Mokṣopāyaṭīkā · Chapter 4.25

ratnayantramayānantadaityanirjitavāsavaḥ /
himaśītānalajvālānirmitodyānamaṇḍapaḥ N17: hima*śī*⟨hī⟩tā° //

sarvartukusumodyānajitanandanacandanaḥ N17: sarva⟨t⟩[r]tu° /
māyāsarpahṛtavyālamalayācalacandanaḥ //

hemastrīlokalāvaṇyajihmitāntaḥpurāṅganaḥ /
krīḍārthaspardhayeśānahatacakragadādharaḥ //

ajasroḍḍīnaratnaughatārāḍhyasvapurāmbaraḥ /
nānākusumasambhārajānudaghnakṛtāṅganaḥ //

niśāsv akhilapātālaśatacandranabhastalaḥ /
svasālabhañjikālokagītigītaguṇotkaraḥ //

māyairāvaṇanāgendravidrutāmaravāraṇaḥ /
trailokyavibhavotkarṣapūritāntaḥpurāntaraḥ //

sarvasampattisubhagaḥ sarvaiśvaryasamanvitaḥ /
samastadaityasāmantavanditāgryānuśāsanaḥ //

mahābhujavanacchāyāviśrāntāsuramaṇḍalaḥ /
sarvāmbudhiguhāsāraratnakuṇḍalamaṇḍitaḥ //

tasyotsāditadevasya kaṭhinoḍḍāmarākṛteḥ /
babhūva vipulaṃ sainyam āsuraṃ suranāśanam //

tasmin māyābale supte deśāntaragate tathā /
tatsainyāntaram ājagmuś N17: °gmu[ś] chidram prāpya kilāmarāḥ //

atha śambaradaityena dudrikahvadrumādayaḥ /
rakṣārtham mattasāmantāḥ svasenāsu niyojitāḥ //

tān apy antaram āsādya jaghnur N17: ja(gmu)*ghnu*r gīrvāṇanāyakāḥ /
vyomāntaracarāḥ śyenāḥ kalaviṅkān ivākulān //

senāpatīn punaś cānyāṃś N17: cā⟨s⟩[n]yāṃś cakārāsurasattamaḥ /
capalān udbhaṭārāvāṃs N17: udbhaṭ⟨a⟩[ā]rā° taraṅgān iva sāgaraḥ N17: °ga⟨v⟩[r]aḥ //

devās tān api tasyāśu jaghnus tena sa kopavān Ś1,Ś3: sa kopavān; N17: sakopakān /
jagāmāmaranāśāya paripūrṇas triviṣṭapam //

tatrāsya māyābhītās te surā antardhim āyayuḥ /
merukānanakuñjeṣu mṛgā gaurīguror iva //

krandatkṣudrāmaragaṇaṃ Ś1,Ś3: krandatkṣu°; N17: krandan kṣu° vāṣpaklinnasurīmukham N17: ⟨vā⟩vāṣpa° /
śūnyaṃ dadarśa sa svargaṃ kalpakṣīṇajagatsamam //

vihṛtya kupitas tatra labdham āhṛtya śambaraḥ /
lokapālapurīr dagdhvā jagāmātmīyam ālayam //

evaṃ dṛḍhatarībhūte dveṣe dānavadevayoḥ /
devāḥ svargam parityajya dikṣu jagmur adarśanam //

atha śambaradaityena ye ye senādhināyakāḥ /
kriyante yatnatas tāṃs tāñ jaghnur yatnaparāḥ surāḥ //

yāvad udvegam āpannaḥ śambaraḥ kopavān bhṛśam /
tārṇo ḥbhi vātam anala iva jajvāla cocchvasan //

trailokyam api cānviṣya na devāṃl labdhavān atha /
pareṇāpi prayatnena sukṛtānīva duṣkṛtī //

sasarja māyayā ghorān asurāṃs trīn mahābalān /
balarakṣārtham uditān kālān mūrtim ivāsthitān //

nirmitā māyayā bhīmāḥ kalpapādapabāhavaḥ /
udagus te mahākāyāḥ pakṣakṣubdhā ivādrayaḥ //

dāmo vyālaḥ kaṭaś ceti nāmabhiḥ parilāñchitāḥ /
yathāprāptaikakartāraś cetanāmātradharmiṇaḥ //

abhāvāt karmaṇāṃ te ca prāktanānām avāsanāḥ /
nirvikalpakacinmātraparispandaikakarmiṇaḥ //

karmabījaṃ kalāṃ tanvīṃ dadhānā N17: --[dadhā]nā mananābhidhām /
apuṣṭāṃ kṛtrimām antar ādāyodayam āgatāḥ //

pāramparyeṇa te hy atra kākatālīyavad bhaṭāḥ /
prakṛtām anuvartante kriyām ujjhitavāsanāḥ //

ardhasuptā yathā bālāḥ svāṅgair iṅganti kevalam /
vāsanātmābhimānābhyāṃ hīnās te tadvad eva hi //

nābhipātaṃ na cāpātaṃ vidus te na palāyanam /
na jīvitaṃ na maraṇaṃ na raṇaṃ ca jayājayau //

kevalaṃ sainikān agre dṛṣṭvābhihananodyatān /
abhijaghnuḥ parān ājau prahāradalitādrayaḥ //

śambaraś N17: °ra[ś] cintayām āsa parituṣṭamanāḥ pure /
vijeṣyate hi matsenā māyāsurasurakṣitā //

iṣṭāniṣṭābhir ete hi vāsanābhiḥ samujjhitāḥ /
tato raṇe bibhyati no vidravanti ca na sthirāḥ //

yad ete na palāyante devair abhihatā api /
tad eṣātibalā senā mamedānīṃ vyavasthitā //

atibalāsuradordrumapālitā mama camūḥ N17: °mū[ḥ] sthiratām alam eṣyati /
amaravāraṇadantavighaṭṭaneṣv amaraparvatahemamahī yathā //