મોક્ષોપાયટીકા · અધ્યાય 1.31

વદત્ય્ એવમ્ મનોમોહવિનિવૃત્તિકરં વચઃ ।
રામે રાજીવપત્ત્રાક્ષે તસ્મિન્ રાજકુમારકે ॥

સર્વે બભૂવુસ્ તત્રસ્થા વિસ્મયોત્ફુલ્લલોચનાઃ ।
ધૃતામ્બરા દેહરુહૈર્ ગિરઃ શ્રોતુમ્ ઇવોદ્ગતૈઃ ॥

વિરામવાસનાપાસ્તસમસ્તભવવાસનાઃ ।
મુહૂર્તમ્ અમૃતામ્ભોધિવીચીવિલુલિતા ન્11, શ્4: °વીચીર્ વિ° ઇવ ॥

તા ગિરો રામભદ્રસ્ય તસ્ય ચિત્રાર્પિતૈર્ ઇવ ।
સંશ્રુતાઃ શૃણુકૈર્ ન્11, શ્4: શૃણ્વ° અન્તર્ આનન્દપરિપીવરૈઃ ॥

વસિષ્ઠવિશ્વામિત્રાદ્યૈર્ મુનિભિઃ સંસદિ સ્થિતૈઃ ।
જયન્તઘૃષ્ટિપ્રમુખૈર્ મન્ત્રિભિર્ મન્ત્રકોવિદૈઃ ॥

નૃપૈર્ દશરથપ્રખ્યૈઃ પૌરૈઃ પારશવાદિભિઃ ।
સામન્તૈ રાજપુત્રૈશ્ ચ બ્રાહ્મણૈર્ બ્રહ્મવાદિભિઃ ॥

તથા ભૃત્યૈર્ અમાત્યૈશ્ ચ પઞ્જરસ્થૈશ્ ચ પક્ષિભિઃ ।
ક્રીડામૃગૈર્ ગતસ્પન્દૈસ્ તુરઙ્ગૈર્ ગતચર્વણૈઃ ॥

કૌસલ્યાપ્રમુખૈશ્ ચૈવ નિજવાતાયનસ્થિતૈઃ ।
સંશાન્તભૂષણારાવૈર્ અસ્પન્દૈર્ વનિતાગણૈઃ ॥

ઉદ્યાનવલ્લીનિલયૈર્ વિટઙ્કનિલયૈર્ અપિ ।
અક્ષુબ્ધપક્ષતતિભિર્ વિહગૈર્ વિરતારવૈઃ ॥

સિદ્ધૈર્ નભશ્ચરૈશ્ ચૈવ તથા ગન્ધર્વકિન્નરૈઃ ।
નારદવ્યાસપુલહપ્રમુખૈર્ મુનિપુઙ્ગવૈઃ ॥

અન્યૈશ્ ચ દેવદેવેશવિદ્યાધરમહોરગૈઃ ।
રામસ્ય તા વિચિત્રાર્થા મહોદારા ગિરઃ શ્રુતાઃ ॥

અથ તૂષ્ણીં સ્થિતવતિ રામે રાજીવલોચને ।
તસ્મિન્ રઘુકુલાકાશશશાઙ્કસમસુન્દરે શ્4: °સ્મિન્ન્ અમ્બુ° ॥

સાધુવાદગિરા સાર્ધં સિદ્ધસાર્થસમીરિતા ।
વિતાનકસમા વ્યોમ્નઃ પુષ્પવૃષ્ટિઃ પપાત હ ॥

મન્દારકોશવિશ્રાન્તભ્રમરદ્વન્દ્વનાદિની ।
મદિરામોદસૌન્દર્યમુદિતોન્મદમાનવા ॥

વ્યોમવાતવિનુન્નેવ તારકાણામ્ પરમ્પરા ।
પતિતેવ ધરાપીઠં સ્વર્ગસ્ત્રીહસિતચ્છટા ॥

વૃષ્ટિષ્વ્ એકશરન્મેઘલવાવલિર્ ઇવ ચ્યુતા ।
હૈયઙ્ગવીનપિણ્ડાનામ્ ન્11, શ્4: હૈય્ય° ઈરિતેવ પરમ્પરા ॥

હિમવૃષ્ટિર્ ઇવોદારા મુક્તાહારચયોપમા ।
ઐન્દવીરશ્મિમાલેવ ક્ષીરોર્મીણામ્ ઇવાતતિઃ ॥

કિઞ્જલ્કામોદવલિતા ભ્રમદ્ભૃઙ્ગકદમ્બકા ।
સીત્કારગાયદામોદમધુરાનિલદોલિતા ॥

પ્રભ્રમત્કેતકવ્યૂહા પ્રસરત્કૈરવોત્કરા ।
પ્રપતત્કુન્દવલયા વલત્કુવલયાલયા ॥

આપૂરિતાઙ્ગનારામગૃહચ્છાદનચત્વરા ।
ઉદ્ગ્રીવપુરવાસ્તવ્યવરનારીવિલોકિતા ॥

નિરભ્રોત્પલસઙ્કાશવ્યોમવૃષ્ટિર્ અનાકુલા ।
અદૃષ્ટપૂર્વા સર્વસ્ય જનસ્ય જનિતસ્મયા ॥

અદૃષ્ટપૂર્વસિદ્ધૌઘકરોત્કરસમીરિતા ।
સા મુહૂર્તચતુર્ભાગે પુષ્પવૃષ્ટિઃ પપાત હ ॥

આપૂરિતસભાલોકે શાન્તે કુસુમવર્ષણે ।
ઇમાન્ સિદ્ધગણાલાપાઞ્ શુશ્રુવુસ્ ન્11: શુ(શ્રુ)શ્રુ° તે સભાગતાઃ ॥

આકલ્પં સિદ્ધસેનાસુ ભ્રમદ્ભિર્ અભિતો દિવમ્ ।
અપૂર્વમ્ અદ્ય ત્વ્ અસ્માભિઃ શ્રુતં શ્રુતિરસાયનમ્ ॥

યદ્ અનેન કિલોદારમ્ ઉક્તં રઘુકુલેન્દુના ।
વીતરાગતયા તદ્ ધિ વાક્પતેર્ ન્11, શ્4: વાક્ય° અપ્ય્ અગોચરમ્ ॥

અહો વત મહત્ પુણ્યમ્ અદ્યાસ્માભિર્ ઇદં શ્રુતમ્ ।
વચો રામમુખોદ્ભૂતમ્ અમૃતાહ્લાદકં ધિયઃ ॥

ઉપશમામૃતસુન્દરમ્ આદરાદ્ અધિગતોત્તમતાપદમ્ એષ યત્ ।
કથિતવાન્ ઉચિતં રઘુનન્દનઃ સપદિ તેન વયમ્ પ્રતિબોધિતાઃ ॥