṣmīḥ kāla-karṇī ca pāpāni sumahānti ca //
naśyantu cābhiṣekena tārā-vījena tāḍitāḥ /
rogāḥ śokāśca dāridryaṃ daurbalyaṃ citta-vibhramaṃ //
naśyantu cābhiṣekena manmathena ca tāḍitāḥ /
tejo hrāso buddhi-hāsaḥ śakti hrāsastathaiva ca //
naśyantu cābhiṣekena śakti-vījena tāḍitāḥ /
nirāmiṣā mahā-rogā ḍākinyo mātarastathā //
ghorābhicārāḥ krūrāśva graha-nāgāstathaiva ca /
naśyantu cābhiṣekena kālī-bījena tāḍitāḥ //
naśyantu vipadaḥ sarve sampadaḥ santu susthirāḥ /
pūrṇābhiṣeke śāktānāṃ pūrṇāḥ santu manorathāḥ //
evamāsiñcya śiṣyaṃ tu punaḥ pūjāṃ samārabhet /
śiṣyo'pi tatra sampūjya gurave dakṣiṇāṃ dadet //
go bhūmiḥ svarṇa-rūpyaṃ ca nānā-ratnāni pārvati !
sarvasvaṃ vā tadarddha vāpi dakṣiṇā //
śrīvidyāṃ siddha-kālīṃ ca tārāṃ vā mahiṣa-dinīṃ /
śiṣyāya bhakti-yuktāya pradadyāt deśikaḥ svayaṃ ///
śrīvidyāṃ kālikāṃ tārāṃ yo japet parameśvaroṃ /
tasmai naiva pradātavyaṃ āsāṃ mantraṃ vinā priye //

praṇamya daṇḍa-vad bhūmau tataśca pari-kalpayet /
trailokye yoṣitāṃ nātha ! ki karomi vadasva me //
śrīgururuvāca -
kulācāraṃ ca no vatna ! sugopyaṃ kuru sarvataḥ /
sva-śaktiṃ kaulikīṃ kṛtvā tattra pūjāṃ prakalpayet //
siddha-mantro yajecchaktiṃ kāyena manasāpi vā /
para-yoṣāṃ viśeṣeṇa siddha-mantrī prapūjayet //
etāni kula-karmāṇi gurubhiruditāni ca /
yāvannaiva siddha-mantrī tāvacca sva-kulaṃ vrajet //
// iti śrīniruttara-tantre śivapārvatī-samvāde aṣṭamaḥ paṭalaḥ //