Mokṣopāyaṭīkā · Chapter 4.26

iti nirṇīya daityendro dāmavyālakaṭānvitām /
senāṃ sampreṣayām āsa bhūtalaṃ devanāśinīm //

daityāḥ sāgarakuñjebhyaḥ kandarebhyaḥ surācalāt /
udagur bhīmanirhrādāḥ sapakṣagirilīlayā //

rodasīkoṭaraṃ hastaprahārahatabhāskaram /
dānavāḥ pūrayām āsur dāmavyālakaṭeritāḥ //

athottasthur nikuñjebhyaḥ kandarebhyaḥ surācalāt /
pralayānta ivākṣubdhā bhītāḥ svarvāsināṃ gaṇāḥ //

devāsurapatākinyos tad yuddham abhavat tayoḥ /
akālolbaṇakalpāntabhīṣaṇam N17: °ol⟨l⟩baṇa° bhuvanāntare //

petuḥ pralayaparyastasacandrārkādrivad divaḥ /
śirāṃsi kuṇḍalodvāntatejaḥpītatamāṃsy adhaḥ //

jughūrṇur bhaṭanirmuktasiṃhanādavirāvitāḥ /
pralayānilasampūraiḥ sāṭṭahāsā N17: °hā[sā] mit Ś1;Ś3. ivādrayaḥ //

rejur ātmaśilātulyahetipātārtavṛttayaḥ N17: °tā⟨n⟩[r]tavṛ° /
kulācalataṭā bhītavibhrāntaharimaṇḍalāḥ //

ceruḥ parasparāghātahatahetisamutthitāḥ N17: °ra(ṃ)*s*parā° /
lolānalakaṇāḥ kalpaviśīrṇā iva tārakāḥ //

vilesū raktamāṃsaughapūrṇaikārṇavatīragāḥ /
kalpatālatanūttālā vetālās tāratālinaḥ //

prasphuradrudhirāsāraśāntapāṃsupayodhare /
vyomni hetihatakṣuṇṇamaulikuṇḍalakoṭayaḥ //

babhūvur bhāskarākāraiḥ kalpabhūruhabāhubhiḥ /
prahāradalitādrīndrair N17: °ā⟨n⟩drīn° daityair nirvivarā diśaḥ //

jagmur jvaladasivrātapātapātitabhittayaḥ /
kaṇaprakaratāṃ śailāḥ kalpāgnivalitā iva //

devāḥ tejaḥ samājagmur aśvamedhaidhitā iva /
asurān anusasrus tāñ jaladān iva vāyavaḥ //

jagṛhus tān athākramya jaradākhūn ivotavaḥ N17: iv(au)*o*ta° /
rejuḥ surāsurāḥ N17: °sur(ā)[ā]ḥ phullavanalolādrivad divi //

te ḥnyoḥnyam pūrayām āsuḥ śastrapūrair diśo daśa /
vanāni kusumavrātaiḥ sumeror iva mārutāḥ //

ghoraṃ samabhavad yuddhaṃ devadānavasainyayoḥ /
rodorandhroḍumbarāntar N17: ro⟨dh⟩[d]orandhroḍ⟨a⟩[u]mbarā° mahāmaṣakasaṅghayoḥ //

athodapatad ullāsair N17: u⟨nn⟩[ll]āsair mit Ś1; Ś3: uttālair. lokapālebhamaṇḍalaiḥ /
kalpābhraiḥ pūritākāro dāruṇaḥ samarāravaḥ //

piṇḍagraheṇa nabhasi N17: na(ra)*bha*si bhūbhāga N17: bhū⟨t⟩[bh]āga iva kuṭṭimam /
muṣṭigrāhyo mahāmeghamantharodarapīvaraḥ //

prathamāpātasampiṣṭaśastraśailaraṭattaṭaḥ /
sphuṭaddhṛdayaniḥsattvakarkaśākrandaghargharaḥ //

pralayapratyayollāsikalpābhrāravabṛṃhaṇaḥ /
dvādaśādityasaṅghaṭṭadravatkāñcanasannibhaḥ N17: °āditya(ānāṃ yaḥ)saṅghaṭ⟨ṭh⟩[ṭ]a° //

brahmāṇḍakuḍyasaṅghaṭṭāt parāvṛtyāvaniṃ N17: °vṛt⟨t⟩yā° gataḥ /
mahāsrotaḥpayaḥpūraḥ setvāhata ivākaram //

calatsapakṣaśailendrapakṣavātabaladhvaniḥ /
kaṭhināpūraṇoḍḍīnasphuṭaśailendrakandharaḥ N17: °kan⟨d⟩[dh]araḥ. Vgl. Schmidt, Nachtr. sowie MṬ (IV) 26,48d. //

mandaroddhūtadugdhābdhisaṅkṣobhasadṛśāṃśakaḥ /
pratiśrudghuṅghumāsphoṭaghaṭitadvīpajantubhūḥ N17: °ghaṭ⟨ṭ⟩ita° //

senayoḥ kruddhayor āsīd yuddham uddhatadānavam /
niṣpiṣṭanagaragrāmagirikānanamānavam //

mahāhetiśatacchinnadānavācalapūrṇadik /
anyoḥnyahatahetyadricūrṇapūrṇāmbarodaram //

bhusuṇḍīmaṇḍalāsphoṭasphuṭanmeruśiraḥśatam /
śaramārutanirlūnadaityadevāsurāmbujam //

cakrāvartaśatabhrāntadevadaityajarattṛṇam /
senāpravāhakallolavalanāvalitāmbaram //

hetyadripātaniṣpiṣṭapatadvaimānikavrajam /
hastānītābdhivāryoghaplāvitavyomapattanam N17: °vāry(e)*o*gha° //

vahanmahāstrāvartāsiśūlaśaktinadīśatam /
śailapakṣodbhaṭāsphoṭajaḍabrahmāṇḍamaṇḍalam //

daityapārṣṇiprahāraughapatallokeśapattanam N17: °pat[t]anam mit Ś1;Ś3 /
nārīhalahalārāvaravatkanakamandiram //

luṭhaddaityācaloddhūtamattārṇavajalādribhiḥ /
dhautaraktanabho yodhamuktanādadravadvrajam //

lokapānekapāmbhodacchannacchannāryamānvitam /
punaḥ surāsuroddyotair dṛṣṭasainyakulākulam //

sapakṣaparvatākāradānavādrigamāgamaiḥ /
vahatpacapacāśabdabhūribhākkarabhīṣaṇam N17: °bhā⟨ṅ(k)k*ā*ra⟩[bhākkara]°, mit MṬ. Ś1;Ś3: bhāṅkāra° //

āyudhādrivibhinnogradaityaparvatanirjharaiḥ /
raktair aruṇitāśeṣavasudhārṇavaparvatam //

utsannarāṣṭranagaravipinagrāmagahvaraiḥ /
dhṛtāsaṅkhyāsurebhāśvamanuṣyarathaparvatam //

sutālottālanārācarājirecitacāraṇam /
muṣṭiprahārapiṣṭāṃsamattairāvaṇavāraṇam //

kalpābhrapaṭalāsāradhārādalitaparvatam N17: kal[p]ā° mit Ś1;Ś3 /
mahāśaniviniṣpeṣapiṣṭoḍḍīnakulācalam //

kupitāgnijvalajjvālājālair jvalitadānavam /
ekāñjalipuṭānītasamudrotsāditānalam //

cāndraśaityādisambhāraśilīkṛtamahājalam /
vanavyūhendhanāgnyarcirdrāvitāmbuśiloccayam //

astranirmitadurvāratamaḥkalpāntarātrikam /
māyāsūryagaṇoddyotapītātanutamaḥpaṭam //

māyāgnivarṣanipatatkalpāntagaṇavarṣaṇam N17: °rṣa(mava)nipa° /
saśīkārāgnipavanaśastrasaṅghaṭṭakarṣaṇam //

vajravarṣavinirdhūtaśailavarṣāstrasambhavam /
nidrābodhāstrayuddhāḍhyaṃ savarṣāvagrahāstrakam //

vahatkrakacavṛkṣāstraṃ jalāgnyastraraṇānvitam /
brahmāstrayuddhaviṣamaṃ tamastejoḥstraśāritam //

astrodgīrṇāyudhānekanīrandhrasakalāmbaram /
śilāvarṣāstravalitaṃ vahnivarṣāstrabhāsuram //

patākāmṛṣṭaśaśakaiś cakracītkāragarjitaiḥ /
muhūrtena rathair laṅghitodayāstamayācalam //

vajraprahārāviratamriyamāṇamahāsuram /
śukrāmaramahāvidyājāyamānāparāsuram //

śubhagrahamahāketupālitānām itas tataḥ /
utpātamaṅgalaughānāṃ yuddhair uddhatakandharam //

sādrikhorvīsamudradyu jagad rudhiravāribhiḥ /
phullaikakiṃśukavanaṃ kurvad durvāravairataḥ //

parvatapratimāsaṅkhyaśavapūrṇamahārṇavam /
samagrataruśākhāṃsalambalolamahāśavam //

nīyamānaiḥ svavātāktaiḥ N17: °ā⟨ṃ⟩ktaiḥ pakṣapuṣpalasatphalaiḥ /
tālottālaiḥ śaravrātavanair N17: °va⟨t⟩[n]air vyāptanabhastalam //

parvatapratimāsaṅkhyakabandhavanabāhubhiḥ /
nṛtyadbhiḥ patitāmbhodavimānasuratārakam //

śaraśaktigadāprāsapaṭṭisaprotaparvatam /
lokasaptakavibhraṣṭakuḍyakhaṇḍācitāmbaram //

anāratarasanmattakalpābhradṛḍhadundubhi /
pṛṣṭhaśabdaśravonnādapātālatalavāraṇam N17: pṛṣ⟨ṭ⟩[ṭh]a° //

vināyakakarākṛṣṭadīrghadānavaparvatam /
ekadiktaṭaniḥspandasiddhasādhyamarudgaṇam //

palāyamānagandharvakinnarāmaracāraṇam /
śavībhūtakṣatakṣīṇapatadgandharvanāyakam //

kiñcillabdhajayaprāyadaityadānavamaṇḍalam /
dūyamānasurānīkam N17: °rā*nī*kam ekāntodvignavāsavam //

uttarāśāmiladvahniraktahetivṛhatprabham /
pratikṣaṇaṃ lasaddāhaprakāśatimirolbaṇam N17: °ol⟨l⟩ba° //

vavur aśaninipātapiṇḍitāṅgā dalitaśilāśakalā diśām mukheṣu /
pralayasamayasūcakāḥ surāṇām urutaraghargharaghasmarāḥ samīrāḥ //