Mahabharata · Chapter 4.54

tathā vyūḍheṣvanīkeṣu kauraveyairmahārathaiḥ /
upāyādarjunaṃstūrṇaṃ rathaghoṣeṇa nādayan //

dadṛśuste dhvajāgraṃ vai śuśruvuśca rathasvanam /
dodhūyamānasya bhṛśaṃ gāṇḍīvasya ca nisvanam //

trikośamātraṃ gatvā tu pāṇḍavaḥ śvetavāhanaḥ /
sannāmukhamabhiprekṣya pārtho vairāṭimabravīt //

rājānaṃ nātra paśyāmi rathānīke vyavasthitam /
dakṣiṇaṃ pakṣamādāya kuruvo yāntyudaṅbhuṃkhāḥ //

utsṛjyaitadrathānīkaṃ maheṣvāsābhirakṣitam /
gavāgramabhito yāhi yāvatpaśyāmi me ripum //

gavāgramabhito gatvā gāścaivāśu nivartaya . yāvadete nivartante kuravo javamāsthitāḥ /
tāvadeva paśūnsarvānnivartiṣye tavābhibho //
vaiśampāyana uvāca /

ityuktvā samare pārtho vairāṭimaparājitaḥ /
savyaṃ pakṣamanuprāpya javenāśvānacodayat //

tato'bhyavādayatpārtho bhīṣmaṃ śāntanavaṃ kṛpam /
dvābhyāndvābhyāṃ tathā'cāryaṃ droṇaṃ prathamataḥ kramāt //

droṇaṃ kṛpaṃ ca bhīṣmaṃ ca pṛṣatkairabhyavādayat /
tatastatsarvamālokya droṇo vacanamabravīt //

mahārathamanuprāptaṃ dṛṣṭvā gāṇḍīvadhanvinam . na kaścidyodbhimiccheta na ca guptaṃ svajīvitam /
ayaṃ vīraśca śūraśca durdharṣaścaiva saṃyuge //

etaddhvajāgraṃ pārthasya dūrataḥ pratidṛśyate /
meghaḥka savidyutstanito roravīti ca vānaraḥ //

āsthāya ca rathaṃ yāti gāṇḍīvaṃ vikṣipandhanuḥ //

aśvānāṃ stanatāṃ śabdo vahatāṃ pākaśāsanim /
rathasyāmbudharasyeva śrūyate bhṛśadāruṇaḥ //

dārayanniva tejasvī vasudhāṃ vāsavātmajaḥ . eṣa dṛṣṭvā rathānīkamasmākamarimardanaḥ /

śrīmānvadānyo dhṛtimāntatkaroti ca pāṇḍavaḥ // imau bāṇāvanuprāptau pādayoḥ pratyupasthitau /

rathasyāgre nikhātau me citrapuṅkhāvajihmagau // imau cāpyaparau bāṇāvabhitaḥ karṇamūlayoḥ /

saṃspṛśantāvatikrāntau pṛṣṭvevānāmayaṃ bhṛśam // ciradṛṣṭo'yamasmābhirdharmajño bāndhavapriyaḥ /

atīva jvalate lakṣmyā pāṇḍuputraḥ pratāpavān // niruṣya ca vane vāmaṃ kṛtvā karma suduṣkaram /

abhivādayate pārthaḥ pūjayanmāmarindamaḥ // amarṣeṇa hi sampūrṇo duḥkhena pratibodhitaḥ /

adyemāṃ bhāratīṃ senāmeko nāśayate dhruvam // dvyadhikaṃ daśamuṣya vatsarāṇāṃ svajanenāviditastrayodaśaṃ ca /

jvalate rathamāsthitaḥ kirīṭī tama iva rātrijamabhyudasya sūryaḥ // rathī śarī cārumālī niṣaṅgī śaṅkhī patākī kavacī kirīṭī /

khaṅgī ca dhanvī ca virājate'yaṃ śikhīva yajñeṣu ghṛtena siktaḥ //