Niruttara Tantra · Chapter p10

navamaḥ paṭalaḥ
śrīdevyuvāca -
devadeva mahādeva sarva-siddhīśvara prabho !
siddha-mantrī bhavet kena karmaṇā vada me prabho //
śrīśiva uvāca -
ānīya maṅgalaṃ ramyaṃ kula-bhaktaṃ kulārcane /
sva-cakraṃ vividhaṃ kṛtvā śakti-bhāle likhet tataḥ //
tatra kāma-kalāṃ devīṃ vīra-koṇe likhet priye !
tanmadhye deva-mantraṃ ca vihitaṃ kāmalāñchitam//
tatra devīṃ samāvāhya dhyātvā tatra prapūjayet //
tato lakṣaṃ ca saṃjapya sthira-dhīḥ kula-sādhakaḥ //
tatastacchakti-karṇe ca ṛṣicchandaḥ samanvitaṃ /
mūla-mantraṃ vidhāvṛtyā kathayed vāma-karṇake //
adya prabhṛti śaktistvaṃ kula-devārcanaṃ cara /
gurorājñāṃ samādāya ghṛṇā-lajjā-virvājatā //
śivokta-vidhinā saiva kariṣyāmi kulārcanaṃ /
trāhi nātha ! kulācāra-kāminī kāma-nāyaka //
tvatpadāmbhoruhacchāyāṃ dehi me kula-vartmani /
gate ca prathame yāme sva-kulaṃ kulikopari //
vāma-bhāge samāsīnaṃ rakta-vastra-samanvitaṃ /
nānā gandha-samāyuktaṃ nānā ratnena bhūṣitaṃ //
lalāṭe mantramā likhya madhye nāma vibhitaṃ /
tāmbūla-pūrita-mukhastāmbūlāruṇa-locanaḥ //
kulākula-japaṃ kṛtvā dhruvamāyāti tatkṣaṇāt /
evamārkāṣato mantrī siddha-mantrī kuleśvari //
tāvat prayogaḥ kartavyo yāvat siddhirna jāyate /
siddha-mantrī kulācāre para-yoṣāṃ prapūjayet //
siddha-mantrī śmaśāne ca para-yoṣāṃ prapūjayet /
yoṣidākarṣaṇādeva kanyāṃ caivāvakarṣayet //
deva-kanyākarṣaṇena devatāṃ karṣayet tadā /
ākarṣaṇa-prasādena śiva eva prajāyate //
ākarṣaṇaṃ vinā gacchet tacchrukta kaulikoṃ parāṃ /
ākarṣaṇād bhavet siddhirdevānāmapi durlabhā //
ākarṣaṇācca nirvāṇaṃ labhate nātra saṃśayaḥ /
yāvanna pūjaye devīṃ rajanīṃ kula-mandire //
nirvāṇamapi cāṅgasya tāvadāvirbhavet punaḥ /
prakṛtyā jāyate viśvaṃ prakṛtyā ca vilīyate //
śaivānāṃ vaiṣṇavānāṃ ca saurāṇāṃ ca maheśvari !
syācca nirvāṇameteṣāṃ māturāvirbhavanti hi //
brahmā viṣṇuśca rudraśca īśvaraśca sadāśivaḥ /
sarve mukti-pradā devā nirvāṇaṃ śreyasaṃ vināṃ //
nirvāṇaṃ śreyasaṃ devi ! prakṛtyā parijāyate /
tasmāt sarva-prayatnena prakṛti paripūjayet //
prakṛtiryā mahāmāyā saiva prakṛti-rūpiṇī /
vikṛtau mantra-siddhiḥ syāt prakṛteḥ kuhakaṃ gṛhe //
nirvāṇaṃ śreyasaṃ saiva prakṛteḥ kuhakaṃ vinā /
likhanaṃ mantra-yantrāṇāṃ pūjanaṃ ca japaṃ priye/
niyataṃ guru-mārgeṇa sādhako vijane caret /
taccakraṃ siddhi-mūlaṃ ca mantra-yantra-vilekhanāt //
mantra-yantraṃ vinā devi ! kuhakaṃ vikṛteryadi /
na gacchet sādhako vīro na gacchennarakaṃ vrajet //
prakṛteḥ kuhaka yonau yantre bhāle ca pārvati !
asaṃlikhya yantrāṇi dainyaṃ gacchet kula-sādhakaḥ //
kāmādvā mohato vāpi lobhādvā vara-rvāṇani !
prakṛteḥ kuhakaṃ yantre yajecca narakaṃ vrajet //
siddhi-mūlaṃ kuleśāni ! vikṛteḥ kuhakaṃ smṛtaṃ /
tatra sammohayet sarvaṃ jagadetaccarācaraṃ //
vikṛteḥ kuhakāpanno mantra-tantra-viśāradaḥ/
tadvaraṃ ca parijñāpya nirvāṇaṃ śreyasaṃ vrajet //
brahmaṇi na na vā viṣṇau na gaṇeśe ṣaḍānane /
prakṛteḥ kuhakaṃ dānaṃ na kutrāpi prakāśitam //
// iti śrīniruttara-tantre śiva-pārvatī-saṃvāde navamaḥ paṭalaḥ //