Mahāsubhāṣitasaṃgraha 1-9979 · Verses 9795-9814

kālakālagalakālakālamukhakālakāla! kālakāla ghanakālakāla panakālakāla ! /
kālakālasitakālakā lalanikālakāla- kālakālagatu kālakāla! kalikālakāla! //

kālakūṭamadhunāpi nihantuṃ hanta no vahasi lāñchanabhaṅgyā /
yadbhayādiva nigīrṇamapi tvām āśu muñcati sudhākara rāhuḥ //

kālakūṭamiha nindati loko yena śambhurajarāmara eva /
antakaṃ virahiṇīśu sudhāṃśuṃ stautyamuṃ tu viralo hi vivekaḥ //

kālakūṭādayo bhedā viṣasya nava santi ye /
cikitsā kathyate teṣāṃ mantrapūrvamavistarāt //

kālakramaṃ pratyakathaiva tāvat kṣaṇaṃ viyogo maraṇena tulyaḥ /
priyāmukhodvīkṣaṇalālasānām akṣṇornimeṣo'pi hi vighnabhūtaḥ //

kālakramakamanīya- kroḍeyaṃ ketakīti kāśaṃsā /
vṛddhiryathā yathā syās tathā tathā kaṇṭakotkarṣaḥ //

kālakramatruṭitasaṃśrayabhūḥ svamūla- mātrāśrayī taṭataruḥ sarito'mbupūraiḥ /
yaiḥ śaṅkyate nipatatīti vitīrṇamṛddhis taireva tasya hi bhavet sthitibhumidārḍhyam //

kālakrameṇa pariṇāmavaśādanavyā bhāvā bhavanti khalu pūrvamatīva tucchāḥ /
muktāmaṇirjaladatoyakaṇo'pyaṇīyān sampadyate ca cirakīcakarandhramadhye //

kālakṣepo na kartavya āyuryāti dine dine /
nirīkṣate yamo rājā dharmasya vividhāṃ gatim //

kā lakṣmīḥ padamunnataṃ, kimu padaṃ yad gauravaṃ svāminaḥ kiṃ tad gaurava, mantarāyarahitāpūrvaiva gurvī sthitiḥ /
kā cāsau sthiti, rātmabhūṣaṇaparavyāpārasambhāvanā kasyaitat sakalaṃ samasti, śaśinaḥ śrīkaṇṭhacuḍāmaṇeḥ //

kālañjarapatiścakre bhīmaṭaḥ pañcanāṭakīm /
prāpa prabandharājatvaṃ teṣu svapnadaśānanam //
kālatraye'pi yat kiṃcid ātmapratyayavarjitam /
evametaditi spaṣṭaṃ na vācyaṃ catureṇa tat //

kālatrayopapannāni janmakarmāṇi me nṛpa /
anukramanto naivāntaṃ gacchanti paramarṣayaḥ //

kālaprāptaṃ mahāratnaṃ yo na gṛhṇātyabuddhimān /
anyahastagataṃ dṛṣṭvā paścāt sa paritapyate //

kālaprāptamupādadyānnārthaṃ rājā prasūcayet /
ahanyahani sanduhyānmahīṃ gāmiva buddhimān //

kālayāpanamāśānāṃ vardhanaṃ phalakhaṇḍanam /
virakteśvaracihnāni jānīyānmatimān naraḥ //

kālarātrikarāleyaṃ strīti kiṃ vicikitsase /
tajjagattritayaṃ trātuṃ tāta tāḍaya tāṭakām //

kālarātrirmahārātrir moharātriśca dāruṇā /
tvaṃ śrīs tvamīśvarī tvaṃ hrīs tvaṃ buddhirbodhalakṣaṇā //

kālavarṣī ca parjanyo dharmacārī ca pārthivaḥ /
sampad yadaiṣā bhavati sā bibharti sukhaṃ prajāḥ //

kālavidbhirvinirṇītaṃ pāṇḍityaṃ yasya rāghava /
anadhyārpita evāsau tajjñaśced daivamuttamam //

kālavidbhivirnirṇītā yasyāticirajīvitā /
sa cej jīvati saṃcchinnaśirāstad daivamuttamam //