Mānavagṛhyasūtra · Chapter 1.13

iti dvādaśaḥ khaṇḍaḥ //12//
trayodaśaḥ khaṇḍaḥ
puṇyāhe yuṅkte

yuñjanti bradhnamiti dvābhyāṃ yujyamānamanumantrayate dakṣiṇamathottaram

ahatena vāsasā darbhairvā rathaṃ saṃmārṣṭi

ahkūnyaṅkāvabito rathaṃ ye dhāvantā vātā agnimabhiye saṃcaranti dūre hetiḥ patatrī vājinī vāṃste no 'gnayaḥ paprayaḥ pālayantu iti cakre abhimantrayate

vanaspate viḍvaṅga itiyadhiṣṭānam

sukiṃ śukraṃ śalmaliṃ viśvarūpaṃ hiraṇyavarṇaṃ suvṛtaṃ sucakram āroha sūrye amṛtasya lokaṃ syonaṃ patye vahataṃ, kṛṇuṣva //
ityārohayati

anumāyantu devatā anubrahma suvīryam /
anukṣatraṃ tu yadbalamanumāmaitu madyaśaḥ //
iti prāṅabhiprayāya pradakṣiṇamāvartayati

pratimāyantu devatāḥ pratibrahma suvīryam /
pratikṣatraṃ tu yadbalaṃ prati māmaitu yadyaśaḥ //
iti yathāstaṃ yanta manumantrayate

amaṅgalyaṃ cedatikrāmati anumāyantviti japati

namo rudrāya grāmasada iti grāme imā rudrāyeti ca

'namo rudrāyaika vṛkṣasada' ityekavṛkṣe /
'ye vṛkṣeṣu śiṣpañjarā' iti ca

'namo rudrāya śmāśānasada' iti śmaśāne /
'ye bhūtānā madhipataya' iti ca

'namo rudrāya catuṣpathasada' iti catuṣpathe /
'ye pathāṃ pathi rakṣaya' iti ca

'namo rudrāya tīrthasada' iti tīrthe /
'ye tīrthāni pracarantīti' ca

yatrāpastaritavyā āsīditi samudrāya vaiṇave sindhūnāṃ pataye namaḥ /
namo nadīnāṃ sarvāsāṃ patye /
viśvāhā juṣatāṃ viśvakarmaṇāmidaṃ haviḥ svaḥ svāhetyapsūdakāñjalīnninayati /
amṛtaṃ vā āsye juhomyāyuḥ prāṇe 'pyamṛtaṃ brahmaṇā saha mṛtyuntarati /
prāsahāditi riṣṭiriti muktiriti mukṣīyamāṇaḥ sarvaṃ bhayaṃ nudasva svāheti triḥ parimṛjyācāmati

yadi nāvā taret sutrāmāṇamiti japet

yadi rathākṣaḥ śamyāṇīvā riṣyetānyadvā rathāṅgaṃ tatraivāgnibhupasamādhāya jayaprabhṛtibhirhutvā sumaṅgalīriyaṃ vadhūriti japet vadhvā saha vadhūṃ sameta paśyata

vyutkrāma panthāṃ jaritāṃ javena śivena vaiśvānara iḍyāsyāgrataḥ /
ācāryo yena yena pathā prayāti tena tena saha //
ityubhāvevokrāmataḥ

gobhiḥ sahāstāmite grāmaṃ praviśanti brāhmaṇavacanādvā