Mokṣopāyaṭīkā · Chapter 4.17

bhagavan bhṛguputrasya pratibhā sānubhūtitaḥ /
yathāsya saphalā jātā tathānyasya na kim bhavet //

idamprathamam utpannā sā tadā brahmaṇaḥ padāt /
śuddhā matir bhārgavasya nānyajanmakalaṅkitā //

sarvaiṣaṇānāṃ saṃśāntau śuddhā cittasya yā sthitiḥ /
tat sattvam ucyate saiṣā vimalā cid udāhṛtā //

mano nirmalasattvātma yad bhāvayati yādṛśam /
tat tathāśu bhavaty eva yathāvarto ḥrṇave ḥmbhasaḥ //

yathā bhṛgusutasyaiṣa vibhramaḥ proditaḥ svayam /
pratyekam apy evam eva dṛṣṭānto ḥtra bhṛgoḥ sutaḥ //

bījasyāṅkurapattrādi svaṃ camatkurute yathā /
sarveṣām bhūtasaṅghānām bhramaṣaṇḍas tathaiva hi //

yad idaṃ dṛśyate viśvam evam evākhilaṃ hi tat /
pratyekam uditam mithyā mithyaivāstam upaiti ca //

nāstam eti na codeti jagat kiñcana kasyacit /
bhrāntimātram idam māyā mudhaiva parijṛmbhate //

yathāsmatpratibhāsasthaḥ so ḥyaṃ saṃsāraṣaṇḍakaḥ /
tathā teṣāṃ sahasrāṇi mitho ḥdṛṣṭāni santi hi //

svapnasaṅkalpanagaravyavahārāḥ parasparam /
pṛthag yathā na dṛśyante tathaite saṃsṛtibhramāḥ //

evaṃ nagaravṛndāni nabhaḥsaṅkalparūpiṇām N17: °bha(sa)*ḥ*saṅ° /
santi tāni na dṛśyante mitho jñānadṛśaṃ vinā //

piśācayakṣarakṣāṃsi santy evaṃrūpakāṇi hi /
saṅkalpamātradehāni sukhaduḥkhamayāni ca //

evam eva vayaṃ N17: vay⟨o⟩[aṃ] ceme sampannā raghunandana /
svasaṅkalpātmakākārā mithyāsatyatvabhāvitāḥ N17: mith[y]ā° //

evaṃrūpaiva hi pare vartate sargasaṃsṛtiḥ /
na vāstavī vastutas tu saṃsthiteyam N17: °sthit⟨aiv⟩[ey]am avastuni //

pratyekam uditaṃ viśvam evam eva mudhaiva hi /
navagulmakarūpeṇa vāsantikaraso N17: v*ā*sa° yathā //

prathamo ḥyaṃ svasaṅkalpaḥ suprathām āgatas tathā /
yathātipāramārthyena dṛḍhenetthaṃ vibhāvyate //

pratyekam uditaṃ cittaṃ svasvabhāvodarasthitam /
idam N17: ⟨dra⟩[i]daṃ itthaṃsamārambhaṃ jagat paśyad vinaśyati //

pratibhāsavaśād asti nāsti vastvavalokanāt /
dīrghaḥ svapno jagajjālam ālānaṃ cittadantinaḥ //

cittasattaiva hi jagaj jagatsattaiva cittakam /
ekābhāve dvayor nāśas tac ca satyavicāraṇāt //

śuddhasya pratibhāso hi satyo bhavati cetasaḥ /
niṣkalaṅke hi lagati paṭe kuṅkumarañjanā //

anyenānāhṛtasyānyo guṇo ḥvaśyaṃ vivardhate /
anākrāntasya saṅkalpaiḥ pratibhodeti cetasaḥ //

suvarṇo na sthitiṃ yāti malavaty aṃśuke yathā /
ekā dṛṣṭiḥ sthitiṃ yāti na mlāne cittake tathā //

pramārjanād iva maṇes N17: maṇe[s] tāmrasyeva ca yuktitaḥ /
ciram ekadṛḍhābhyāsāc chuddhir bhavati cetasaḥ //

pratibhāsātmani jagaty ete kālakriyākramāḥ /
sodayāstamayā jātāḥ kathaṃ śukrasya cetasaḥ //

yādṛg jagad N17: j(īv)*ag*ad idaṃ dṛṣṭaṃ śukreṇa pitṛmātṛtaḥ /
tādṛk tasya sthitaṃ citte mayūrāṇḍe mayūravat //

svabhāvakośāt svaditaṃ tad anena kramoditam /
bījenāṅkurapattrādilatāpuṣpaphalaṃ yathā //

jīvo yadvāsanāsāras tad evāntaḥ prapaśyati /
svapna evātra dṛṣṭānto dīrghasvapnas tv idaṃ jagat //

pratyekam udito rāma nanu saṃsāraṣaṇḍakaḥ /
rātrau sainyanarasvapnajālavat N17: °na*ra*sva° svātmani sphuṭaḥ //

eṣa N17: eṣ(ā)a saṃsṛtiṣaṇḍaugho mithaḥ sammilati svayam /
no vāpi yadi tan me tvaṃ yathāvad vaktum arhasi //

malinaṃ hi mano ḥvīryaṃ na mithaḥ śleṣam arhati /
ayo ḥyasīvāsantapte śuddhe tapte tu līyate //

cittatattvāni śuddhāni sammilanti parasparam /
ekarūpāṇi toyāni yānty aikyaṃ nābilāni hi //

śuddhir hi cittasya vivāsanatvam abhūtasaṃvedanarūpam ekam /
tasyāḥ suṣuptātmapadāt prabudhya tanmātrayuktyā parasaṅgam eti //