Mahabharata · Chapter 3.38

bhagavañśrotumicchāsami pārthasyākliṣṭakarmaṇaḥ /
vistareṇa kathāmetāṃ yathā'strāṇyupalabdhavān //

kathaṃ ca puruṣavyāghro dīrghabāhurdhanañjayaḥ /
vanaṃ praviṣṭastejasvī nirmanuṣyamabhītavat //

kiñcānena kṛtantatravasatā brahmavittama /
kathaṃ ca bhagavānsthāṇurdevarājaśca toṣitaḥ //

etadicchāmyahaṃ śrotuṃ tvatprasādāddvijottama /
tvaṃ hi sarvajña divyaṃ ca mānuṣaṃ caiva vettha //

atyadbhutaṃ mahāprājña romaharṣaṇamarjunaḥ / bhavena saha sangrāmaṃ cakārāpratimaṃ kila /
purā praharatāṃśreṣṭhaḥ sangrāmeṣvaparājitaḥ //

yacchrutvā narasiṃhānāṃ dainyaharṣātivismayāt /
śūrāṇāmapi pārthānāṃ hṛdayāni cakampire //

yadyacca kṛtavānanyatpārthastadasvilaṃ vada //

na hyas ninditaṃ jiṣṇoḥ susūkṣmamapi lakṣaye /
caritaṃ yasya śūrasya tanme sarvaṃ prakīrtaya //
vaiśampāyana uvāca /

kathayiṣyāmi te tāta kathāmetāṃ mahātmanaḥ /
divyāṃ kauravaśārdūla mahatīmadbhutopamām //

gātrasaṃsparśasambaddhāṃ tryambakeṇa mahāhave /
pārthasya devadevena śṛṇu samyaksamāgamam //

yudhiṣṭhiraniyogātsa jagāmāmitavikramaḥ /
śakraṃ sureśvaraṃ draṣṭuṃ devadevaṃ ca śankaram //

divyaṃ taddhanurādāya khaṅgaṃ ca puruṣarṣabhaḥ /
mahābalo mahābāhurarjunaḥ kāryasiddhaye //

diśaṃ hyudīcīṃ kauravyo himavacchikharaṃ prati /
aindriḥ sthiramanā rājansarvalokamahārathaḥ //

tvarayā parayā yuktastapase dhṛtaniścayaḥ /
vanaṃ kaṇṭakitaṃ ghorameka evānvapadyata //

nānāpuṣpaphalopetaṃ nānāpakṣinināditam /
nānāmṛgagaṇākīrṇaṃ siddhacāraṇasevitam //

tataḥ prayāte bībhatsau vanaṃ mānuṣavarjitam /
śaṅkhānāṃ paṭahānāṃ ca śabdaḥ samabhavaddivi //

puṣpavarṣaṃ ca sumahannipapāta mahītale /
meghajālaṃ ca satataṃ chādayāmāsa sarvataḥ //

sotītya vanadurgāṇi sannikarṣe mahāgireḥ /
śuśubhe himavatpṛṣṭhe vasamāno'rjunastadā //

tatratatra drumānphullānvihagairvalgunāditān /
nadīśca vipulāvartā vaidūryanīlasannibhāḥ //

haṃsakāraṇḍavodgītāḥ sārasābhirutāstathā /
puṃskokilarutāścaiva krauñcabarhiṇanāditāḥ //

manoharavanopetāstasminnatiratho'rjunaḥ /
puṇyaśītāmalajalāḥ paśyanprītamanā'bhavat //

ramaṇīye vanoddeśe ramamāṇo'rjunastadā /
tapasyugre vartamāna ugratejā mahāmanāḥ //

darbhacīraṃ nivasyātha daṇḍājinabibhūṣitaḥ /
śīrṇaṃ ca patitaṃ bhūmau parṇaṃ samupabhuktavān //

pūrṇepūrṇe trirarātre tu māsamekaṃ phalāśanaḥ /
dviguṇenaiva kālena dvitīyaṃ māsamatyayāt //

tṛtīyamapi māsaṃ sa krameṇāhāramācaran /
caturthe tvatha samprāpte māse bharatasattamaḥ //

vāyubhakṣo mahābāhurabhavatpāṇḍunandanaḥ /
ūrdhvabāhurnirālambaḥ pādāṅguṣṭhāgradhiṣṭhitaḥ //

sadopasparśanāccāsya babhūvuramitaujasaḥ /
vidyudambhoruhanibhā jaṭāstasya mahātmanaḥ //

tato maharṣayaḥ sarve jagmurdevaṃ pinākinam /
vivedayiṣavaḥ pārthaṃ tapasyugre samāsthitam //

nīlakaṇṭhaṃ mahādevamabhivādya praṇamya ca /
sarve nivedayāmāsuḥ karma tatphalgunasya ha //

ekaḥ pārtho mahātejā himavatpṛṣṭhamāśritaḥ /
ugre taparasi duṣpāre sthito dhūmāpayandiśaḥ //

tasya deveśa na vayaṃ vidmaḥ sarve cikīrṣitam /
santāpayati naḥ sarvānasau sādhu nivāryatām //

teṣāṃ tadvacanaṃ śrutvā munanāṃ bhāvitātmanām /
umāpatirbhūtapatirvākyametaduvāca ha //

na vo viṣādaḥ kartavyaḥ phalgunaṃ prati sarvaśaḥ /
śīghraṃ gacchata saṃhṛṣṭā yathāgatamatandritāḥ //

ahamasya vijānāmi sankalpaṃ manasi sthitam / nāsya svargaspṛhā kācinnaiśvaryasya na cāyuṣaḥ /
yattasya kāṅkṣitaṃ prāptuṃ tatkariṣye'hamadya vai //
vaiśampāyana uvāca /

tacchrutvā śarvavacanamṛṣayaḥ satyavādinaḥ / prahṛṣṭamanaso jagmuryathāsvaṃ punarāśramam //