Mokṣopāyaṭīkā · Chapter 3.16

bhūtalāpsarasā sārdham ananyavanitāpatiḥ /
akṛtrimapremarasaṃ sa reme kāntayā tayā //

udyānavanagulmeṣu tamālagahaneṣu °l⟨ā⟩[a]ga° ca /
puṣpamaṇḍapatalpeṣu latāvalayasadmasu //

puṣpāntaḥpuraśayyāsu puṣpasambhāravīthiṣu /
vasantodyānadolāsu krīḍāpuṣkariṇīṣu ca //

candanadrumaṣaṇḍeṣu santānakataleṣu ca /
kadambanimbageheṣu pāribhadrodareṣu ca //

śailakandarakaccheṣu vātāyanapureṣu ca /
sarittaṭakaṭapreṣu vāraṇoparisadmasu //

grīṣme tuṣāraharmyeṣu latāmaṇḍapakeṣu ca /
hemamandiravṛkṣeṣu muktāmāṇikyabhittiṣu //

vikasatkundamandāramakarandasugandhiṣu /
vasantavanajāleṣu kūjatkokilamāliṣu kū⟨ṭ⟩[j]at° //

nānāratnatṛṇānāṃ ca sthaleṣu sth⟨ū⟩[a]° mṛdudīptiṣu /
nirjhareṣu tarattāraśīkarāsāravarṣiṣu //

śailānāṃ hemamāṇikyaśilāphalahakeṣu °la(na)ha° ca /
devarṣimunigeheṣu dūrapuṇyāśrameṣu ca //

kumudvatīṣu phullāsu ⟨dgu⟩[phu]° smerāsu nalinīṣu ca /
vanasthalīṣu phullāsu phullāsūtpalinīṣu (phū)phullā° ca //

prahelikābhir ākhyānais tathaivākṣaramuṣṭibhiḥ /
aṣṭāpadair bahūddyotais tathā gūḍhacaturthakaiḥ //

nāṭakākhyāyikābhiś ca ślokair bindumatībhramaiḥ /
deśabhāṣāvibhāgaiś ca nagaragrāmaceṣṭitaiḥ //

sragdāmamālyavalanair nānābharaṇayojanaiḥ /
līlāvilolacalanair °ca[la]nair vicitrarasabhājanaiḥ //

ārdrakramukakarpūratāmbūlīdalacarvaṇaiḥ /
phullapuṣpalatākuñjadehagopanakharvaṇaiḥ //

samālambhanalīlābhir dolārohaṇavibhramaiḥ /
gṛhe kusumadolābhir anyo'nyāndolanakramaiḥ //

nauyānayugyahastyaśvadāntoṣṭrādigamāgamaiḥ /
jalakelivilāsena parasparasamukṣaṇaiḥ //

nṛttagītakalālāsyatāṇḍavodbhaṭavṛttibhiḥ /
saṅgītakaiḥ saṅkathanair vīṇāmurajavādanaiḥ //

udyāneṣu sarittīravṛkṣeṣu vanavīthiṣu /
antaḥpureṣu harmyeṣu teṣu teṣu tathā tathā //

sā bālā sukhasaṃvṛddhā tasya praṇayinī priyā /
ekadā cintayām āsa śubhasaṅkalpaśālinī //

prāṇebhyo 'pi priyo bhartā mamaiṣa jagatīpatiḥ /
yauvanollāsalakṣmīvān kathaṃ syād ajarāmaraḥ //

bhartrānena sahottuṅgastanī kusumasadmasu /
kathaṃ svairaṃ ciraṃ kāntā rameyābdaśatāny aham //

tathā yateya kramatas tapojapayamehitaiḥ /
rajanīśarucī rājā yathā syād ajarāmaraḥ //

jñānavṛddhāṃs tapovṛddhān vidyāvṛddhān ahaṃ dvijān /
pṛcchāmi tāvan maraṇaṃ kathaṃ na syān nṛṇām iti //

athānāyyāśu sampūjya dvijān papraccha sānatā /
amaratvaṃ kathaṃ viprā bhaved iti punaḥ punaḥ //

tapojapayamair devi samastāḥ siddhasiddhayaḥ /
samprāpyante 'maratvaṃ tu na kadācana labhyate //

ity ākarṇya dvijamukhāc °khā⟨ś⟩[c] cintayām āsa sā punaḥ /
idaṃ svaprajñayaivāśu bhītā priyaviyogataḥ //

maraṇaṃ bhartur agre me yadi daivād bhaviṣyati /
tat sarvaduḥkhanirmuktā saṃsthāsye sukham ātmani //

atha varṣasahasreṇa bhartādau mriyate yadi /
tat kariṣye tathā yena jīvo gehān na yāsyati //

tadbhramād bhartṛjīve 'smin nije śuddhāntamaṇḍape /
bhartrāvalokitā nityaṃ nivatsyāmi °va⟨r⟩tsyā° yathāsukham //

adyaivārabhyaitadarthaṃ devīṃ jñaptiṃ sarasvatīm /
japopavāsaniyamair ā toṣaṃ pūjayāmy aham //

iti niścitya sā nātham anuktvaiva °ktv⟨e⟩[ai](ve)va varāṅganā /
yathāśāstraṃ cacārograṃ tapo niyamam āsthitā //

trirātrasya trirātrasya paryante pary⟨ā⟩[a]nte kṛtapāraṇā /
devadvijaguruprājñavidvatpūjāparāyaṇā //

snānadānatapodhyānanityodyuktaśarīrikā /
sarvāstikyasadācārakāriṇī kleśakāriṇī //

yathākālaṃ yathodyogaṃ yathāśāstraṃ yathākramam /
toṣayām āsa bhartāram aparijñātatatsthitim //

trirātraśatam evaṃ sā bālā niyamaśālinī /
anāratataponiṣṭham atiṣṭhat kaṣṭaceṣṭayā //

trirātrāṇāṃ śatenātha pūjitā °tā⟨ṃ⟩ pratimām itā /
tuṣṭā bhagavatī gaurī vāgīśīdam uvāca tām //

nirantareṇa tapasā bhartṛbhaktyatiśāyinā /
parituṣṭāsmi te vatse gṛhāṇa varam īpsitam //

jaya janmajarājvālādāhadoṣaśaśiprabhe /
jaya hārdāndhakāraughanivāraṇaraviprabhe ⟨dāhā⟩[hārdā]ndha° //

amba māṃ trijaganmātas trāyasva kṛpaṇām imām /
idaṃ varadvayaṃ dehi yad iha prārthaye śubham //

ekaṃ tāvad videhasya bhartur jīvo mamāmbike /
asmād eva hi mā yāsīn nijāntaḥpuramaṇḍapāt //

dvitīyaṃ tvāṃ mahādevi prārthaye 'haṃ yadā yadā /
darśanāya varārthena tadā me dehi darśanam //