Mokṣopāyaṭīkā · Chapter 4.16

athākṣipya vacas tasya tanayasya tadā bhṛgoḥ /
uvāca bhagavān kālo vaco gambhīraniḥsvanam //

samaṅgātāpasīm N17: °t*ā*pa° etāṃ tanuṃ santyaja bhārgava /
praviśemāṃ tanuṃ sādho nagarīm iva pārthivaḥ //

kāle pūrvajayā tanvā tapaḥ kṛtvānayā punaḥ /
gurutvam asurendrāṇāṃ kartavyam bhavatānagha //

mahākalpānta āyāte bhavatā bhārgavī tanuḥ /
apunargrahaṇāyaiṣā tyājyā pramlānapuṣpavat //

jīvanmuktapadam prāptas tanvā prāktanarūpayā /
mahāsurendragurutāṃ kurvaṃs tiṣṭha mahāmate //

kalyāṇam astu vāṃ yāmo vayaṃ tv abhimatāṃ diśam /
na kiñcid api tac cittaṃ yasya nābhimatam bhavet //

ity uktvā muñcatoḥ N17: °to[ḥ] puṣpaṃ tayoḥ so ḥntaradhīyata /
taptāṃśur iva rodasyoḥ samam aṃśubhir aṃśumān //

gate tasmin bhagavati tām uktvā bhavitavyatām /
vicārya bhārgavo ḥbhedyāṃ niyatāṃ niyater gatim //

kālakāraṇasaṃśuṣkām bhāvipuṣpaśubhodayām /
viveśa tāṃ tanum bālāṃ sulatām iva mādhavaḥ //

sā brāhmaṇatanur bhūmau vivarṇavad anaṅgikā /
papāta kampitā tūrṇam chinnamūlā latā yathā //

tasyām praviṣṭajīvāyām putratanvām mahāmuniḥ /
cakārāpyāyanam mantraiḥ sakamaṇḍaluvāribhiḥ N17: °ṇḍa*lu*vā° //

sarvanāḍyaḥ °ḍya(ta)s tatas tanvyās tasyāḥ °sy*ā*ḥ pūrṇā virejire /
saritaḥ prāvṛṣīvāmbupūrapūritakoṭarāḥ //

nalinī prāvṛṣīvāsau madhāv iva navā latā /
yadā pūrṇā tadā tasyāḥ prāṇāḥ N17: °ṇā[ḥ] pallavitā babhuḥ //

atha śukraḥ samuttasthau vahatprāṇasamīraṇaḥ /
rasamārutasaṃyogād āmūlam iva vāridaḥ //

puro ḥbhivādayām āsa pitaram pāvanākṛtiḥ /
prathamollāsito meghaḥ staniteneva parvatam //

pitātha prāktanīṃ tasyāpy āliliṅga tanuṃ tataḥ /
snehārdravṛttir jaladaś cirād giritaṭīm iva //

bhṛgur dadarśa sasneham prāktanīṃ tānayīṃ tanum /
matto jāto ḥyam ity āsthā haraty api mahāmatim //

matputro ḥyam iti sneho bhṛgum apy aharat tadā /
paratātmīyatā ceyaṃ yāvadākṛti bhāvinī //

babhūvatuḥ pitāputrau tāv athānyoḥnyaśobhitau /
niśāvasānamuditāv arkapadmākarāv iva //

cirasaṅgamasambaddhāv iva cakrāhvadampatī /
ghanāgamaghanasnehau mayūrajaladāv iva //

cirakāladṛḍhotkaṇṭhayogyayā kathayā tayā /
sthitvā tatra muhūrtaṃ tāv athotthāya mahāmatī //

samaṅgādvijadehaṃ tam bhasmasāt tatra cakratuḥ /
ko hi nāma jagajjāta ācāraṃ nānutiṣṭhati //

evaṃ tau kānane tasmin pāvane bhṛgubhārgavau /
saṃsthitau tapasā dīptau divīva N17: °v⟨e⟩[ī]va śaśibhāskarau //

ceratur jñātavijñeyau jīvanmuktau jagadgurū /
deśakāladaśaugheṣu suśamaṃ susthiraṃ tapaḥ //

athāsuragurutvaṃ sa śukraḥ kālena labdhavān /
bhṛgur apy ātmano yogye pade ḥtiṣṭhad anāmaye //

śukro ḥsau prathamam iti krameṇa jāta etasmāt paramapadād udārakīrtiḥ /
svenāśu smṛtipadavibhrameṇa paścād evaṃ ca pravilulito daśāntareṣu //