Mokṣopāyaṭīkā · Chapter 3.15

jagad ākāśam evedaṃ yathā hi vyomni mauktikam /
vimale bhāti khātmaiva jagac cidgagane tathā //

anutkīrṇaiva bhātīva trijagatsālabhañjikā /
citstambhe na ca sotkīrṇā na cotkartātra vidyate //

samudre 'ntar jalāspandāḥ svabhāvād acyutā api /
vidi vedyā °⟨ś⟩[d]yā bhavantīva pare dṛśyavidas tathā //

jalāntargatasūryābhājālakāracanāny j⟨ā⟩[a]lā° api /
jagadbhānaṃ prati sthūlāny aṇuṃ prati yathācalāḥ //

jagadbhānam abhānābhaṃ brahmaṇo 'vyatirekataḥ /
jalasūryāṃśujālaṃ tu vyatirekānubhūtidam //

anubhūtāny apīmāni jagati vyomarūpiṇi /
pṛthvyādīni na santy eva svapnasaṅkalpayor iva //

piṇḍagrāhaḥ sad ity asmin vijñānākāśarūpiṇi /
marunadyāṃ jalam iva na sambhavati kutracit //

jagaty apiṇḍagrāhe 'smin saṅkalpanagaropame /
marau sarid ivābhāti dṛśyatā bhrāntirūpiṇī //

svapnādriṇeva jagatā tulādeśau na kaucana /
pūritau kalanonmuktā dṛśyaśrīr vyoma kevalam //

varjayitvājñavijñātajagacchabdārthabhāvanām /
jagadbrahmakhaśabdānām jaga(ccha)dbra° arthe nāsty eva bhinnatā //

idaṃ tv acetyacinmātrabhānor bhānaṃ nabhaḥ prati /
tathā sūkṣmaṃ yathā meghaṃ prati saṅkalpavāridaḥ //

yathā svapnapuraṃ svacchaṃ jāgratpuravaraṃ prati /
tathā jagad idaṃ svacchaṃ saṅkalpitajagat prati //

tasmād acetyacidrūpaṃ ac(i)etya° jagad vyomaiva kevalam /
śūnyau vyomajagacchabdau paryāyau viddhi cinmayau //

tasmān na kiñcid utpannaṃ jagadādīha dṛśyakam /
anākhyam anabhivyaktaṃ yathāsthitam avasthitam //

jagad eva mahākāśaṃ cidākāśam abhittimat /
tad deśasyāṇumātrasya tulāyāś cāprapūrakam //

ākāśarūpam evācchaṃ piṇḍagrahavivarjitam /
vyomni vyomamayaṃ citraṃ saṅkalpapuravat sthitam //

atredaṃ maṇḍapākhyānaṃ śṛṇu śravaṇabhūṣaṇam /
niḥsandeho °deh⟨a⟩[o] yathaiṣo 'rthaś °thai⟨-⟩[ṣo ']rthaś citte viśrāntim eṣyati //

sadbodhavṛddhaye brahman samāsena vadāśu me /
maṇḍapākhyānam akhilaṃ yena bodho vivardhate //

abhūd asmin mahīpīṭhe kulapadmo vikāsavān /
padmo nāma nṛpaḥ śrīmān bahuputro 'tikośavān °k⟨e⟩[o]śa° //

maryādāpālane 'mbhodhir dviṣattimirabhāskaraḥ /
kāntākumudinīcandro doṣatṛṣṇāhutāśanaḥ //

merur vibudhavṛndānāṃ yaśaścandrodbhavārṇavaḥ /
saraḥ sadguṇahaṃsānāṃ kalākamalabhāskaraḥ //

śātravāmbhodapavano mattamātaṅgakesarī /
samastavidyādayitaḥ sarvāścaryaguṇākaraḥ //

śūrārisāgarakṣobhavilasanmandarācalaḥ /
vilāsapuṣpaughamadhuḥ saubhāgyakusumāyudhaḥ //

līlālatālāsyamarut sāhasotsavakeśavaḥ /
saujanyakairavaśaśī durlīlālatikānalaḥ //

tasyāsīt subhagā bhāryā līlā nāma vilāsinī /
sarvasaubhāgyavalitā kamalevoditāvanau //

sarvasampattivalitā līlāmadhurabhāṣiṇī /
sānandamandacalitā dvitīyendūdayasmitā //

alakālimanohārivadanāmbhojaśālinī al⟨i⟩[a]kā° /
śītāṅgī karṇikāgaurī jaṅgameva sarojinī //

latāvilāsakundaughahāsinī rasaśālinī /
prabālahastā puṣpāḍhyā madhuśrīr iva dehinī //

avadātā tanuḥ puṇyā janatāhlādadāyinī /
gaṅgeva gāṃ gatā devanadī haṃsavilāsinī //

tasya bhūtalapuṣpeṣoḥ sakalāhlādadāyinaḥ /
paricaryāṃ ciraṃ kartum °rtu⟨ṃ⟩m anyā ratir ivoditā //

udvigne prodvignā muditā mudite samākulākulite /
pratibimbasamā kāntā saṅkruddhe kevalaṃ bhītā //