Mahabharata · Chapter 4.76

virāṭasya vacaḥ śrutvā pārthivasya mahātmanaḥ /
uttaraḥ pratyuvācedamabhipanno yudhiṣṭhire //

prasādanaṃ prāptakālaṃ pāṇḍavasyābhirocaye /
tejasvī balavāñśūro rājarājeśvaraḥ prabhuḥ //

uttarāṃ ca svasāraṃ me pārthasyāmitrakarśana / praṇipatya prayacchāmastataḥ śiṣṭā bhavāmahe /

vayaṃ ca sarve sāmātyāḥ kuntīputraṃ yudhiṣṭhiram /
prasādyābhyupatiṣṭhāmo rājankiṃ karavāgahe //

rājaṃstvamasi sangrāme gṛhītastena mokṣitaḥ /
eteṣāṃ bāhuvīryeṇa gāvaśca vijitāstvayā //

kuravo nirjitā yasmātsangrāme'mitatejasaḥ /
eṣa tatsarvamakarotkuntīputro yudhiṣṭhiraḥ //

arcyāḥ pūjyāśca mānyāśca pratyuttheyāśca pāṇḍavāḥ /
arvārhāścābhivādyāśca prāptakālaṃ ca me matam //

pūjyatāṃ pūjanīyāśca mahābhāgāśca pāṇḍavāḥ /
na hyete kupitā śeṣaṃ kuryurāśīviṣopamāḥ //

tasmācchīghraṃ prapadyema kuntīputraṃ yudhiṣṭhiram /
prasādayāmyahaṃ tatra saha pārthermahātmabhiḥ //

uttarāmagrataḥ kṛtvā śiraḥsnātāṃ kṛtāñjaliḥ . jānāmyahamidaṃ sarvameṣāṃ tu balapauruṣam /
kule ca janma mahati phalgunasya ca vikramam //
vaiśampāyana uvāca /

uttarātpāṇḍavāñśrutvā virāṭo ripusūdanaḥ /
uttaraṃ cāpi samprekṣya prāptakālamacintayat //

tato virāṭaḥ sāmātyaḥ sahaputraḥ sabāndhavaḥ / uttarāmagrataḥ kṛtvā śiraḥsnātāṃ kṛtāñjaliḥ /
bhūmau nipatitastūrṇaṃ pāṇḍavasya samīpataḥ //
virāṭa uvāca /

prasīdatu mahārājo dharmaputro yudhiṣṭhiraḥ /
pracchannarūpaveṣatvānnāgnirdṛṣṭastṛṇairvṛtaḥ //

śirasā'bhiprapannosmi saputraparicārakaḥ //

yadasmābhirajānadbhiradhikṣipto mahīpatiḥ . avamatya kṛtaṃ sarvamajñānātprākṛte yathā /
kṣantumarhasi tatsarvaṃ dharmajño dharmavatsala //

yadidaṃ māmakaṃ rāṣṭraṃ puraṃ rājyaṃ ca pārthiva . sadaṇḍakośaṃ visṛje tava vaśyosmi pārthiva /
vayaṃ ca sarve sāmātyā bhavantaṃ śaraṇaṃ gatāḥ //
vaiśampāyana uvāca /

taṃ dharmarājaḥ patitaṃ mahītale sabandhuvargaṃ prasamīkṣya pārthivam /
uvāca vākyaṃ paralokadarśanaḥ pranaṣṭamanyurgataśokamatsaraḥ //

na me bhayaṃ pārthiva vidyate mayi pratītarūposmyanucintya mānasam /
etattvayā samyagihopapāditaṃ dvijairamātyaiḥ sadṛśaiśca pāṇḍitaiḥ . imāṃ ca kanyāṃ samalankṛtāṃ bhṛśaṃ samīkṣya tuṣṭosmi narendrasattama //

kṣāntametanmahābāho yanmāṃ vadasi pārthiva /
na caiva kiñcitpaśyāmi vikṛtaṃ te narādhipa //
vaiśampāyana uvāca /

tato virāṭaḥ paramāmituṣṭaḥ sametya rājñā samayaṃ cakāra /
rājyaṃ ca sarvaṃ visasarja tasmai sadaṇḍakośaṃ sapuraṃ mahātmā //