Mokṣopāyaṭīkā · Chapter 1.28

iti medhopadāvāgnidagdhe N11, Ś4: °āgnir mahati cetasi /
prasphuranti na bhogāśā mṛgatṛṣṇāḥ Ś4: °ṣṇā sarassv iva //

pratyahaṃ cātikaṭutām eti saṃsārasaṃsthitiḥ /
kālapākavaśollāsirasā nimbalatā yathā //

vṛddhim āyāti daurjanyaṃ saujanyaṃ yāti tānavam /
karañjakarkaśe rājan pratyahaṃ janacetasi //

bhajyate bhuvi maryādā jhagity eva diśam prati /
śuṣkeva māṣaśimikā ṭāṅkārakaṭhināravam //

rājyebhyo bhogapūgebhyaś cintāvanto mahīśvarāḥ Ś4: maheś° /
nirastacintākalikā varam ekāntaśīlatā //

nānandāya mamodyānaṃ na sukhāya mama śriyaḥ /
na harṣāya mamārthāśā śāmyāmi manasā saha //

anityaś cāsukho lokas tṛṣṇā tāta durutsahā /
cāpalopahataṃ cetaḥ kathaṃ yāsyāmi nirvṛtim //

nābhinandāmi maraṇaṃ nābhinandāmi jīvitam /
yathā tiṣṭhāmi tiṣṭhāmi tathaiva vigatajvaram //

kim me rājyena kim bhogaiḥ kim arthena kim īhitaiḥ /
ahaṅkāravaśād etat sa eva galito mama //

janmāvalivaratrāyām indriyagranthayo dṛḍhāḥ /
ye lagnās tadvimokṣārthaṃ ye yatante ta uttamāḥ //

dalitam māninīlokair mano makaraketunā N11: °nāḥ /
komalaṃ khuraniṣpeṣaiḥ kamalaṃ kariṇā yathā //

adya cet svasthayā buddhyā munīndra na cikitsyate /
bhūyaś cittacikitsāyāṃ kaḥ kilāvasaraḥ N11: °r(ā)aḥ kutaḥ //

viṣaṃ viṣayavaiṣamyaṃ na viṣaṃ viṣam ucyate /
janmāntaraghnā viṣayā ekadehaharaṃ viṣam //

na sukhāni na duḥkhāni na mitrāṇi na bandhavaḥ /
na jīvitaṃ na maraṇam bandhāya jñasya cetasaḥ //

tad bhavāmi yathā brahman pūrvāparavidāṃ vara /
vītaśokabhayāyāso Ś4: °sau jñas tathopadiśāśu me //

vāsanājālavalitā duḥkhakaṇṭakasaṅkaṭā N11: °kaṇṭasaṃ° /
nipātotpātabahalā bhīmarūpājñatāṭavī //

krakacograviniṣpeṣaṃ soḍhuṃ śakto 'smy aham mune /
saṃsāravyavahārotthaṃ nāśāviṣamavaiśasam //

idaṃ nāstīdam astīti vyavahārijanabhramaḥ /
dhunotīdaṃ calaṃ ceto rajorāśim ivānilaḥ //

tṛṣṇātantulavaprotajīvasañcayamauktikam /
cidacchāṅgatayā nityam prakaṭaṃ cittanāyakam Ś4: cita° //

saṃsārahāram aratiḥ kālavyālavibhūṣaṇam /
troṭayāmy aham akrūrāṃ vāgurām iva kesarī //

nīhāraṃ hṛdayāṭavyām manastimiram āśu me /
kenacij jñānadīpena bhinddhi tattvavidāṃ vara //

vidyanta eveha na te mahātman durādhayo na kṣayam āpnuvanti /
ye saṅgamenottamamānasānāṃ niśātamāṃsīva niśākareṇa //

āyur vāyuvighaṭṭitābjapaṭalīlambāmbuvad bhaṅguram bhogā meghavitānamadhyavilasatsaudāminīcañcalāḥ N11, Ś4: °vilasā° /
lolo yauvanalālanājalarayaś cety ākalayya drutam mudraivādridṛḍhārpitā N11: °rpitāṃ nanu mayā citte ciraṃ śāntaye //