Mokṣopāyaṭīkā · Chapter 4.24

mahānarakasamrājo mattaduṣkṛtavāraṇāḥ /
āśāśaraśalākāḍhyā durjayā hīndriyārayaḥ //

svāśrayam prathamaṃ dehaṃ kṛtaghnā nāśayanti ye /
te kukāryamahākośā durjayāḥ svendriyārayaḥ //

kalevarālayam N17: ka(re)le° prāpya viṣayāmiṣagardhataḥ /
akṣagṛdhrā N17: °gṛ⟨d⟩dhrā vivalganti kāryākāryograpakṣiṇaḥ //

vivekatantujālena gṛhītā yena te śaṭhāḥ /
tasyāṅgāni na lumpanti pāṣāṇakavalaṃ yathā //

āpātaramaṇīyeṣu ramante viṣayeṣu ye /
atyantavirasānteṣu patanti narakeṣu te //

vivekadhanavān asmin kukalevarapattane /
indriyāribhir antaḥsthair avaśo nābhibhūyate //

na tathā sukhitā bhūyo mṛṇmayograpurījuṣaḥ /
yathā svādhīnamanasaḥ svaśarīrapurīśvarāḥ //

svākrāntendriyabhṛtyasya sugṛhītamanoripoḥ /
vasanta iva mañjaryo vardhante buddhabuddhayaḥ //

prakṣīṇacittadarpasya nigṛhītendriyadviṣaḥ /
padminya N17: °mi⟨ṇ⟩[n]ya iva hemante N17: °ma[n]te kṣīyante bhogavāsanāḥ //

tāvan niśīva vetālyo valganti hṛdi vāsanāḥ /
ekatattvadṛḍhābhyāsād N17: °bhyā[sā]d yāvan na vijitam manaḥ //

bhṛtyo ḥbhimatakartṛtvān mantrī satkāryakāraṇāt /
sāmantaḥ svendriyākrānter mano manye vivekinaḥ //

lālanāt snigdhalalanā pālanāt pāvanaḥ pitā /
suhṛd uttamaviśvāsān mano N17: °viśvāsā⟨t⟩[n] mano manye manīṣiṇām //

svālokitaṃ śāstradṛśā sudhyātaṃ svanunāthitam /
prayacchati parāṃ siddhiṃ tyaktvātmānam manaḥpitā //

sughṛṣṭaḥ suparāmṛṣṭaḥ sudhṛtaḥ svanubodhitaḥ /
suguṇāyojito bhāti hṛdi hṛdyo manomaṇiḥ //

janmavṛkṣakuṭhārāṇi tathodarkodayāni ca /
diśaty eṣa manomantrī karmāṇi śubhakarmaṇaḥ //

evam manomaṇiṃ rāma bahupaṅkakalaṅkitam /
vivekavāriṇā siddhyai prakṣālyālokavān bhava //

bhavabhūmiṣu bhīmāsu vivekavitato ḥpi san /
mā patotpātapūrṇāsu vivaśaḥ prākṛto yathā //

saṃsāramāyām uditām anarthaśatasaṅkulām /
mā mahāmohamihikām imāṃ tvam avadhīraya //

vivekam param āśritya buddhyā satyam avekṣya ca /
indriyārīn N17: indr[i]yā° alaṃ jitvā tīrṇo bhava bhavā[rṇavāt] N17: ergänzt nach Ś1,Ś3. Bl. 50 (Originalzählung) fehlt. //