Mahabharata · Chapter 6.82

pravṛttamātre sangrāme nivṛtte ca suśarmaṇi /
bhagneṣu cāpi vīreṣu pāṇḍavena mahātmanā //

kṣubhyamāṇe bale tūrṇaṃ sāgarapratime tava /
pratyudyāte ca gāṅgeye tvaritaṃ vijayaṃ prati //

dṛṣṭvā duryodhano rājā raṇe pārthasya vikramam . tvaramāṇaḥ samabhyetya sarvāṃstānabravīnnṛpān // 6-82-4ateṣāṃ tu pramukhe śūraṃ suśarmāṇaṃ mahābalam . madhye sarvasya sainyasya bhṛśaṃ saṃharṣayanniva //

eṣa bhīṣmaḥ śāntanavo yoddhukāmo dhanañjayam /
sarvātmanā kuruśreṣṭhastyaktvā jīvitamātmanaḥ //

taṃ prayāntaṃ raṇe vīraṃ sarvasainyena bhāratam /
saṃyattāḥ samare sarve pālayadhvaṃ pitāmaham //

bāḍhamityevamuktvā tu tānyanīkāni sarvaśaḥ /
narendrāṇāṃ mahārāja samājagmuḥ pitāmaham //

tataḥ prayātaḥ sahasā bhīṣmaḥ śāntanavo'rjunam /
raṇe bhāratamāyāntamāsasāda mahābalaḥ //

mahāśvetāśvayuktena bhīmavānaraketunā /
mahatā meghanādena rathenātivirājatā //

samare sarvasainyānāmupayānaṃ dhanañjayam /
abhavattumulo nādo bhayāddṛṣṭvā kirīṭinam //

abhīśuhastaṃ kṛṣṇaṃ ca dṛṣṭvādityamivāparam /
madhyandinagataṃ saṅkhye na śekuḥ prativīkṣitum //

tathā śāntanavaṃ bhīṣmaṃ śvetāśvaṃ śvetakārmukam /
na śekuḥ pāṇḍavā draṣṭuṃ śvetaṃ grahamivoditam //

sa sarvataḥ parivṛtastrigartaiḥ sumahātmabhiḥ /
bhrātṛbhiḥ saha putraiśca tathā'nyaiśca mahārathaiḥ //

bhāradvājastu samare matsyaṃ vivyādha patriṇā /
dhvajaṃ cāsya śareṇājau dhanuścaikena cicchide //

tadapāsya dhanuśchinnaṃ virāṭo vāhinīpatiḥ /
anyadādatta vegena dhanurbhārasahaṃ dṛḍham //

śarāṃścāśīviṣākārājjvalitānpannagāniva /
droṇaṃ tribhiśca vivyādha caturbhiścāsya vājinaḥ //

dhvajamekena vivyādhaka sārathiṃ cāsya pañcabhiḥ /
dhanurekeṣuṇā'vidhyattatrākrudhyaddvijarṣabhaḥ //

tasya droṇo'vadhīdaśvāñśaraiḥ sannataparvabhiḥ /
aṣṭābhirbharataśreṣṭha sūtamekena patriṇā //

sa hatāśvādavaplutya syandanāddhatasārathiḥ /
āruroha rathaṃ tūrṇaṃ putrasya rathināṃ varaḥ //

tatastu tau pitāputrau bhāradvājaṃ rathe sthitau /
mahatā śaravarṣeṇa vārayāmāsasaturbalāt //

bhāradvājastataḥ kruddhaḥ śaramāśīviṣopamam /
cikṣepa samare tūrṇaṃ śaṅkhaṃ prati janeśvaraḥ //

sa tasya hṛdayaṃ bhittvā pīttvā śoṇitamāhave /
jagāma dharaṇīṃ bāṇo lohitārdravaracchadaḥ //

sa papāta raṇe tūrṇaṃ bhāradvājaśarāhataḥ /
dhanustyaktvā śarāṃścaiva pitureva samīpataḥ //

hataṃ tamātmajaṃ dṛṣṭvā virāṭaḥ prādravadbhayāt /
utsṛjya samare droṇaṃ vyāttānanamivāntakam //

bhāradvājastatastūrṇaṃ pāṇḍavānāṃ mahācamūm /
dārayāmāsa samare śataśo'tha sahasraśaḥ //

śikhaṇḍī tu mahārāja drauṇimāsādya saṃyuge /
ājaghāna bhravormadhye nārācaistribhirāśugaiḥ //

sa babhau rathaśārdūlo lalāṭe saṃsthitaistribhiḥ /
śikharaiḥ kāñcanamayairmerustribhirivocchritaiḥ //

aśvatthāma tataḥ kruddho nimeṣārdhācchikhaṇḍinaḥ /
dhvajaṃ sūtamatho rājaṃsturagānāyudhāni ca //

śarairbahubhirācchidya pātayāmāsa saṃyuge ṣa /
sa hatāśvādavaplutya rathādvai rathināṃ varaḥ //

khaṅgamādāya suśitaṃ vimalaṃ ca śarāvaram /
śyenavadvyacaratkruddhaḥ śikhaṇḍī śatrutāpanaḥ //

sakhaṅgasya mahārāja caratastasya saṃyuge /
nāntaraṃ dadṛśe drauṇistadadbhutamivābhavat //

tataḥ śarasahasrāṇi bahūni bharatarṣabha /
preṣayāmāsa samare drauṇiḥ paramakopanaḥ //

tāmāpatantīṃ samare śaravṛṣṭiṃ sudāruṇām /
asinā tīkṣṇadhāreṇa ciccheda balināṃ varaḥ //

tato'sya vimalaṃ drauṇiḥ śatacandraṃ manoramam /
carmācchinadasiṃ cāstha khaṇḍayāmāsa saṃyuge //

śitaistu bahuśo rājaṃstaṃ ca vivyādha patribhiḥ /
śikhaṇḍī tu tataḥ khaṅgaṃ khaṇḍitaṃ tena sāyakaiḥ //

āvidhya vyasṛjattūrṇaṃ jvalantamiva pannagam /
tamāpatantaṃ sahasā kālānalasamaprabham //

ciccheda samare drauṇirdarśayanpāṇilāghavam /
śikhaṇḍinaṃ ca vivyādha śarairbahubhirāyasaiḥ //

śikhaṇḍī tu bhṛśaṃ rājaṃstaḍyamānaḥ śitaiḥ śaraiḥ /
āruroha rathaṃ tūrṇaṃ mādhavasya mahātmanaḥ //

sātyakiścāpi sankruddho rākṣasaṃ krūramāhave /
alambusaṃ śaraistīkṣṇairvivyādha balināṃ varaḥ //

rākṣasendrastatastasya dhanuściccheda bhārata /
ardhacandreṇa samare taṃ ca vivyādha sāyakaiḥ //

māyāṃ ca rākṣasīṃ kṛtvā śaravarṣairavākirat /
tatrādbhutamapaśyāma śaineyasya parākramam //

asambhramastu samare vadhyamānaḥ śitaiḥ śaraiḥ /
aindramastraṃ ca vārṣṇeyo yojayāmāsa bhārata //

vijayādyadanuprāptaṃ mādhavena yaśasvinā /
tadastraṃ bhasmāsātkṛtvā māyāṃ tāṃ rākṣasīṃ tadā //

alambusaṃ śarairanyairabhyākirata sarvataḥ /
parvataṃ vāridhārābhiḥ prāvṛṣīva balāhakaḥ //

tattathā pīḍitaṃ tena mādhavena yaśasvinā /
pradudrāva bhayādrakṣastyaktvā sātyakimāhave //

// māghavatā jitvā bhārata sātyakiḥ /
śaineyaḥ prāṇada़jjitvā yodhānāṃ tava paśyatām //

nyahanattāvakāṃścāpi sātyakiḥ satyavikramaḥ /
niśitairbahubhirbāṇaiste'dravanta bhayārditāḥ //

etasminneva kāle tu drupadasyātmajo balī /
dhṛṣṭadyumno mahārāja putraṃ tava janeśvaram //

chādayāmāsa samare śaraiḥ sannataparvabhiḥ /
sa cchādyamāno viśikhairdhṛṣṭadyumnena bhārata //

vivyathe na ca rājendra tava putro janeśvara /
dhṛṣṭadyumnaṃ ca samare tūrṇaṃ vivyādha patribhiḥka //

ṣaṣṭyā ca triṃśatā caiva tadadbhutamivābhavat /
tasya senāpatiḥ kruddho dhanuściccheda māriṣa //

hayāṃśca caturaḥ śīghraṃ nijaghāna mahābalaḥ /
śaraiścainaṃ suniśitaiḥ kṣipraṃ vivyādha saptabhiḥ //

sa hatāśvānmahābāhuravaplutya rathādbalī /
padātirasimudyamya prādravatpārṣataṃ prati //

śakunistaṃ samabhyetya rājagṛddhī mahābalaḥ /
rājānaṃ sarvalokasya rathamāropayatsvakam //

tato nṛpaṃ parājitya pārṣataḥ paravīrahā /
nyahanattāvakaṃ sainyaṃ vajrapāṇirivāsurān //

kṛtavarmā raṇe bhīmaṃ śarairārcchanmahārathaḥ /
pracchādayāmāsa ca taṃ mahāmegho raviṃ yathā //

tataḥ prahasya samare bhīmasenaḥ parantapaḥ /
preṣayāmāsa sankruddhaḥ sāyankānkṛtavarmaṇe //

tairardyamāno'tirathaḥ sātvataḥ śastrakovidaḥ /
nākampata mahārāja bhīmaṃ cārcchacchitaiḥ śaraiḥ //

tasyāśvāṃścaturo hatvā bhīmaseno mahārathaḥ /
sārathiṃ pātayāmāsa sadhvajaṃ supariṣkṛtam //

śarairbahuvidhaiścainamācinotparavīrahā /
śakalīkṛtasarvāṅgaḥ śvāvittu śalalairyathā //

hatāśvaśca tatastūrṇaṃ subalasya rathaṃ yayau /
svālasya te mahārāja tava putrasya paśyataḥ //

bhīmaseno'pi sankruddhastava sainyamupādravat /
nijaghāna ca sankruddho daṇḍapāṇirivāntakaḥ //