મહાભારત · અધ્યાય 4.54

તથા વ્યૂઢેષ્વનીકેષુ કૌરવેયૈર્મહારથૈઃ ।
ઉપાયાદર્જુનંસ્તૂર્ણં રથઘોષેણ નાદયન્ ॥

દદૃશુસ્તે ધ્વજાગ્રં વૈ શુશ્રુવુશ્ચ રથસ્વનમ્ ।
દોધૂયમાનસ્ય ભૃશં ગાણ્ડીવસ્ય ચ નિસ્વનમ્ ॥

ત્રિકોશમાત્રં ગત્વા તુ પાણ્ડવઃ શ્વેતવાહનઃ ।
સન્નામુખમભિપ્રેક્ષ્ય પાર્થો વૈરાટિમબ્રવીત્ ॥

રાજાનં નાત્ર પશ્યામિ રથાનીકે વ્યવસ્થિતમ્ ।
દક્ષિણં પક્ષમાદાય કુરુવો યાન્ત્યુદઙ્ભુંખાઃ ॥

ઉત્સૃજ્યૈતદ્રથાનીકં મહેષ્વાસાભિરક્ષિતમ્ ।
ગવાગ્રમભિતો યાહિ યાવત્પશ્યામિ મે રિપુમ્ ॥

ગવાગ્રમભિતો ગત્વા ગાશ્ચૈવાશુ નિવર્તય . યાવદેતે નિવર્તન્તે કુરવો જવમાસ્થિતાઃ ।
તાવદેવ પશૂન્સર્વાન્નિવર્તિષ્યે તવાભિભો ॥
વૈશમ્પાયન ઉવાચ ।

ઇત્યુક્ત્વા સમરે પાર્થો વૈરાટિમપરાજિતઃ ।
સવ્યં પક્ષમનુપ્રાપ્ય જવેનાશ્વાનચોદયત્ ॥

તતોઽભ્યવાદયત્પાર્થો ભીષ્મં શાન્તનવં કૃપમ્ ।
દ્વાભ્યાન્દ્વાભ્યાં તથાઽચાર્યં દ્રોણં પ્રથમતઃ ક્રમાત્ ॥

દ્રોણં કૃપં ચ ભીષ્મં ચ પૃષત્કૈરભ્યવાદયત્ ।
તતસ્તત્સર્વમાલોક્ય દ્રોણો વચનમબ્રવીત્ ॥

મહારથમનુપ્રાપ્તં દૃષ્ટ્વા ગાણ્ડીવધન્વિનમ્ . ન કશ્ચિદ્યોદ્ભિમિચ્છેત ન ચ ગુપ્તં સ્વજીવિતમ્ ।
અયં વીરશ્ચ શૂરશ્ચ દુર્ધર્ષશ્ચૈવ સંયુગે ॥

એતદ્ધ્વજાગ્રં પાર્થસ્ય દૂરતઃ પ્રતિદૃશ્યતે ।
મેઘઃક સવિદ્યુત્સ્તનિતો રોરવીતિ ચ વાનરઃ ॥

આસ્થાય ચ રથં યાતિ ગાણ્ડીવં વિક્ષિપન્ધનુઃ ॥

અશ્વાનાં સ્તનતાં શબ્દો વહતાં પાકશાસનિમ્ ।
રથસ્યામ્બુધરસ્યેવ શ્રૂયતે ભૃશદારુણઃ ॥

દારયન્નિવ તેજસ્વી વસુધાં વાસવાત્મજઃ . એષ દૃષ્ટ્વા રથાનીકમસ્માકમરિમર્દનઃ ।

શ્રીમાન્વદાન્યો ધૃતિમાન્તત્કરોતિ ચ પાણ્ડવઃ ॥ ઇમૌ બાણાવનુપ્રાપ્તૌ પાદયોઃ પ્રત્યુપસ્થિતૌ ।

રથસ્યાગ્રે નિખાતૌ મે ચિત્રપુઙ્ખાવજિહ્મગૌ ॥ ઇમૌ ચાપ્યપરૌ બાણાવભિતઃ કર્ણમૂલયોઃ ।

સંસ્પૃશન્તાવતિક્રાન્તૌ પૃષ્ટ્વેવાનામયં ભૃશમ્ ॥ ચિરદૃષ્ટોઽયમસ્માભિર્ધર્મજ્ઞો બાન્ધવપ્રિયઃ ।

અતીવ જ્વલતે લક્ષ્મ્યા પાણ્ડુપુત્રઃ પ્રતાપવાન્ ॥ નિરુષ્ય ચ વને વામં કૃત્વા કર્મ સુદુષ્કરમ્ ।

અભિવાદયતે પાર્થઃ પૂજયન્મામરિન્દમઃ ॥ અમર્ષેણ હિ સમ્પૂર્ણો દુઃખેન પ્રતિબોધિતઃ ।

અદ્યેમાં ભારતીં સેનામેકો નાશયતે ધ્રુવમ્ ॥ દ્વ્યધિકં દશમુષ્ય વત્સરાણાં સ્વજનેનાવિદિતસ્ત્રયોદશં ચ ।

જ્વલતે રથમાસ્થિતઃ કિરીટી તમ ઇવ રાત્રિજમભ્યુદસ્ય સૂર્યઃ ॥ રથી શરી ચારુમાલી નિષઙ્ગી શઙ્ખી પતાકી કવચી કિરીટી ।

ખઙ્ગી ચ ધન્વી ચ વિરાજતેઽયં શિખીવ યજ્ઞેષુ ઘૃતેન સિક્તઃ ॥