Natya Shastra · Chapter 33

iti bharatīye nāṭyaśāstre suṣirātodyalakṣaṇaṃ nāmādhyāyastriṃśaḥ
atha trayastriṃśo 'dhyāyaḥ
guṇāt pravartate gānaṃ doṣaṃ caiva nirasyate /
tasmādyatnena vijñeyau guṇadoṣau samāsataḥ

gātā pratyagravayāḥ snigdho madhurasvaropacitakaṇṭhaḥ /
layatālakalāpātapramāṇayogeṣu tattvajñaḥ

rūpaguṇakāntiyuktā mādhuryopetasatvasampannāḥ /
peśalamadhurasnigdhānunādisamarakta gurukaṇṭhāḥ

(śubha)
suvihitagamakavidhāyinyo 'kṣobhyās tālalayakuśalāḥ /
ātodyārpitakaraṇā vijñeyā gāyikāḥ śyāmāḥ

prāyeṇa tu svabhāvāt strīṇāṃ gānaṃ nṛṇāṃ ca pāṭhyavidhiḥ /
strīṇāṃ svabhāvamadhuraḥ kaṇṭho nṛṇāṃ balitvaṃ ca

yatra strīṇāṃ pāṭhyaṃ guṇairnarāṇāṃ ca gānamadhuratvam /
jñeyo 'laṅkāro 'sau na hi svabhāvo hyayaṃ teṣām

suniviṣṭapāṇilayayatiyogajñausumadhuralaghuhastau /
gātṛguṇaiścopetāvavahitamanasau susaṅgītau

sphuṭaracitacitrakaraṇau gītaśravaṇācalaupravīṇau ca /
citrādivādyakuśalauvīṇābhyāṃ vādakau bhavataḥ

balavānavahitabuddhirgītalayajñastathāsusaṅgītaḥ /
śrāvakamadhurasnigdho dṛḍhapāṇirvaṃśavādako jñeyaḥ

avicalitamavicchannaṃ varṇālaṅkārabodhakaṃmadhuram /
snigdhaṃ doṣavihīnaṃ veṇorevaṃ smṛtaṃ vādyam

jñānavijñānakaraṇavacanaprayogasiddhiniṣpādanāni ṣaḍācāryaguṇā iti |
tatra jñānaṃ śāstrāvabodhaḥ |
yathā ca kriyāsampādanaṃ vijñānam |
kaṇṭhahastagauṇyaṃ karaṇam |
jitagranthatā vacanam |
deśādisampadārādhanaṃ prayogasiddhiḥ |
śiṣyasvabhāvamaviśeṣyopāttaya upadeśācchiṣyaniṣpādanamiti

śrāvaṇo 'tha ghanaḥ snigdho madhurohyavadhānavān /
tristhānaśobhītyevaṃ tu ṣaṭ kaṇṭhasya guṇā matāḥ

udāttaṃ śrūyate yasmāttasmācchrāvaṇa ucyate /
śrāvaṇaḥ susvaro yasmādacchinnaḥ sa ghano mataḥ

arūkṣadhvanisaṃyuktaḥ snigdhastajjñaiḥ prakīrtitaḥ /
manaḥprahlādanakaraḥ sa vai madhura ucyate

svare 'dhike ca hīne ca hyavirakto vidhānavān /
śiraḥkaṇṭheṣvabhihitaṃtristhānamadhurasvaraḥ /
tristhānaśobhītyevaṃ tu sa hi tajjñairudāhṛtaḥ

kapilo hyavasthitaścaiva tathā sandaṣṭa eva ca /
kākī ca tumbakī caiva pañca doṣā bhavanti hi

vaisvaryaṃ ca bhavedyatra tathā syād ghargharāyitam /
kapilaḥ sa tu vijñeyaḥ śleṣmakaṇṭhastathaiva ca

ūnatā'dhikatā cāpi svarāṇāṃ yatra dṛśyate /
rūkṣadoṣahataścaiva jñeyaḥ sa tvavyavasthitaḥ

daṇḍaprayogāt sandaṣṭastvācāryaiḥ parikīrtitaḥ /
yo na vistarati sthāne svaramuccāraṇāgatam

nāsāgragrastaśabdastutumbakī so 'bhidhīyate

anye tu
samapraharaṇe caiva javinau viśadau tathā /
jitaśramau vikṛṣṭau ca madhurau svedavarjitau /
tathā bṛyannakhau caiva jñeyau hastasya vai guṇāḥ

iti
ete guṇāśca doṣāśca tattvataḥ kathito mayā /
ata ūrdhvaṃ pravakṣyāmi hyavanaddhavidhiṃ punaḥ

pūrvaṃ yaduktaṃ prapitāmahena kuryāt ya evaṃ tu naraḥ prayoge sammānamagrayaṃ labhate sa loke