Mahabharata · Chapter 9.51

tasminneva tu dharmātmā vasati sma tapodhanaḥ /
gārhisthyaṃ dharmamāsthāya hyasito devalaḥ purā //

dharmanityaḥ śucirdānto yajñaśīlo mahātapāḥ /
karmaṇā manasā vācā samaḥ sarveṣu jantuṣu //

akrodhano mahārāja tulyanindātmasaṃstutiḥ /
priyāpriye tulyavṛttiryamavatsamadarśanaḥ //

kāñcane loṣṭhake caiva samadarśī mahātapāḥ / devānapūjayannityamatithīṃśca dvijaiḥ saha /
brahmacaryarato nityaṃ sadā dharmaparāyaṇaḥ //

tato'bhyetya mahābhāga yogamāsthāya bhikṣukaḥ /
jaigīṣavyo munirdhīmāṃstasmiṃstīrthe samāhitaḥ //

devalasyāśrame rājannyavasatsa mahādyutiḥ /
yoganityo mahārāja siddhiṃ prāpto mahātapāḥ //

taṃ tatra vasamānaṃ tu jaigīṣavyaṃ mahāmunim /
devalo darśayanneva naivāyuñjata dharmataḥ //

evaṃ tayormahārāja dīrghakālo vyatikramat //

jaigīṣavyo munistaṃ tu dadarśātha sa kevalam /
āhārakāle matimānparivrāḍ jamejaya //

upātiṣṭhata dharmajño bhaikṣakāle sa devalam /
gauravaṃ paramaṃ cakre prītiṃ ca vipulāṃ tathā //

devalastu yathāśakti pūjayāmāsa bhārata /
ṛṣidṛṣṭena vidhinā samā bahīḥ samāhitaḥ //

kadācittasya nṛyate devalasya mahātmanaḥ /
cintā sumahatī jātā muniṃ dṛṣṭvā mahādyutim //

samāstu samatikrāntā bahvyaḥ pūjayato mama /
na cāyamalaso bhikṣurabhyabhāṣata kiñcana //

evaṃ vigaṇayanneva sa jagāma mahodadhim /
antarikṣacaraḥ śrīmānkalaśaṃ gṛhya devalaṃ //

gacchanneva sa dharmātmā samudraṃ saritāṃ parim /
jaigīṣavyaṃ tato'paśyadrataṃ prāgeva bhārata //

tataḥ savismayaścintāṃ jagāmāthāmitaprabhaḥ /
kathaṃ sikṣuracaṃ prāptaḥ samudre snāta eva ca //

ityevaṃ cintayāmāsa maharṣirasitastadā /
snātvā sakhudre vidhivacchucirjapyaṃ jajāpa saḥ //

kṛtajaxxxxx śrīmānāśrayaṃ ca jagāma ha /
xxxxxxxxxx gṛhītvā janamejaya //

tataḥ sa praviśanneva svamāśramapadaṃ muniḥ /
xxxxxxxxx tatra jaigīṣavyamapaśyata //

na vyāharati caivenaṃ jaigīṣavyaḥ kathañcana /
xxxxxxxx vasati sma mahātapāḥ //

taṃ dṛṣṭvā cāplutaṃ toye sāmare sāgaropamam /
praviṣṭaxxxxx cāpi pūrvameva dadarśa saḥ //

xxxxx devalo rājaṃścintayāmāsa buddhimān /
xxxxxxx tapaso jaigīṣavyāsva yogajam //

cintayāmāsa rājendra tadā sa munisattamaḥ /
mayā dṛṣṭaḥ samudre ca āśrame ca kathannvayam //

evaṃ vigaṇayanneva sa munirmantrapāragaḥ / utpapātāśramāttasmādantarikṣaṃ viśāmpate /
jijñāsārthaṃ tadā bhikṣorjaigīṣavyasya devalaḥ //

so'ntarikṣacarānsiddhānsamapaśyatsamāhitān /
jaigīṣavyaṃ ca taiḥ siddhaiḥ pūjyamānamapaśyata //

tato'sitaḥ susaṃrabdho vyavasāyī dṛḍhavrataḥ /
apaśyadvai divaṃ yātaṃ jaigīṣavyaṃ sa devalaḥ //

tasmācca pitṛlokaṃ taṃ vrajantaṃ so'nvapaśyata /
pitṛlokācca taṃ yātaṃ yāmyaṃ lokamapaśyata //

tasmādādityalokaṃ ca vrajantaṃ so'nvapaśyata / tasmādapi samutpatya somalokamabhiṣṭutam /
vrajantamanvapaśyatsa jaigīṣavyaṃ sa devalaḥ //

lokānsamutpatantaṃ tu śubhānekāntayājinām /
tato'gnihotriṇāṃ lokāṃstataścāpyutpapāta ha //

darśaṃ ca paurṇamāsaṃ ca ye yajanti tapodhanāḥ / tebhyaḥ sa dadṛśe dhīmām̐llokebhyaḥ paśuyājinām /
vrajantaṃ lokamamalamapaśyaddevapūjitam //

cāturmāsyairbahuvidhairyajante ye tapodhanāḥ /
teṣāṃ sthānaṃ tato yatāṃ tathā'gniṣṭomayājinām //

agniṣṭutena ca tathā ye yajanti tapodhanaḥ /
tatsthānamanusamprāptamanvapaśyata devalaḥ //

vājapeyaṃ kratuvaraṃ tathā bahusuvarṇakam /
āharanti mahāprājñāsteṣāṃ lokeṣvapaśyata //

yajante rājasūyena puṇḍarīkeṇa caiva ye /
teṣāṃ lokeṣvapaśyacca jaigīṣavyaṃ sa devalaḥ //

aśvamedhaṃ kratuvaraṃ naramedhaṃ tathaiva ca /
āharanti naraśreṣṭhāsteṣāṃ lokeṣvapaśyata //

sarvamedhaṃ ca duṣprāpaṃ tathā sautrāmaṇiṃ ca ye /
teṣāṃ lokeṣvapaśyacca jaigīṣavyaṃ sa devalaḥ //

dvādaśāhaiśca satraiśca yajante vividhairnṛpa /
teṣāṃ lokeṣvapaśyacca jaigīṣavyaṃ sa devalaḥ //

maitrāvaruṇayorlokānādityānāṃ tathaiva ca /
salokatāmanuprāptamapaśyata tato'sitaḥ //

rudrāṇāṃ ca vasūnāṃ ca sthānaṃ yacca bṛhaspateḥ /
tāniṃ sarvāṇyatītaṃ ca samapaśyattato'sitaḥ //

āruhya ca gavāṃ lokaṃ prayāntaṃ brahmasatriṇām /
lokānapaśyadgacchantaṃ jaigīṣavyaṃ tato'sitaḥ //

trīllom̐kānpravarānvipramutpatantaṃ svatejasā /
pativratānāṃ lokāṃśca vrajantaṃ so'nvapaśyata //

tato munivaraṃ bhūyo jaigīṣavyamathāsitaḥ /
nānvapaśyata lokasthamantarhitamarindama //

so'cintayanmahābhāgo jaigīṣavyasya devalaḥ /
prabhāvaṃ suvratatvaṃ ca siddhiṃ yogasya cātulām //

asito'pṛcchata tadā siddhām̐llokeṣu sattamān /
prayataḥ prāñjalirbhūtvā dhīrastānbrahmacāriṇaḥ //

jaigīṣavyaṃ na paśyāmi taṃ śaṃsantu tapodhanāḥ /
etadicchāmyahaṃ śrotuṃ paraṃ kautūhalaṃ hi me //
siddhā ūcuḥ /

śṛṇu devala bhūtārthaṃ śaṃsatāṃ no dṛḍhavrata /
jaigīṣavyo gato lokaṃ śāśvataṃ brahmaṇokṣayam //
vaiśampāyana uvāca /

sa śrutvā vacanaṃ teṣāṃ siddhānāṃ brahmacāriṇām /
asitā devalastūrṇamutpapāta papāta ca //

tataḥ siddhāsta ūcurhi devalaṃ punareva ha / na devalagatistatra tava gantuṃ tapodhana /
brahmaṇaḥ sadane vipra jaigīṣavyo yadāptavān //
vaiśampāyana uvāca /

teṣāṃ tadvacanaṃ śrutvā siddhānāṃ devalaḥ punaḥ /
ānupūrvyeṇa lokāṃstānsarvānavatatāra ha //

svamāśramapadaṃ puṇyamājagāma pataṅgavat /
praviśanneva cāpaśyajjaigīṣavyaṃ sa devalaḥ //

tato buddhyā vyagaṇayaddevalo dharmayuktayā /
dṛṣṭvā prabhāvaṃ tapaso jaigīṣavyasya yogajam //

tato'bravinmahātmānaṃ jaigīṣavyaṃ sa devalaḥ / vinayāvanato rājannupasarpya mahāmunim /
mokṣadharmaṃ samāsthātumiccheyaṃ bhagavannaham //

tasya tadvacanaṃ śrutvā upadeśaṃ cakāra saḥ /
vidhiṃ yogasya paramaṃ kāryākāryasya śāstrataḥ //

sannāye kṛtabuddhiṃ taṃ tato dṛṣṭvā mahātapāḥ /
sarvāścāsya kriyāścakre vidhidṛṣṭena karmaṇā //

sannyāse kṛtabuddhiṃ taṃ bhūtāni pitṛbhiḥ saha /
tato dṛṣṭvā praruruduḥ ko'smānsaṃvibhajiṣyati //

devalastu vacaḥ śrutvā bhūtānāṃ karuṇaṃ tathā /
diśo daśa vyāharatāṃ mokṣaṃ tyaktuṃ mano dadhe //

tatastu phalamūlāni pavitrāṇi ca bhārata /
puṣpāṇyoṣadhayaścaiva rorūyante sahasraśaḥ //

punarno devalaḥ kṣudro nūnaṃ chetsyati durmatiḥ /
abhayaṃ sarvabhūtebhyo yo dattvā nāvabudhyate //

tato bhūyo vyagaṇayatsvabuddhyā munisattamaḥ /
mokṣe gārhasthyadharme vā kinnu śreyaskaraṃ bhavet //

iti niścitya manasā devalo rājasattama /
tyaktvā gārhasthyadharmaṃ sa mokṣadharmamarocayat //

evamādīni sañcintya devalo niścayānvitaḥ /
prāptavānparamāṃ siddhiṃ paraṃ yogaṃ ca bhārata //

tato devāḥ samāgamya bṛhaspatipurogamāḥ /
jaigīṣavyaṃ tapaścāsya praśaṃsanti tapasvinaḥ //

athābravīdṛṣivaro devānvai nāradastathā /
jaigīṣavye tapo nāsti vismāpayati yo'sitam //

tamevaṃvādinaṃ dhīraṃ pratyūcuste divaukasaḥ /
naivamityeva śaṃsanto jaigīṣavyaṃ mahāmunim //

nātaḥ parataraṃ kiñcittulyamasti prabhāvataḥ /
tejasastapasaścāsya yogasya ca mahātmanaḥ //

evaṃ prabhāvo dharmātmā jaigīṣavyastathā'sitaḥ /
tayoridaṃ sthānavaraṃ tīrthaṃ caiva mahātmanoḥ //

tatrāpyupaspṛśya tato mahātmā dattvā ca vittaṃ halabhṛddvijebhyaḥ /
avāpya dharmaṃ paramārthakarmā jagāma somasya mahāxxxxxxrtham / //