નારદ પુરાણ · અધ્યાય 1.91

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને તૃતીયપાદે નિત્યાપટલકથનં નામ નવતિતમો ઽધ્યાયઃ
સનત્કુમાર ઉવાચ
અથ વક્ષ્યે મહેશસ્ય મન્ત્રં સર્વાર્થસાધકમ્ ।
યં સમારાધ્ય મનુજો ભુક્તિં મુક્તિં ચ વિન્દતિ

હૃદયં સબકઃ સૂક્ષ્મો લાન્તો ઽનન્તાન્વિતો મરુત્ ।
પઞ્ચાક્ષરો મનુઃ પ્રોક્તસ્તારાદ્યો ઽયં ષડક્ષરઃ

વામદેવી મુનીશ્છન્દઃ પઙ્ક્તિરીશો ઽસ્ય દેવતા ।
ષડ્ભિર્વર્ણૈઃ ષડઙ્ગાનિ કુર્યાન્મન્ત્રેણ દેશિકઃ

મન્ત્રવર્ણાદિકાન્ન્યસ્યેન્મન્ત્રમૂર્તિર્યથાક્રમમ્ ।
તર્જનીમધ્યયોરન્ત્યાનામિકાઙ્ગુષ્ઠકે પુનઃ

તાઃ સ્યુસ્તત્પુરુષાઘોરભવવામેશસંજ્ઞિકાઃ ।
વક્ત્રહૃત્પાદગુહ્યેષુ નિજમૂર્દ્ધનિ તાઃ પુનઃ

પ્રાગ્યામ્યવારુણોદીચ્યમધ્યવક્ત્રેષુ પઞ્ચસુ ।
મન્ત્રાઙ્ગાનિન્યસેત્પશ્ચાજ્જાતિયુક્તાનિ ષટ્ ક્રમાત્

કુર્વીત ગોલકન્યાસં રક્ષાયૈ તદનન્તરમ્ ।
હૃદિ વક્ત્રેંઽસયોરૂર્વોઃ કણ્ઠે નાભૌ દ્વિપાર્શ્વયોઃ

પૃષ્ઠે હૃદિ તથા મૂર્ધ્નિ વદને નેત્રયોર્નસોઃ ।
દોઃપત્સંધિષુ સાગ્રેષુ વિન્યસેત્તદનન્તરમ્

શિરોવદનહૃત્કુક્ષિસોરુપાદદ્વયે પુનઃ ।
હૃદિ વક્ત્રાંબુજે ટઙ્કમૃગા ભયવરેષ્વથ

વક્ત્રાંસહૃત્સપાદોરુજઠરેષુ ક્રમાન્ન્યસેત્ ।
મૂલમન્ત્રસ્ય ષડ વર્ણાન્યથાવદ્દેશિકોત્તમઃ

મૂર્ધ્નિ ભાલોદરાંસેષુ હૃદયે તાઃ પુનર્ન્યસેત્ ।
પશ્ચાદનેન મન્ત્રેણ કુર્વીત વ્યાપકં સુધીઃ

નમોસ્ત્વનન્તરૂપાય જ્યોતિર્લિઙ્ગામૃતાત્મને ।
ચતુર્મૂર્તિવપુશ્છાયાભાસિતાઙ્ગાય શંભવે

એવં ન્યસ્તશરીરો ઽસૌ ચિન્તયેત્પાર્વતીપતિમ્ ।
ધ્યાયેન્નિત્યં મહેશાનં રૌપ્યપર્વતસન્નિભમ્

ચારુચન્દ્રાવતંસં ચ રત્નાકલ્પોજ્જ્વલાઙ્ગકમ્ ।
પરશ્વધવરાભીતિમૃગહસ્તં શુભાનનમ્

પદ્માસીનં સમન્તાત્તુ સ્તુતં સુમનસાં ગણૈઃ ।
વ્યાઘ્રકૃતિં વસાનં ચ વિશ્વાદ્યં વિશ્વરૂપકમ્

ત્રિનેત્રં પઞ્ચવક્ત્રં ચ સર્વભીતિહરં શિવમ્ ।
તત્ત્વલક્ષં જપેન્મન્ત્રં દીક્ષિતઃ શૈવવર્ત્મના

તાવત્સંખ્યસહસ્રાણિ જુહુયાત્પાયસૈઃ શુભૈઃ ।
તતઃ સિદ્ધો ભવેન્મન્ત્રઃ સાધકાભીષ્ટસિદ્ધિદઃ

દેવં સંપૂજયેત્પીઠે વામાદિનવશક્તિકે ।
વામા જ્યેષ્ઠા તથા રૌદ્રી કાલી કલપદાદિકા

વિકારિણ્યાહ્વયા પ્રોક્તા બલાદ્યા વિકરિણ્યથ ।
બલપ્રમથની પશ્ચાત્સર્વભૂતદમન્યથ

મનોન્મનીતિ સંપ્રોક્તાઃ શૈવપીઠસ્ય શક્તયઃ ।
નમો ભગવતે પશ્ચાત્સકલાદિ વદેત્તતઃ

ગુણાત્મશક્તિભક્તાય તતો ઽનન્તાય તત્પરમ્ ।
યોગપીઠાત્મને ભૂયો નમસ્તારાદિકો મનુઃ

અમુના મનુના દદ્યાદાસનં ગિરિજાપતેઃ ।
મૂર્તિં મૂલેન સંકલ્પ્ય તત્રાવાહ્ય યજેચ્છિવમ્

કર્ણિકાયાં યજેન્મૂર્તિરીશમીશાનદિગ્ગજમ્ ।
શુદ્ધસ્ફટિકસંકાશં દિક્ષુ તત્પુરુષાદિકા

પીતાઞ્જનશ્વેતરક્તાઃ પ્રધાનસદૃશાયુધાઃ ।
ચતુર્વક્ત્રસમાયુક્તા યથાવત્તાઃ પ્રપૂજયેત્

કોણેષ્વર્ચેન્નિવૃત્ત્યાદ્યાસ્તેજોરૂપાઃ કલાઃ ક્રમાત્ ।
અઙ્ગાનિ કેસરસ્થાનિ વિઘ્નેશાન્પન્નગાન્યજેત્

અનન્તં સુખનામાનં શિવોત્તમમનન્તરમ્ ।
એકનેત્રમેકરુદ્રં ત્રિમૂર્તિં તદનન્તરમ્

પશ્ચાચ્છીકણ્ઠનામાનં શિખણ્ડિનમિતિ ક્રમાત્ ।
રક્તપીતસિતારક્તકૃષ્ણરક્તાઞ્જનાસિતાન્

કિરીટાર્પિતબાલેન્દૂન્પદ્મસ્થાન્ભૂષણાન્વિતાન્ ।
ત્રિનેત્રાઞ્છૂલવજ્રાસ્ત્રચાપહસ્તાન્મનોરમાન્

ઉત્તરાદિ યજેત્પશ્ચાદ્રુદ્રં ચણ્ડેશ્વરં પુનઃ ।
તતો નન્દિમહાકાલૌ ગણેશં વૃષભં પુનઃ

અથ ભૃઙ્ગિં રિટિં સ્કન્દમેતાન્પદ્માસનસ્થિતાન્ ।
સ્વર્ણતોયારુણશ્યામમુક્તેન્દુસિતપાટલાન્

ઇન્દ્રાદયસ્તતઃ પૂજ્યા વજ્રાદ્યાયુધસંયુતાઃ ।
ઇત્થં સંપૂજયેદ્દેવં સહસ્રં નિત્યશો જપેત્

સર્વપાપવિનિર્મુક્તઃ પ્રાપ્નુયાદ્વાઞ્છિતં શ્રિયમ્ ।
દ્વિસહસ્રં જપન્ રોગાન્મુચ્યતે નાત્ર સંશયઃ

ત્રિસન્મન્ત્રં જપન્મન્ત્રં દીર્ઘમાયુરવાપ્નુયાત્ ।
સહસ્રવૃદ્ધયા પ્રજપન્સર્વકામાનવાપ્નુયાત્

આજ્યાન્વિતૈસ્તિલૈઃ શુદ્ધૈર્જુહુયાલ્લક્ષમાદરાત્ ।
ઉત્પાતજનિતાન્ ક્લેશાન્નાશયેન્નાત્ર સંશયઃ

શતલક્ષં જપન્સાક્ષાચ્છિવો ભવતિ માનવઃ ।
ષડક્ષરઃ શક્તિરુદ્ધઃ કથિતો ઽષ્ટાક્ષરો મનુઃ

ઋષિશ્છન્દઃ પુરા પ્રોક્તો દેવતા સ્યાદુમાપતિઃ ।
અઙ્ગાનિ પૂર્વમુક્તાનિ સૌમ્યમીશં વિચિન્તયેત્

બન્ધૂકાભં ત્રિનેત્રં ચ શશિખણ્ડધરં વિભુમ્ ।
સ્મેરાસ્યં સ્વકરૈઃ શૂલં કંપાલં વરદાભયે

વહૄન્તં ચારુભૂપાઢ્યં વામોરુસ્થાદ્રિકન્યયા ।
ભુજેનાશ્લિષ્ટદેહં તં ચિન્તયેન્મનસા હૃદિ

મનુલક્ષં જપેન્મન્ત્રં તત્સહસ્રં યથાવિધિ ।
જુહુયાન્માન્મધુસસિક્તૈરારગ્વધસમિદ્વરૈઃ

પ્રાક્પ્રોક્તે પૂજયેત્પીઠે ગન્ધપુષ્પૈરુમાપતિમ્ ।
અઙ્ગાવૃતૈર્બહિઃ પૂજ્યા હૃલ્લેખાદ્યા યથાપુરા

મધ્યપ્રાગ્દક્ષિણોદીચ્યપશ્ચિમેષુ વિધાનતઃ ।
યજેત્પૂર્વાદિપત્રેષુ વૃષભાદ્યાનનુક્રમાત્

શૂલટઙ્કાક્ષવલયકમણ્ડલુલસત્કરમ્ ।
રક્તાકારં ત્રિનયનં ચણ્ડેશમથ પૂજયેત્

ચક્રશઙ્ખાભયાભીષ્ટકરાં મરકતપ્રભામ્ ।
દુર્ગાં પ્રપૂજયેત્સૌમ્યાં ત્રિનેત્રાં ચારુભૂષણામ્

કલ્પશાખાન્તરે ઘણ્ટાં દધાનં દ્વાદશેક્ષણમ્ ।
બાલાર્કાભં શિશું કાન્તંષણ્મુખં પૂજયેત્તતઃ

નન્દિતં ચ યજેત્સૌમ્યાં રત્નભૂષણમણ્ડિતમ્ ।
પરશ્વધવરાભીતિટઙ્કિનં શ્યામવિગ્રહમ્

પાશાઙ્કુશવરાભીષ્ટધારિણં કુઙ્કુમપ્રભમ્ ।
વિઘ્નનાયકમભ્યર્ચેચ્ચન્દ્રાર્દ્ધકૃતશેખરમ્

શ્યામં રક્તોત્પલકરં વામાઙ્કન્યસ્તતત્કરમ્ ।
દ્વિનેત્રં રક્તવસ્ત્રાઢ્યં સેનાપતિમથાર્ચયેત્

તતો ઽષ્ટમાતરઃ પૂજ્યા બ્રાહ્માદ્યાઃ પ્રોક્તલક્ષણાઃ ।
ઇન્દ્રાદિકાન્લોકપાલાન્સ્વસ્વદિક્ષુ સમર્ચયેત્

વજ્રાદીનિ તદસ્ત્રાણિ તદ્બહિઃ ક્રમતોર્ઽચયેત્ ।
એવં યો ભજતે મન્ત્રી દેવં શંભુમુમાપતિમ્

સ ભવેત્સર્વલોકાનાં સૌભાગ્યશ્રેયસાં પદમ્ ।
સાંતસદ્યાન્તસંયુક્તો બિન્દુભૂષિતમસ્તકઃ

પ્રાસાદાખ્યો મનુઃ પ્રોક્તો ભજતાં સર્વસિદ્ધિદઃ ।
ષડ્દીર્ઘયુક્તબીજેન ષડઙ્ગવિધિરીરિતઃ

ષડર્ણવત્તુ મુન્યાદ્યાઃ પ્રોક્તાશ્ચાસ્યાપિ નારદ ।
ઈશાનાદ્યા ન્યસેન્મૂર્તીરઙ્ગુષ્ઠાદિષુ દેશિકઃ

ઈશાનાખ્યં તત્પુરુષમઘોરં તદનન્તરમ્ ।
વામદેવાહ્વયં સદ્યોજાતબીજં ક્રમાદ્વિદુઃ

ઉકારાદ્યૈઃ પઞ્ચહ્રસ્વૌર્વિલોમાન્સંયુતં ચ યત્ ।
તત્તદઙ્ગુલિભિર્ભૂયસ્તત્તદિકાન્ન્યસેત્

શિરોવદનહૃદ્ગુહ્યપાદદેશે યથાક્રમાત્ ।
ઉર્દ્ધપ્રાગ્દક્ષિણોદીચ્યપશ્ચિમેષુ મુખેષુ ચ

તતઃ પ્રવિન્યસેદ્વિદ્વાનષ્ટત્રિંશત્કલાસ્તનૌ ।
ઈશાનાદ્યા ઋચઃ સમ્યગઙ્ગુલીષુ યથાક્રમાત્

અઙ્ગુષ્ઠાદિકનિષ્ઠાન્તં ન્યસેદ્દેશિકસત્તમઃ ।
મૂર્દ્ધાસ્યહૃદયાંભોજગુહ્યપાદે તુ તાઃ પુનઃ

વક્ત્રે મૂર્ધાદિષુ ન્યસ્ય ભૂયો ઽઙ્ગાનિ પ્રકલ્પયેત્ ।
તારપઞ્ચકમુચ્ચાર્ય સર્વજ્ઞાય હૃદીરિતમ્

અમૃતે તેજો માલિનિ તૃપ્તાયેતિ પદં પુનઃ ।
તદન્તે બ્રહ્મશિઃસે શિરોગં જ્વલિતં તતઃ

શિખિં શિખાય પરતો ઽનાદિબોધાય તચ્છિખા ।
વજ્રિણે વજ્રહસ્તાય સ્વતન્ત્રાય તનુચ્છદમ્

સૈં સૈં હૌમિતિ સંભાષ્ય પરતો તોં ગુહ્યશક્તયે ।
નેત્રમુક્તં શ્લીપશું હું ફડન્તે નેત્રં શક્તયે

અસ્ત્રમુક્તં ષડઙ્ગાનિ કુર્યાદેવં સમાહિતઃ ।
પૂર્વદક્ષિણપશ્ચાત્પ્રાક્સૌમ્યમધ્યેષુ પઞ્ચસુ

વક્ત્રેષુ પઞ્ચ વિન્યસ્યેદીશાનસ્ય કલાઃ ક્રમાત્ ।
ઈશાનઃ સર્વવિદ્યાનાં શશિની પ્રથમા કલા

ઈશ્વરઃ સર્વભૂતાનાં મઙ્ગલા તદનન્તરમ્ ।
બ્રહ્માધિપતિઃ શબ્દાન્તે બ્રહ્મણો ઽધિપતિઃ પુનઃ

બ્રહ્મેષ્ટદા તૃતીયાસ્યાચ્છિવો મે અસ્તુ તત્પરા ।
મરીચિઃ કથિતા વિપ્ર ચતુર્થી ચ સદાશિવે

અંશુમાલિન્યથ પરા પ્રણવાદ્યા નમોન્વિતાઃ ।
પૂર્વપશ્ચિમયામ્યોદગ્વક્ત્રેષુ તદનન્તરમ્

ચતસ્રો વિન્યસેન્મન્ત્રી પુરુષસ્ય કલાઃ ક્રમાત્ ।
આદ્યા તત્પુરુપાયેતિ વિદ્મહે શાન્તિરીરિતા

મહાદેવાય શબ્દાન્તે ધીમહિ સ્યાત્તતઃ પરમ્ ।
વિદ્યા દ્વિતીયા કથિતા તન્નો રુદ્રઃ પદં તતઃ

પ્રતિષ્ઠા કથિતા પશ્ચાત્તૃતીયા સ્યાત્પ્રચોદયાત્ ।
નિવૃત્તિસ્તત્પરા સર્વા પ્રણવાદ્યા નમોન્વિતા

હૃદિ ચાંસદ્વયે નાભિકુક્ષૌ પૃષ્ઠે ઽથ વક્ષસિ ।
અથોરસિ કલા ન્યસ્યેદષ્ટૌ મન્ત્રી યથાવિધિ

અઘોરેભ્યસ્તથા પૂર્વમીરિતા પ્રથમા કલા ।
અથ ઘોરેભ્ય ઇત્યન્તે મોહાસ્યાત્તદનન્તરમ્

અઘોરાન્તે ક્ષમા પશ્ચાત્તૃતીયા પરિકીર્તિતા ।
ઘોરતરેભ્યો નિદ્રા સ્યાત્સર્વેભ્યઃ સર્વતત્પરા

વ્યાધિસ્તુ પઞ્ચમી પ્રોક્તા શર્વેભ્યસ્તદનન્તરમ્ ।
મૃત્યુર્નિગદિતા ષષ્ઠી નમસ્તે અસ્તુ તત્પરમ્

ક્ષુધા સ્યાત્સપ્તમી રુદ્રરૂપેભ્યઃ કથિતા તૃષા ।
અષ્ટમી કથિતા એતાધ્રુવાદ્યા નમસાન્વિતાઃ

ગુહ્યયુગ્મોરુયુગ્મેષુ જાનુજઙ્ઘાસ્ફિજોઃ પુનઃ ।
કટ્યાં પાર્શ્વદ્વયે વામકલા ન્યસ્યેત્ત્રયોદશ

પ્રથમા વામદેવાય નમોન્તે સ્યાદ્રુજા કલા ।
સ્યાજ્જ્યેષ્ઠાય નમો રક્ષા દ્વિતીયા પરિકીર્તિતા

કલકામા પઞ્ચમી સ્યાત્તતો વિકરણાય ચ ।
નમઃ સંયમની ષષ્ઠી કથિતા તદનન્તરમ્

બલક્રિયા સપ્તમીષ્ટા કલા વિકરણાય ચ ।
નમો વૃદ્ધિસ્ત્વષ્ટમી સ્યાદ્બલાન્તે ચ સ્થિરા કલા

પશ્ચાત્પ્રમથનાયાન્તે નમો રાત્રિરુદીરિતા ।
સર્વભૂતદમનાય નમોન્તે ભ્રામણી કલા

નમોન્તે મોહિની પ્રોક્તા મન્ત્રજ્ઞૈર્દ્વાદશી કલા ।
મનોન્મન્યૈ નમઃ પશ્ચાજ્જ્વરા પ્રોક્તા ત્રયોદશી

પ્રણવાદ્યાશ્ચતુર્થ્યન્તા નમોન્તાસ્તુ પ્રકીર્તિતાઃ ।
પાદદોસ્તનનાસાસુ મૂર્ધ્નિ બાહુયુગે ન્યસેત્

સદ્યોજાતભવાઃ સમ્યગષ્ટૌ મન્ત્રાઃ કલાઃ ક્રમાત્ ।
સદ્યોજાતં પ્રપદ્યામિ સિદ્ધિઃ સ્યાત્પ્રથમા કલા

સદ્યોજાતાય વૈ ભૂયો નમઃ સ્યાદ્ વૃદ્ધિરીરિતા ।
ભવેદ્યુતિસ્તૃતીયા સ્યાદભવે તદનન્દરમ્

લક્ષ્મી ચતુર્થી કથિતા તતો નાતિભવેપદમ્ ।
મેધા સ્યાત્પઞ્ચમી પ્રોક્તા કલાભૂયો ભવસ્વ મામ્

પ્રાજ્ઞા સમીરિતા ષષ્ઠી ભવાન્તે સ્યાત્પ્રભા કલા ।
ઉદ્ભવાય નમઃ પશ્ચાત્સુધા સ્યાદષ્ટમી કલા

પ્રણવાદ્યાશ્ચતુર્થ્યન્તા કલાઃ સર્વા નમોન્વિતાઃ ।
અષ્ટાત્રિંશત્કલાઃ પ્રોક્તાઃ પઞ્ચ બ્રહ્મપદાદિકાઃ

ઇતિ વિન્યસ્તદેહો ઽસૌ ભવેદ્ગઙ્ગાધરઃ સ્વયમ્ ।
તતઃ સમાહિતો ભૂત્વા ધ્યાયેદેવં સદાશિવમ્

સિતપીતાસિતશ્વેતજપાભૈઃ પઞ્ચભિર્મુખૈઃ ।
અક્ષૈર્યુતં ગ્લૌમુકુટં કોટિપૂર્ણેન્દુસંપ્રભમ્

શૂલં ટઙ્કં કૃપાણં ચ વજ્રાગ્ન્યહિપતીન્કરૈઃ ।
દધાનંભૂષણોદ્દીપ્તં ઘણ્ટાપાશવરાભયાન્

એવં ધ્યાત્વા જપેન્મન્ત્રં પઞ્ચલક્ષં મધુપ્લુતૈઃ ।
પ્રસૂનૈઃ કરવીરોત્થૈર્જુહુયાત્તહૃશાંશતઃ

પૂર્વોદિતે યજેત્પીઠે મર્તિં મૂલેન કલ્પયેત્ ।
આવાહ્ય પૂજયેત્તસ્યાં મૂર્તાવાવરણૈઃ સહ

શક્તિં ડમરુકાભીતિવરાન્સંદધતં કરૈઃ ।
ઈશાનં ત્રીક્ષણં શુભ્રમૈશાન્યાં દિશિ પૂજયેત્

પરશ્વેણવરાભીતીર્દધાનં વિદ્યુદુજ્જ્વલમ્ ।
ચતુર્મુખં તત્પુરુષં ત્રિનેત્રં પૂર્વન્તોર્ઽચયેત્

અક્ષસ્રજં વેદપાશૌ ઋષિણ્ડમરુકં તતઃ ।
ખટ્વાઙ્ગં નિશિતં શૂલં કપાલં બિભ્રતં કરૈઃ

અઞ્જનાભં ચતુર્વક્ત્રં ભીમદન્તં ભયાવહમ્ ।
અઘોરં ત્રીક્ષણં યામ્યે પૂજયેન્મન્ત્રવિત્તમઃ

કુઙ્કુમાભચતુર્વક્ત્રં વામદેવં ત્રિલોચનમ્ ।
હરિણાક્ષગુણાભીતિવરહસ્તં ચતુર્મુખમ્

બાલેન્દુશેખરોલ્લાસિમુકુટં પશ્ચિમે યજેત્ ।
કર્પૂરેદુનિભં સૌમ્યં સદ્યોજાતં ત્રિલોચનમ્

વરાભયાક્ષવલયકુઠારાન્દધતં કરૈઃ ।
વિલાસિનં સ્મેરવક્ત્રં સૌમ્યે સમ્યક્સમર્ચયેત્

કોણેષ્વર્ચેન્નિવૃત્ત્યાદ્યાસ્તેજોરૂપાઃ કલાઃ ક્રમાત્ ।
વિઘ્નેશ્વરાનનન્તાદ્યાન્પત્રેષુ પરિતો યજેત્

ઉમાદિકાસ્તતો બાહ્યે શક્રાદ્યાનાયુધૈઃ સહ ।
ઇતિ સંપૂજ્ય દેવેશં ભક્ત્યા પરમયા યુતઃ

પ્રણીયેન્નૃત્યગીતાદ્યૈઃ સ્તોત્રમૈર્ત્રીં મનોહરૈઃ ।
તારો માયાવિયદ્બિન્દુમનુસ્વરસમન્વિતઃ

પઞ્ચાક્ષરસમાયુક્તો વસુવર્ણો મનુર્મતઃ ।
પઞ્ચાક્ષરોક્તવત્કુર્યાદઙ્ગન્યાસાદિકં બુધઃ

સિંદૂરાભં લસદ્રત્નમુકુટં ચન્દ્રમૌલિનમ્ ।
દિવ્યભૂષાઙ્ગરાગં ચ નાગયજ્ઞોપવીતિનમ્

વામોરુસ્થપ્રિયોરોજન્યસ્તહસ્તં ચ બિભ્રતમ્ ।
વેદટઙ્કેષ્મભયં ધ્યાયેત્સર્વેશ્વરં શિવમ્

અષ્ટલક્ષં જપેન્મન્ત્રં તત્સહસ્રં ઘૃતાન્વિતૈઃ ।
પાયસૈર્જુહુયાત્પીઠેમૂર્તિં સંકલ્પ્ય મૂલતઃ

અઙ્ગૈરાવરણં પૂર્વમનન્તાદ્યૈરનન્તરમ્ ।
ઉમાદિભિઃ સમુદ્દિષ્ટં તૃતીયં લોકનાયકૈઃ

ચતુર્થં પઞ્ચમં તેષામાયુધૈઃ પરિકીર્તિતમ્ ।
એવં પ્રતિદિનં દેવં પૂજયેત્સાધકોત્તમઃ

પુત્રપૌત્રાદિગાં લક્ષ્મીં સંપ્રાપ્યહ્યત્ર મોદતે ।
તારઃ સ્થિરા સકર્ણેન્દુર્ભઘૃગુઃ સર્ગસમન્વિતઃ

અક્ષરાત્મા નિગદિતો મન્ત્રો મૃત્યુઞ્જયાત્મકઃ ।
ઋષૈઃ કહોલો દેવ્યાદિગાયત્રી છન્દ ઈરિતમ્

મૃત્યુઞ્જયો મહાદેવો દેવતાસ્ય સમીરિતઃ ।
ભૃગુણા દીર્ઘયુક્તેન ષડઙ્ગાનિ સમાચરેત્

ચન્દ્રાર્કહુતભુઙ્નેત્રં સ્મિતાસ્યં યુગ્મપદ્મગમ્ ।
મુદ્રાપાશૈણાક્ષસૂત્રલસત્પાણિં શશિપ્રભમ્

ભાલેન્દુવિગલન્ત્પીયૂષપ્લુતાઙ્ગમલઙ્કૃતમ્ ।
હારાદ્યૈર્નિજકાન્ત્યા તુ ધ્યાયેદ્વિશ્વવિમોહનમ્

ગુણલક્ષં જપેન્મન્ત્રં તદ્દશાંશં હુનેત્સુધીઃ ।
અમૃતાશકલૈઃ શુદ્ધદુગ્ધાજ્યસમભિપ્લુતૈઃ

શૈવે સંપૂજયેત્પીઠે મૂર્તિં સંકલ્પમૂલતઃ ।
અઙ્ગાવરણમારાધ્યપશ્ચાલ્લોકેશ્વરાન્યજેત્

તદસ્ત્રાણિ તતો બાહ્યે પૂજયેત્સાધકોત્તમઃ ।
જપપૂજાદિભિઃ સિદ્ધે મન્ત્રે ઽસ્મિન્મુનિસત્તમ

કુર્યાત્પ્રયોગાન્કલ્યોક્તાનભીષ્ટફલસિદ્ધયે ।
દુગ્ધસિક્તૈઃ સુધાખણ્ડૈર્હુત્વા પ્રત્યહમાદરાત્

સહસ્રમાસપર્યન્તં લભેદાયુર્ધનં સુતાન્ ।
સુધાવટતિતાન્પૂર્વા પયઃ સર્પિઃ પયો હવિઃ

સપ્ત દ્રવ્યાણિ વારેષુ ક્રમાદ્દશશતં હુનેત્ ।
સપ્તાધિકાન્ દ્વિજાન્નિત્યં ભોજયેન્મધુરાન્વિતમ્

ઋત્વિગ્ભ્યો દક્ષિણાં દદ્યાદરુણાં ગાં પયસ્વિનીમ્ ।
ગુરું સંપ્રીણયેત્પશ્ચાદ્ધનાદ્યૈર્દેવતાધિયા

અનેન વિધિના સાધ્યઃ કૃત્યાદ્રોહજ્વંરાદિભિઃ ।
વિમુક્તઃ સુચિરં જીવેચ્છરદાં શતમઞ્જસા

અભિચારે જ્વરે સ્તંભઘોરોન્માદે શિરોગદે ।
અસાધ્યરોગે ક્ષ્વેડાર્તૌં મોહે દાહે મહાભયે

હોમો ઽયં શાન્તિદઃ પ્રોક્તઃ સર્વાભયપ્રદાયકઃ ।
દ્રવ્યૈરેતૈઃ પ્રજુહુયાત્ત્રિજન્મસુ યથાવિધિ

ભોજયેન્મધુરૈર્ભોજ્યૈર્બ્રાહ્મણાન્વેદપારગાન્ ।
દીર્ઘમાયુરવાપ્નોતિ વાઞ્છિતાં વિન્દતિ શ્રિયમ્

એકાદશાહુતીર્નિત્યં દૂર્વાભિર્જુહુયાદ્ બુધઃ ।
અપમૃત્યુજિદેવ સ્યાદાયુરારોગ્યવર્દ્ધનમ્

ત્રિજન્મસુ સુધાવલ્લીકાશ્મીરીબકુલોદ્ભવૈઃ ।
સમિદ્વરૈઃ કૃતો હોમઃ સર્વમૃત્યુગદાપહઃ

સિદ્ધાર્થૈર્વિહિતો હોમો મહાજ્વરવિનાશનઃ ।
અપામાર્ગસમિદ્ધોમઃ સર્વામયનિષૂદનઃ

દક્ષિણામૂર્તયે પૂર્વં તુભ્યં પદમનન્તરમ્ ।
વટમૂલપદસ્યાન્તે પ્રવદેચ્ચ નિવાસિને

ધ્યાનૈકનિરતાઙ્ગાય પશ્ચાદ્ બ્રૂયાન્નમઃ પદમ્ ।
રુદ્રાય શંભવે તારશક્તિરુદ્ધો ઽયમીરિતઃ

ષટ્ત્રિંશદક્ષરો મન્ત્રઃ સર્વકામફલપ્રદઃ ।
મુનિઃ શુકઃ સમુદ્દિષ્ટશ્છન્દો ઽનુષ્ટુપ્પ્રકીર્તિતમ્

દેવતા દક્ષિણામૂર્તિર્નામ્ના શંભુરુદીરિતઃ ।
તારશક્તિયુક્તૈઃ પૂર્વં હ્રીમાદ્યન્તૈશ્ચ મન્ત્રજૈઃ

ષટ્ષષ્ઠાષ્ટેષુ વહ્ન્યર્ણૈર્હૃદયાદ્યઙ્ગકલ્પનમ્ ।
મૂર્ધ્નિ ભાલે દૃશોઃ શ્રોત્રે ગણ્ડયુગ્મે સનાસિકે

આસ્યદોઃસંધિષુ ગલે સ્તનહૃન્નાભિમણ્ડલે ।
કટ્યાં ગુહ્યે પુનઃ પાદસંધિષ્વર્ણાન્ન્યસેન્મનોઃ

વ્યાપકં તારશક્તિભ્યાં કુર્યાદ્દેહે તતઃ પરમ્ ।
હિમાચલતટે રમ્યે સિદ્ધિકિન્નરસેવિતે

વિવિધદ્રુમશાખાભિઃ સર્વતો વારિતાતપે ।
સુપુષ્પિતૈર્લતાજાલૈરાશ્લિષ્ટકુસુમદ્રુમે

શિલાવિવરનિર્ગચ્છન્નિર્ઝરાનિલશીતલે ।
ગાયદ્દેવાઙ્ગનાસંઘે નૃત્યદ્બર્હિ કદમ્બકે

કૂજત્કોકિલસંઘેન મુખરીકૃતદિઙ્મુખે ।
પરસ્પરવિનિર્મુક્તમાત્સર્યમૃગસેવિતે

જલજૈઃ સ્થલજૈઃ પુષ્પૈરામોદિભિરલઙ્કૃતે ।
આદ્યૈઃ શુકાદ્યૈર્મુનિભિરજસ્રસુખસેવિતે

પુરન્દરમુખૈર્દેવૈઃ સાંગનાદ્યૈર્વિલોકિતે ।
વટવૃક્ષં મહોચ્છ્રાયં પદ્મરાગફલોજ્જ્લમ્

ગારુત્મતમયૈઃ પત્રૈર્નિબિડૈરુપશોભિતમ્ ।
નવરત્નમયાકલ્પૈર્લંબમાનૈરલઙ્કૃતમ્

સંસારતાપવિચ્છેદકુશલચ્છાયમદ્ભુતમ્ ।
તસ્ય મૂલે સુસંકૢપ્તરત્નસિંહાસને શુભે

આસીનમસિતાકલ્પં શરચ્ચન્દ્રનિભાનનમ્ ।
કૈલાસાદ્રિનિભં ત્ર્યક્ષં ચન્દ્રાઙ્કિતકપર્દકમ્

નાસાગ્રાલોકનપરં વીરાસનસમાસ્થિતમ્ ।
ભદ્રાટકે કુરઙ્ગાઢ્યજાનુસ્થકરપલ્લવમ્

કક્ષાબદ્ધભુજઙ્ગં ચ સુપ્રસન્નં હરં સ્મરેત્ ।
અયુતદ્વયસંયુક્તગુણલક્ષં જપેન્મનુમ્

તદ્દશાંશં તિલૈઃ શુદ્ધૈર્જુહુયાત્ક્ષીરસંયુતૈઃ ।
પઞ્ચાક્ષરોદિતે પીઠે તદ્વિધાનેન પૂજયેત્

ભિક્ષાહારો જપેન્માસં મનુમેનં જિતેન્દ્રિયઃ ।
નિત્યં સહસ્રમષ્ટાર્દ્ધં પરાં વિન્દતિ વાક્છ્રિયમ્

ત્રિવારં જપ્તમેતેન પયસ્તુ મનુના પિબેત્ ।
દક્ષિણામૂર્તિંસંધ્યાનાચ્છાસ્ત્રવ્યાખ્યાનકૃદ્ભવેત્

પ્રણવો હૃદયં પશ્ચાદ્વદેદ્ભગવતેપદમ્ ।
ઙેયુતં દક્ષિણામૂર્તિં મહ્યંમેધામુદીરયેત્

પ્રયચ્છ ઠદ્વયાન્તો ઽયં દ્વાવિંશત્યક્ષરો મનુઃ ।
મુનિશ્ચતુર્મુખશ્છન્દો ગાયત્રી દેવતોદિતા

તારરુદ્ધૈઃ સ્વરૈર્દીર્ઘૈઃ ષડ્ભિરઙ્ગાનિ કલ્પયેત્ ।
પદૈર્મન્ત્રભવૈર્વાપિધ્યાનાદ્યં પૂર્વવન્મતમ્

લોહિતોગ્ર્યાસનઃ સદ્યો બિન્દુમાન્પ્રથમં તતઃ ।
દ્વિતીયં વહ્નિબીજસ્થા દીર્ઘા શાન્તીન્દુભૂષિતા

તૃતીયા લાઙ્ગલીશાર્ણમન્ત્રો બીજત્રયાન્વિતઃ ।
નીલકણ્ઠાત્મકઃ પ્રોક્તો વિષદ્વયહરઃ પરઃ

હરદ્વયં વહ્નિજાયા હૃદયં પરિકીર્તિતમ્ ।
કપર્દ્દિને પદયુગં શિરોમન્ત્ર ઉદાહૃતઃ

નીલકણ્ઠાય ઠદ્વન્દ્વં શિખામન્ત્રો ઽયમીરિતઃ ।
કાલકૂટપદસ્યાન્તે વિષભક્ષણઙેયુતમ્

હું ફટ્ કવચમુદ્દિષ્ટં નીલકણ્ઠિન ઇત્યતઃ ।
સ્વાહાન્તમસ્ત્રમેતાનિ પઞ્ચાગાનિ મનોર્વિદુઃ

મૂર્ધ્નિ કણ્ઠે હૃદંભોજે ક્રમાદ્વીજત્રયં ન્યસેત્ ।
બાલાર્કાયુતવર્ચસ્કં જટાજૂટેન્દુશોભિતમ્

નાગાભૂષં જપવટીં શૂલં બ્રહ્મકપાલકમ્ ।
ખટ્વાઙ્ગં દધતં દોર્ભિસ્ત્રિનેત્રં ચિન્તયેદ્ધરમ્

લક્ષત્રયં જપેન્મન્ત્રં તદ્દશાંશં સસર્પિષા ।
હવિષા જુહુયાત્સમ્યક્સંસ્કૃતે હવ્યવાહને

શૈવં પીઠે યજેદ્દેવં નીલકણ્ઠં સમાહિતઃ ।
મૃત્યું જયવિધાનેન વિષદ્વયવિનાશનમ્

અગ્નિઃ સંવર્તકાદિત્યરાનિલૌ ષષ્ટિબિન્દુમાન્ ।
ચિન્તામણિરિતિ ખ્યાતં બીજં સર્વસમૃદ્ધિદમ્

કશ્યપો મુનિરાખ્યાતશ્છન્દો ઽનુષ્ટુબુદાહૃતમ્ ।
અર્દ્ધનારીશ્વરઃ પ્રોક્તો દેવતા જગતાં પતિઃ

રેફઆદિવ્યઞ્જનૈઃ ષડ્ભિઃ કુર્યાદઙ્ગાનિ ષટ્ ક્રમાત્ ।
ત્રિનેત્રં નીલમણિભં શૂલપાશં કપાલકમ્

રક્તોત્પલં ચ હસ્તાબ્જૈર્દધતં ચારુભૂષણમ્ ।
બાલેન્દુબદ્ધમુકુટમર્દ્ધનારીશ્વરં સ્મરેત્

એકલક્ષં જપેન્મન્ત્રં ત્રિશતં મધુરાપ્લુતૈઃ ।
તિલૈર્હુનેદ્યજેત્પીઠે શૈવેઙ્ગાવરણૈઃ સહ

વૃષાદ્યૈર્માતૃભિઃ પશ્ચાલ્લોકપાલૈસ્તદાયુધૈઃ ।
પ્રાસાદાદ્યં જપેન્મન્ત્રમયુતં રોગશાન્તયે

સ્વાહાવૃત્તમિદં બીજં વિગલત્પરમામૃતમ્ ।
ચન્દ્રબિંબસ્થિતં મૂર્ધ્નિ ધ્યાતં ક્ષ્વેડગદાપહમ્

પ્રતિલોમસ્વરાઢ્યા ચ બીજં વહ્નિગૃહે સ્થિતમ્ ।
રેફઆદિવ્યઞ્જનોલ્લાસિષટ્કોણાભિવૃતં બહિઃ

ભૂતાર્તસ્ય સ્મૃતં મૂર્ધ્નિ ભૂતમાશુ વિનાશયેત્ ।
પીડિતાઙ્ગે સ્મૃતં તત્તત્પીડાં શમયતિ ધ્રુવમ્

પ્રણવો હૃદયં પશ્ચાન્ ઙેંતઃ પશુપતિઃ પુનઃ ।
તારો નમો ભૂતપદં તતો ઽધિપતયે ધ્રુવમ્

નમોરુદ્રાય યુગલં ખડ્ગરાવણ શબ્દતઃ ।
વિહરદ્વિતયં પશ્ચાન્નરીનૃત્યયુગં પૃથક્

શ્મશાનભસ્માચિતાન્તે શરણ્યાય તતઃ પરમ્ ।
ઘણ્ટાકપાલમાલાદિધરાયેતિ પદં પુનઃ

વ્યાઘ્રચર્મપદસ્યાન્તે પરિધાનાય તત્પરમ્ ।
શશાઙ્કકૃતશબ્દાન્તે શેખરાય તતઃ પરમ્

કૃષ્ણસર્પપદાત્પશ્ચાદ્વદેદ્યજ્ઞોપવીતિને ।
બલયુગ્મં ચલાયુગ્મમનિવર્તકપાલિને

હનુયુગ્મં તતો ભૂતાંસ્ત્રાસયદ્વિતયં પુનઃ ।
ભૂયો મણ્ડલમધ્યે સ્યાત્કટયુગ્મં તતઃ પરમ્

રુદ્રાઙ્કુશેન શમય પ્રવેશયયુગં તતઃ ।
આવેશયયુગં પશ્ચાઞ્ચણ્ડાસિપદમીરયેત્

ધારાધિપતિરુદ્રો ઽયં જ્ઞાપયત્યગ્નિસુંદરી ।
ખડ્ગરાવણમન્ત્રો ઽયં સપ્તત્યૂર્દ્ધશતાક્ષરઃ

ભૂતાધિપતયે સ્વાહા પૂજામન્ત્રો ઽયમીરિતઃ ।
સિદ્ધમન્ત્રો ઽયમુદિતો જપાદેવ પ્રસિદ્ધ્યતિ

અયુતદ્વિતયાત્પશ્ચાદ્ભૂતાદિગ્રહણે ક્ષમઃ ।
માયા સ્ફુરદ્વયં ભૂયઃ પ્રસ્ફુરદ્વિતયં પુનઃ

ઘાતયદ્વિતયં વર્મફડન્તઃ સમુદીરિતઃ ।
એકપઞ્ચાશદર્ણો ઽયમઘોરાસ્ત્રં મહામનુઃ

અઘોરો ઽસ્ય નુનિઃ પ્રોક્તસ્ત્રિવૃચ્છન્દં ઉદાહૃતમ્ ।
અઘોરરુદ્રઃ સંદિષ્ટો દેવતા મન્ત્રનાયકઃ

હૃદયં પઞ્ચભિઃ પ્રોક્તં શિરઃ ષડ્ભિરુદાહૃતમ્ ।
શિખા દશભિરાખ્યાતા નવભિઃ કવચં મતમ્

વસુવર્ણૈઃ સ્મૃતં નેત્રં દશાર્ણૈરસ્ત્રમીરિતમ્ ।
મૂર્ધ્નિ નેત્રાસ્યકણ્ઠેષુ હૃન્નાભ્યામૂરુષુ ક્રમાત્

જાનુજઙ્ઘાપદદ્વન્દ્વે રુદ્રભિન્નાક્ષરૈર્ન્યસેત્ ।
પઞ્ચષટ્કાષ્ટવેદાઙ્ગદ્વિવ્દ્યબ્ધિરસલોચનૈઃ

શ્યામં ત્રિનેત્રં સપાર્ઢ્યં રક્તવસ્ત્રાઙ્ગરાઙ્ગકમ્ ।
નાનાશસ્ત્રધરં ધ્યાયેનદઘોરાખ્યં સદાશિવમ્

ભૂતવેતાલકાદીનાં ક્ષયો ઽયં નિગ્રહે મનુઃ ।
તારો વાન્તો ધરાસંસ્થો વામનેત્રેન્દુભૂષિતઃ

પાશી બકઃ કર્ણનેત્રવર્માસ્ત્રાન્તઃ ષડક્ષરઃ ।
મનુઃ પાશુપતાસ્ત્રાખ્યો ગ્રહક્ષુદ્રનિવારણઃ

ષડ્ભિર્વર્ણૈઃ ષડઙ્ગાનિ હુંફડન્તૈઃ સજાતિભિઃ ।
મધ્યાહ્નાર્કપ્રભં ભીમં ત્ર્યક્ષં પન્નગભૂષણમ્

નાનાશસ્ત્રં ચતુર્વક્ત્રં સ્મરેત્પશુપતિં હરમ્ ।
વર્ણલક્ષં જપેન્મન્ત્રં જુહુયાત્તદ્દશાંશતઃ

ગવ્યેન સર્પિષા મન્ત્રો સંસ્કૃતે હવ્યવાહને ।
શૈવે પીઠે યજેદઙ્ગમાતૃલોકેશ્વરાયુધૈઃ

અનેન મન્ત્રિતં તોયં ભૂતગ્રસ્તમુખે ક્ષિપેત્ ।
સદ્યઃ સ મુઞ્ચતિ ક્રન્દાન્મહામન્ત્રપ્રભાવતઃ

અનેન મન્ત્રિતાન્બાણાન્વિસૃજેદ્યુધિ યો નરઃ ।
જયેત્ક્ષણેન નિખિલાઞ્છત્રૂન્પાર્થ ઇવાપરઃ

વર્ણાન્તિમો બિન્દુયુતઃ ક્ષેત્રપાલાય હૃન્મનુઃ

તારાદ્યો વસુવર્ણો ઽયં ક્ષેત્રપાલસ્ય કીર્તિતઃ ।
ષડ્દીર્ઘયુક્તબીજેન ષડઙ્ગં ન્યસ્ય ચિન્તયેત્

નીલાચલાભં દિગ્વસ્ત્રં સર્પભૂષં ત્રિલોચનમ્ ।
પિઙ્ગોર્ધ્વકેશાન્દધતં કપાલં ચ ગદાં સ્મરેત્

લક્ષમેકં જપેન્મન્ત્રં જુહુયાત્તદ્દશાંશતઃ ।
ચરુણા ઘૃતસિક્તેન તતઃ ક્ષેત્રે સમર્ચયેત્

ધર્માદિકલ્પિતે પીઠે સાંગાવરણમાદરાત્ ।
તસ્મૈ સપરિવારાય બલિમેતેન નિર્હરેત્

પૂર્વમેહિદ્વયં પશ્ચાદ્વિદ્વિષં પુરુષં દ્વયમ્ ।
ભઞ્જયદ્વિતયં ભૂયો નર્તયદ્વિતયં પુનઃ

તતો વિઘ્નપદદ્વન્દ્વં મહાભૈરવ તત્પરમ્ ।
ક્ષેત્રપાલબલિં ગૃહ્ણદ્વયં પાવકસુન્દરી

બલિમન્ત્રો ઽયમાખ્યાતઃ સર્વકામફલપ્રદઃ ।
સોપદેશં બૃહત્પિણ્ડે કૃત્વા રાત્રિષુ સાધકઃ

સ્મૃત્વા યથોક્તં ક્ષેત્રેશં તસ્ય હસ્તે બલિં હરેત્ ।
બલિનાનેન સન્તુષ્ટઃ ક્ષેત્રપાલઃ પ્રયચ્છતિ

કાન્તિં મેધાં બલાયોગ્યં તેજઃ પુષ્ટિં યશઃ શ્રિયમ્ ।
ઉદ્ધરેદ્બટુકં ઙેંતમાપદુદ્ધારણં તથા

કુરુદ્વયં તતઃ પશ્ચાદ્વટુકં ઙેંતમુચ્ચરેત્ ।
શક્તિરુદ્ધો ધ્રુવાદિશ્ચ દ્વાવિંશત્યક્ષરો મનુઃ

દ્વિચતુઃસપ્તવેદાબ્ધિચન્દ્રાર્ણૈરઙ્ગકં મનોઃ ।
બાલં સ્ફટિકસંકાશં તલ્લોલલસિતાનનમ્

દિવ્યાકલ્પૈઃ પ્રદીપ્તાઙ્ગં ત્ર્યક્ષં દણ્ડત્રિશૂલિનમ્ ।
સુપ્રસન્નં સ્મરેદ્ધક્ત્યા ભક્તાનામભયઙ્કરમ્

વર્ણલક્ષં જપેન્મન્ત્રં હવિષ્યાશી જિતેન્દ્રિયઃ ।
તદ્દશાંશં પ્રજુહુયાન્ત્તિલૈર્મધુરસંયુતૈઃ

ધર્માદિકલ્પિતે પીઠે પઙ્કજે ચાતિશોભને ।
ષટ્કોણાન્તસ્ત્રિકોણસ્થવ્યોમપઙ્કજસંયુતે

બટુકં પૂજયેદ્દેવં સાંગાવરણકં ક્રમાત્ ।
શત્રુપક્ષસ્ય રુધિરં પિશિન્ત ચ દિનેદિને ।
ભક્ષયસ્વ ગણૈઃ સાર્દ્ધં સારમેયસમન્વિતઃ

બલિમન્ત્રો ઽયમાખ્યાતઃ શત્રુનામ્ના વિદર્ભિતઃ ।
અનેન બલિના હૃષ્ટો બટુકઃ પરસૈન્યકમ્

છિત્વા ગણેભ્યો વિભજેદામિષં ક્રુદ્ધમાનસઃ ।
અઙ્કશો વહ્નિશિખરો લાન્તદાન્ત ઇતીરિતઃ

ફડન્તશ્ચણ્ડમન્ત્રો ઽયં ત્રિવર્ણાત્મા સમીરિતઃ ।
અસ્ય ત્રિતો મુનિઃ પ્રોક્તશ્છન્દો ઽનુષ્ટુબુદાહૃતમ્

ચણ્ડેશો દેવતા પ્રોક્તા વક્ષ્યતેંઽગપ્રકલ્પનમ્ ।
હૃદયં દીપ્તફટ્ પ્રોક્તં જ્વલફટ્ શિર ઈરિતમ્

શિખાજ્વાલિનિ ફટ્ પ્રોક્તા વહફટ્ કવચં મતમ્ ।
હલફટ્ નેત્રમાખ્યાતં સર્વજ્વાનિનિફટ્ પરમ્

વિન્યસ્યૈવં ષડઙ્ગાનિ તતો દેવં વિચિન્તયેત્ ।
ચણ્ડેશ્વરં રક્તતનુન્ત્ર્યક્ષં રક્તાંબરાવૃતમ્

દધતં ચ ત્રિશૂલાક્ષમાલાટં કકમણ્ડલૂન્ ।
વર્ણલક્ષં જપેન્મન્ત્રં હોમં કુર્યાદ્દશાંશતઃ

મધુરત્રયસંયુક્તૈર્વિશુદ્ધૈસ્તિલતણ્ડુલૈઃ ।
પઞ્ચાક્ષરોદિતે પીઠે મૂર્તિં મૂલેન કલ્પયેત્

કૂર્મેશો બિન્દુસંયુક્તસ્તતશ્ચણ્ડેશ્વરાય ચ ।
હૃદયં મનુરાખ્યાતશ્ચણ્ડેશસ્ય પ્રપૂજને

અઙ્ગૈર્માતૃભિરાશેશૈર્વજ્રાદ્યૈરાવૃતિર્ભવેત્ ।
શૈવમન્ત્રેષુ નિષ્ણાતશ્ચણ્ડેશ્વરમનું જપેત્

સર્વાન્કામાનવાપ્નોતિ પરત્રેહ ચ નન્દતિ ।
શૃણુ નારદ વક્ષ્યામિ દિવ્યં માહેશ્વરં સ્તવમ્

યસ્ય પાઠેન પૂજાયાં સિદ્ધ્યન્તિ મનવો ઽખિલાઃ

ધરામ્બ્વગ્નિમરુવ્દ્યોમમખેશેન્દ્વર્કમૂર્તયે ।
સર્વભૂતાન્તરસ્થાય શઙ્કરાય નમોનમઃ

શ્રુત્યં તકૃતવાસાય શ્રુતયે શ્રુતિજન્મને ।
અતીન્દ્રિયાય મહસે શાશ્વતાય નમોનમઃ

સ્થૂલસૂક્ષ્મવિભાગાભ્યામનિર્દેશ્યાય શંભવે ।
ભવાય ભવસંભૂતદુઃખહન્ત્રે નમોનમઃ

તર્કમાર્ગાતિદૂરાય તપસાં ફલદાયિને ।
ચતુર્વર્ગવદાન્યાય સર્વજ્ઞાય નમોનમઃ

આદિમધ્યાન્તશૂન્યાય નિરસ્તાશેષભીતયે ।
યોગિધ્યેયાય મહતે નિર્ગુણાય નમોનમઃ

વિશ્વાત્મને વિવિક્તાય વિલસચ્ચન્દ્રમૌલયે ।
કન્દર્પ્પદર્પ્પનાશાય કાલહૄન્ત્રે નમોનમઃ

વિષાશનાય વિહરદ્વૃષસ્કન્ધમુપેયુષે ।
સરિદ્દામસમાબદ્ધકપદાર્ય નમોનમઃ

શુદ્ધાય શુદ્ધભાવા શુદ્ધાનામન્તરાત્મને ।
પુરાન્તકાય પૂર્ણાય પુણ્યનામ્નો નમોનમઃ

ભક્તાય નિજભક્તાનાં ભુક્તિમુક્તિપ્રદાયિને ।
વિવાસસે નિવાસાય વિશ્વેષાં પતયે નમઃ

ત્રિમૂર્તિમૂલભૂતાય ત્રિનેત્રાય ત્રિશૂલિને ।
ત્રિધામ્ને ધામરૂપાય જન્મદાય નમોનમઃ

દેવાસુરશિરોરત્નકિરીટારુણિતાઙ્ઘ્રયે ।
કાન્તાય નિજકાન્તાયૈ દત્તાર્દ્ધાય નમોનમઃ

એતત્સ્તોત્રં મહેશસ્ય પ્રોક્તં સર્વાઘનાશનમ્ ।
શિવસાન્નિધ્યદં વિપ્ર સર્પતન્ત્રપ્રકાશકમ્

એતત્તે સુમહત્તન્ત્રેં સર્વદેવપ્રકાશકમ્ ।
લોકાભિલાષસંપૂર્તિક્રિયાસાધનસંગતમ્

યે તુ સામાન્યતઃ પ્રોક્તાસ્તન્ત્રે ઽસ્મિન્મનવો દ્વિજ ।
તે તુ લોકોપકારાય જ્ઞાતવ્યાઃ સિદ્ધિદાયકાઃ

વિશેષતો વૈષ્ણવા યે મન્ત્રાઃ સર્વોત્તમોત્તમાઃ ।
ત એવ સાધનીયાઃ સ્યુશ્ચતુર્વર્ગફલાપ્તયે

રામમન્ત્રાઃ કૃષ્ણમન્ત્રાઃ સાંગા રાસેશિમન્ત્રકાઃ ।
શાક્તાઃ સૌરાશ્ચ ગાણેશાઃ શૈવાઃ પ્રોક્તાઃ શુભાવહાઃ

તેષુ સ્વાત્મપ્રકાશાય ભજેન્મુક્તિફલપ્રદાન્ ।
એતત્તે સર્વમાખ્યાતં યત્ત્વયાભ્યર્થિતં મુને ।
દેવતારાધનં ભક્ત્યા કિં ભૂયઃ શ્રોતુમિચ્છસિ