Niruttara Tantra · Chapter p11

pañcadaśaḥ paṭalaḥ
śrīdevyuvāca -
deva-deva mahā-deva kula-mārga-prakāśaka !
pañcamaṃ kīdṛśaṃ dravyaṃ teṣāṃ śuddhistu kīdṛśī //
tatprakāśaya samyaṅ me mayi nātha ! kṛpāṃ kuru /
śrīśiva uvāca -
madyaṃ māṃsaṃ tathā mīnaṃ mudrā maithuna-pañcamaṃ /
eṣāṃ śuddhi pravakṣyāmi mantra-koṣa-krameṇa ca //
niśīthe mukta-keśaśca sukulaṃ vāma-bhāgataḥ /
saṃsthāpya nyāsa-jālaṃ ca tad-gātre vinyaset kramāt //
sva-gātre ca tato nyasya nyāsa-jāla-krameṇa ca /
bhūta-śuddhividheyā ca varṇa-nyāsaṃ tataścaret //
aṅga-nyāsa-kara-nyāsau lipi-nyāsaṃ tu tatparam/
tato'ntarmātṛkāṃ kṛtvā mātṛkā-nyāsamācaret //
prāṇāyāmaṃ tataḥ kṛtvā ṛṣi-nyāsaṃ tataḥ paraṃ /
pīṭha-nyāsaṃ vyāpakaṃ ca kālī-kulasya pūjane //
krama-bhaṅgo bhavennaiva bhavecca viphalaṃ dhruvam/
japa-pūjādikaṃ karma sarvaṃ niṣphalatāmiyāt//
tasmāt sarva-prayatnena krama-bhaṅga na kārayet /
jīva-nyāsaṃ vyāpakā dau vidyā-rājñīṃ prapūjayet //
boḍhā-nyāsaṃ nīla-kaṇṭhaṃ kāmaṃ ca pari-kīrtitaṃ /
tato dhyātvā mahā-kālīṃ mānasaiḥ pari-pūjayet //
tataśca pañcamaṃ śuddhaṃ viśeṣārdhya tataḥparam/
tataḥ kulaṃ ca sampūjya pañcānāṃ śuddhimācaret //
sva-vāme vindu-ṣaṭ-koṇaṃ vṛttaṃ ca caturasrakaṃ /
caturdāraṃ ca saṃlikhya sāmānyārthyodakena ca //
abhyukṣaṇaṃ tataḥ sthānaṃ tatna devīṃ vicintayet /
nama iti kṣālitādhāra-yantraṃ saṃsthāpyaḥ pūjayet //
vahna deśa-kalāṃ tattra pūjayeṃd vidhi-pūrvakam /
ādyaṣṭa-devyaḥ sampūjyāḥ tathā dhūmrārcikā kalā //
pūrvaṃ tri-padikāmiṣṭ‌vā gandha-puṣpeṇa pūjayet /
aṣṭadikṣu ca sūryasya dvādaśīṃ kalāṃ //
tataśca rakta-vastreṇa veṣṭayed ghaṭamuttamaṃ /
ghaṭaṃ sampūrayed devi ! hetunā mūlamuccaran ///
ॐ amṛtādika-somasya kalāstatraivaṃ pūjayet /
tatrāpi pañca-mudrābhiḥ praṇamya tu kuleśvari //
nitamba-savaśākārairnamo karataladvayam/
hrīṃ namaḥ iti namaskuryāt caturastrā tu sā smṛtā //
puṭākāra karaṃ badhvā muṣṭi-baddhaṃ ca bhū-tale /
vidhāya ca namaskuryāt hrīṃ namaḥ samvṛtāḥ smṛtāḥ //
kṛtvā puṭāñjala bhūmau klīṃ namaḥ praṇamet pritre !
kathitā sampuṭā mudrā śṛṇu devi ! puṭāñjala //
vṛddhā-kaniṣṭhayormūle niḥkṣipya ca puṭāñjalim /
kṛtvā ca hūṃ namo bhūmau praṇamet sā puṭāñjaliḥ //
saḥ namo yoni-mudrāyāḥ pañca-mudrāḥ prakīrtitāḥ /
tataḥ kumbha-samīpe tu candanena ca saṃlikhet //
trikoṇa-vṛtta-bhū-bimbaṃ tatra sarva-pathikāya ca /
pūjayitvā baliṃ tatra nidhāya parameśvari //
māyā-tri-sarva-pathikābhyo namaḥ priye !
balimutsṛjya deveśi ! tattva-mudrā-krameṇa ca //
vāma-hastena tattvasya mudrāṃ badhvā maheśvari !
tri-paribhrāmya mūlena dravyopari kuleśvari //
devatā-paścime bhāge sthāpayet tat kuleśvari !
evaṃ sudhūpitaṃ kṛtvā pañcīkaraṇamācaret //
dravyaṃ darbheścāstra-mantraiḥ santāḍya parameśvari !
hamiti vāma-hastena muṣṭi kṛtvā kuleśvari //
adhomukhyā ca tarjanyā veṣṭayet triḥ kuleśvari !
mūlena vīkṣaṇaṃ devi ! astreṇābhyukṣaṇaṃ caret //
tri-sugandhaśca mūlena gṛhṇīyāt parameśvari !
pañcīkaraṇamityuktaṃ kramaśo viddhi pārvati //
kumbhe puṣpaṃ tato dattvā praṇavena kuleśvari !
trikoṇaṃ tatra saṃlikhya tanmadhye ca hasauḥ priye //
hsauḥ hsauḥ namo'ntena triśca tatra prapūjayet /
praṇavaṃ pūrvamuccārya varuṇaṃ tadanantaraṃ //
bāmadevaṃ tato ḍentaṃ vauṣaṭ mantreṇa pūjayet /
sampūjya vāma-devaṃ ca paśuti tato yajet //
praṇavaṃ kūrca-vījaṃ ca ṅentaṃ paśu-patiṃ tataḥ /
kūrca-yugmamastra-vīja-mantre paśurpāta yajet //
māyā-vījaṃ samuccārya kālī-vījaṃ tataḥ paraṃ /
tataḥ paraṃ padaṃ devi ! svāmini ca tataḥ paraṃ //
parā-koṣa-gatā devī śūnya-vāhinī tataḥ paraṃ /
candra-sūryāgni-bhakṣiṇī paścāt pātraṃ ca tadanantaraṃ //
viṣa-yugmaṃ vahni-jāyā daśadhā saṃjapet priye !
vāgbhavaṃ bhuvanā lakṣmīḥ ānandeśvara-ṅentakaṃ //
vidmahe ca tato devi ! dhīmahīti tadanantaraṃ /
iti gāyatrīṃ trirjaptvā ṛk-trayaṃ ca japediti //
ॐ rāṃ rīṃ rūṃ samuddhṛtya raiṃ rauṃ krauṃ krauṃ krastataḥ paraṃ /
tataḥ svadhā kṛṣṇa-śāpaṃ mocaya-dvaya tataḥ paraṃ //
amṛtaṃ strāvaya-dvandvaṃ vahni-jāyā kuleśvari !
iti dvādaśadhā japtvā mantrāṇyetāni trirjapet //
ॐ eka eva paraṃ-brahma sthūla-sūkṣma-mayaṃ dhruvaṃ /
kacodbhavāṃ brahma-hatyāṃ tena te nāśayāmyahaṃ //
ॐ sūrya-maṇḍala-sambhūte varuṇālaya-sambhave /
amā-vīja-maye devi ! śukra-śāpād vimucyate //
ॐ devānāṃ praṇavo vījaṃ brahmānanda-vayaṃ yadi /
tena satyena me devi ! brahma-hatyāṃ vyapohatu /
iti mantra-trayeṇaiva tridhā samabhimantraya ca /
hrīṃ śrīṃ śrūṃ śrīṃkāreti śobhini ca tataḥ paraṃ //
tato vikārānasyeti dravyasya haradvaya vahni vallabhā /
iti trayaṃ japtvā drīṃ śrīṃ aiṃ ca tataḥ paraṃ //
iti prakāśinoṃ triśca japtvā tiraskaraṇīṃ japet /
hrīṃ klīṃ aiṃ śrauṃ samuddhṛtya tiraskaraṇī tataḥ paraṃ //
sakala-jana-vāgvādini tataḥ sakala-paśu-vṛte /
jana-manaścakṣustato devi ! śrotra-jihvā tataḥ paraṃ //
prāṇokti-tiraskaraṇaṃ kuru-yugmaṃ tataḥ paraṃ /
nīlaṃ hayaṃ samadhiruhya puraḥ prayāntī //
nīlāṃśukābharaṇa-mālya-vilepanāḍhyā/
nidrā-paṭena bhuvanāni tirodadhānā //
khaḍgena bhujairbhagavatī paripātu bhaktān /
iti dhyātvā kuleśāni ! imaṃ mantraṃ tridhā japet //
ṭhaḥ ṭhaḥ bahni-vadhūrvevi ! dravyopari tridhā japet /
pavamānaḥ parānandaḥ parimāṇaḥ paro rasaḥ //
pavamānaṃ paraṃ jñānaṃ tena tvāṃ pāvayāmyahaṃ //
pāvamānaṃ ca trirjaptvā vāyu-vījena śodhayet //
ramiti vahni-vījena sandahya praṇamediti /
kālī tārā mahāvidyā ṣoḍaśī bhuvaneśvarī //
bhairavī chinnamastā ca vidyā dhūmāvatī tathā/
vagalā siddha-vidyā ca mātaṅgī kamalātmikā //
etā daśa mahā-vidyāḥ siddha-vidyāḥ prakīrtitāḥ /
kālī tārā tathā chinnā mātaṅgī bhuvaneśvarī //
annapūrṇā tathā nityā durgā mahiṣa-mardinī /
tvaritā tripurā puṭā bhairavī vagalā tathā/
dhūmāvatī tathā jñeyā kamalā ca sarasvatī//
jaya-durgā tathā bhadre ! tathā tripura-sundarī //
aṣṭādaśa mahā-vidyā tantrādau kathitāḥ priye !
nātra kāla-viśuddhiḥ syāt samayā samayādikaṃ //
na vāra-tithi-nakṣatraṃ na yoga karaṇaṃ tathā /
siddha-vidyā mahā-vidyā yuga-sevā prakīrtitāḥ //
// iti śrīniruttara-tantre śiva-pārvatī-saṃvāde pañcadaśaḥ paṭalaḥ //