मोक्षोपायटीका · अध्याय 1.23

अस्योड्डामरलीलस्य श्4: °मरस्य ली° दूरास्तसकलापदः ।
संसारे राजपुत्रस्य कालस्याकलितौजसः श्4: कालस्य क° ॥

अस्मिन्न् आचरतो दीनैर् मुग्धैर् भूतमृगव्रजैः ।
आखेटकं जर्जरिते जगज्जङ्गलजालके श्4: °ङ्गजा° ॥

एकदेशोल्लसच्चारुवडवानलपङ्कजा ।
क्रीडापुष्करिणी रम्या कल्पकालमहार्णवः ॥

कटुतिक्ताम्लभूताढ्यैः सदधिक्षीरसागरैः ।
तैर् एव तैः पर्युषितैर् जगद्भिः काल्यवर्तनम् ॥

चण्डी चतुरसञ्चारा सर्वमातृगणान्विता ।
संसारवनविन्यस्तनरैणाकर्षणी वृकी ॥

पृथ्वी करतले पृथ्वी पानपात्री रसान्विता ।
कमलोत्पलकल्हारलोलजालकमालिता ॥

विरावी विकटास्फालो नृसिंहो भुजपञ्जरे ।
सटाविकटपीनांसः कान्तः क्रीडाशकुन्तकः ॥

अलाबुवीणामधुरः शरद्व्योमामलच्छविः ।
देवः किल महाकालो लीलाकोकिलबालकः ॥

अजस्रस्फूर्जिताकारो वान्तदुःखशराशनिः ।
अभावनामकोदण्डः परिस्फुरति सर्वतः ॥

अनुत्तमस्फुरितविलासवर्धितो भ्रमन् हरन् परिविलसन् विदारयन् ।
जरज्जगज् जरढविलोलमर्कटः परिस्फुरद्वपुर् इह काल ईहते ॥