Narada Purana · Chapter 1.91

iti śrībṛhannāradīyapurāṇe pūrvabhāge bṛhadupākhyāne tṛtīyapāde nityāpaṭalakathanaṃ nāma navatitamo 'dhyāyaḥ
sanatkumāra uvāca
atha vakṣye maheśasya mantraṃ sarvārthasādhakam /
yaṃ samārādhya manujo bhuktiṃ muktiṃ ca vindati

hṛdayaṃ sabakaḥ sūkṣmo lānto 'nantānvito marut /
pañcākṣaro manuḥ proktastārādyo 'yaṃ ṣaḍakṣaraḥ

vāmadevī munīśchandaḥ paṅktirīśo 'sya devatā /
ṣaḍbhirvarṇaiḥ ṣaḍaṅgāni kuryānmantreṇa deśikaḥ

mantravarṇādikānnyasyenmantramūrtiryathākramam /
tarjanīmadhyayorantyānāmikāṅguṣṭhake punaḥ

tāḥ syustatpuruṣāghorabhavavāmeśasaṃjñikāḥ /
vaktrahṛtpādaguhyeṣu nijamūrddhani tāḥ punaḥ

prāgyāmyavāruṇodīcyamadhyavaktreṣu pañcasu /
mantrāṅgāninyasetpaścājjātiyuktāni ṣaṭ kramāt

kurvīta golakanyāsaṃ rakṣāyai tadanantaram /
hṛdi vaktreṃ'sayorūrvoḥ kaṇṭhe nābhau dvipārśvayoḥ

pṛṣṭhe hṛdi tathā mūrdhni vadane netrayornasoḥ /
doḥpatsaṃdhiṣu sāgreṣu vinyasettadanantaram

śirovadanahṛtkukṣisorupādadvaye punaḥ /
hṛdi vaktrāṃbuje ṭaṅkamṛgā bhayavareṣvatha

vaktrāṃsahṛtsapādorujaṭhareṣu kramānnyaset /
mūlamantrasya ṣaḍa varṇānyathāvaddeśikottamaḥ

mūrdhni bhālodarāṃseṣu hṛdaye tāḥ punarnyaset /
paścādanena mantreṇa kurvīta vyāpakaṃ sudhīḥ

namostvanantarūpāya jyotirliṅgāmṛtātmane /
caturmūrtivapuśchāyābhāsitāṅgāya śaṃbhave

evaṃ nyastaśarīro 'sau cintayetpārvatīpatim /
dhyāyennityaṃ maheśānaṃ raupyaparvatasannibham

cārucandrāvataṃsaṃ ca ratnākalpojjvalāṅgakam /
paraśvadhavarābhītimṛgahastaṃ śubhānanam

padmāsīnaṃ samantāttu stutaṃ sumanasāṃ gaṇaiḥ /
vyāghrakṛtiṃ vasānaṃ ca viśvādyaṃ viśvarūpakam

trinetraṃ pañcavaktraṃ ca sarvabhītiharaṃ śivam /
tattvalakṣaṃ japenmantraṃ dīkṣitaḥ śaivavartmanā

tāvatsaṃkhyasahasrāṇi juhuyātpāyasaiḥ śubhaiḥ /
tataḥ siddho bhavenmantraḥ sādhakābhīṣṭasiddhidaḥ

devaṃ saṃpūjayetpīṭhe vāmādinavaśaktike /
vāmā jyeṣṭhā tathā raudrī kālī kalapadādikā

vikāriṇyāhvayā proktā balādyā vikariṇyatha /
balapramathanī paścātsarvabhūtadamanyatha

manonmanīti saṃproktāḥ śaivapīṭhasya śaktayaḥ /
namo bhagavate paścātsakalādi vadettataḥ

guṇātmaśaktibhaktāya tato 'nantāya tatparam /
yogapīṭhātmane bhūyo namastārādiko manuḥ

amunā manunā dadyādāsanaṃ girijāpateḥ /
mūrtiṃ mūlena saṃkalpya tatrāvāhya yajecchivam

karṇikāyāṃ yajenmūrtirīśamīśānadiggajam /
śuddhasphaṭikasaṃkāśaṃ dikṣu tatpuruṣādikā

pītāñjanaśvetaraktāḥ pradhānasadṛśāyudhāḥ /
caturvaktrasamāyuktā yathāvattāḥ prapūjayet

koṇeṣvarcennivṛttyādyāstejorūpāḥ kalāḥ kramāt /
aṅgāni kesarasthāni vighneśānpannagānyajet

anantaṃ sukhanāmānaṃ śivottamamanantaram /
ekanetramekarudraṃ trimūrtiṃ tadanantaram

paścācchīkaṇṭhanāmānaṃ śikhaṇḍinamiti kramāt /
raktapītasitāraktakṛṣṇaraktāñjanāsitān

kirīṭārpitabālendūnpadmasthānbhūṣaṇānvitān /
trinetrāñchūlavajrāstracāpahastānmanoramān

uttarādi yajetpaścādrudraṃ caṇḍeśvaraṃ punaḥ /
tato nandimahākālau gaṇeśaṃ vṛṣabhaṃ punaḥ

atha bhṛṅgiṃ riṭiṃ skandametānpadmāsanasthitān /
svarṇatoyāruṇaśyāmamuktendusitapāṭalān

indrādayastataḥ pūjyā vajrādyāyudhasaṃyutāḥ /
itthaṃ saṃpūjayeddevaṃ sahasraṃ nityaśo japet

sarvapāpavinirmuktaḥ prāpnuyādvāñchitaṃ śriyam /
dvisahasraṃ japan rogānmucyate nātra saṃśayaḥ

trisanmantraṃ japanmantraṃ dīrghamāyuravāpnuyāt /
sahasravṛddhayā prajapansarvakāmānavāpnuyāt

ājyānvitaistilaiḥ śuddhairjuhuyāllakṣamādarāt /
utpātajanitān kleśānnāśayennātra saṃśayaḥ

śatalakṣaṃ japansākṣācchivo bhavati mānavaḥ /
ṣaḍakṣaraḥ śaktiruddhaḥ kathito 'ṣṭākṣaro manuḥ

ṛṣiśchandaḥ purā prokto devatā syādumāpatiḥ /
aṅgāni pūrvamuktāni saumyamīśaṃ vicintayet

bandhūkābhaṃ trinetraṃ ca śaśikhaṇḍadharaṃ vibhum /
smerāsyaṃ svakaraiḥ śūlaṃ kaṃpālaṃ varadābhaye

vahṝntaṃ cārubhūpāḍhyaṃ vāmorusthādrikanyayā /
bhujenāśliṣṭadehaṃ taṃ cintayenmanasā hṛdi

manulakṣaṃ japenmantraṃ tatsahasraṃ yathāvidhi /
juhuyānmānmadhusasiktairāragvadhasamidvaraiḥ

prākprokte pūjayetpīṭhe gandhapuṣpairumāpatim /
aṅgāvṛtairbahiḥ pūjyā hṛllekhādyā yathāpurā

madhyaprāgdakṣiṇodīcyapaścimeṣu vidhānataḥ /
yajetpūrvādipatreṣu vṛṣabhādyānanukramāt

śūlaṭaṅkākṣavalayakamaṇḍalulasatkaram /
raktākāraṃ trinayanaṃ caṇḍeśamatha pūjayet

cakraśaṅkhābhayābhīṣṭakarāṃ marakataprabhām /
durgāṃ prapūjayetsaumyāṃ trinetrāṃ cārubhūṣaṇām

kalpaśākhāntare ghaṇṭāṃ dadhānaṃ dvādaśekṣaṇam /
bālārkābhaṃ śiśuṃ kāntaṃṣaṇmukhaṃ pūjayettataḥ

nanditaṃ ca yajetsaumyāṃ ratnabhūṣaṇamaṇḍitam /
paraśvadhavarābhītiṭaṅkinaṃ śyāmavigraham

pāśāṅkuśavarābhīṣṭadhāriṇaṃ kuṅkumaprabham /
vighnanāyakamabhyarceccandrārddhakṛtaśekharam

śyāmaṃ raktotpalakaraṃ vāmāṅkanyastatatkaram /
dvinetraṃ raktavastrāḍhyaṃ senāpatimathārcayet

tato 'ṣṭamātaraḥ pūjyā brāhmādyāḥ proktalakṣaṇāḥ /
indrādikānlokapālānsvasvadikṣu samarcayet

vajrādīni tadastrāṇi tadbahiḥ kramator'cayet /
evaṃ yo bhajate mantrī devaṃ śaṃbhumumāpatim

sa bhavetsarvalokānāṃ saubhāgyaśreyasāṃ padam /
sāṃtasadyāntasaṃyukto bindubhūṣitamastakaḥ

prāsādākhyo manuḥ prokto bhajatāṃ sarvasiddhidaḥ /
ṣaḍdīrghayuktabījena ṣaḍaṅgavidhirīritaḥ

ṣaḍarṇavattu munyādyāḥ proktāścāsyāpi nārada /
īśānādyā nyasenmūrtīraṅguṣṭhādiṣu deśikaḥ

īśānākhyaṃ tatpuruṣamaghoraṃ tadanantaram /
vāmadevāhvayaṃ sadyojātabījaṃ kramādviduḥ

ukārādyaiḥ pañcahrasvaurvilomānsaṃyutaṃ ca yat /
tattadaṅgulibhirbhūyastattadikānnyaset

śirovadanahṛdguhyapādadeśe yathākramāt /
urddhaprāgdakṣiṇodīcyapaścimeṣu mukheṣu ca

tataḥ pravinyasedvidvānaṣṭatriṃśatkalāstanau /
īśānādyā ṛcaḥ samyagaṅgulīṣu yathākramāt

aṅguṣṭhādikaniṣṭhāntaṃ nyaseddeśikasattamaḥ /
mūrddhāsyahṛdayāṃbhojaguhyapāde tu tāḥ punaḥ

vaktre mūrdhādiṣu nyasya bhūyo 'ṅgāni prakalpayet /
tārapañcakamuccārya sarvajñāya hṛdīritam

amṛte tejo mālini tṛptāyeti padaṃ punaḥ /
tadante brahmaśiḥse śirogaṃ jvalitaṃ tataḥ

śikhiṃ śikhāya parato 'nādibodhāya tacchikhā /
vajriṇe vajrahastāya svatantrāya tanucchadam

saiṃ saiṃ haumiti saṃbhāṣya parato toṃ guhyaśaktaye /
netramuktaṃ ślīpaśuṃ huṃ phaḍante netraṃ śaktaye

astramuktaṃ ṣaḍaṅgāni kuryādevaṃ samāhitaḥ /
pūrvadakṣiṇapaścātprāksaumyamadhyeṣu pañcasu

vaktreṣu pañca vinyasyedīśānasya kalāḥ kramāt /
īśānaḥ sarvavidyānāṃ śaśinī prathamā kalā

īśvaraḥ sarvabhūtānāṃ maṅgalā tadanantaram /
brahmādhipatiḥ śabdānte brahmaṇo 'dhipatiḥ punaḥ

brahmeṣṭadā tṛtīyāsyācchivo me astu tatparā /
marīciḥ kathitā vipra caturthī ca sadāśive

aṃśumālinyatha parā praṇavādyā namonvitāḥ /
pūrvapaścimayāmyodagvaktreṣu tadanantaram

catasro vinyasenmantrī puruṣasya kalāḥ kramāt /
ādyā tatpurupāyeti vidmahe śāntirīritā

mahādevāya śabdānte dhīmahi syāttataḥ param /
vidyā dvitīyā kathitā tanno rudraḥ padaṃ tataḥ

pratiṣṭhā kathitā paścāttṛtīyā syātpracodayāt /
nivṛttistatparā sarvā praṇavādyā namonvitā

hṛdi cāṃsadvaye nābhikukṣau pṛṣṭhe 'tha vakṣasi /
athorasi kalā nyasyedaṣṭau mantrī yathāvidhi

aghorebhyastathā pūrvamīritā prathamā kalā /
atha ghorebhya ityante mohāsyāttadanantaram

aghorānte kṣamā paścāttṛtīyā parikīrtitā /
ghoratarebhyo nidrā syātsarvebhyaḥ sarvatatparā

vyādhistu pañcamī proktā śarvebhyastadanantaram /
mṛtyurnigaditā ṣaṣṭhī namaste astu tatparam

kṣudhā syātsaptamī rudrarūpebhyaḥ kathitā tṛṣā /
aṣṭamī kathitā etādhruvādyā namasānvitāḥ

guhyayugmoruyugmeṣu jānujaṅghāsphijoḥ punaḥ /
kaṭyāṃ pārśvadvaye vāmakalā nyasyettrayodaśa

prathamā vāmadevāya namonte syādrujā kalā /
syājjyeṣṭhāya namo rakṣā dvitīyā parikīrtitā

kalakāmā pañcamī syāttato vikaraṇāya ca /
namaḥ saṃyamanī ṣaṣṭhī kathitā tadanantaram

balakriyā saptamīṣṭā kalā vikaraṇāya ca /
namo vṛddhistvaṣṭamī syādbalānte ca sthirā kalā

paścātpramathanāyānte namo rātrirudīritā /
sarvabhūtadamanāya namonte bhrāmaṇī kalā

namonte mohinī proktā mantrajñairdvādaśī kalā /
manonmanyai namaḥ paścājjvarā proktā trayodaśī

praṇavādyāścaturthyantā namontāstu prakīrtitāḥ /
pādadostananāsāsu mūrdhni bāhuyuge nyaset

sadyojātabhavāḥ samyagaṣṭau mantrāḥ kalāḥ kramāt /
sadyojātaṃ prapadyāmi siddhiḥ syātprathamā kalā

sadyojātāya vai bhūyo namaḥ syād vṛddhirīritā /
bhavedyutistṛtīyā syādabhave tadanandaram

lakṣmī caturthī kathitā tato nātibhavepadam /
medhā syātpañcamī proktā kalābhūyo bhavasva mām

prājñā samīritā ṣaṣṭhī bhavānte syātprabhā kalā /
udbhavāya namaḥ paścātsudhā syādaṣṭamī kalā

praṇavādyāścaturthyantā kalāḥ sarvā namonvitāḥ /
aṣṭātriṃśatkalāḥ proktāḥ pañca brahmapadādikāḥ

iti vinyastadeho 'sau bhavedgaṅgādharaḥ svayam /
tataḥ samāhito bhūtvā dhyāyedevaṃ sadāśivam

sitapītāsitaśvetajapābhaiḥ pañcabhirmukhaiḥ /
akṣairyutaṃ glaumukuṭaṃ koṭipūrṇendusaṃprabham

śūlaṃ ṭaṅkaṃ kṛpāṇaṃ ca vajrāgnyahipatīnkaraiḥ /
dadhānaṃbhūṣaṇoddīptaṃ ghaṇṭāpāśavarābhayān

evaṃ dhyātvā japenmantraṃ pañcalakṣaṃ madhuplutaiḥ /
prasūnaiḥ karavīrotthairjuhuyāttahṛśāṃśataḥ

pūrvodite yajetpīṭhe martiṃ mūlena kalpayet /
āvāhya pūjayettasyāṃ mūrtāvāvaraṇaiḥ saha

śaktiṃ ḍamarukābhītivarānsaṃdadhataṃ karaiḥ /
īśānaṃ trīkṣaṇaṃ śubhramaiśānyāṃ diśi pūjayet

paraśveṇavarābhītīrdadhānaṃ vidyudujjvalam /
caturmukhaṃ tatpuruṣaṃ trinetraṃ pūrvantor'cayet

akṣasrajaṃ vedapāśau ṛṣiṇḍamarukaṃ tataḥ /
khaṭvāṅgaṃ niśitaṃ śūlaṃ kapālaṃ bibhrataṃ karaiḥ

añjanābhaṃ caturvaktraṃ bhīmadantaṃ bhayāvaham /
aghoraṃ trīkṣaṇaṃ yāmye pūjayenmantravittamaḥ

kuṅkumābhacaturvaktraṃ vāmadevaṃ trilocanam /
hariṇākṣaguṇābhītivarahastaṃ caturmukham

bālenduśekharollāsimukuṭaṃ paścime yajet /
karpūredunibhaṃ saumyaṃ sadyojātaṃ trilocanam

varābhayākṣavalayakuṭhārāndadhataṃ karaiḥ /
vilāsinaṃ smeravaktraṃ saumye samyaksamarcayet

koṇeṣvarcennivṛttyādyāstejorūpāḥ kalāḥ kramāt /
vighneśvarānanantādyānpatreṣu parito yajet

umādikāstato bāhye śakrādyānāyudhaiḥ saha /
iti saṃpūjya deveśaṃ bhaktyā paramayā yutaḥ

praṇīyennṛtyagītādyaiḥ stotramairtrīṃ manoharaiḥ /
tāro māyāviyadbindumanusvarasamanvitaḥ

pañcākṣarasamāyukto vasuvarṇo manurmataḥ /
pañcākṣaroktavatkuryādaṅganyāsādikaṃ budhaḥ

siṃdūrābhaṃ lasadratnamukuṭaṃ candramaulinam /
divyabhūṣāṅgarāgaṃ ca nāgayajñopavītinam

vāmorusthapriyorojanyastahastaṃ ca bibhratam /
vedaṭaṅkeṣmabhayaṃ dhyāyetsarveśvaraṃ śivam

aṣṭalakṣaṃ japenmantraṃ tatsahasraṃ ghṛtānvitaiḥ /
pāyasairjuhuyātpīṭhemūrtiṃ saṃkalpya mūlataḥ

aṅgairāvaraṇaṃ pūrvamanantādyairanantaram /
umādibhiḥ samuddiṣṭaṃ tṛtīyaṃ lokanāyakaiḥ

caturthaṃ pañcamaṃ teṣāmāyudhaiḥ parikīrtitam /
evaṃ pratidinaṃ devaṃ pūjayetsādhakottamaḥ

putrapautrādigāṃ lakṣmīṃ saṃprāpyahyatra modate /
tāraḥ sthirā sakarṇendurbhaghṛguḥ sargasamanvitaḥ

akṣarātmā nigadito mantro mṛtyuñjayātmakaḥ /
ṛṣaiḥ kaholo devyādigāyatrī chanda īritam

mṛtyuñjayo mahādevo devatāsya samīritaḥ /
bhṛguṇā dīrghayuktena ṣaḍaṅgāni samācaret

candrārkahutabhuṅnetraṃ smitāsyaṃ yugmapadmagam /
mudrāpāśaiṇākṣasūtralasatpāṇiṃ śaśiprabham

bhālenduvigalantpīyūṣaplutāṅgamalaṅkṛtam /
hārādyairnijakāntyā tu dhyāyedviśvavimohanam

guṇalakṣaṃ japenmantraṃ taddaśāṃśaṃ hunetsudhīḥ /
amṛtāśakalaiḥ śuddhadugdhājyasamabhiplutaiḥ

śaive saṃpūjayetpīṭhe mūrtiṃ saṃkalpamūlataḥ /
aṅgāvaraṇamārādhyapaścāllokeśvarānyajet

tadastrāṇi tato bāhye pūjayetsādhakottamaḥ /
japapūjādibhiḥ siddhe mantre 'sminmunisattama

kuryātprayogānkalyoktānabhīṣṭaphalasiddhaye /
dugdhasiktaiḥ sudhākhaṇḍairhutvā pratyahamādarāt

sahasramāsaparyantaṃ labhedāyurdhanaṃ sutān /
sudhāvaṭatitānpūrvā payaḥ sarpiḥ payo haviḥ

sapta dravyāṇi vāreṣu kramāddaśaśataṃ hunet /
saptādhikān dvijānnityaṃ bhojayenmadhurānvitam

ṛtvigbhyo dakṣiṇāṃ dadyādaruṇāṃ gāṃ payasvinīm /
guruṃ saṃprīṇayetpaścāddhanādyairdevatādhiyā

anena vidhinā sādhyaḥ kṛtyādrohajvaṃrādibhiḥ /
vimuktaḥ suciraṃ jīveccharadāṃ śatamañjasā

abhicāre jvare staṃbhaghoronmāde śirogade /
asādhyaroge kṣveḍārtauṃ mohe dāhe mahābhaye

homo 'yaṃ śāntidaḥ proktaḥ sarvābhayapradāyakaḥ /
dravyairetaiḥ prajuhuyāttrijanmasu yathāvidhi

bhojayenmadhurairbhojyairbrāhmaṇānvedapāragān /
dīrghamāyuravāpnoti vāñchitāṃ vindati śriyam

ekādaśāhutīrnityaṃ dūrvābhirjuhuyād budhaḥ /
apamṛtyujideva syādāyurārogyavarddhanam

trijanmasu sudhāvallīkāśmīrībakulodbhavaiḥ /
samidvaraiḥ kṛto homaḥ sarvamṛtyugadāpahaḥ

siddhārthairvihito homo mahājvaravināśanaḥ /
apāmārgasamiddhomaḥ sarvāmayaniṣūdanaḥ

dakṣiṇāmūrtaye pūrvaṃ tubhyaṃ padamanantaram /
vaṭamūlapadasyānte pravadecca nivāsine

dhyānaikaniratāṅgāya paścād brūyānnamaḥ padam /
rudrāya śaṃbhave tāraśaktiruddho 'yamīritaḥ

ṣaṭtriṃśadakṣaro mantraḥ sarvakāmaphalapradaḥ /
muniḥ śukaḥ samuddiṣṭaśchando 'nuṣṭupprakīrtitam

devatā dakṣiṇāmūrtirnāmnā śaṃbhurudīritaḥ /
tāraśaktiyuktaiḥ pūrvaṃ hrīmādyantaiśca mantrajaiḥ

ṣaṭṣaṣṭhāṣṭeṣu vahnyarṇairhṛdayādyaṅgakalpanam /
mūrdhni bhāle dṛśoḥ śrotre gaṇḍayugme sanāsike

āsyadoḥsaṃdhiṣu gale stanahṛnnābhimaṇḍale /
kaṭyāṃ guhye punaḥ pādasaṃdhiṣvarṇānnyasenmanoḥ

vyāpakaṃ tāraśaktibhyāṃ kuryāddehe tataḥ param /
himācalataṭe ramye siddhikinnarasevite

vividhadrumaśākhābhiḥ sarvato vāritātape /
supuṣpitairlatājālairāśliṣṭakusumadrume

śilāvivaranirgacchannirjharānilaśītale /
gāyaddevāṅganāsaṃghe nṛtyadbarhi kadambake

kūjatkokilasaṃghena mukharīkṛtadiṅmukhe /
parasparavinirmuktamātsaryamṛgasevite

jalajaiḥ sthalajaiḥ puṣpairāmodibhiralaṅkṛte /
ādyaiḥ śukādyairmunibhirajasrasukhasevite

purandaramukhairdevaiḥ sāṃganādyairvilokite /
vaṭavṛkṣaṃ mahocchrāyaṃ padmarāgaphalojjlam

gārutmatamayaiḥ patrairnibiḍairupaśobhitam /
navaratnamayākalpairlaṃbamānairalaṅkṛtam

saṃsāratāpavicchedakuśalacchāyamadbhutam /
tasya mūle susaṃkḷptaratnasiṃhāsane śubhe

āsīnamasitākalpaṃ śaraccandranibhānanam /
kailāsādrinibhaṃ tryakṣaṃ candrāṅkitakapardakam

nāsāgrālokanaparaṃ vīrāsanasamāsthitam /
bhadrāṭake kuraṅgāḍhyajānusthakarapallavam

kakṣābaddhabhujaṅgaṃ ca suprasannaṃ haraṃ smaret /
ayutadvayasaṃyuktaguṇalakṣaṃ japenmanum

taddaśāṃśaṃ tilaiḥ śuddhairjuhuyātkṣīrasaṃyutaiḥ /
pañcākṣarodite pīṭhe tadvidhānena pūjayet

bhikṣāhāro japenmāsaṃ manumenaṃ jitendriyaḥ /
nityaṃ sahasramaṣṭārddhaṃ parāṃ vindati vākchriyam

trivāraṃ japtametena payastu manunā pibet /
dakṣiṇāmūrtiṃsaṃdhyānācchāstravyākhyānakṛdbhavet

praṇavo hṛdayaṃ paścādvadedbhagavatepadam /
ṅeyutaṃ dakṣiṇāmūrtiṃ mahyaṃmedhāmudīrayet

prayaccha ṭhadvayānto 'yaṃ dvāviṃśatyakṣaro manuḥ /
muniścaturmukhaśchando gāyatrī devatoditā

tāraruddhaiḥ svarairdīrghaiḥ ṣaḍbhiraṅgāni kalpayet /
padairmantrabhavairvāpidhyānādyaṃ pūrvavanmatam

lohitogryāsanaḥ sadyo bindumānprathamaṃ tataḥ /
dvitīyaṃ vahnibījasthā dīrghā śāntīndubhūṣitā

tṛtīyā lāṅgalīśārṇamantro bījatrayānvitaḥ /
nīlakaṇṭhātmakaḥ prokto viṣadvayaharaḥ paraḥ

haradvayaṃ vahnijāyā hṛdayaṃ parikīrtitam /
kaparddine padayugaṃ śiromantra udāhṛtaḥ

nīlakaṇṭhāya ṭhadvandvaṃ śikhāmantro 'yamīritaḥ /
kālakūṭapadasyānte viṣabhakṣaṇaṅeyutam

huṃ phaṭ kavacamuddiṣṭaṃ nīlakaṇṭhina ityataḥ /
svāhāntamastrametāni pañcāgāni manorviduḥ

mūrdhni kaṇṭhe hṛdaṃbhoje kramādvījatrayaṃ nyaset /
bālārkāyutavarcaskaṃ jaṭājūṭenduśobhitam

nāgābhūṣaṃ japavaṭīṃ śūlaṃ brahmakapālakam /
khaṭvāṅgaṃ dadhataṃ dorbhistrinetraṃ cintayeddharam

lakṣatrayaṃ japenmantraṃ taddaśāṃśaṃ sasarpiṣā /
haviṣā juhuyātsamyaksaṃskṛte havyavāhane

śaivaṃ pīṭhe yajeddevaṃ nīlakaṇṭhaṃ samāhitaḥ /
mṛtyuṃ jayavidhānena viṣadvayavināśanam

agniḥ saṃvartakādityarānilau ṣaṣṭibindumān /
cintāmaṇiriti khyātaṃ bījaṃ sarvasamṛddhidam

kaśyapo munirākhyātaśchando 'nuṣṭubudāhṛtam /
arddhanārīśvaraḥ prokto devatā jagatāṃ patiḥ

rephaādivyañjanaiḥ ṣaḍbhiḥ kuryādaṅgāni ṣaṭ kramāt /
trinetraṃ nīlamaṇibhaṃ śūlapāśaṃ kapālakam

raktotpalaṃ ca hastābjairdadhataṃ cārubhūṣaṇam /
bālendubaddhamukuṭamarddhanārīśvaraṃ smaret

ekalakṣaṃ japenmantraṃ triśataṃ madhurāplutaiḥ /
tilairhunedyajetpīṭhe śaiveṅgāvaraṇaiḥ saha

vṛṣādyairmātṛbhiḥ paścāllokapālaistadāyudhaiḥ /
prāsādādyaṃ japenmantramayutaṃ rogaśāntaye

svāhāvṛttamidaṃ bījaṃ vigalatparamāmṛtam /
candrabiṃbasthitaṃ mūrdhni dhyātaṃ kṣveḍagadāpaham

pratilomasvarāḍhyā ca bījaṃ vahnigṛhe sthitam /
rephaādivyañjanollāsiṣaṭkoṇābhivṛtaṃ bahiḥ

bhūtārtasya smṛtaṃ mūrdhni bhūtamāśu vināśayet /
pīḍitāṅge smṛtaṃ tattatpīḍāṃ śamayati dhruvam

praṇavo hṛdayaṃ paścān ṅeṃtaḥ paśupatiḥ punaḥ /
tāro namo bhūtapadaṃ tato 'dhipataye dhruvam

namorudrāya yugalaṃ khaḍgarāvaṇa śabdataḥ /
viharadvitayaṃ paścānnarīnṛtyayugaṃ pṛthak

śmaśānabhasmācitānte śaraṇyāya tataḥ param /
ghaṇṭākapālamālādidharāyeti padaṃ punaḥ

vyāghracarmapadasyānte paridhānāya tatparam /
śaśāṅkakṛtaśabdānte śekharāya tataḥ param

kṛṣṇasarpapadātpaścādvadedyajñopavītine /
balayugmaṃ calāyugmamanivartakapāline

hanuyugmaṃ tato bhūtāṃstrāsayadvitayaṃ punaḥ /
bhūyo maṇḍalamadhye syātkaṭayugmaṃ tataḥ param

rudrāṅkuśena śamaya praveśayayugaṃ tataḥ /
āveśayayugaṃ paścāñcaṇḍāsipadamīrayet

dhārādhipatirudro 'yaṃ jñāpayatyagnisuṃdarī /
khaḍgarāvaṇamantro 'yaṃ saptatyūrddhaśatākṣaraḥ

bhūtādhipataye svāhā pūjāmantro 'yamīritaḥ /
siddhamantro 'yamudito japādeva prasiddhyati

ayutadvitayātpaścādbhūtādigrahaṇe kṣamaḥ /
māyā sphuradvayaṃ bhūyaḥ prasphuradvitayaṃ punaḥ

ghātayadvitayaṃ varmaphaḍantaḥ samudīritaḥ /
ekapañcāśadarṇo 'yamaghorāstraṃ mahāmanuḥ

aghoro 'sya nuniḥ proktastrivṛcchandaṃ udāhṛtam /
aghorarudraḥ saṃdiṣṭo devatā mantranāyakaḥ

hṛdayaṃ pañcabhiḥ proktaṃ śiraḥ ṣaḍbhirudāhṛtam /
śikhā daśabhirākhyātā navabhiḥ kavacaṃ matam

vasuvarṇaiḥ smṛtaṃ netraṃ daśārṇairastramīritam /
mūrdhni netrāsyakaṇṭheṣu hṛnnābhyāmūruṣu kramāt

jānujaṅghāpadadvandve rudrabhinnākṣarairnyaset /
pañcaṣaṭkāṣṭavedāṅgadvivdyabdhirasalocanaiḥ

śyāmaṃ trinetraṃ sapārḍhyaṃ raktavastrāṅgarāṅgakam /
nānāśastradharaṃ dhyāyenadaghorākhyaṃ sadāśivam

bhūtavetālakādīnāṃ kṣayo 'yaṃ nigrahe manuḥ /
tāro vānto dharāsaṃstho vāmanetrendubhūṣitaḥ

pāśī bakaḥ karṇanetravarmāstrāntaḥ ṣaḍakṣaraḥ /
manuḥ pāśupatāstrākhyo grahakṣudranivāraṇaḥ

ṣaḍbhirvarṇaiḥ ṣaḍaṅgāni huṃphaḍantaiḥ sajātibhiḥ /
madhyāhnārkaprabhaṃ bhīmaṃ tryakṣaṃ pannagabhūṣaṇam

nānāśastraṃ caturvaktraṃ smaretpaśupatiṃ haram /
varṇalakṣaṃ japenmantraṃ juhuyāttaddaśāṃśataḥ

gavyena sarpiṣā mantro saṃskṛte havyavāhane /
śaive pīṭhe yajedaṅgamātṛlokeśvarāyudhaiḥ

anena mantritaṃ toyaṃ bhūtagrastamukhe kṣipet /
sadyaḥ sa muñcati krandānmahāmantraprabhāvataḥ

anena mantritānbāṇānvisṛjedyudhi yo naraḥ /
jayetkṣaṇena nikhilāñchatrūnpārtha ivāparaḥ

varṇāntimo binduyutaḥ kṣetrapālāya hṛnmanuḥ

tārādyo vasuvarṇo 'yaṃ kṣetrapālasya kīrtitaḥ /
ṣaḍdīrghayuktabījena ṣaḍaṅgaṃ nyasya cintayet

nīlācalābhaṃ digvastraṃ sarpabhūṣaṃ trilocanam /
piṅgordhvakeśāndadhataṃ kapālaṃ ca gadāṃ smaret

lakṣamekaṃ japenmantraṃ juhuyāttaddaśāṃśataḥ /
caruṇā ghṛtasiktena tataḥ kṣetre samarcayet

dharmādikalpite pīṭhe sāṃgāvaraṇamādarāt /
tasmai saparivārāya balimetena nirharet

pūrvamehidvayaṃ paścādvidviṣaṃ puruṣaṃ dvayam /
bhañjayadvitayaṃ bhūyo nartayadvitayaṃ punaḥ

tato vighnapadadvandvaṃ mahābhairava tatparam /
kṣetrapālabaliṃ gṛhṇadvayaṃ pāvakasundarī

balimantro 'yamākhyātaḥ sarvakāmaphalapradaḥ /
sopadeśaṃ bṛhatpiṇḍe kṛtvā rātriṣu sādhakaḥ

smṛtvā yathoktaṃ kṣetreśaṃ tasya haste baliṃ haret /
balinānena santuṣṭaḥ kṣetrapālaḥ prayacchati

kāntiṃ medhāṃ balāyogyaṃ tejaḥ puṣṭiṃ yaśaḥ śriyam /
uddharedbaṭukaṃ ṅeṃtamāpaduddhāraṇaṃ tathā

kurudvayaṃ tataḥ paścādvaṭukaṃ ṅeṃtamuccaret /
śaktiruddho dhruvādiśca dvāviṃśatyakṣaro manuḥ

dvicatuḥsaptavedābdhicandrārṇairaṅgakaṃ manoḥ /
bālaṃ sphaṭikasaṃkāśaṃ tallolalasitānanam

divyākalpaiḥ pradīptāṅgaṃ tryakṣaṃ daṇḍatriśūlinam /
suprasannaṃ smareddhaktyā bhaktānāmabhayaṅkaram

varṇalakṣaṃ japenmantraṃ haviṣyāśī jitendriyaḥ /
taddaśāṃśaṃ prajuhuyānttilairmadhurasaṃyutaiḥ

dharmādikalpite pīṭhe paṅkaje cātiśobhane /
ṣaṭkoṇāntastrikoṇasthavyomapaṅkajasaṃyute

baṭukaṃ pūjayeddevaṃ sāṃgāvaraṇakaṃ kramāt /
śatrupakṣasya rudhiraṃ piśinta ca dinedine /
bhakṣayasva gaṇaiḥ sārddhaṃ sārameyasamanvitaḥ

balimantro 'yamākhyātaḥ śatrunāmnā vidarbhitaḥ /
anena balinā hṛṣṭo baṭukaḥ parasainyakam

chitvā gaṇebhyo vibhajedāmiṣaṃ kruddhamānasaḥ /
aṅkaśo vahniśikharo lāntadānta itīritaḥ

phaḍantaścaṇḍamantro 'yaṃ trivarṇātmā samīritaḥ /
asya trito muniḥ proktaśchando 'nuṣṭubudāhṛtam

caṇḍeśo devatā proktā vakṣyateṃ'gaprakalpanam /
hṛdayaṃ dīptaphaṭ proktaṃ jvalaphaṭ śira īritam

śikhājvālini phaṭ proktā vahaphaṭ kavacaṃ matam /
halaphaṭ netramākhyātaṃ sarvajvāniniphaṭ param

vinyasyaivaṃ ṣaḍaṅgāni tato devaṃ vicintayet /
caṇḍeśvaraṃ raktatanuntryakṣaṃ raktāṃbarāvṛtam

dadhataṃ ca triśūlākṣamālāṭaṃ kakamaṇḍalūn /
varṇalakṣaṃ japenmantraṃ homaṃ kuryāddaśāṃśataḥ

madhuratrayasaṃyuktairviśuddhaistilataṇḍulaiḥ /
pañcākṣarodite pīṭhe mūrtiṃ mūlena kalpayet

kūrmeśo bindusaṃyuktastataścaṇḍeśvarāya ca /
hṛdayaṃ manurākhyātaścaṇḍeśasya prapūjane

aṅgairmātṛbhirāśeśairvajrādyairāvṛtirbhavet /
śaivamantreṣu niṣṇātaścaṇḍeśvaramanuṃ japet

sarvānkāmānavāpnoti paratreha ca nandati /
śṛṇu nārada vakṣyāmi divyaṃ māheśvaraṃ stavam

yasya pāṭhena pūjāyāṃ siddhyanti manavo 'khilāḥ

dharāmbvagnimaruvdyomamakheśendvarkamūrtaye /
sarvabhūtāntarasthāya śaṅkarāya namonamaḥ

śrutyaṃ takṛtavāsāya śrutaye śrutijanmane /
atīndriyāya mahase śāśvatāya namonamaḥ

sthūlasūkṣmavibhāgābhyāmanirdeśyāya śaṃbhave /
bhavāya bhavasaṃbhūtaduḥkhahantre namonamaḥ

tarkamārgātidūrāya tapasāṃ phaladāyine /
caturvargavadānyāya sarvajñāya namonamaḥ

ādimadhyāntaśūnyāya nirastāśeṣabhītaye /
yogidhyeyāya mahate nirguṇāya namonamaḥ

viśvātmane viviktāya vilasaccandramaulaye /
kandarppadarppanāśāya kālahṝntre namonamaḥ

viṣāśanāya viharadvṛṣaskandhamupeyuṣe /
sariddāmasamābaddhakapadārya namonamaḥ

śuddhāya śuddhabhāvā śuddhānāmantarātmane /
purāntakāya pūrṇāya puṇyanāmno namonamaḥ

bhaktāya nijabhaktānāṃ bhuktimuktipradāyine /
vivāsase nivāsāya viśveṣāṃ pataye namaḥ

trimūrtimūlabhūtāya trinetrāya triśūline /
tridhāmne dhāmarūpāya janmadāya namonamaḥ

devāsuraśiroratnakirīṭāruṇitāṅghraye /
kāntāya nijakāntāyai dattārddhāya namonamaḥ

etatstotraṃ maheśasya proktaṃ sarvāghanāśanam /
śivasānnidhyadaṃ vipra sarpatantraprakāśakam

etatte sumahattantreṃ sarvadevaprakāśakam /
lokābhilāṣasaṃpūrtikriyāsādhanasaṃgatam

ye tu sāmānyataḥ proktāstantre 'sminmanavo dvija /
te tu lokopakārāya jñātavyāḥ siddhidāyakāḥ

viśeṣato vaiṣṇavā ye mantrāḥ sarvottamottamāḥ /
ta eva sādhanīyāḥ syuścaturvargaphalāptaye

rāmamantrāḥ kṛṣṇamantrāḥ sāṃgā rāseśimantrakāḥ /
śāktāḥ saurāśca gāṇeśāḥ śaivāḥ proktāḥ śubhāvahāḥ

teṣu svātmaprakāśāya bhajenmuktiphalapradān /
etatte sarvamākhyātaṃ yattvayābhyarthitaṃ mune /
devatārādhanaṃ bhaktyā kiṃ bhūyaḥ śrotumicchasi