Mokṣopāyaṭīkā · Chapter 2.20

āryasaṃgamayuktyādau prajñāṃ vṛddhiṃ nayed balāt /
tato mahāpuruṣatā mahāpuruṣalakṣaṇaiḥ //

yo yo yena guṇeneha puruṣaḥ pravirājate /
śikṣeta taṃ tam evāśu tasmād buddhivivṛddhaye //

mahāpuruṣatā tv eṣā śamādiguṇaśālinī /
samyagjñānaṃ vinā rāma siddhim eti na kasyacit //

jñānāc chamādayo yānti vṛddhiṃ satpuruṣakramāt /
ślāghanīyāḥ phalenāntar vṛṣṭer iva navāṅkurāḥ //

śamādibhyo guṇebhyaś ca vardhate jñānam uttamam /
annātmakebhyo yajñebhyaḥ śālivṛṣṭir ivottamā //

guṇāḥ śamādayo jñānāc chamādibhyas tathā jñatā /
parasparaṃ vivardhete °vardh⟨an⟩[e]te ete 'bdasarasī yathā //

jñānaṃ satpuruṣācārāj jñānāt satpuruṣakramaḥ /
parasparaṃ gatau vṛddhiṃ jñānasatpuruṣakramau //

yathā kamalarakṣiṇyā gītyā vitatatārayā °⟨yā⟩*tā*ra° /
khagotsādena sahito °hit⟨aṃ⟩[o] gītānandaḥ prasādhyate //

jñānasatpuruṣehābhyām akartrā kartṛrūpiṇā /
tathā puṃsā niricchena samam āsādyate padam //

sadācārakramaḥ prokto mayaiṣa raghunandana /
tathopadiśyate samyag ayaṃ jñānakramo 'dhunā //

idaṃ yaśasyam āyuṣyaṃ puruṣārthaphalapradam /
tajjñād āptātmaśāstrārthāc chrotavyaṃ kila dhīmatā //

śrutvā tu buddhinairmalyād balād yāsyasi satpadam /
yathā katakasaṃśleṣāt prasādam avaśam payaḥ //

viditavedyam idaṃ hi mano mune °ne⟨r⟩ vivaśam eva hi yāti yā⟨n⟩ti paraṃ padam /
yad avabuddham akhaṇḍitam uttamaṃ tad avabodhadaśāṃ na jahāti hi //