Mokṣopāyaṭīkā · Chapter 4.20

etat te kathitaṃ sarvam manorūpanirūpaṇe /
mayā rāghava nānyena kenacin nāma hetunā //

dṛḍhaniścayavac ceto yad bhāvayati bhūriśaḥ /
tattāṃ yāty analāśleṣād ayaḥpiṇḍo ḥgnitām iva //

bhāvābhāvagrahotsargadṛśaś cittena kalpitāḥ /
nāsatyā nāpi satyās N17: sa(stya)tyās tā manaścāpalakāraṇāḥ //

mano hi hetuḥ kartṛ syāt kāraṇaṃ ca jagatsthiteḥ /
viśvarūpatayaivedaṃ tanoti malinam manaḥ //

mano hi puruṣo rāma tan niyojyaṃ śubhe pathi /
tajjayaikāntasādhyā hi sarvā jagati bhūtayaḥ //

śarīraṃ cet śarīraṃ syāt kathaṃ śukro mahāmatiḥ /
agamad vividham bhedam bahudehasamudbhavam //

tasmāc cittaṃ hi puruṣaḥ Ś1,Ś3: hi puruṣaḥ; N17: puruṣo hi (unmetrisch) puruṣaś cittam eva hi /
yanmayaṃ ca bhavaty etat tad avāpnoty asaṃśayam //

yad atuccham anāyāsam anupādhi gatabhramam /
yatnāt tadanusandhānaṃ kuru tattāṃ ca yāsyasi //

abhipatati manaḥsthitiṃ N17: ⟨si⟩[ma]naḥ° śarīraṃ na tu vapurācaritam manaḥ prayāti /
abhipatatu tavātra tena satyaṃ subhaga manaḥ prajahātv asatyam anyat //