Mokṣopāyaṭīkā · Chapter 2.16

viśeṣeṇa mahābuddhe saṃsārottaraṇe nṛṇām /
sarvatropakarotīha sādhuḥ sādhusamāgamaḥ //

sādhusaṃgataror jātaṃ vivekakusumaṃ śubham /
rakṣanti ye mahātmāno bhājanaṃ te phalaśriyaḥ //

śūnyam ākīrṇatām eti mṛtir apy utsavāyate /
āpat saṃpad ivābhāti vidvajjanasamāgame //

himam āpatsarojinyā mohanīhāramārutaḥ /
jayaty eko jagaty asmin sādhu sādhusamāgamaḥ //

paraṃ vivardhanaṃ buddher ajñānatarunāśanam /
samutsāraṇam ādhīnāṃ viddhi sādhusamāgamam //

vivekaḥ paramo dīpo jāyate sādhusaṃgamāt /
manoharojjvalo nūnam aśokād iva gucchakam //

nirāmayāṃ nirābādhāṃ nirvṛtiṃ nityapīvarīṃ ni⟨n⟩[t]ya° /
anuttamāṃ prayacchanti sādhusaṃgavibhūtayaḥ //

api kaṣṭatarāṃ prāptair daśāṃ vivaśatāṃ gataiḥ /
manāg api na saṃtyājyā mānavaiḥ sādhusaṃgatiḥ //

sādhusaṃgatayo loke sanmārgaśubhadīpakāḥ /
hārdāndhakārahāriṇyo bhāso jñānavivasvataḥ //

yaḥ snātaḥ śītasitayā sādhusaṃgatigaṅgayā /
kiṃ tasya dānaiḥ kiṃ tīrthaiḥ kiṃ tapobhiḥ °bhi*ḥ* kim adhvaraiḥ //

nīrāgāś chinnasaṃdehā galitagranthayo galita⟨galita⟩° 'nagha /
sādhavo yadi vidyante kiṃ tapastīrthasaṃgrahaiḥ //

viśrāntamanaso vandyāḥ prayatnena pareṇa hi /
daridreṇeva maṇayaḥ prekṣaṇīyā hi sādhavaḥ //

satsamāgamasaundaryaśālinī dhīmatāṃ matiḥ /
kamalevāpsarovṛnde sarvadaiva virājate //

tenāmalavilāsasya padasyāgrāvacūlatā /
grathitā yena bhavyena na tyaktā sādhusaṃgatiḥ //

vicchinnagranthayas tajjñāḥ sādhavaḥ sarvasammatāḥ /
sarvopāyena sarv⟨e⟩[o]pā° saṃsevyās te hy upāyā bhavāmbudhau //

ta ete narakāgnīnāṃ saṃśuṣkendhanatāṃ gatāḥ /
yair dṛṣṭā helayā santo narakānalavāridāḥ //

dāridryaṃ maraṇaṃ duḥkham ityādiviṣamo bhramaḥ /
saṃpraśāmyaty aśeṣeṇa sādhusaṃgamabheṣajaiḥ //

saṃtoṣaḥ sādhusaṃgaś ca vicāro 'tha śamas tathā /
eta eva bhavāmbhodhāv upāyās taraṇe nṛṇām //

saṃtoṣaḥ paramo lābhaḥ satsaṃgaḥ paramā gatiḥ /
vicāraḥ paramaṃ jñānaṃ śamo hi paramaṃ sukhaṃ //

catvāra ete vimalā upāyā bhavabhedane /
yair abhyastās ta uttīrṇā mohavārer bhavārṇavāt //

ekasminn eva caiteṣām abhyaste vimalodaye /
catvāro 'pi kilābhyastā bhavanti sudhiyāṃ vara //

eko 'py eko 'pi sarveṣāṃ eṣāṃ prasavabhūr iva /
sarvasaṃsiddhaye tasmād yatnenaikaṃ samāśrayet //

satsamāgamasaṃtoṣavicārās tv avicāritam /
pravartante śamasvacche vahanānīva sāgare //

vicārasaṃtoṣaśamāḥ satsamāgamaśālini /
pravartante śriyo jantau kalpavṛkṣāśrite yathā //

vicāraśamasatsaṃgāḥ saṃtoṣavati mānave /
pravartante prapūrṇendau saundaryādyā saunda[r]yā° guṇā iva //

satsaṃgasaṃtoṣaśamā vicāravati sanmatau /
pravartante mantrivare rājanīva jayaśriyaḥ //

tasmād ekatamaṃ nityam eteṣāṃ raghunandana /
pauruṣeṇa mano jitvā yatnenābhyāhared guṇam //

paraṃ pauruṣam āśritya jitvā cittamataṅgajam /
yāvad eko guṇo nāptas tāvan nāsty uttamā gatiḥ //

pauruṣeṇa prayatnena dantair dantān vicūrṇayan /
yāvan nābhiniviṣṭaṃ te mano rāma guṇārjane //

devo bhavātha yakṣo vā puruṣaḥ pādapo 'tha vā /
tāvat tava mahābāho nopāyo 'stīha kaścana //

ekasminn eva phalite guṇe balam upāgate /
kṣīyante sarva evāśu doṣā d⟨e⟩[o]ṣā viṣadacetasaḥ //

guṇe vivṛddhe vardhante guṇā doṣakṣayāvahāḥ /
doṣe vivṛddhe vardhante doṣā guṇavināśinaḥ //

manomahāvane hy asmin veginī vāsanāsarit /
śubhāśubhabṛhatkūlā nityaṃ vahati jantuṣu //

sā hi svena prayatnena yasminn eva nipātyate /
kūle tenaiva vahati yathecchasi tathā kuru //

puruṣayatnajavena manovane śubhataṭānugatāṃ kramaśaḥ kuru /
varamate nijabhāvamahānadīm iha hi tena manāg api nohyase //