Mokṣopāyaṭīkā · Chapter 1.23

asyoḍḍāmaralīlasya Ś4: °marasya lī° dūrāstasakalāpadaḥ /
saṃsāre rājaputrasya kālasyākalitaujasaḥ Ś4: kālasya ka° //

asminn ācarato dīnair mugdhair bhūtamṛgavrajaiḥ /
ākheṭakaṃ jarjarite jagajjaṅgalajālake Ś4: °ṅgajā° //

ekadeśollasaccāruvaḍavānalapaṅkajā /
krīḍāpuṣkariṇī ramyā kalpakālamahārṇavaḥ //

kaṭutiktāmlabhūtāḍhyaiḥ sadadhikṣīrasāgaraiḥ /
tair eva taiḥ paryuṣitair jagadbhiḥ kālyavartanam //

caṇḍī caturasañcārā sarvamātṛgaṇānvitā /
saṃsāravanavinyastanaraiṇākarṣaṇī vṛkī //

pṛthvī karatale pṛthvī pānapātrī rasānvitā /
kamalotpalakalhāralolajālakamālitā //

virāvī vikaṭāsphālo nṛsiṃho bhujapañjare /
saṭāvikaṭapīnāṃsaḥ kāntaḥ krīḍāśakuntakaḥ //

alābuvīṇāmadhuraḥ śaradvyomāmalacchaviḥ /
devaḥ kila mahākālo līlākokilabālakaḥ //

ajasrasphūrjitākāro vāntaduḥkhaśarāśaniḥ /
abhāvanāmakodaṇḍaḥ parisphurati sarvataḥ //

anuttamasphuritavilāsavardhito bhraman haran parivilasan vidārayan /
jarajjagaj jaraḍhavilolamarkaṭaḥ parisphuradvapur iha kāla īhate //