Scripture Library

Mānavagṛhyasūtra · Chapter 1.12

1.12.1

ityekādaśaḥkhamḍaḥ //11//
dvādaśaḥ khaṇḍaḥ
sumaṅgalīriyaṃ vadhūrimāṃ sametapaśya
saubhāgyamasyai datvāyāthāstvaṃ viparetana //
iti prekṣakānvrajato 'numantrayate

1.12.2

atraiva sīmantaṃ karoti trīśyetayā śalalyā samūlena vā darbheṇa senāhanāmetyetayā

1.12.3

athābhyañjanti--
abhyajyakeśān sumanasyamānāḥ prajāvarīryaśase bahuputrā aghorāḥ /
śivā bhartuḥ śvaśurasyāvadāyāyuṣmatīḥ śvaśvamatīścirāyuḥ //
iti

1.12.4

jīvorṇayopasamasyati-
samasya keśānavṛjinānaghorān śikhā sakhībhyo bhava sarvābhyaḥ /
śivā bhava sukulohyamānāśivā janeṣu sahavāhaneṣu //
iti

1.12.5

athaino dadhimadhu samaśruto yadvā haviṣyaṃ syāt

1.12.6

tasya svasti vācayitvā samānā vā ākūtānīti saha japanti

1.12.7

ubau saha prāśnītaḥ

Original text: Mānavagṛhyasūtra (= Maitrāyaṇīyamānavagṛhyasūtra) · Edition: Ramakrishna Harshaji Sastri: Mānavagṛhyasūtra of the Mitrāyaṇīya Śākhā, Baroda : Central Library 1926 (Gaekwad's Oriental Series, 35) · Data entry members of the Sansknet Project · GRETIL (Göttingen) · CC BY-NC-SA 4.0