Scripture Library

Mahabharata · Chapter 6.59

6.59.1

pratijñāte tatastasminyuddhe bhīṣmeṇa dāruṇe /
krodhito mama putreṇa duḥkhitena viśeṣataḥ //

6.59.2

bhīṣmaḥ kimakarottatra pāṇḍaveyeṣu bhārata /
pitāmahe vā pañcālāstanmamācakṣva sañjaya //
s̤añjaya uvāca /

6.59.3

gatapūrvāhṇabhūyiṣṭhe tasminnahani bhārata /
paścimāṃ diśamāsthāya sthite cāpi divākare //

6.59.4

jayaṃ prāpteṣu hṛṣṭeṣu pāṇḍaveṣu mahātsasu /
sarvadharmaviśeṣajñaḥ pitā devavratastava //

6.59.5

abhyayāñjavanairaśvaiḥ pāṇḍavānāmanīkinīm /
mahatyā senayā guptastava putraiśca sarvaśaḥ //

6.59.6

prāvartata tato yuddhaṃ tumulaṃ romaharṣaṇam /
asmākaṃ pāṇḍavaiḥ sārdhamanāyāttava bhārata //

6.59.7

ghanuṣāṃ kūjatāṃ tatra talānāṃ cābhihanyatām /
mahānsamabhavacchabdo girīṇāmiva dīryatām //

6.59.8

tiṣṭha sthito'smi viddhyainaṃ nivartasva sthiro bhava /
sthiro'smi praharasveti śabdo'śrūyata sarvaśaḥ //

6.59.9

kāñcaneṣu tanutreṣu kirīṭeṣu dhvajeṣu ca /
śilānāmiva śaileṣu patitānāmabhūddhvaniḥ //

6.59.10

patitānyuttamāṅgāni bāhavaśca vibhūṣitāḥ /
vyaceṣṭanta mahīṃ prāpya śataśo'tha sahasraśaḥ //

6.59.11

hṛtottamāhgāḥ kecittu tathaivodyatakārmukāḥ /
pragṛhītāyudhāścāpi tasthuḥ puruṣasattamāḥka //

6.59.12

prāvartata mahāvegā nadī rudhiravāhinī /
mātaṅgāṅgaśilā raudrā māṃsaśoṇitakardamā //

6.59.13

varaśvanaranāgānāṃ śarīraprabhavā tadā /
paralokārṇavamukhī gṛdhragomāyumodinī //

6.59.14

na dṛṣṭaṃ na śrutaṃ vāpi yuddhametādṛśaṃ nṛpa /
yathā tava sutānāṃ ca pāṇḍavānāṃ ca bhārata //

6.59.15

nāsīdrathapathastatra yaudhairyudhi nipātitaiḥ /
gajaiśca patitairnīlairgiriśrṛṅgainiravāvṛtaḥ //

6.59.16

vikīrṇaiḥ kavacaiścitraiḥ śirastraṇaiśca māriṣa /
śuśubhe tadrāṇasthānaṃ śaradīva nabhastalam //

6.59.17

vinirbhinnāḥ śaraiḥ kecidantrāpīḍaprakarṣiṇaḥ /
abhītāḥ samare śatrūnabhyadhāvanta darpitāḥ //

6.59.18

tāta bhrātaḥ sakhe bandho vayasya mama mātula /
mā māṃ parityajetyanye cukruśuḥ patitā raṇe //

6.59.19

athābhyehi tvamāgaccha kiṃ bhītosi kva yāsyasi /
sthito'haṃ samare mā bhairiti cānye vicukruśuḥ //

6.59.20

tatra bhīṣmaḥ śāntanavo nityaṃ maṇḍalakārmukaḥ /
mumīca bāṇāndīptāgrānahīnāśīviṣāniva //

6.59.21

śarairekāyanīkurvandiśaḥ sarvā yatavrataḥ /
jaghāna pāṇḍavarathānādiśya bhāratarṣabha //

6.59.22

sa nṛtyanvai rathopasthe darśayanpāṇilāghavam /
alātacakravadrājaṃstatra tatra sma dṛśyate //

6.59.23

tamekaṃ samare śūraṃ pāṇḍavāḥ sṛñjayaiḥ saha /
anekaśatasāhasraṃ samapaśyanta lāghavāt //

6.59.24

māyākṛtātmānamiva bhīṣmaṃ tatra sma menire /
pūrvasyāṃ diśi taṃ dṛṣṭvā pratīcyāṃ dadṛśurjanāḥ //

6.59.25

udīcyāṃ caivamālokya dakṣiṇasyāṃ punaḥ prabho /
evaṃ sa samare śūro gāṅgeyaḥ pratyadṛśyata //

6.59.26

na caivaṃ pāṇḍaveyānāṃ kaścicchaknoti vīkṣitum /
viśikhāneva paśyanti bhīṣmacāpacyutānbahūn //

6.59.27

kurvāṇaṃ samare karma sūdayānaṃ ca vāhinīm /
vyākrośanta raṇe tatra narā bahuvidhā bahu //

6.59.28

amānuṣeṇa rūpeṇa carantaṃ pitaraṃ tava /
śalabhā iva rājānaḥ patanti vidhicoditāḥ //

6.59.29

bhīṣmāgnimabhisankruddhaṃ vināśāya sahasraśaḥ /
na hi moghaḥ śaraḥ kaścidāsīdbhīṣmasya saṃyuge //

6.59.30

naranāgāśvakāyeṣu bahutvāllaghuyodhinaḥ /
bhinattyekena bāṇena sumukhena patatriṇā //

6.59.31

gajaṃ kankaṭasannaddhaṃ vajreṇeva śiloccayam /
dvau trīnapi gajārohānpiṇḍitānvarmitānapi //

6.59.32

nārācena sumuktena nijaghāna pitā tava /
yo yo bhīṣmaṃ naravyāghramabhyeti yudhi kaścana //

6.59.33

muhūrtadṛṣṭaḥ sa mayā patito bhuvi dṛśyate /
evaṃ sā dharmarājasya vadhyamānā mahācamūḥ //

6.59.34

bhīṣmeṇātulavīryeṇa vyaśīryata saṃhasradhā /
prākampata mahāsenā śaravarṣeṇa tāpitā //

6.59.35

paśyato vāsudevasya pārthasyātha śikhaṇḍinaḥ /
yatamānā'pi te vīrā dravamāṇānmahārathān //

6.59.36

nāśaknuvanvārayituṃ bhīṣmabāṇaprapīḍitān /
mahendrasamavīryeṇa vadhyamānā mahācamūḥ //

6.59.37

abhajyata mahārāja na ca dvau saha dhāvataḥ /
āviddharanāgāśvaṃ patitadhvajakūbaram //

6.59.38

anīkaṃ pāṇḍuputrāṇāṃ hāhābhūtamacetanam /
jaghānātra pitā putraṃ putraśca pitaraṃ tathā //

6.59.39

priyaṃ sakhāyaṃ cākrande sakhā daivabalātkṛtaḥ . 6-59-39bvimucya kavacānyanye pāṇḍuputrasya sainikāḥ //

6.59.40

vinuktakeśā dhāvantaḥ pratyadṛśyanta bhārata /
tadgokulamivoddhāntamuddhāntarathayūthapam //

6.59.41

dadṛśe pāṇḍuputrasya sainyamārtasvaraṃ tadā /
prabhajyamānaṃ sainyaṃ tu dṛṣṭvā yādavanandanaḥ //

6.59.42

uvāca pārthaṃ bībhatsuṃ nigṛhya rathamuttamam /
asaṃ sa kālaḥ samprāptaḥ pārtha paste'bhikāṅkṣitaḥ //

6.59.43

praharasva naravyāghra na cenmohādvimuhyase / yattvayā kathitaṃ vīra purā rājñāṃ samāgame /

6.59.44

bhīṣmadroṇamukhānsarvāndhārtarāṣṭrasya sainikān /
sānubandhānhaniṣyāmi ye māṃ yotsyanti saṃyuge //

6.59.45

iti tatkuru kaunteya satyaṃ vākyamarindama /
bībhatso paśya sainyaṃ svaṃ bhajyamānaṃ tatastataḥ //

6.59.46

dravataśca mahīpālānpaśya yaudhiṣṭhire bale /
dṛṣṭvā hi bhīṣmaṃ samare vyāttānanamivāntakam //

6.59.47

bhayārtāḥ prapalāyante siṃhātkṣudramṛgā iva /
evamuktaḥ pratyuvāca vāsudevaṃ dhanañjayaḥ //

6.59.48

nodayāśvānyato bhīṣmo vigāhe tadvalārṇavam /
pātayiṣyāmi durdharṣaṃ vṛddhaṃ kurupitāmaham //
sañjaya uvāca /

6.59.49

tato'śvānrajataprakakhyānnodayāmāsa mādhavaḥ /
yato bhīṣmaratho rājanduṣprekṣyo raśmimāniva //

6.59.50

tatastatpunarāvṛttaṃ yudhiṣṭhirabalaṃ mahat /
dṛṣṭvā pārthaṃ mahābāhuṃ bhīṣmāyodyatamāhave //

6.59.51

tato bhīṣmaḥka kuruśreṣṭha siṃhavadvinadanmuhuḥ /
dhanañjayarathaṃ śīghraṃ śaravarṣairavākirat //

6.59.52

kṣaṇena sa rathastasya sahayaḥ kasahasārathiḥ /
śaravarṣeṇa mahatā sañchanno na prakāśate //

6.59.53

vāsudevastvasambhrānto dhairyamāsthāya sattvavān /
codayāmāsa tānaśvānvibhinnānbhīṣmasāyakaiḥ //

6.59.54

tataḥ pārtho dhanurgṛhya divyaṃ jaladaniḥsvanam /
pātayāmāsa bhīṣmasya dhanuśchitvā tribhiḥ śaraiḥ //

6.59.55

sa cchinnadhanvā kauravyaḥ punaranyanmahaddhanuḥ /
nimiṣāntaramātreṇa sajyaṃ cakre pitā tava //

6.59.56

vicakarṣa tato dorbhyāṃ dhanurjaladaniḥsvanam /
athāsya tadapi kruddhaściccheda dhanurarjunaḥ //

6.59.57

tasya tatpūjayāmāsa lāghavaṃ śantanoḥ sutaḥ /
sādhu pārtha mahābāho sādhu bho pāṇḍunandana //

6.59.58

tvayyevaitadyuktarūpaṃ mahatkarma dhanañjaya /
prīto'smi subhṛśaṃ putra kuru yuddhaṃ mayā saha //

6.59.59

iti pārthaṃ praśasyātha pragṛhyānyanmahaddhanuḥ /
mumoca samare vīraḥ śarānpārtharathaṃ prati //

6.59.60

adarśayadvāsudevo hayayāne paraṃ balam /
moghānkurvañśarāṃstasya maṇḍalānvyacarallughu //

6.59.61

tathā bhīṣmastu sudṛḍhaṃ vāsudevadhanañjayau /
vivyādha niśitairbāṇaiḥ sarvagātreṣu bhārata //

6.59.62

śuśubhāte naravyāghrau tau bhīṣmaśaravikṣatau /
govṛṣāviva saṃrabdhau viṣāṇollekhanāṅktitau //

6.59.63

punaścāpi susaṃrabdhaḥ śaraiḥ śatasahasraśaḥ . kṛṣṇayoryudhi saṃrabdho bhīṣmāḥ prācchādayaddiśaḥ /
pārtho'pi samare kruddho bhīṣmasyāvārayaddiśaḥ //

6.59.64

vārṣṇeyaṃ ca śaraistīkṣṇaiḥ kampayāmāsa roṣitaḥ /
muhurabhyardayanbhīṣmaḥ prahasya svanavattadā //

6.59.65

tatastu kṛṣṇaḥ samare dṛṣṭvā bhīṣmaparākramam /
samprekṣya ca mahābāhuḥ pārthasya mṛduyuddhatām //

6.59.66

bhīṣmaṃ ca śaravarṣāṇi sṛjantamaniśaṃ yudhi /
pratapantamivādityaṃ madhyamāsādya senayoḥ //

6.59.67

vāranvarānvinighnantaṃ pāṇḍuputrasya sainikān /
yugāntamiva kurvāṇaṃ bhīṣmaṃ yaudhiṣṭhire bale //

6.59.68

amṛṣyamāṇo bhagavānkeśavaḥ paravīrahā /
acintayadameyātmā nāsti yaudhiṣṭhiraṃ balam //

6.59.69

ekāhnā hi raṇe bhīṣmo nāśayeddevadānavān /
kiṃ nu pāṇḍusutānyuddhe sabalānsapadānugān //

6.59.70

dravate ca mahāsainyaṃ pāṇḍavasya mahātmanaḥ /
ete ca kauravāstūrṇaṃ prabhagnānvīkṣya somakān //

6.59.71

prādravanti raṇe dṛṣṭvā harṣayantaḥ pitāmaham /
sohaṃ bhīṣmaṃ nihanmyadya pāṇḍavārthāya daṃśitaḥ //

6.59.72

bhārametaṃ vineṣyāmi pāṇḍavānāṃ mahātmanām /
arjuno hi śaraistīkṣṇairvadhyamāno'pi saṃyuge //

6.59.73

kartavyaṃ nābhijānāti raṇe bhīṣmasya gauravāt / tathā cintayatastasya bhūya eva pitāmahaḥ /
preṣayāmāsa sankruddhaḥ śarānpārtharathaṃ prati //

6.59.74

teṣāṃ bahutvāsu bhṛsaṃ śarāṇāṃ diśaśca sarvāḥ pihitā babhūvuḥ /
na cāntarikṣaṃ na diśo na bhūmi- rna bhāskaro'dṛśyata raśmimālīka //

6.59.75

vavuśca vātāstumulāḥ sadhūmā diśaśca sarvāḥ kṣubhitā babhūvuḥ /
droṇo vikarṇo'tha jayadrathaśca bhūriśravāḥ kṛtavarmā kṛpaśca //

6.59.76

śrutāyurambaṣṭhapatiśca rājā vindānuvindau ca sudakṣiṇaśca /
prācyāśca sauvīragaṇāśca sarve vasātayaḥ kṣudrakamālavāśca //

6.59.77

kirīṭinaṃ tvaramāṇābhisru- rnideśagāḥ śāntanavasya rājñaḥ /
taṃ vājipādātarathaughajālai- ranekasāhasraśatairdadarśa //

6.59.78

kirīṭinaṃ samparivāryamāṇaṃ śinernaptā vāraṇayūthapaiśca /
tatastu dṛṣṭvārjunavāsudevau padātināgāśvarathaiḥ samantāt //

6.59.79

abhidrutau śastrabhṛtāṃ variṣṭhau śinipravīro'bhisasāra tūrṇam /
sa tānyanīkāni mahādhanuṣmān śinipravīraḥ sahasā'bhipatya //

6.59.80

cakāra sāhāyyamathārjunasya viṣṇuryathā vṛtraniṣūdanasya /
viśīrṇanāgāśvarathadhvajaughaṃ bhīṣmeṇa vitrāsitasarvayodham //

6.59.81

yudhiṣṭhirānīkamabhidravantaṃ provāca sandṛśya śinipravīraḥ /
kva kṣatriyā yāsyatha naiṣa dharmaḥ satāṃ purastātkathitaḥ purāṇaiḥ //

6.59.82

mā svāṃ pratijñāṃ tyajata pravīrāḥ svaṃ vīradharmaṃ paripālayadhvam /
tānvāsavānantarajo niśāmya narendramukhyāndravataḥ samantāt //

6.59.83

pārthasya dṛṣṭavā mṛduyuddhātāṃ ca bhīṣmaṃ ca saṅkhye samudīryamāṇam /
amṛṣyamāṇaḥ sa tato mahātmā yaśasvinaṃ sarvadaśārhabhartā //

6.59.84

uvāca śaineyamabhipraśaṃsan dṛṣṭvā kurūnāpatataḥ samagrān /
ye yānti te yāntu śinipravīra ye'pi sthitāḥ sātvata te'pi yāntu //

6.59.85

bhīṣmaṃ rathātpaśya nipātyamānaṃ droṇaṃ ca saṅkhye sagaṇaṃ mayā'dya /
na sāratheḥ sātvata kauravāṇāṃ kruddhasya mucyeta raṇe'dya kaścit //

6.59.86

tasmādahaṃ gṛhya rathāṅgamugraṃ prāṇaṃ hariṣyāmi mahāvratasya /
nihatya bhīṣmaṃ sagaṇaṃ tathājau droṇaṃ ca śaineya rathapravīrau //

6.59.87

prītiṃ kariṣyāmi dhanañjayasya rājñaśca bhīmasya tathā'śvinośca /
nihatya sarvāndhṛtarāṣṭraputrāṃ- statpakṣiṇo ye ca narendramukhyāḥ . rājyena rājānamajātaśatruṃ sampādayiṣyāmyahamadya hṛṣṭaḥ //

6.59.88

itīdamuktvā sa mahānubhāvaḥ sasmāra cakraṃ niśitaṃ purāṇam /
sudarśanaṃ cintitamātrameva tasyāgrahastaṃ svayamāruroha //

6.59.89

taccakrapadmaṃ pragṛhītamājau rarāja nārāyaṇabāhunālam /
yathādipadmaṃ taruṇārkavarṇaṃ rarāja nārāyaṇanābhijātamak //

6.59.90

tatkṛṣṇakopodayasūryabuddhaṃ kṣurāntatīkṣṇāgrasujātapatram /
tesyaiva dehorusaraḥprarūḍhaṃ rarāja nārāyaṇabāhunālam //

6.59.91

tataḥ sunābhaṃ vasudevaputraḥ sūryaprabhaṃ vajrasamaprabhāvam /
kṣurāntamudyamya bhujena cakraṃ rathādavaplutya visṛjya vāhān / sankampayangāṃ caraṇairmahātmā vegena kṛṣmaḥ prasasāra bhīṣmam //

6.59.92

madāndhamājau samudīrṇadarpaṃ siṃho jighāṃsanniva vāraṇendram /
so'bhidravanbhīṣmamanīkamadhye kruddho mahendrāvarajaḥ pramāthī . vyālambipītāmbaradhṛkkakāśe ghano yathā khe taḍitāvanaddhaḥ //

6.59.93

tamāttacakraṃ praṇadantamuccaiḥ kruddhaṃ mahendrāvarajaṃ samīkṣya /
sarvāṇi bhūtāni bhṛśaṃ vineduḥ kṣayaṃ kurūṇāmiva cintayitvā //

6.59.94

sa vāsudevaḥ pragṛhītacakraḥ saṃvartayiṣyanniva sarvalokam /
abhyutpatam̐llokagururbabhāse bhūtāni dhakṣyanniva dhūmaketuḥ //

6.59.95

tamādravantaṃ pragṛhītacakraṃ dṛṣṭvā devaṃ śāntanavastadānīm /
asambhramaṃ tadvicakarṣa dorbhyāṃ mahādhanurgāmaḍivatulyaghoṣam / uvāca bhīṣmastamanantapauruṣaṃ govindamājāvavimūḍhacetāḥ //

6.59.96

ehyehi deveśa jagannivāsa namostu te mādhava cakrapāṇe /
prasahya māṃ pātaya lokanātha rathottamātsarvaśaraṇya saṅkhye //

6.59.97

tvayā hatasyāpi mamā'dya kṛṣṇa śreyaḥ parisminniha caiva loke /
sambhāvito'smyandhakavṛṣṇinātha lokaistribhirvīra tavābhiyānāt //

6.59.98

rathādavaplutya tatastvarāvān pārtho'pyanudrutya yadupravīram /
jagrāha pīnottamalambabāhuṃ bāhvorhariṃ vyāyatapīnabāhuḥ //

6.59.99

nigṛhyamaṇāśca tadā'didevo bhṛśa saroṣaḥ kila nāma yogī /
ādāya vegena jagāma viṣṇu- rjiṣṇuṃ mahāvāta ivaikavṛkṣam //

6.59.100

pārthastu viṣṭabhya balena pādau bhīṣmāntikaṃ tūrṇamabhidravantam /
balānnijagrāha hariṃ kirīṭī pade'tha rājandaśame kathañcit //

6.59.101

avasthitaṃ ca praṇipatya kṛṣṇaṃ prīto'rjunaḥ kāñcanacitramālī /
uvāca kope pratisaṃhareti gatirbhavānkeśava pāṇḍavānām //

6.59.102

na hāsyate karma yathāpratijñaṃ putraiḥ śape keśava sodaraiśca /
antaṃ kariṣyāmi yathā kurūṇāṃ tvayā'hamindrānujasamprayuktaḥ //

6.59.103

tataḥ pratijñāṃ samayaṃ ca tasya janārdanaḥ prītamanā niśamya /
sthitaḥ priye kauravasattamasya rathaṃ sacakraḥ punarāruroha //

6.59.104

tataḥ pratijñāṃ samavāpya bhīṣmaḥ kṛtāñcaliḥ stutyamathākarodvai /
traivikrame yasya vapurbabhāse tathaiva dṛṣṭvā tu samuñjvalantam //

6.59.105

pragṛhya śaṅkhaṃ dviṣatākaṃ nihantā sa tānabhūṣūnpunarādadānaḥ /
bhīṣmaṃ śaraiḥ samparivārya saṅkhye ciccheda bhūriśravasaśca cāpam //

6.59.106

śalyaṃ ca viddhvā navabhiḥ pṛṣatkai- rduryodhaṃ vakṣasi nirbibheda /
vinādayāmāsa tato diśaśca sa pāñcajanyasya raveṇa śauriḥ //

6.59.107

vyāviddhaniṣkāṅgadakuṇḍalaṃ taṃ rajovikīrṇāñcitapadmanetram /
viśuddhadaṃṣṭraṃ pragṛhītaśaṅkhaṃ vicukruśuḥ prekṣya kurupravīrāḥ //

6.59.108

mṛdaṅgabherīpaṇavapraṇādā nemisvanā dundubhiniḥsvanāśca /
sasiṃhanādāśca babhūvurugrāḥ sarveṣvanīkeṣu tataḥ kurūṇām //

6.59.109

gāṇḍīvaghoṣaḥ stanayitnukalpo jagāma pārthasya nabho diśaśca /
jagmuśca bāṇā vimalāḥ prasannāḥ sarvā diśaḥ pāṇḍavacāpamuktāḥ //

6.59.110

taṃ kauravāṇāmadhipo javena bhīṣmeṇa bhūriśravasā ca sārdham /
abhyudyayāvudyatabāṇapāṇiḥ kakṣaṃ didhakṣanniva dhūmaketuḥ //

6.59.111

athārjunāya prajighāya bhallān bhūriśravāḥ sapta suvarṇapuṅkhān /
duryodanastomaramugravegaṃ śalyo gadāṃ śāntanavaśca śaktim //

6.59.112

sa saptabhiḥ sapta śarapravekān saṃvārya bhīriśravasā visṛṣṭān /
śitena duryodhanabāhumuktaṃ kṣureṇa tattomaramunmamātha //

6.59.113

tataḥ śubhāmāpatatīṃ sa śaktiṃ vidyutprabhāṃ śāntanavena muktām /
gadāṃ ca madrādhipabāhumuktāṃ dvābhyāṃ śarābhyāṃ nicarta vīraḥ //

6.59.114

tato bhujābhyāṃ balavadvikṛṣya citraṃ dhanurgāṇḍivamaprameyam /
māhendramasraṃ vidhivatsughoraṃ prāduścakārādbhutamantarikṣe //

6.59.115

tenottamāstreṇa tato mahātmā sarvāṇyanīkāni mahādhanuṣmān /
śaraughajālairvimalāgnivarṇai- rnivārayāmāsa kirīṭamālī //

6.59.116

śilīmukhāḥ pārthadhanuḥpramuktā rathāndhvajāgrāṇi dhanūṃṣi bāhūn /
nikṛtya dehānviviśuḥ pareṣāṃ narendranāgendraturaṅgamāṇām /

6.59.117

tato diśaḥ so'nudiśaśca pārthaḥ śaraiḥ sudhāraiḥ samare vitatya /
gāṇḍīvaśabdena manāṃsi teṣāṃ kirīṭamālī vyathayāñcakāra //

6.59.118

tasmiṃstathā ghoratame pravṛtte śaṅkhasvanā dundubhiniḥsvanāśca /
antarhitā gāṇḍivaniḥsvanena babhūvurugrāśvarathapraṇādāḥ //

6.59.119

gāṇḍīvaśabdaṃ tamatho viditvā virāṭarājapramukhāḥ pravīrāḥ /
pāñcālarājo drupadaśca vīra- staṃ deśamājagmuradīnasattvāḥ //

6.59.120

sarvāṇi sainyāni tu tāvakāni yatoyato gāṇḍivajaḥ praṇādaḥ /
tatastataḥ sannatimeva jagmu- rna taṃ pratīpo'bhisasāra kaścit //

6.59.121

tasminsughore kanṛpa samprahāre hatāḥ pravīrāḥ sarathāśvasūtāḥ /
gajāśca nārācanipātataptā mahāpatākāḥ śubharukmakakṣyāḥ //

6.59.122

parītasatvāḥ sahasā nipetuḥ kirīṭinā bhinnatanutrakāyāḥ /
dṛḍhaṃ hatāḥ pātribhirugravegaiḥ pārthena bhallairvimalaiḥ śitāgnaiḥ //

6.59.123

nikṛttayantrā nihatendrakīlā dhvajā mahānto dhvajinimukheṣu /
padātisaṅghāśca rathāśca saṅkhye hayāśca nāgāśca dhanañjayena //

6.59.124

bāṇāhatāstūrṇamapetasatvā viṣṭabhya gātrāṇi nipetururvyām /
aindreṇa tenāstravareṇa rājan mahāhave bhinnatanutradehāḥ //

6.59.125

tataḥ śaraughairniśitaiḥ kirīṭinā nṛdehaśastrakṣatalohitodā /
nadī sughorā naramedaphenā pravartitā tatra raṇājire vai //

6.59.126

vegena sā'tīva pṛthupravāhā paretanāgāśvaśarīrarodhāḥ /
narendramañjocchritamāṃsapaṅkāḥ prabhūtarakṣogaṇabhūtasevitā //

6.59.127

śiraḥkapālākulakeśaśādvalā śarīrasaṅghātasahasravāhinī /
viśīrṇanānākavacormisankulā narāśvanāgāsthinikṛttaśarkarā //

6.59.128

śvakaṅkaśālāvṛkagṛdhrakākaiḥ kravyādasaṅghaiśca tarakṣubhiśca /
upetakūlāṃ dadṛśurmanuṣyāḥ krūrāṃ mahāvaitaraṇīprakāśām //

6.59.129

pravartitāmarjunabāṇasaṅghai- rmedovasāsṛkapravahāṃ subhīmām /
hatapravīrāṃ ca tathaiva dṛṣṭvā senāṃ kurūṇāmatha phalgunena //

6.59.130

te cedipāñcālakarūṣamatsyāḥ pārthāśca sarve sahitāḥ praṇeduḥ /
jayapragalbhāḥka puruṣapravīrāḥ santrāsayantaḥ kuruvīrayodhān //

6.59.131

hatapravīrāṇi balāni dṛṣṭvā kirīṭinā śatrubhayāvahena /
vitrāsya senāṃ dhvajinīpatīnāṃ siṃho mṛgāṇāmiva yūthasaṅghān //

6.59.132

vinedatustāvatiharṣayuktau gāṇḍīvadhanvā ca janārdanaśca /
tato raviṃ saṃvṛtaraśmijālaṃ dṛṣṭvā bhṛśaṃ śastraparikṣatāṅgāḥ //

6.59.133

tadaindramastraṃ vitataṃ ca ghora- masahyamudvīkṣya yugāntakalpam /
athāpayānaṃ kuravaḥ sabhīṣmāḥ sadroṇaduryodhanabāhlikāśca //

6.59.134

cakrurniśāṃ sandhigatāṃ samīkṣya vibhāvasorlohitarāgayuktām /
avāpaya kīrti ca yaśaśca loke vijitya śatrūṃśca dhanañjayo'pi //

6.59.135

yayau narendraiḥ sahasodaraiśca samāptakarmā śibiraṃ niśāyām /
tataḥ prajajñe tumulaḥ kurūṇāṃ niśāmukhe ghoratamaḥ praṇādaḥ //

6.59.136

raṇe rathānāmayutaṃ nihatya hatā gajāḥ saptaśatārjunena /
prājyāśca sauvīragaṇāśca sarve nipātitāḥ kṣudrakamālavāśca //

6.59.137

mahatkṛtaṃ karma dhanañjayena kartuṃ yathā nārhati kaścidanyaḥ /
śrutāyurambaṣṭhapatiśca rājā tathaiva durmarṣaṇacitrasenau //

6.59.138

droṇaḥ kṛpaḥ saindhavabāhlikau ca bhūriśravāḥ śalyaśalau ca rājan /
anye ca yodhāḥ śataśaḥ sametāḥ kruddhena pārthena raṇasya madhye //

6.59.139

svabāhuvīryeṇa jitāḥ sabhīṣmāḥ kirīṭinā lokamahārathena /
iti bruvantaḥ śibirāṇi jagmuḥ sarve gaṇā bhārata ye tvadīyāḥ //

6.59.140

ulkāsahasraiśca susampradīptai- rvibhrājamānaiśca tathā pradīpraiḥ /
kirīṭivitrāsitasarvayodhā cakre niveśaṃ dhvajinī kurūṇām //

Original text: Mahābhārata (southern recension) · Edition: Śrīman Mahābhāratam, ed. T. R. Krishnacharya and T. R. Vyasacharya, Nirnaya Sagar Press, Bombay 1906–1910; e-text by SARIT (Shrinivasa Varakhedi and others) · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0