Mokṣopāyaṭīkā · Chapter 4.4

Ś6: śrīvasiṣṭhaḥ indriyagrāmasaṅgrāmasetunā bhavasāgaraḥ |
tīryate netareṇeha kenacin nāma karmaṇā //

śāstrasatsaṅgamābhyāsaiḥ saviveko jitendriyaḥ /
atyantābhāvam evāsya dṛśyaughasyāvagacchati //

etat te kathitaṃ sarvaṃ svarūpaṃ rūpiṇāṃ vara /
saṃsārasāgaraśreṇyo yathāyānti prayānti ca //

bahunātra kim uktena manaḥ karmadrumāṅkuram N17, Ś1, Ś3, Ś6: °āṅkuraḥ /
tasmiṃś chinne jagacchākhaś chinnaḥ karmatarur bhavet //

manaḥ sarvam idaṃ rāma tasminn antaś cikitsite /
cikitsito ḥyaṃ sakalo janmajālamayo bhavaḥ //

tad etaj jāyate loke mano malalavākulam /
manaso vyatirekeṇa dehaḥ kva kila dṛśyate //

dṛśyātyantāsambhavanam ṛte nānyena hetunā /
manaḥpiśācaḥ Ś6: °śācaḥ; N17: °śāca praśamaṃ yāti kalpaśatair api //

etac ca sambhavaty eva manovyādhicikitsane /
dṛśyātyantāsambhavātma paramauṣadham uttamam //

mano moham upādatte mriyate jāyate punaḥ /
kasyacit tu prasādena badhyate mucyate punaḥ //

sphuratītthaṃ jagat sarvaṃ citte mananamanthare /
śūnya evāmbare sphāre gandharvāṇām puraṃ yathā //

manasīdaṃ jagat kṛtsnaṃ sphāraṃ sphurati cāsti ca /
puṣpaguccha ivāmodas tatsthas tasmād ivetaraḥ //

yathā tilakaṇe tailaṃ guṇo guṇini vā yathā /
yathā dharmiṇi vā dharmas tathedam manasi sthitam //

yathāmbhasi taraṅgaugha indau dvīndubhramo yathā /
mṛgatṛṣṇā yathā tāpe saṃsāraś cittake tathā //

raśmijālaṃ yathā sūrye yathālokaś N17: °āl(e)*o*° ca tejasi /
yathauṣṇyaṃ citrabhānau N17: °aurṣṇyaṃ °(m)*bh*ānau ca manasīdaṃ tathā jagat //

śaityaṃ yathaiva tuhine yathā nabhasi śūnyatā /
yathā cañcalatā vāyau manasīdaṃ tathā jagat //

mano jagaj jagad akhilaṃ tathā manaḥ parasparaṃ tv avirahitaṃ sadaiva hi /
tayor dvayor manasi nirantaraṃ kṣate kṣataṃ jagan na tu jagati kṣate manaḥ //