Mahabharata · Chapter 5.163

duryodhanasya tadvākyaṃ niśamya bharatarṣabha /
netrābhyāmatitāmrābhyāṃ kaitavyaṃ samudaikṣata //

sa keśavamabhiprekṣya guḍākeśo mahāyaśāḥ /
abhyabhāṣata kaitavyaṃ pragṛhya vipulaṃ bhujam //

svavīryaṃ yaḥ samāśritya samāhvayati vai parān /
abhīto yudhyate śatrūnsa vai puruṣa ucyate //

paravīryaṃ samāśritya yaḥ samāhvayate parān /
kṣatrabandhuraśaktatvālloke sa puruṣādhamaḥ //

sa tvaṃ pareṣāṃ vīryeṇa manyase vīryamātmanaḥ /
svayaṃ kāpuruṣo mūḍha parāṃśca kṣeptumicchasi //

yastvaṃ vṛddhaṃ sarvarājñāṃ hitabuddhiṃ jitendriyam /
maraṇāya mahāprajñaṃ dīkṣayitvā vikatthase //

bhāvaste vidito'smābhirdurbuddhe kulapāṃsana /
na haniṣyanti gāṅgeyaṃ pāṇḍavā ghṛṇayeti hi //

yasya vīryaṃ samāśritya dhārtarāṣṭra vikatthase / hantāsmi prathamaṃ bhīṣmaṃ miṣatāṃ sarvadhanvinām /

kaitavya gatvā bharatānsametya suyodhanaṃ dhārtarāṣṭraṃ vadasva /
tathetyuvācārjunaḥ savyasācī niśāvyapāye bhavitā vimardaḥ //

yadvā bravīdvākyamadīnasatvo madhye kurūnharṣayansatyasandhaḥ /
ahaṃ hantā sṛñjayānāmanīkaṃ sālveyakāṃśceti mamaiṣa bhāraḥ / kaitavya gatvā bharatānsametya suyodhanaṃ dhārtarāṣṭraṃ vadasva //

hanyāmahaṃ droṇamṛte'pi lokaṃ na te bhayaṃ vidyate pāṇḍavebhyaḥ /
tato hi te labdhamataṃ ca rājya- māpadgatāḥ pāṇḍavāśceti bhāvaḥ //

sa darpapūrṇo na samīkṣase tva- manarthamātmanyapi vartamānam /
tasmādahaṃ te prathamaṃ samūhe hantā samakṣa kuruvṛddhameva //

sūryodaye yuktasenaḥ pratīkṣya dhvajī rathī rakṣata satyasandham /
ahaṃ hi vaḥ paśyatāṃ dvipamenaṃ bhīṣmaṃ rathātpātayiṣyāmi bāṇaiḥ //

śvobhūte katthanāvākyaṃ vijñāsyati suyodhanaḥ /
ācitaṃ śarajālena mayā dṛṣṭvā pitāmaham //

yaduktaśca sabhāmadhye puruṣo hrasvadarśanaḥ /
kruddhena bhīmasenena bhrātā duḥśāsanastava //

adharmajño nityavairī pāpabuddhirnṛśaṃsakṛt /
satyāṃ pratijñāmacirāddrakṣyase tāṃ suyodhana //

abhimānasya darpasya krodhapāruṣyayostathā /
naiṣṭhuryasyāvalepasya ātmasambhāvanasya ca //

nṛśaṃsatāyāstaikṣṇyasya dharmavidveṣaṇasya ca /
adharmasyātivādasya vṛddhātikramaṇasya ca //

darśanasya ca cakrasya kṛtsnasyāpanayasya ca /
drakṣyasi tvaṃ phalaṃ tīvramacireṇa suyodhana //

vāsudevadvitīye hi mayi kruddhe narādhama /
āśā te jīvite mūḍha rājye vā kena hetunā //

śānte bhīṣme tathā droṇe sūtaputre ca pātite /
nirāśo jīvite rājye putreṣu ca bhaviṣyasi //

bhrātṝṇāṃ nidhanaṃ śrutvā putrāṇāṃ ca suyodhana /
bhīmasenena nihato duṣkṛtāni smariṣyasi //

na dvitīyāṃ pratijñāṃ hi pratijānāmi kaitava /
satyaṃ bravīmyahaṃ hyetatsarvaṃ satyaṃ bhaviṣyati //

yudhiṣṭhiro'pi kaitavyamulūkamidamabravīt /
ulūka madvaco brūhi gatvā tāta suyodhanam //

svena vṛttena me vṛttaṃ nādhigantuṃ tvamarhasi /
ubhayorantaraṃ veda sūnṛtānṛtayorapi //

na cāhaṃ kāmaye pāpamapi kīṭapipīlakayoḥ /
kiṃ punarjñātiṣu vadhaṃ kāmayeyaṃ kathaṃ ca na //

etadarthaṃ mayā tāta pañca grāmā vṛtāḥ purā /
kathaṃ tava sudurbuddhe na prekṣye vyasanaṃ mahat //

sa tvaṃ kāmaparītātmā mūḍhabhāvācca katthase / tathaiva vāsudevasya na gṛhṇāsi hitaṃ vacaḥ /

kiñcedānīṃ bahūktena yudhyasva saha bāndhavaiḥ / mama vipriyakartāraṃ kaitavya saha bāndhavaiḥ /

mama vipriyakartāraṃ kaitavya brūhi kauravam // śrutaṃ vākyaṃ gṛhīto'rtho mataṃ yatte tathāstu tat /

bhīmasenastato vākyaṃ bhūya āha nṛpātmajam // ulūka madvaco brūhi durmatiṃ pāpapūruṣam /

śaṭhaṃ naikṛtikaṃ pāpaṃ durācāraṃ suyodhanam // gṛdhrodare vā vastavyaṃ pure vā nāgasāhvaye /

pratijñātaṃ mayā yacca sabhāmadhye narādhama // kartāhaṃ tadvacaḥ satyaṃ satyenaiva śapāmi te /

duḥśāsanasya rudhiraṃ hatvā pāsyāmyahaṃ mṛdhe // sakthinī tava bhanktvaiva hatvā hi tava sodanān /

sarveṣāṃ rājaputrāṇāmabhimanyurasaṃśayam /
karmaṇā toṣayiṣyāmi bhūyaścaiva vacaḥ śrṛṇu //

hatvā suyodhana tvāṃ vai sahitaṃ sarvasodaraiḥ /
ākramiṣye padā mūrdhni dharmarājasya paśyataḥ //

nakulastu tato vākyamidamāha mahīpate /
ulūka brūhi kauravyaṃ dhārtarāṣṭraṃ suyodhanam //

śrutaṃ te gadato vākyaṃ sarvameva yathātatham / tathā kartāsmi kauravya yathā tvamanuśāsi māṃ // 5-163-39asahadevo'pi nṛpate idamāha vaco'rthavat . suyodhana matiryā te vṛthaiṣā te bhaviṣyati //

śociṣyase mahārāja saputrajñātibāndhavaḥ /
imaṃ ca kleśamasmākaṃ hṛṣṭo yattvaṃ vikatthase //

virāṭadrupadau vṛddhāvulūkamidamūcatuḥ . dāsabhāvaṃ niyaccheva sādhoriti matiḥ sadā /
tau ca dāsāvadāsau vā pauruṣaṃ yasya yādṛśam //

śikhaṇḍī tu tato vākyamulūkamidamabravīt /
vaktavyo bhavatā rājā pāpeṣvabhirataḥ sadā //

paśya tvaṃ māṃ raṇe rājankurvāṇaṃ karma dāruṇam /
yasya vīryaṃ samāsādya manyase vijayaṃ yudhi //

tamahaṃ pātayiṣyāmi rathāttava pitāmaham /
ahaṃ bhīṣmavadhātsṛṣṭo nūnaṃ dhātrā mahātmanā //

so'haṃ bhīṣmaṃ haniṣyāmi miṣatāṃ sarvadhanvinām /
dhṛṣṭadyumno'pi kaitavyamulūkamidamabravīt //

suyodhano mama vaco vaktavyo nṛpateḥ sutaḥ /
ahaṃ droṇaṃ haniṣyāmi sagaṇaṃ sahabāndhavam //

avaśyaṃ ca mayā kāryaṃ pūrveṣāṃ caritaṃ mahat . kartā cāhaṃ tathā karma yathā nānyaḥ kariṣyati

tamabravīddharmarājaḥ kāruṇyārthaṃ vaco mahat /
nāhaṃ jñātivadhaṃ rājankāmayeyaṃ kathañcana //

tavaiva doṣāddurbuddhe sarvametattvanāvṛtam /
sa gaccha māciraṃ tāta ulūka yadi manyase //

iha vā tiṣṭha bhadraṃ te vayaṃ hi tava bāndhavāḥ /
ulūkastu tato rājandharmaputraṃ yudhiṣṭhiram //

āmantrya prayayau tatra yatra rājā suyodhanaḥ /
ulūkastata āgamakya duryodhanamamarṣaṇam //

arjunasya samādeśaṃ yathoktaṃ sarvamabravīt /
vāsudevasya bhīmasya dharmarājasya pauruṣam //

nakulasya virāṭasya drupadasya ca bhārata . sahadevasya ca vaco dhṛṣṭadyumnaśikhaṇḍinoḥ /
keśavārjunayorvākyaṃ yathoktaṃ sarvamabravīt //

kaitavyasya tu tadvākyaṃ niśamya bharatarṣabhaḥ /
duḥśāsanaṃ ca karṇaṃ ca śakuniṃ cāpi bhārata //

ājñapayata rājñaśca balaṃ mitrabalaṃ tathā /
yathā prāgudayātsarve yuktāstiṣṭhantyanīkinaḥ //

tataḥ karṇasamādiṣṭā dūtāḥ santvaritā rathaiḥ /
uṣṭravāmībhirapyanye sadaśvaiśca mahājavaiḥ //

tūrṇaṃ pariyayuḥ senāṃ kṛtsnāṃ karṇasya śāsanāt /
ājñāpayanto rājñaśca yogaḥ prāgudayāditi //