Mahabharata · Chapter 3.67

māṃ cedicchasi jīvantīṃ mātaḥ satyaṃ bravīmite /
nalasya naravīrasya yatasvānayane punaḥ //

damayantyā tathoktā tu sā devī bhṛśaduḥkhitā /
bāṣpeṇāpihitā rājñī nottaraṃ kiñcidabravīt //

tadavasthāṃ tu tāṃ dṛṣṭvā sarvamantaḥpuraṃ tadā /
hāhābhūtamatīvāsīdbhṛśaṃ ca praruroda ha //

tato bhīmaṃ mahārājaṃ bhāryā vacanāmabravīt /
damayantī nṛpa bhṛśaṃ bhartāramanuśocati //

apakṛṣya ca lajjāṃ sā svayamuktavatī vibho /
prayatantu tavapreṣyāḥ puṇyaślokasya darśane //
bṛhadaśva uvāca /

tayāprayodito rājā brāhmaṇānvaśavartinaḥ /
prāśthāpayaddiśaḥ sarvā yatadhvaṃ naladarśane //

tato vidarbhādhipaterniyogādbrāhmaṇāstadā /
damayantīmathāpṛcchya prasthitāste tathā'vruvan //

atha tānabravīdbhaimī sarvarāṣṭreṣvidaṃ vacaḥ /
brūta vai janasaṃsatsu tatratatra punaḥ punaḥ //

kvanu tvaṃ kitava cchittvā vastrārdhaṃ prasthito mama /
utsṛjya vapine suptāmanuraktāṃ priyāṃ priya //

sā vai yathā tvayā dṛṣṭā tathā'ste tvatpratīkṣiṇī /
dahyamānā bhṛśaṃ bālā vastrārdhenābhisaṃvṛtā //

tasyā rudantyāḥ satataṃ tena śokena pārthiva /
prasādaṃ kuru vai deva prativākyaṃ vadasva ca //

evamanyacca vaktavyaṃ kṛpāṃ kuryādyathā mayi /
vāyunā dhūyamāno hi vanaṃ dahati pāvakaḥ //

bhartavyā rakṣaṇīyā tva patnī patyā hi nityadā /
tannaṣṭamubhayaṃ kasmāddharmajñasya satastava //

khyātaḥ prājñaḥ kulīnaś sānukrośo bhavānsadā /
saṃvṛtto niranukrośaḥ śaṅke madbhāgyasankṣayāt //

tatkuruṣva naravyāghra dayāṃ mayi nararpabha /
ānṛśaṃsyaṃ paro dharmastvatta eva hi me śrutaḥ //

evambruvāṇānyadi vaḥ pratibrūyāddhi kaścana /
sa naraḥ sarvathā jñeyaḥ kaścāsau kvanu vartate //

yaścaivaṃ vacanaṃ śrutyvā būyātprativaco naraḥ /
tadādāya vacastasya mamāvedyaṃ dvijottamāḥ //

yathā ca vo na jānīyāccarato bhīmaśāsanāt /
punarāgamanaṃ ceha tathā kāryamatandritaiḥ //

yadi vā'sau samṛddhaḥ syādyadi vā'pyadhano bhavet /
yadi'vāpyasamarthaḥ syājjñeyamasya cikīrṣitam //

evamuktāstvagacchaṃste brāhmaṇāḥ sarvato diśam /
nalaṃ mṛgayituṃ rājaṃstadā vyasaninaṃ tathā //

te purāṇi sarāṣṭrāṇi grāmāndhopāṃstathā'śramān /
anveṣanto nalaṃ rājannādhijagmurdavijātayaḥ //

tacca vākyaṃ tathā sarvetatratatra viśāmpate / śrāvayāñcakrire viprā damayantyā yatheritam //