Mahabharata · Chapter 6.92

tatastadbāṇavarṣaṃ tu duḥsahaṃ dānavairapi /
dadhāra yudhi rājendro yathā varṣaṃ mahādvipaḥ //

tataḥ krodhasamāviṣṭo niḥśvasanniva pannagaḥ /
saṃśayaṃ paramaṃ prāptaḥ putraste bharatarṣabha //

mumoca niśitāṃstīkṣṇānnārācānpañcaviṃśatim /
te'patansahasā rājaṃstasminrākṣasapuṅgave //

āśīviṣā iva kruddhāḥ parvate gandhamādane /
sa tairviddhaḥ sravanraktaṃ prabhinna iva kuñjaraḥ //

dadhre matiṃ vināśāya rājñaḥ sa piśitāśanaḥ /
jagrāha ca mahāśaktiṃ girīṇāmapi dāriṇīm //

sampradīptāṃ maholkābhāmaśaniṃ jvalitāmiva /
tamāgacchanmahābāhurjighāṃsustanayaṃ tava //

tāmudyatāmabhiprekṣya vaṅgānāmadhipastvaran /
kuñjaraṃ girisankāśaṃ rākṣasaṃ pratyacodayat //

sa nāgapravareṇājau balinā śīghragāminā /
yato duryodhanarathastaṃ mārgaṃ pratyaṣedhayat //

panthānaṃ vārayāmāsa kuñjareṇa sutasya te /
mārgamāvāritaṃ dṛṣṭvā rājñā vaṅgena dhīmatā //

ghaṭotkaco mahārāja krodhasaṃraktalocanaḥ /
udyatāṃ tāṃ mahāśaktikaṃ tasmiṃścikṣepa vāraṇe //

sa tayā'bhihato rājaṃstena bāhupramuktayā /
sañjātarudhirotpīḍaḥ papāta ca mamāra ca //

patatyatha gaje cāpi vaṅgānāmīśvaro balī /
javena samabhidrutya jagāma dharaṇītalam //

duryodho'pi samprekṣya patitaṃ varavāraṇam /
prabhagnaṃ ca balaṃ dṛṣṭvā jagāma paramāṃ vyathām //

aśaktaḥ pratiyoddhuṃ vai dṛṣṭvā tasya parākramam / kṣatradharmaṃ puraskṛtya ātmanaścātimānitām /
prāpte'pakranaye rājā tasthau giririvācalaḥ //

rādhāna ca śitaṃ bāṇaṃ kālāgnisamatejasam /
suyoca dharamakruddhastasminghore niśācare //

tamāpatantaṃ samprekṣya vaṇimindrāśaniprabham /
lāghavānmocayāmāsa mahātmā vai ghaṭotkacaḥ //

bhūyaśca ninanādoṣaṃ krodhasaṃraktalocanaḥ /
trāsayāmāsa raunyāni yugante jalado yathā //

taṃ śrutvā ninidaṃ ghoraṃ tasva bhīmasya rakṣasaḥ /
ācāryamusangamya bhīṣmaḥ śāntanavo'bravīt //

yathaiva ninando ghoraḥ śrūyate rākṣaseritaḥ /
haiḍimbo yudhyate nūnaṃ rājñā duryodhanena ca //

naiṣa śakyo hi sangrāme jetuṃ bhūtena kenacit /
tatra gacchata bhadraṃ vo rājānaṃ parirakṣitum //

abhidrutya mahābāhuṃ rākṣasena prapīḍitam /
etaddhi paramaṃ kṛtyaṃ sarveṣāṃ naḥ parantapāḥ //

pitāmahavacaḥ śrutvā tvaramāṇā mahārathāḥ /
uttamaṃ javamāsthāya prayayuryatra kauravaḥ //

droṇaśca somadattaśca bāhlīko'tha jayadrathaḥ /
kṛpo bhiriśravāḥ śalya āvantyaḥ sa bṛhadbalaḥ //

aśvatthāmā vikarṇaśca citraseno viviṃśatiḥ /
rathāścānekasāhasrā ye teṣāmanuyāyinaḥ //

abhidrutaṃ parīpsantaḥ putraṃ duryodhanaṃ tava /
tadanīkamanādhṛṣyaṃ pālitaṃ tu mahārathaiḥ //

pātatāyinamāyāntaṃ prekṣya rākṣasasattamaḥ /
// .kampata mahābāhurmaināka iva parvataḥka //

pragṛhya vipulaṃ cāpaṃ jñātibhiḥ parivāritaḥ /
śūlamudgarahastaiśca nānāpraharaṇairapi //

tataḥ samabhavadyuddhaṃ tumulaṃ romaharṣaṇam /
rākṣasānāṃ ca mukhyasya duryodhanabalasya ca //

dhanuṣāṃ kūjatāṃ śabdaḥ sarvatastumulo raṇe /
aśrūyata mahārāja vaṃśānāṃ dahyatāmiva //

śastrāṇāṃ pātyamānānāṃ kavaceṣu śarīriṇām /
śabdaḥ samabhavadrājangirīṇāmiva bhidyatām //

vīrabāhuvisṛṣṭānāṃ tomarāṇāṃ viśāmpate /
rūpamāsīdviyatsthānāṃ sarpāṇāmiva sarpatām //

tataḥ paramasankruddho viṣphārya sumahaddhanuḥ /
rākṣasandro mahābāhurvinadanbhairava ravam //

ācāryasyārdhacandreṇa kruddhaściccheda kārmukam /
somadattasya bhallena dhvajaṃ conmathya cānadat //

bāhlīkaṃ ca tribhirbāṇaiḥ pratyavidhyatstanāntare /
kṛpamekena vivyādha citrasenaṃ tribhiḥ śaraiḥ //

pūrṇāyatavisṛṣṭena samyakpraṇihitena ca /
jatrudeśe samāsādya vikarṇaṃ samatāḍayat //

nyaṣīdatsvarathopasthe śoṇitena pariplutaḥ /
tataḥ punarameyātmā nārācāndaśa pañca ca //

bhūriśravasi sankruddhaḥ prāhiṇodbharatarṣabha /
te varma bhittvā tasyāśu viviśurdharaṇītalam //

viviṃśateśca drauṇeśca yantārau samatāḍayat /
tau petatū rathopasthe raśmīnutsṛjya vājinām //

sindhurājño'rdhacandreṇa vārāhaṃ svarṇabhūṣitam /
unmamātha mahārāja dvitīyenācchinaddhanuḥ //

caturbhiratha nārācairāvantyasya mahātmanaḥ /
jaghāna caturo vāhānkrodhasaṃraktalocanaḥ //

pūrṇāyatavisṛṣṭena pītena niśitena ca /
nirbibheda mahārāja rājaputraṃ bṛhadbalam //

sa gāḍhaviddho vyathito rathopastha upāviśat /
bhṛśaṃ krodhena cāviṣṭo rathastho rākṣasādhipaḥ //

cikṣepa niśitāṃstīkṣṇāñcharānāśīviṣopamān /
bibhiduste mahārāja śalyaṃ yuddhaviśāradam //