Mahabharata · Chapter 6.84

tato yudhiṣṭhiro rājā madhyaṃ prāpte divākare /
śrutāyupamabhiprekṣya preṣayāmāsa vājinaḥ //

tatastu tvarito rājañśrutāyuṣamarindaman /
nijaghne sāyakaistīkṣṇairnavabhirnataparvabhiḥka //

sa saṃvārya rame rājā preṣitāndharmasūnunā /
śarānsapta maheṣvāsaḥ kaunteyāyā samārṣayat //

te tasva kavacaṃ bhittvā papuḥ śoṇitamāhave /
asūniva vicinvanto dehe tasya mahātmanaḥ //

pāṇḍavastu bhṛśaṃ kruddho viddhastena mahātmanā /
raṇe varāhakarṇena rājānaṃ hṛdyavidhyatā //

athāpareṇa bhallena ketuṃ tasya mahātmanaḥ /
rathaśreṣṭho rathāttūrṇaṃ bhūmau pārtho nyapātayat //

ketu nipatitaṃ dṛṣṭvā śrutāyuḥ sa tu pārthivaḥ /
pāṇḍavaṃ viśikhaitīkṣṇai rājanvivyādha saptabhiḥ //

tataḥ kroghātprajajvala dharmaputro yudhiṣṭhiraḥ /
yathā yugānte bhūtāni didhakṣuriva pāvakaḥ //

kruddhaṃ tu pāṇḍavaṃ dṛṣṭvā devagandharvarākṣasāḥ /
pravivyadhurmahārāja vyākulaṃ jāpyabhūjjagat //

sarveṣāṃ caiva bhūtānāmidamāsīnmanogatam /
trīṃllokānma sankruddho nṛpo'yaṃ dhakṣyatīti vai //

ṛṣa // . devāśca cakruḥ svastyayanaṃ mahat /
lokānāṃ nṛpāśāntyarthaṃ krodhite pāṇḍave tadā //

sa ca krodhasamāviṣṭaḥ sṛkviṇī parisaṃlihana /
ivārātsavapurghoraṃ yugāntādityasannibham //

tataḥ sainyāni sarvāṇi tāvakāni viśāmpate /
nirāśānyabhavaṃstatra jīvitaṃ prati bhārata //

sa tu dhairyeṇa taṃ kopaṃ sannivārya mahāyaśāḥ /
śrutāyuṣaḥ praciccheda muṣṭideśe mahādhanuḥ //

athainaṃ chinnadhanvānaṃ nārācena stanāntare /
nirbibheda raṇe rājā sarvasainyasya paśyataḥ //

satvaraṃ ca raṇe rājaṃstasya vāhānmahātmanaḥ /
nijaghāna śaraiḥ kṣipraṃ sūtaṃ ca sumahābalaḥ //

hatāśvaṃ tu rathaṃ tyaktvā dṛṣṭvā rājño'sya pauruṣam /
vipradudrāva vegena śrutāyuḥ samare tadā //

tasmiñjite maheṣvāse dharmaputreṇa saṃyuge /
duryodhanabalaṃ rājansarvamāsītparāṅbhukham //

evaṃ jitvā mahārāja dharmaputro yudhiṣṭhiraḥ /
vyāttānano yathā kālastava sainyaṃ jaghāna ha //

cekitānastu vārṣṇeyo gautamaṃ rathināṃ varam /
prekṣatāṃ sarvasainyānāṃ chādayāmāsa sāyakaiḥ //

sannivārya śarāṃstāṃstu kṛpaḥ śāradvato yudhi /
cekitānāṃ raṇe yattaṃ rājanvivyādha patribhiḥ //

athāpareṇa bhallena dhanuściccheda māriṣa /
sārathiṃ cāsya samare kṣiprahasto nyapātayat //

aśvāṃschāsyāvadhīdrājannubhau tau pārṣṇisārathī /
avaplutya rathāttūrṇaṃ gadāṃ jagrāha sātvataḥ //

sa tayā vīraghātinyā gadayā gadināṃ varaḥ /
gautamasya hayānhatvā sārathiṃ ca nyapātayat //

bhūmiṣṭho gautamastasya śarāṃścikṣepa ṣoḍaśaka /
śarāste sātvataṃ bhittvā prāviśandharaṇītalam //

cekitānastataḥ kruddhaḥ punaścikṣepa tāṃ gadām /
gautamasya vadhākāṅkṣī vṛtrasyeva purandaraḥ //

tāmāpatantīṃ vimalāmaśyamagarbhāṃ mahāgadām /
śarairanekasāhastrairvārayāmāsa gautamaḥ //

cekitānastataḥ khaṅgaṃ krodhāduddhṛtya bhārata /
lāghavaṃ paramāsthāya gautamaṃ samupādravat //

gautamo'pi dhanustyaktvā pragṛhyāsiṃ susaṃyataḥ /
vegena mahatā rājaṃścekitānamupādravat //

tāvubhau balasampannau nistriṃśavaradhāriṇau /
nistriṃśābhyāṃ sutīkṣṇābhyāmanyonyaṃ santatakṣatuḥ //

nistriṃśavegābhihatau tatastau puruṣarṣabhau /
dharaṇīṃ samanuprāptau sarvabhūtaniṣevitām //

mūrchayā'bhiparītāṅgau vyāyāmena tu mohitau /
tato'bhyadhāvadvegena bhīmasenaḥ suhṛttayā //

cekitānaṃ tathābhūtaṃ dṛṣṭvā samaradurmadaḥ /
rathamāropayaccainaṃ sarvasaikanyasya paśyataḥ //

tathaiva śakuni śūraḥ syālastava viśāmpateka /
āropayadrathaṃ tūrṇaṃ gautamaṃ rathināṃ varam //

saumadattiṃ tataḥ kruddho dhṛṣṭaketurmahābalaḥ /
navatyā sāyakaiḥ kṣipraṃ rājanvivyādha vakṣasi //

saumadattirurasthaistairbhṛśaṃ bāṇairaśobhata /
madhyandine mahārāja raśmibhistapano yathā //

bhūriśravāstu samare dhṛṣṭaketuṃ mahāratham /
hatasūtahayaṃ cakre virathaṃ sāyakottamaiḥ //

virathaṃ taṃ samālokya hatāśvaṃ hatasārathim /
mahatā śaravarṣeṇa cchādayāmāsa saṃyuge //

sa tu taṃ rathamutsṛjya dhṛṣṭaketurmahāmanāḥ /
āruroha tato yānaṃ śatānīkasya māriṣa //

citraseno vikarṇaśca rājandurmarṣaṇastathā /
rathino hemasannāhāḥ saubhadramabhidudruvuḥ //

abhimanyostatastaistu ghoraṃ yuddhamavartata /
śarīrasya yathā rājanvātapittakaphaistribhiḥ //

virathāṃstava putrāṃstu kṛtvā rājanmahāhave /
na jaghāna naravyāghraḥ smaranbhīmavacastadā //

tato rājñāṃ bahuśatairgajāśvarathayāyibhiḥ /
saṃvṛtaṃ samare bhīṣmaṃ devairapi durāsadam //

prayāntaṃ śīghramudvīkṣya paritrātuṃ sutāṃstava /
abhimanyuṃ samuddiśya bālamekaṃ mahāratham //

vāsudevamuvācedaṃ kaunteyaḥ śvetavāhanaḥ /
codayāśvānhṛṣīkeśa yatraite bahulā rathāḥ //

ete hi bahavaḥ śūrāḥ kṛtāstrā yuddhadurmadāḥ /
yathā hanyurna naḥ senāṃ tathā mādhava codaya //

evamuktaḥ sa vārṣṇeyaḥ kaunteyenāmitaujasā /
rathaṃ śvetahayairyuktaṃ preṣayāmāsa saṃyuge //

niṣṭhānako mahānāsīttava sainyasya māriṣa /
yadarjuno raṇe kruddhaḥ saṃyātastāvakānprati //

samāsādya tu kaunteyo rājñastānbhīṣmarakṣiṇaḥ /
suśarmāṇamatho rājannidaṃ vacanamabravīt //

jānāmi tvāṃ yudhāṃ śreṣṭhamatyantaṃ pūrvavairiṇam /
anayasyādya samprāptaṃ phalaṃ paśya sudāruṇam //

adya te darśayiṣyāmi pūrvapretānpitāmahān /
evaṃ sañjalpatastasya bībhatsoḥ śatrughātinaḥ //

śrutvāpi paruṣaṃ vākyaṃ suśarmā rathayūthapaḥ /
na cainamabravītkiñcicchubhaṃ vā yadi vā'śubham //

abhigamyārjunaṃ vīraṃ rājabhirbahubhirvṛtaḥ /
purastātpṛṣṭhataścaiva pārśvataścaiva sarvataḥ //

parivāryārjunaṃ saṅkhye tava putrairmahārathaḥ /
śaraiḥ sañchādayāmāsa meghairiva divākaram //

tataḥ pravṛttaḥ sumahānsangrāmaḥ śoṇitodakaḥ / tāvakānāṃ ca samare pāṇḍavānāṃ ca bhārata //