Mokṣopāyaṭīkā · Chapter 1.31

vadaty evam manomohavinivṛttikaraṃ vacaḥ /
rāme rājīvapattrākṣe tasmin rājakumārake //

sarve babhūvus tatrasthā vismayotphullalocanāḥ /
dhṛtāmbarā deharuhair giraḥ śrotum ivodgataiḥ //

virāmavāsanāpāstasamastabhavavāsanāḥ /
muhūrtam amṛtāmbhodhivīcīvilulitā N11, Ś4: °vīcīr vi° iva //

tā giro rāmabhadrasya tasya citrārpitair iva /
saṃśrutāḥ śṛṇukair N11, Ś4: śṛṇva° antar ānandaparipīvaraiḥ //

vasiṣṭhaviśvāmitrādyair munibhiḥ saṃsadi sthitaiḥ /
jayantaghṛṣṭipramukhair mantribhir mantrakovidaiḥ //

nṛpair daśarathaprakhyaiḥ pauraiḥ pāraśavādibhiḥ /
sāmantai rājaputraiś ca brāhmaṇair brahmavādibhiḥ //

tathā bhṛtyair amātyaiś ca pañjarasthaiś ca pakṣibhiḥ /
krīḍāmṛgair gataspandais turaṅgair gatacarvaṇaiḥ //

kausalyāpramukhaiś caiva nijavātāyanasthitaiḥ /
saṃśāntabhūṣaṇārāvair aspandair vanitāgaṇaiḥ //

udyānavallīnilayair viṭaṅkanilayair api /
akṣubdhapakṣatatibhir vihagair viratāravaiḥ //

siddhair nabhaścaraiś caiva tathā gandharvakinnaraiḥ /
nāradavyāsapulahapramukhair munipuṅgavaiḥ //

anyaiś ca devadeveśavidyādharamahoragaiḥ /
rāmasya tā vicitrārthā mahodārā giraḥ śrutāḥ //

atha tūṣṇīṃ sthitavati rāme rājīvalocane /
tasmin raghukulākāśaśaśāṅkasamasundare Ś4: °sminn ambu° //

sādhuvādagirā sārdhaṃ siddhasārthasamīritā /
vitānakasamā vyomnaḥ puṣpavṛṣṭiḥ papāta ha //

mandārakośaviśrāntabhramaradvandvanādinī /
madirāmodasaundaryamuditonmadamānavā //

vyomavātavinunneva tārakāṇām paramparā /
patiteva dharāpīṭhaṃ svargastrīhasitacchaṭā //

vṛṣṭiṣv ekaśaranmeghalavāvalir iva cyutā /
haiyaṅgavīnapiṇḍānām N11, Ś4: haiyya° īriteva paramparā //

himavṛṣṭir ivodārā muktāhāracayopamā /
aindavīraśmimāleva kṣīrormīṇām ivātatiḥ //

kiñjalkāmodavalitā bhramadbhṛṅgakadambakā /
sītkāragāyadāmodamadhurāniladolitā //

prabhramatketakavyūhā prasaratkairavotkarā /
prapatatkundavalayā valatkuvalayālayā //

āpūritāṅganārāmagṛhacchādanacatvarā /
udgrīvapuravāstavyavaranārīvilokitā //

nirabhrotpalasaṅkāśavyomavṛṣṭir anākulā /
adṛṣṭapūrvā sarvasya janasya janitasmayā //

adṛṣṭapūrvasiddhaughakarotkarasamīritā /
sā muhūrtacaturbhāge puṣpavṛṣṭiḥ papāta ha //

āpūritasabhāloke śānte kusumavarṣaṇe /
imān siddhagaṇālāpāñ śuśruvus N11: śu(śru)śru° te sabhāgatāḥ //

ākalpaṃ siddhasenāsu bhramadbhir abhito divam /
apūrvam adya tv asmābhiḥ śrutaṃ śrutirasāyanam //

yad anena kilodāram uktaṃ raghukulendunā /
vītarāgatayā tad dhi vākpater N11, Ś4: vākya° apy agocaram //

aho vata mahat puṇyam adyāsmābhir idaṃ śrutam /
vaco rāmamukhodbhūtam amṛtāhlādakaṃ dhiyaḥ //

upaśamāmṛtasundaram ādarād adhigatottamatāpadam eṣa yat /
kathitavān ucitaṃ raghunandanaḥ sapadi tena vayam pratibodhitāḥ //