Scripture Library

Mahābhāratatātparyanirṇaya · Part 4160

sahasramūrdhno'sya bataikamūrdhni sasaptapātāl . agirīndrasāgarā |
dharā'khileyaṃ nanu sarṣapāyati prasahya ko nāma haret tamenam | 8.88 |
prakarṣati tveva niśācareśvare tathaiva rāmāvarajaṃ tvarānvitaḥ |
samastajīvādhipateḥ parā tanuḥ samutpapātāsya puro hanūmān | 8.89 |
sa muṣṭimāvartya ca vajrakalpaṃ jaghāna tenaiva ca rāvaṇaṃ ruṣā |
prasārya bāhūnakhilairmukhairvaman sa raktamuṣṇaṃ vyasuvat papāta | 8.90 |
nipātya rakṣodhipatiṃ sa mārutiḥ pragṛhya saumitrimuraṅgaśāyinaḥ |
jagāma rāmākhyatanoḥ samīpaṃ saumitrimuddhartumalaṃ hyasau kapiḥ | 8.91 |
lxx.sa rāmasaṃ sparśanivāritaklamaḥ samutthitastena samuddhṛte śare |
babhau yathā rāhumukhāt pramuktaḥ śaśī supūrṇo vikacasvaraśmibhiḥ | 8.92 |
sa śeṣabhogābhamatho janārdanaḥ pragṛhya cāpaṃ saśaraṃ punaśca |
sulabdhasañjñaṃ rajanīcareśaṃ jagāda sajjībhava rāvaṇeti | 8.93 |
rathaṃ samāruhya punaḥ sakārmukaḥ samārgaṇo rāvaṇa āṇsu rāmam |
abhyetya sarvāṇsca diśaścakāra śarāndhakārāḥ paramāstravettā | 8.94 |
rathasthite'smin rajanīcareśe na me patirbhūmital . e sthitaḥ syāt |
iti sma putraḥ pavanasya rāmaṃ skandhaṃ samāropya yayau ca rākṣasam | 8.95 |
prahasya rāmo'sya hayān nihatya sūtaṃ ca kṛtvā tilaśo dhvajaṃ ratham |
dhanūṃ ṣi khaḍgaṃ sakalāyudhāni chatraṃ ca sañchidya cakarta maulim | 8.96 |
kartavyamūḍhaṃ tamavekṣya rāmaḥ punarjagādā'śu gṛhaṃ prayāhi |
samastabhogānanubhūya śīghraṃ pratoṣya bandhūn punarehi martum | 8.97 |
itīrito'vāgvadano yayau gṛhaṃ vicārya kāryaṃ saha mantribhiḥ svakaiḥ |
hatāvaśeṣairatha kumbhakarṇaprabodhanāyā'śu matiṃ cakāra | 8.98 |
saśailaśṛṅgāsiparaśvadhāyudhairniśācarāṇāmayutairanekaiḥ |
tacchvāsavegābhihataiḥ kathañcid gataiḥ samīpaṃ kathamapyabodhayat | 8.99 |
śailopamānasya ca māṃ sarāṇsīn vidhāya bhakṣānapi śoṇitahradān |
sutṛptamenaṃ paramādareṇa samāhvayāmāsa sabhātal . āya | 8.100 |
uvāca cainaṃ rajanīcarendraḥ parājito'smyadya hi jīvati tvayi |
raṇe nareṇaiva ca rāmanāmnā kuruṣva me prītimamuṃ nihatya | 8.101 |
itīritaḥ kāraṇamapyaśeṣaṃ śrutvā jagarhāgrajameva vīraḥ |
amoghavīryeṇa hirāghaveṇa tvayā virodhaścarito batādya | 8.102 |
praśasyate no balibhirvirodhaḥ kathañcideṣo'tibalo mato mama |
lxxi.itīrito rāvaṇa āha durnayo'pyahaṃ tvayā'vyo hi kimanyathā tvayā | 8.103 |
caranti rājāna utākramaṃ kvacit tvayopamān bandhujanān balādhikān |
samīkṣya hītthaṃ gadito'grajena sa kumbhakarṇaḥ prayayau raṇāya | 8.104 |
prākāramālaṅghya sa pañcayojanaṃ yadā yayau śūlavarāyudho raṇam |
kapipravīrā akhilāḥ pradudruvurbhayādatītyaiva ca setumāṇsu | 8.105 |
śatavalipanasākhyau tatra vasvaṃ śabhūtau pavanagaṇavarāṃ śau śvetasampātinau ca |
nirṛtitanumathograṃ durmukhaṃ kesarīti pravaramatha marutsu prāsyadetān mukhe saḥ | 8.106 |
rajanicaravaro'sau kumbhakarṇaḥ pratāpī kumudamapi jayantaṃ pāṇinā sampipeṣa |
nal . amatha ca gajādīn pañca nīlaṃ satāraṃ girivarataruhastān muṣṭinā'pātayacca | 8.107 |

atho samādāya dhanuḥ sughoraṃ śarāṃ śca vajrāṇsanitulyavegān |
praveśayāmāsa niśācare prabhuḥ sa rāghavaḥ pūrvahateṣu yadvat | 8.128 |
yāvadbalena nyahanat kharādikān na tāvataiva nyapatat sa rākṣasaḥ |
atha prahasyā'tmabalaikadeśaṃ pradarśayan bāṇavarān mumoca | 8.129 |
dvābhyāṃ sa bāhū nicakarta tasya padadvayaṃ caiva tathā ṇsarābhyām |
athāpareṇāsya śiro nikṛtya samprākṣipat sāgaratoya āṇsu | 8.130 |
avardhatābdhiḥ patite'sya kāye mahācalābhe kṣaṇadācarasya |
surāṇsca sarve vavṛṣuḥ prasūnairmudā stuvanto raghuvaryamūrdhni | 8.131 |
yojanānāṃ trilakṣaṃ hi kumbhakarṇo vyavardhata |
pūrvaṃ paścāt sañcukoca laṅkāyāmuṣituṃ svayam | 8.132 |
sa tu svabhāvamāpanno mriyamāṇo vyavardhata |
tenāsmin patite tvabdhiravardhadadhikaṃ tadā | 8.133 |
athāpare ye rajanīcarāstadā kapipravīrairnihatāṇsca sarvaśaḥ |
hatāvaśiṣṭāstvaritāḥ pradudruvubhrāturvadhaṃ cocurupetya rāvaṇam | 8.134 |
sa duḥkhatapto nipapāta mūrchito nirāṇsakaścābhavadātmajīvite |
tamāha putrastridaśeśaśatrurniyuṅkṣva māṃ śatruvadhāya māciram | 8.135 |
mayā gṛhītastridaśeśvaraḥ purā viṣīdase kiṃ nararājaputrataḥ |
sa evamuktvā prajuhāva pāvakaṃ śivaṃ samabhyarcya samāruhad ratham | 8.136 |
sa āttadhanvā saśaro rathena viyat samāruhya yayāvadarśanam |
sa nāgapāṇsairvarataḥ śivasya babandha sarvān kapivīrasa' nghān | 8.137 |
purā'vatārāya yadā sa viṣṇurdideśa sarvāṃ stridaśāṃ stadaiva |
lxxiv.mamāpi sevā bhavate prayojyetyevaṃ garutmānavadad vṛṣākapim | 8.138 |
tamāha viṣṇurna bhuvi prajātimupaihi sevāṃ tava cānyathā'ham |
ādāsya evātra yathā yaśaḥ syād dharmaśca kartavyakṛdeva ca syāḥ | 8.139 |
vareṇa ṇsarvasya hi rāvaṇātmajo yadā nibadhnāti kapīn salakṣmaṇān |
uraṅgapāṇsena tadā tvameva sametya sarvānapi mocayasva | 8.140 |
ahaṃ samartho'pi sa lakṣmaṇaṇsca tathā hanūmān na vimocayāmaḥ |
tava priyārthaṃ garuḍaiṣa eva kṛtastavā'deśa imaṃ kuruṣva | 8.141 |
tadetaduktaṃ hi purā'tmanā yat tato hi rāmo na mumoca kañcana |
na lakṣmaṇo naiva ca mārutātmajaḥ sa caiva jānāti hi devaguhyam | 8.142 |
atho nibaddhyā'śu harīn salakṣmaṇān jagāma rakṣaḥ svapituḥ sakāṇsam |
nananda cāsau piśitāṇsaneśvaraḥ śaśaṃ sa putraṃ ca kṛt ātmakāryam | 8.143 |
sa pakṣirājo'tha harernideśaṃ smaraṃ stvarāvāniha cā'jagāma |
tatpakṣavātasparśena kevalaṃ vinaṣṭa eṣāṃ sa uraṅgabandhaḥ | 8.144 |
sa rāmamānamya parātmadaivataṃ yayau sumālyābharaṇānulepanaḥ |
kapipravīrāṇsca tarūñchilāṇsca pragṛhya nedurbalinaḥ prahṛṣṭāḥ | 8.145 |
śrutvā ninādaṃ plavageśvarāṇāṃ punaḥ saputro'trasadatra rāvaṇaḥ |
bandhādamuṣmāt pratinissṛt āste kimatra kāryaṃ tviti cintayānaḥ | 8.146 |
punaśca hutvā sa hutāṇsameva rathaṃ samāruhya yayāvadarśanam |
vavarṣa cāstrāṇi mahāntyajasraṃ varādumeśasya tathā'bjajasya | 8.147 |

vibhīṣaṇetyeva surairabhiṣṭuto vijñānamastraṃ tvamucat svasainye | 8.167 |
niśācarāstraṃ hyagamat kṣaṇena rāmāstravīryāddharayo nadantaḥ |
uttasthuruccorugirīn pragṛhya praśaṃ samānā raghuvīramuccaiḥ | 8.168 |
suraiśca puṣpaṃ varṣadbhirīḍitastasthau dhanuṣpāṇiranantavīryaḥ |
sa rāvaṇasyātha suto nikumbhilāṃ punaḥ samāsādya juhāva pāvakam | 8.169 |
vibhīṣaṇo'thā'ha raghūttamaṃ prabhuṃ niyojayādyaiva vadhāya durmateḥ |
kṛt āgnipūjo nahi vadhya eṣa varo vidhātuḥ prathito'sya tādṛśaḥ | 8.170 |
na vai vadhaṃ rāma iyeṣa tasya palāyitasyā'tmasamīkṣaṇāt punaḥ |
sattvojjhito'sāvapi kūṭayodhī na me vadhārho'yamiti sma sa prabhuḥ | 8.171 |
sa ādideśāvarajaṃ janārdano hanūmatā caiva vibhīṣaṇena |
sahaiva sarvairapi vānarendrairyayau mahātmā sa ca tadvadhāya | 8.172 |
lxxvii.sa juhvatastasya cakāra vighnaṃ plavaǣ ngamaiḥ so'tha yuyutsayā ratham |
samāsthitaḥ kārmukabāṇapāṇiḥ prayudyayau lakṣmaṇamāṇsu garjan | 8.173 |
ubhau ca tāvastravidāṃ variṣṭhau śaraiḥ śarīrāntakaraistatakṣatuḥ |
diśaśca sarvāḥ pradiśaḥ śarottamairvidhāya śikṣāstrabalairnirantarāḥ | 8.174 |
astrāṇi tasyāstravaraiḥ sa lakṣmaṇo nivārya śatroścalakuṇḍalojjvalam |
śiraḥ śareṇā'śu samunmamātha suraiḥ prasūnairatha cābhivṛṣṭaḥ | 8.175 |
nipātite'smin nitarāṃ niśācarān plavaṅgamā jaghnuranekakoṭiśaḥ |
hatāvaśiṣṭāstu daśānanāya śaśaṃ suratyāptasutapraṇāṇsam | 8.176 |
sa tanniśamyāpriyamugrarūpaṃ bhṛśaṃ viniśvasya vilapya duḥkhāt |
saṃ sthāpayāmāsa matiṃ punaśca mariṣya ityeva viniścitārthaḥ | 8.177 |
maraṇābhimukhaḥ śīghraṃ rāvaṇo raṇakarmaṇe |
sajjībhavannantaraiva dideśa balamūrjitam | 8.178 |
triṃ śat sahasrāṇi mahaughakānāmakṣohiṇīnāṃ sahaṣaṭsahasram |
śrameṇa saṃ yojayatā'śu rāmaṃ sajjo bhavāmīti dideśa rāvaṇaḥ | 8.179 |
tadapradhṛṣyaṃ varataḥ svayambhuvo yugāntakālārṇavaghūrṇitopamam |
pragṛhya nānāvidhamastraśastraṃ balaṃ kapī ñchīghratamaṃ jagāma | 8.180 |
āgacchamānaṃ tadapārameyaṃ balaṃ sughoraṃ pral . ayārṇavopamam |
bhayāt samudvignaviṣaṇṇacetasaḥ kapipravīrā nitarāṃ pradudruvuḥ | 8.181 |
varo hi datto'sya purā svayambhuvā dharātal . e'lpe'pi nivāsaśaktiḥ |
ajeyatā cetyata eva sārkajāḥ plavaṅgamā draṣṭumapi sma nāṇsakan | 8.182 |
pragṛhya rāmo'tha dhanuḥ śarāṃ śca samantatastānavadhīccharaughaiḥ |
sa eva sarvatra ca dṛśyamāno vidikṣu dikṣu prajahāra sarvaśaḥ | 8.183 |
kṣaṇena sarvāṃ śca nihatya rāghavaḥ plavaṅgamānāmṛṣabhaiḥ sa pūjitaḥ |
abhiṣṭutaḥ sarvasurottamairmudā bhṛśaṃ prasūnotkaravarṣibhiḥ prabhuḥ | 8.184 |
lxxviii.athā'yayau sarvaniśācareśvaro hatāvaśiṣṭena balena saṃ vṛtaḥ |
vimānamāruhya ca puṣpakaṃ tvaran śarīranāṇsāya mahāyudhoddhataḥ | 8.185 |
virūpanetro'thaca yūpanetrastathā mahāpārśvamahodarau ca |
yayustamāvṛtya sahaiva mantriṇo mṛtiṃ purodhāya raṇāya yāntam | 8.186 |
athāsya sainyāni nijaghnurojasā samantataḥ śailaśilābhivṛṣṭibhiḥ |

sahāyudhaṃ mātalisaṅgṛhītaṃ samārurohā'śu sa lakṣmaṇāgrajaḥ | 8.207 |
lxxx.āruhya taṃ rathavaraṃ jagadekanātho lokābhayāya rajanīcaranāthamāṇsu |
abhyudyayau daśaśatāṃ śurivāndhakāraṃ lokānaśeṣata imān nigirantamudyan | 8.208 |
āyāntamīkṣya rajanīcaralokanāthaḥ śastrāṇyathāstrasahitāni mumoca rāme |
rāmastu tāni vinihatya nijairmahāstraistasyottamāṅgadaśakaṃ yugapannyakṛntat | 8.209 |
kṛtt āni tāni punareva samutthitāni dṛṣṭvā varācchatadhṛterhṛdayaṃ vibheda |
bāṇena vajrasadṛśena sa bhinnahṛtko raktaṃ vaman nyapatadāṇsu mahāvimānāt | 8.210 |
tasmin hate trijagatāṃ paramapratīpe brahmā ṇsivena sahitaḥ saha lokapālaiḥ |
abhyetya pādayugal . aṃ jagadekabhartū rāmasya bhaktibharitaḥ śirasā nanāma | 8.211 |
athainamastaut pitaraṃ kṛt āñjalirguṇābhirāmaṃ jagataḥ pitāmahaḥ |
jitaṃ jitaṃ te'jita lokabhāvana prapannapālāya natāḥ sma te vayam | 8.212 |
tvameka īśo'sya nacā'dirantastaveḍya kālena tathaiva deśataḥ |
guṇā hyagaṇyāstava te'pyanantāḥ pratyekaśaścā'divināṇsavarjitāḥ | 8.213 |
nacodbhavo naiva tiraskṛtiste kvacid guṇānāṃ parataḥ svato vā |
tvameka ādyaḥ paramaḥ svatantro bhṛtyāstavāhaṃ śivapūrvakāṇsca ye | 8.214 |
yathā'rciṣo'gneḥ pavanasya vegā marīcayo'rkasya nadīṣu cā'paḥ |
gacchanti cā'yanti ca santatāsttvat tadvanmadādyāḥ śivapūrvakāṇsca ye | 8.215 |
ye ye ca muktāstvatha ye ca baddhāḥ sarve taveśeśa vaśe sadaiva |
vayaṃ sadā tvadguṇapūgamuccaiḥ sarve vadanto'pi na pāragāminaḥ | 8.216 |
kimeṣa īdṛgguṇakasya te prabho rakṣovadho'śeṣasuraprapālanam |
ananyasādhyaṃ hi tathā'pi tad dvayaṃ kṛtaṃ tvayā tasya namonamaste | 8.217 |
itīrite tvabjabhavena śūlī samāhvayad rāghavamāhavāya |
varaṃ madīyaṃ tvagaṇayya rakṣo hataṃ tvayā tena raṇāya mehi | 8.218 |
itīrite'stvityabhidhāya rāghavo dhanuḥ pragṛhyā'śu śaraṃ ca sandadhe |
vikṛṣyamāṇe calitā vasundharā papāta rudro'pi dharāprakampataḥ | 8.219 |
lxxxi.athotthitaścā'surabhāvavarjitaḥ kṣamasva deveti nanāma pādayoḥ |
uvāca ca tvadvaśago'smi sarvadā prasīda me tvadviṣayaṃ manaḥ kuru | 8.220 |
athendramukhyāṇsca tamūcire surāstvayā'vitāḥ smo'dya niśācarād vayam |
tathaiva sarvāpada eva nastvaṃ prapāhi sarve bhavadīyakāḥ sma | 8.221 |
sīt ākṛtiṃ t āmatha tatra cā'gatāṃ divyacchalena praṇidhāya pāvake |
kailāsatastāṃ punareva cā'gatāṃ sīt āmagṛhṇāddhutabhuksamarpitām | 8.222 |
j ānan girīśālayagāṃ sa sīt āṃ samagrahīt pāvakasampradattām |
mumoda samprāpya ca tāṃ sa rāmaḥ sā caiva devī bhagavantamāpya | 8.223 |
atho girerānayanāt parastād ye vānarā rāvaṇabāṇapīḍit āḥ |
t ārāpitā tān nirujaścakāra suṣeṇanāmā bhiṣajāṃ variṣṭhaḥ | 8.224 |
tadā mṛt ān rāghava ānināya yamakṣayād devagaṇāṃ śca sarvaśaḥ |
samanvajānāt pitaraṃ ca tatra samāgataṃ gantumiyeṣa cātha | 8.225 |
vibhīṣaṇenārpitamāruroha sa puṣpakaṃ tatsahitaḥ savānaraḥ |
purīṃ jagāmā'śu nijāmayodhyāṃ puro hanūmantamatha nyayojayat | 8.226 |
dadarśa cāsau bharataṃ hutāṇsanaṃ praveṣṭukāmaṃ jagadīśvarasya |

adarśanāt taṃ vinivārya rāmaṃ samāgataṃ cāsya śaśaṃ sa mārutiḥ | 8.227 |
śrutvā pramodorubharaḥ sa tena sahaiva pauraiḥ sahitaḥ samātṛkaḥ |
śatrughnayukto'bhisametya rāghavaṃ nanāma bāṣpākulalocanānanaḥ | 8.228 |
utthāpya taṃ raghupatiḥ sasvaje praṇayānvitaḥ |
śatrughnaṃ ca tadanyeṣu pratipede yathāvayaḥ | 8.229 |
purīṃ praviśya munibhiḥ sāmrājye cābhiṣecitaḥ |
yathocitaṃ ca sammānya sarvānāhedamīśvaraḥ | 8.230 |
sarvairbhavadbhiḥ sukṛtaṃ vidhāya dehaṃ manovāksahitaṃ madīyam |
lxxxii.etāvadevākhilasadvidheyaṃ yat kāyavākcittabhavaṃ madarcanam | 8.231 |
muktipradānāt pratikartṛt ā me sarvasya cātho bhavatāṃ bhavet |
hanūmato na pratikartṛt ā syāt svabhāvabhaktasya niraupadhaṃ me | 8.232 |
madbhaktau jñānapūrtāvanupadhikabalapronnatau sthairyadhairya
svābhāvyādhikyatejaḥ sumatidamaśameṣvasya tulyo na kaścit |
śeṣo rudraḥ suparṇo'pyuruguṇasamitau no sahasrāṃ śatulyā
asyetyasmānmadaiśaṃ padamahamamunā sārdhamevopabhokṣye | 8.233 |
pūrvaṃ jigāya bhuvanaṃ daśakandharo'sāvabjodbhavasya varato natu taṃ kadācit |
kaścijjigāya puruhūtasutaḥ kapitvād viṣṇorvarādajayadarjuna eva cainam | 8.234 |
datto varo na manujān prati vānarāṃ śca dhātrā'sya tena vijito yudhi vālinaiṣaḥ |
abjodbhavasya varamāṇsvabhibhūya rakṣo jigye tvahaṃ raṇamukhe balimāhvayantam | 8.235 |
balerdvārastho'haṃ varamasmai sampradāya pūrvaṃ tu |
tena mayā rakṣo'staṃ yojanamayutaṃ padāṅgulyā | 8.236 |
punaśca yuddhāya samāhvayantaṃ nyapātayaṃ rāvaṇamekamuṣṭinā |
mahābalo'haṃ kapilākhyarūpastrikoṭirūpaḥ pavanaśca me sutaḥ | 8.237 |
āvāṃ svaśaktyā jayināviti sma śivo varānme'jayadenamevam |
j ñātvā surājeyamimaṃ hi vavre haro jayeyāhamamuṃ daśānanam | 8.238 |
ataḥ svabhāvājjayināvahaṃ ca vāyuśca vāyurhanumān sa eṣaḥ |
amuṣya hetostu purā hi vāyunā ṇsivendrapūrvā api kāṣṭhavat kṛt āḥ | 8.239 |
ato hanūmān padametu dhāturmadājñayā sṛṣṭyavanādi karma |
mokṣaṃ ca lokasya sadaiva kurvan muktaśca muktān sukhayan pravartatām | 8.240 |
bhogāṇsca ye yāni ca karmajātānyanādyanantāni mameha santi |
madājñayā tānyakhilāni santi dhātuḥ pade tat sahabhoganāma | 8.241 |
etādṛśaṃ me sahabhojanaṃ te mayā pradattaṃ hanuman sadaiva |
lxxxiii.itīritastaṃ hanumān praṇamya jagāda vākyaṃ sthirabhaktinamraḥ | 8.242 |
ko nvīśa te pādasarojabhājāṃ sudurlabho'rtheṣu caturṣvapīha |
tathā'pi nāhaṃ pravṛṇomi bhūman bhavatpadāmbhojaniṣevaṇādṛte | 8.243 |
tvameva sākṣāt paramasvatantrastvameva sākṣādakhiloruśaktiḥ |
tvameva cāgaṇyaguṇārṇavaḥ sadā ramāviriñcādibhirapyaśeṣaiḥ | 8.244 |
sametya sarve'pi sadā vadanto'pyanantakālācca navai samāpnuyuḥ |
guṇāṃ stvadīyān paripūrṇasaukhyajñānātmakastvaṃ hi sadā'tiśuddhaḥ | 8.245 |
yaste kathāsevaka eva sarvadā sadāratistvayyacalaikabhaktiḥ |

sa jīvamāno na paraḥ kathañcit tajjīvanaṃ me'stvadhikaṃ samastāt | 8.246 |
pravarddhatāṃ bhaktiralaṃ kṣaṇekṣaṇe tvayīśa me hrāsavivarjitā sadā |
anugrahaste mayi caivameva niraupadhau tau mama sarvakāmaḥ | 8.247 |
itīritastasya dadau sa taddvayaṃ padaṃ vidhātuṃ sakalaiśca śobhanam |
samāṇsliṣaccainamathā'rdrayā dhiyā yathocitaṃ sarvajanānapūjayat | 8.248 |
iti śrīmadānandatīrthabhagavatpādācāryaviracite
śrīmahābhāratatātparyanirṇaye
śrīrāmacarite (hanūmati śrīrāmadayādānaṃ nḸama) aṣṭamo'dhyāyaḥ
lxxxiv.(rāmasvadhāmapraveśaḥ )
atha navamo'dhyāyaḥ
Oṃ | athā'ptarājyo bhagavān sa lakṣmaṇaṃ jagāda rājā taruṇo bhavā'śu |
itīritastvāha sa lakṣmaṇo guruṃ bhavatpadābjānna paraṃ vṛṇomyaham | 9.1 |
na māṃ bhavatpādaniṣevaṇaikaspṛhaṃ tadanyatra niyoktumarhati |
nahīdṛśaḥ kaścidanugrahaḥ kvacit tadeva me dehi tataḥ sadaiva | 9.2 |
itīritastasya tadeva dattvā dṛḍhaṃ samāṇsliṣya ca rāghavaḥ prabhuḥ |
sa yauvarājyaṃ bharate nidhāya jugopa lokānakhilān sadharmakān | 9.3 |
praśāsatīśe pṛthivī babhūva viriñcalokasya samā guṇonnatau |
jano'khilo viṣṇuparo babhūva na dharmahāniśca babhūva kasyacit | 9.4 |
guṇaiśca sarvairuditāṇsca sarve yathāyathā yogyatayoccanīcāḥ |
samastarogādibhirujjhitāṇsca sarve sahasrāyuṣa ūrjitā dhanaiḥ | 9.5 |
sarve'jarā nityabalopapannā yatheṣṭasiddhyā ca sadopapannāḥ |
samastadoṣaiśca sadā vihīnāḥ sarve surūpāṇsca sadā mahotsavāḥ | 9.6 |
sarve manovāktanubhiḥ sadaiva viṣṇuṃ yajante natu kañcidanyam |
samastaratnodbharitā capṛthvī yatheṣṭadhānyā bahudugdhagomatī | 9.7 |
samastagandhāṇsca sadā'tihṛdyā rasā manohāriṇa eva tatra |
śabdāṇsca sarve śravaṇātihāriṇaḥ sparśāṇsca sarve sparśendriyapriyāḥ | 9.8 |
na kasyacid duḥkhamabhūt kathañcinna vittahīnaśca babhūva kaścana |
nādharmaśīlo na ca kaścanāprajo na duṣprajo naiva kubhāryakaśca | 9.9 |
striyo nacā'san vidhavāḥ kathañcinna vai pumāṃ so vidhurā babhūvuḥ |
nāniṣṭayogaśca babhūva kasyacinnaceṣṭahānirnaca pūrvamṛtyuḥ | 9.10 |
yatheṣṭamālyābharaṇānulepanā yatheṣṭapānāṇsanavāsaso'khilāḥ |
babhūvurīśe jagatāṃ praśāsati prakṛṣṭadharmeṇa janārdane nṛpe | 9.11 |
lxxxv.sa brahmarudramarudaśvidivākarādimūrddhanyaratnaparighaṭṭitapādapīṭhaḥ |
nityaṃ suraiḥ saha narairatha vānaraiśca sampūjyamānacaraṇo ramate rameśaḥ | 9.12 |
tasyākhileśituranādyanugaiva lakṣmīḥ sīt ābhidhā tvaramayat svarataṃ sureśam |
nityāviyogiparamoccanijasvabhāvā saundaryavibhramasulakṣaṇapūrvabhāvā | 9.13 |
reme tayā sa paramaḥ svarato'pi nityaṃ nityonnatapramadabhārabhṛtasvabhāvaḥ |
pūrṇoḍurājasuvirājitasanniśāsu dīpyannaśokavanikāsu supuṣpitāsu | 9.14 |
gāyanti cainamanuraktadhiyaḥ sukaṇṭhā gandharvacāraṇagaṇāḥ saha cāpsarobhiḥ |
taṃ tuṣṭuvurmunigaṇāḥ sahitāḥ sureśai rājāna enamanuyānti sadā'pramattāḥ | 9.15 |

nāsatsvapyanṛtaṃ kuryād vacanaṃ pāralaukikam |
aihikaṃ tvasureṣveva kvaciddhanti janārdanaḥ | 9.35 |
nijādhikyasya vijñaptyai kvacid vāyustadājñayā |
hanti brahmatvamātmīyamaddhā jñāpayituṃ prabhuḥ | 9.36 |
nānyaḥ kaścit tadvarāṇāṃ śāpānāmapyatikramī |
ayogyeṣu tu rudrādivākyaṃ tau kuruto mṛṣā |
ekadeśena satyaṃ tu yogyeṣvapi kadācana | 9.37 |
na viṣṇorvacanaṃ kvāpi mṛṣā bhavati kasyacit |
etadartho'vatāraśca viṣṇorbhavati sarvadā | 9.38 |
praviśya bhūmau sā devī lokadṛṣṭyanusārataḥ |
reme rāmeṇāviyuktā bhāskareṇa prabhā yathā | 9.39 |
evaṃ ramālāl . itapādapallavaḥ punaḥ sa yajñaiśca yajan svameva |
varāṇsvamedhādibhirāptakāmo reme'bhirāmo nṛpatīn viśikṣayan | 9.40 |
rāmasya dṛśyā tvanyeṣāmadṛśyā janakātmajā |
bhūmipraveśādūrdhvaṃ sā reme saptaśataṃ samāḥ | 9.41 |
evaṃ vidhānyagaṇit āni janārdanasya rāmāvatāracaritāni tadanyapumbhiḥ |
śakyāni naiva manasā'pi hi tāni kartuṃ brahmeśaśeṣapuruhūtamukhaiḥ suraiśca | 9.42 |
tasyaivamabjabhavalokasamāmimāṃ kṣmāṃ kṛtvā'nuśāsata udīkṣya guṇān dharāyāḥ |
vaiśeṣyamātmasadanasya hi kāṅkṣamāṇā vṛndārakāḥ kamalajaṃ prati tacchaśaṃ suḥ | 9.43 |
āmantrya taiḥ saha vibhurbhagavatprayāṇaṃ svīyāya sadmana iyeṣa dideśa caiva |
rudraṃ svalokagamanāya raghūttamasya samprārthane sa ca sametya vibhuṃ yayāce | 9.44 |
ekāntametya raghupeṇa samastakālo rudro jagāda vacanaṃ jagato vidhātuḥ |
vaiśeṣyamātmabhavanasya hi kāṅkṣamāṇāstvāmarthayanti vibudhāḥ sahitā vidhātrā | 9.45 |
lxxxviii.putrastaveśa kamalaprabhavastathā'haṃ pautrastu pautrakavaco yadapi hyayogyam |
sambhāvayanti guṇinastadahaṃ yayāce gantuṃ svasadma natipūrvamito bhavantam | 9.46 |
yatkāryasādhanakṛte vibudhārthitastvaṃ prāduścakartha nijarūpamaśeṣameva |
tat sādhitaṃ hi bhavatā taditaḥ svadhāma kṣipraṃ prayāhi harṣaṃ vibudheṣu kurvan | 9.47 |
Oṃ ityuvāca bhagavāṃ stadaśeṣameva śrutvā rahasyatha tanustvaparā harasya |
durvāsanāmayugihā'gamadāṇsu rāma māṃ bhojaya kṣudhitamityasakṛd bruvāṇā | 9.48 |
siddhaṃ na deyamatha sādhyamapīti vācaṃ śrutvā'sya vāksamayajātamuru svahastāt |
annaṃ caturguṇamadādamṛtopamānaṃ rāmastadāpya bubhuje'tha muniḥ sutuṣṭaḥ | 9.49 |
tṛpto yayau ca sakalān prati kopayānaḥ kaścinna me'rthitavaraṃ pratidātumīśaḥ |
evampratijñaka ṛṣiḥ sa hi tatpratijñāṃ moghāṃ cakāra bhagavān natu kaścidanyaḥ | 9.50 |
kuntī tu tasya hi munervarato'jayat tu rāmaḥ sa kṛṣṇatanuvā svabalājjigāya |
tasmiñchive pratigate munirūpake ca yāhīti lakṣmaṇamuvāca ramāpatiḥ saḥ | 9.51 |
ekānte tu yadā rāmaścakre rudreṇa saṃ vidam |
dvārapālaṃ sa kṛtavāṃ stadā lakṣmaṇameva saḥ | 9.52 |
yadyatra praviśet kaściddhanmi tveti vaco bruvan |
tadantarā'gatamṛṣiṃ dṛṣṭvā'manyata lakṣmaṇaḥ | 9.53 |
durvāsasaḥ pratijñā turāmaṃ prāpyaiva bhajyatām |

vṛtrahatyāṃ vibhajyātha kṣiptavān sa caturmukhaḥ | (9.135.45)|
vahnau prathamajātāsu jvālāsu ca nadīṣu ca|
parvatāgreṣu viprendra nārīṛtuṣu tāṃ kramāt | (9.135.46)|
ityādau sādhubhedena kīrtitaṃ kalpabhedataḥ |
tatrobhayaṃ grāhyameva saptabhedāḥ prakīrtitāḥ | (9.135.47)|
idaṃ rahasyaṃ paramaṃ guhyaṃ yacchrutaṃ śrīharermukhāt |
tatte samāsataḥ proktaṃ jñḸatvā muktiṃ gamiṣyasi |
taduktamavivicyaiva muktiḥ kasyāpi no bhavet | (9.135.48)|
iti vyatyāsādisaptabhedapratipādakapurāṇavākyasaṅgrahaḥ " |
c.tasmānnirṇayaśāstratvād grāhyametad bubhūṣubhiḥ | 9.136 |
itīritā rāmakathā parā mayā samastaśāstrānusṛterbhavāpahā |
paṭhedimāṃ yaḥ śṛṇuyādathāpi vā vimuktabandhaścaraṇaṃ harervrajet | 9.137 |
iti śrīmadānandatīrthabhagavatpādācāryaviracite
śrīmahābhāratatātparyanirṇaye
rāmasvadhāmapraveśo nāma navamo'dhyāyaḥ
mama saṅgrahe (śrījayatīrthasaṃ skṛtahastalikhitagranthālaye),
uttarādimaṭhīya granthasaṅgrahe ca vartante -vyāsanakere prabhañjanācāryaḥ
ci.(vyāsāvatārānuvarṇanam)
atha daśamo'dhyāyaḥ
Oṃ | dvāpare'tha yuge prāpte tvaṣṭāviṃ śatime punaḥ |
svayambhuśarvaśakrādyā dugdhābdhestīramāyayuḥ | 10.1 |
payobdheruttaraṃ tīramāsādya vibudharṣabhāḥ |
tuṣṭuvuḥ puṇḍarīkākṣamakṣayaṃ puruṣottamam | 10.2 |
namonamo'gaṇyaguṇaikadhāmne samastavijñānamarīcimāline |
anādyavijñānatamonihantre parāmṛt ānandapadapradāyine | 10.3 |
svadattamālābhuvipātakopato durvāsasaḥ śāpata āṇsu hi śriyā |
śakre vihīne ditijaiḥ parājite purā vayaṃ tvāṃ śaraṇaṃ gatāḥ sma | 10.4 |
tvadājñayā balinā sandadhānā varād girīśasya parairacālyam |
vṛndārakā mandarametya bāhubhirna śekuruddhartumime sametāḥ | 10.5 |
tadā tvayā nityabalatvahetuto yo'nantanāmā garuḍastadaṃ sake |
utpāṭya caikena kareṇa mandaro nidhāpitastaṃ sa saha tvayā'vahat | 10.6 |
punaḥ parīkṣadbhirasau giriḥ suraiḥ sahāsurairunnamitastadaṃ sataḥ |
vyacūrṇayat tānakhilān punaśca te tvadīkṣayā pūrvavadutthitāḥ prabho | 10.7 |
punaśca vāmena kareṇa vīśvare nidhāya taṃ skandhagatastvamasya |
agāḥ payobdhiṃ sahitaḥ surāsurairmathnā ca tenābdhimathāpyamathnāḥ | 10.8 |
kṛtaśca kadrvāstanayo'tra vāsukirnetraṃ tvayā kaśyapajaḥ sa nāgarāṭ|
mamanthurabdhiṃ sahitāstvayā surāḥ sahāsurā divyapayo ghṛt ādhikam | 10.9 |
naicchanta pucchaṃ ditijā amaṅgal . aṃ tadityathāgraṃ jagṛhurviṣolbaṇam |
śrāntāṇsca te'to vibudhāstu pucchaṃ tvayā sametā jagṛhustvadāṇsrayāḥ | 10.10 |
athātibhārādaviśat sukāñcano giriḥ sa pātāl . amatha tvameva |

taṃ kacchapātmā tvabharaḥ svapṛṣṭhe hyananyadhāryaṃ purulīlayaiva | 10.11 |
cii.uparyadhaścā'tmani netragotrayostvayā pareṇā'viśatā samedhitāḥ |
mamanthurabdhiṃ tarasā madotkaṭāḥ surāsurāḥ kṣobhitanakracakram | 10.12 |
śrānteṣu teṣveka urukrama tvaṃ sudhārasāptyai mudito hyamathnāḥ |
tadā jagadgrāsi viṣaṃ samutthitaṃ tvadājñayā vāyuradhāt kare nije | 10.13 |
kaleḥ svarūpaṃ tadatīva duṣṣahaṃ varād vidhātuḥ sakalaiśca duḥ spṛśam |
kare vimathyāstabalaṃ vidhāya dadau sa kiñcid giriśāya vāyuḥ | 10.14 |
sa tat pibat kaṇṭhagatena tena nipātito mūrcchita āṇsu rudraḥ |
hareḥ karasparśabalāt sa sañjñāmavāpa nīlo'sya gal . astadā'sīt | 10.15 |
atha tvadājñāṃ purato nidhāya nidhāya pātre tapanīyarūpe |
svayaṃ ca nirmathya balopapannaṃ papau sa vāyustadu cāsya jīrṇam | 10.16 |
atyalpapānācca babhūva śūlā ṇsivasya śīrṣṇaṇsca karāvaśiṣṭam |
abhūt kaliḥ sarvajagatsu pūrṇaṃ pītvā vikāro na babhūva vāyoḥ |
kaleḥ śarīrādabhavan kunāgāḥ savṛścikāḥ śvāpadayātudhānāḥ | 10.17 |
atha tvayā'bdhau tu vimathyamāne surā'bhavat tāmasurā avāpuḥ |
uccaiḥ śravā nāma turaṅgamo'tha karī tathairāvatanāmadheyaḥ | 10.18 |
anye ca dikpālagajā babhūvurvaraṃ tathaivāpsarasāṃ sahasram |
tathā'yudhānyābharaṇāni caiva divaukasāṃ pārijātastaruśca | 10.19 |
tathaiva sākṣāt surabhirniśeśo babhūva tat kaustubhaṃ lokasāram |
athendirā yadyapi nityadehā babhūva tatrāparayā svatanvā | 10.20 |
tato bhavān dakṣiṇabāhunā sudhākamaṇḍaluṃ kalaśaṃ cāpareṇa |
pragṛhya tasmānniragāt samudrād dhanvantarirnāma harinmaṇidyutiḥ | 10.21 |
tato bhavaddhastagataṃ diteḥ sutāḥ sudhābharaṃ kalaśaṃ cāpajahruḥ |
muktaṃ tvayā ṇsaktimatā'pi daityān satyacyutān kārayatā vadhāya | 10.22 |
ciii.tato bhavānanupamamuttamaṃ vapurbabhūva divyapramadātmakaṃ tvaran |
śyāmaṃ nitambārpitaratnamekhalaṃ j āmbūnadābhāmbarabhṛt sumadhyamam | 10.23 |
bṛhannitambaṃ kalaśopamastanaṃ satpuṇḍarīkāyatanetramujjvalam |
samastasāraṃ paripūrṇasadguṇaṃ dṛṣṭvaiva tat sammumuhuḥ surārayaḥ | 10.24 |
parasparaṃ te'mṛtahetuto'khilā viruddhyamānāḥ pradaduḥ sma te kare |
samaṃ sudhāyāḥ kalaśaṃ vibhajya nipāyayāsmāniti vañcitāstvayā | 10.25 |
dharmacchalaṃ pāpajaneṣu dharma iti tvayā jñāpayituṃ tadoktam |
yadyat kṛtaṃ me bhavatāṃ yadīha saṃ vāda evodvibhaje sudhāmimām | 10.26 |
yatheṣṭato'haṃ vibhajāmi sarvathā naviśvasadhvaṃ mayi kenacit kvacit |
iti prahasyābhihitaṃ niśamya strībhāvamugdhāstu tatheti te'vadan | 10.27 |
tataśca saṃ sthāpya pṛthak surāsurāṃ stavātirūpoccalitān suretarān |
sarvān bhavaddarśina īkṣya lajjitā'smyahaṃ dṛśo mīlayatetyavocaḥ | 10.28 |
nimīlitākṣeṣvasureṣu devatā nyapāyayaḥ sādhvamṛtaṃ tataḥ pumān |
kṣaṇena bhūtvā pibataḥ sudhāṃ śiro rāhornyakṛntaśca sudarśanena | 10.29 |
tenāmṛt ārthaṃ hi sahasrajanmasu pratapya bhūyastapa ārito varaḥ |
svayambhuvastena bhavān kare'sya binduṃ sudhāṃ prāsya śiro jahāra | 10.30 |

Original text: Mahābhāratatātparyanirṇaya · Data entry Dvaita.net · GRETIL (Göttingen) · CC BY-NC-SA 4.0