Niruttara Tantra · Chapter p12

środevyuvāca -
kīdṛśoṃ rajanīṃ devīṃ pūjayet ki nivedayet ?
tasyā vā kīdṛśī pūjā tad-gāyatrī ca kīdṛśī //
jayaṃ vā kīdṛśaṃ deva puruścaryā ca kodṛśo ?
sādhanā kodṛśī tasyā vada me parameśvara //
śrīśiva uvāca -
nirlobhā kāmanā-hīnā nirlajjā dvandva-jitā /
śivā satva-gatā sādhvī svecchayā viparītagā //
evaṃ sā rajanī devo triṣu lokeṣu gopitā /
ātmanā pūjane saiva samūle kula-varmanā //
akṣṇorantargataṃ jyotirbhruvorantaḥ pratiṣṭhitam /
yato rūpaṃ paraṃ jyotistadeva kula-mandire //
manasā sādhakaṃ vīkṣya krīḍanāt patitāmṛtam /
tenāmṛtena mūlena tarpayed rajanīṃ svayaṃ //
kula-nāthaṃ kulāgāre niyojya bhāvayecchivām /
śvāsocch‌vāse ca gāyatrīṃ tvajapā-brahma-rūpiṇīm //
ajapā rajanī gāyatrī brahma-gāyatrī ca yoginām /
ajapā rajanī gāyatrī rajanyāṃ rajanīṃ japet //
na japed divase vidvān brahma-vidyātmikāṃ parāṃ /
japennarakamāpnoti ihaiva duḥkha-bhāg bhavet //
kalā-nāthaṃ samānīya niyojya kula-mandire /
yojayitvā japenmantraṃ kulakena ca tāḍayet //
viṃśatyā mahatī pūjā śatena śatadhā bhavet /
rajanyāḥ kathitā pūjā dhyānaṃ ca tattva-cintanam //
saṅketajñaḥ kalā-nāthaṃ sādhayedekacetasā /
rajanī-mūla-yogena nirvāṇa-padavīṃ vrajet //
śaṭhaṃ ca cullukaṃ dhūrtaṃ saṅketa-hīna-dāmbhikam /
santyajya sādhayed vidyāṃ mahā-mokṣa-pradāyinīm //
dhanādvā kāmato vāpi lobhādvā nija-mandiram /
kārayed yadi sā pūjā rauravaṃ narakaṃ vrajet //
saṅketajñaṃ dṛḍhaṃ jñātvā sādhanaṃ śiva-sādhanaṃ /
anyathā duḥkhamāpnoti sa yāti narakaṃ dhruvam //
prakṛtyatha vrajedvāpi jñātvā yacca prapūjayet /
so'pi nirvāṇatāṃ prāpya punarāvṛtya bhūtale //
abheda-prakṛtiṃ jñātvā japa-homādikaṃ caret /
sarva-deva-svarūpaṃ ca sarva-mantra-svarūpiṇī //
prakṛtistatvamāsthāya kaivalyaṃ yāti niścitam /
prakṛtestatvavid devi ! na sa yonau prajāyate //
aśodhitamanācarya strīṣu madhyeṣu suvrate/
svīkāre siddhi-hāniḥ syād rauravaṃ narakaṃ vrajet/
kṣudhārtaśca tṛṣārtaśca kālikāṃ naiva pūjayet /
pūjayed yadi deveśi ! kuddhā bhavati kālikā//
sādhake kṣobhamāpanne devī-kṣobhaḥ prajāyate /
tasmād bhuktvā ca pītvā ca pūjayet kālikāṃ śubhām //
vinā pītvā surāṃ bhuktvā matsya-māṃsaṃ rajasvalāṃ /
yo japed dakṣiṇāṃ kālīṃ tasya duḥkhaṃ pade pade //
divya-bhāvaṃ vīra-bhāvaṃ vinā kālīṃ prapūjayet /
pūjane narakaṃ yāti tasya duḥkhaṃ pade pade //
latāsavaṃ vinā devi ! kalau kālīṃ na pūjayet /
paśu-bhāvāśrito devi ! yadi kālīṃ prapūjayet //
rauravaṃ narakaṃ yāti yāvadāhuta-samplavam //
latā-darśana-mātreṇa kālikā-darśanaṃ bhavet //
dṛṣṭvā ca sundarīṃ śaktiṃ kālīṃ tatraiva cintayet /
śūnyāgāre śmaśāne vā prāntare nirjane vane //
nadī-tīre parvate vā śaktiṃ tatra prapūjayet /
ekākī pūjayecchaktiṃ niḥśaṅko bhayavarjitaḥ //
guruṃ vinā na saṅgī syāt saṅgī syānnarakaṃ vrajet /
saṅgācca dhana-hāniḥ syāt sarvaṃ saṅgād vinaśyati //
mātaṅgīṃ ca tathā dhūmnāṃ vagalāṃ bhuvaneśvarīm /
rāja-rājeśvarīṃ bālāṃ tvaritāṃ mahiṣa-mardinīm //
kalāvetāścāsavaiśca pūjyāśca dakṣiṇāṃ vinā /
brāhmaṇo vīra-bhāvena surāṃ pītvā japanmanum//
surābhāve ca go-kṣīraṃ dvijo dadyāt yuge yuge /
dravyābhāve cānukalpaiḥ pūjayet para-devatāṃ //
ekādaśyāṃ vyatīpāte karma-lopanaṃ na kārayet /
na kṛte ca gurorarcāṃ kramāt ko'pi pralīyate //
kevalaṃ viṣayāsaktaḥ patatyeva na saṃśayaḥ /
agra-cakraṃ vīra-bhāvaṃ tat kāryaṃ guru-sannidhau //
tadabhāve bhrātṛbhiḥ sārddhaṃ kāryaṃ caiva vidhānataḥ /
pṛthak pātre pibed dravyaṃ pṛthak pātre ca bhojanam //
śakti-yuktaṃ vased vāpi yugmaṃ yugma-vidhānataḥ /
śaktyucchiṣṭaṃ pibenmadyaṃ vīrocchiṣṭaṃ ca carvaṇam //
sva-jyeṣṭhasya ca bhoktavyaṃ kaniṣṭhasya na bhojayet /
nija-śaktiṃ vinā devi ! śaktyucchiṣṭaṃ pibed yadi //
raurave narake ghore yāvadindrāścaturdaśa /
ekāsane vased yastu bhuñjīta caika-bhājane //
parasparamupa-sparśet sa yāti narakaṃ dhruvam /
ekāsanastho yo voro divyo vā kula-sundari //
sudhāṃ pītvā vīra-cakre rauravaṃ narakaṃ vrajet/
mahā-siddhīśvaro vāpi bhuṅkte pītvā parasparam //
siddhi-hāniḥ puraskṛtya sa yāti narakaṃ dhruvam /
vinā śaktiṃ pibed dravyaṃ vīro guru-parāyaṇaḥ /
tathāpi narake ghore patatyeva na saṃśayaḥ /
śaktyabhāve kuleśāni ! taddravyaṃ jalataḥ kṣipet //
guru-bhāve tad-bhāgaṃ ca jalato vinivedayet /
// iti śrīniruttara-tantre śiva-pārvatī-samvāde pañcamaḥ paṭalaḥ ///