મોક્ષોપાયટીકા · અધ્યાય 1.23

અસ્યોડ્ડામરલીલસ્ય શ્4: °મરસ્ય લી° દૂરાસ્તસકલાપદઃ ।
સંસારે રાજપુત્રસ્ય કાલસ્યાકલિતૌજસઃ શ્4: કાલસ્ય ક° ॥

અસ્મિન્ન્ આચરતો દીનૈર્ મુગ્ધૈર્ ભૂતમૃગવ્રજૈઃ ।
આખેટકં જર્જરિતે જગજ્જઙ્ગલજાલકે શ્4: °ઙ્ગજા° ॥

એકદેશોલ્લસચ્ચારુવડવાનલપઙ્કજા ।
ક્રીડાપુષ્કરિણી રમ્યા કલ્પકાલમહાર્ણવઃ ॥

કટુતિક્તામ્લભૂતાઢ્યૈઃ સદધિક્ષીરસાગરૈઃ ।
તૈર્ એવ તૈઃ પર્યુષિતૈર્ જગદ્ભિઃ કાલ્યવર્તનમ્ ॥

ચણ્ડી ચતુરસઞ્ચારા સર્વમાતૃગણાન્વિતા ।
સંસારવનવિન્યસ્તનરૈણાકર્ષણી વૃકી ॥

પૃથ્વી કરતલે પૃથ્વી પાનપાત્રી રસાન્વિતા ।
કમલોત્પલકલ્હારલોલજાલકમાલિતા ॥

વિરાવી વિકટાસ્ફાલો નૃસિંહો ભુજપઞ્જરે ।
સટાવિકટપીનાંસઃ કાન્તઃ ક્રીડાશકુન્તકઃ ॥

અલાબુવીણામધુરઃ શરદ્વ્યોમામલચ્છવિઃ ।
દેવઃ કિલ મહાકાલો લીલાકોકિલબાલકઃ ॥

અજસ્રસ્ફૂર્જિતાકારો વાન્તદુઃખશરાશનિઃ ।
અભાવનામકોદણ્ડઃ પરિસ્ફુરતિ સર્વતઃ ॥

અનુત્તમસ્ફુરિતવિલાસવર્ધિતો ભ્રમન્ હરન્ પરિવિલસન્ વિદારયન્ ।
જરજ્જગજ્ જરઢવિલોલમર્કટઃ પરિસ્ફુરદ્વપુર્ ઇહ કાલ ઈહતે ॥