Mahabharata · Chapter 3.315

tataste yakṣavacanādudatiṣṭhanta pāṇḍavaḥ /
kṣutpipāse ca sarveṣāṃ kṣaṇena vyapagacchatām //
yudhiṣṭhi uvāca /

sarasyekena pādena tiṣṭhantamaparājitam /
pṛcchāmi ko bhavāndevo na me yakṣo mato bhavān //

basūnāṃ vā bhavāneko rudrāṇāmathavā bhavān /
athavā marutāṃ śreṣṭho vajrī vā tridaśeśvaraḥ //

mama hi bhrātara ime sahasraśatayodhinaḥ /
taṃ yodhaṃ na prapaśyāmi yena sarve nipātitāḥ //

sukhaṃ prati prabuddānāmindriyāṇyupalakṣaye /
sa bhavānsuhṛdosmākamathavā naḥ pitā bhavān //
yakṣa uvāca /

ahante janakastāta dharmo mṛduparākrama /
tvāṃ radidṛkṣuranuprāpto viddhi māṃ bharatarṣabha //

yaśaḥ satyandamaḥ śaucamārjavaṃ hrīracāpalam /
dānaṃ tapo brahmacaryamityetāstanavo mama //

ahiṃsā samatā śāntistapaḥ śaucamamatsaraḥ /
dvārāṇyetāni me viddhi priyo hyasi suto mama //

diṣṭyā pañcasu raktosi diṣṭyā te ṣaṭrapadī jitā /
dve pūrve madhyame dve ca dve śānte sāmparāyike //

dhramo'hamiti bhadraṃ te jijñāsustvāmihāgataḥ /
ānṛśaṃsyena tuṣṭosmi varaṃ dāsyāmi te'nagha //

varaṃ vṛṇīṣva rājendradātā hyasmi tavānagha /
ye hi me puruṣā bhaktā na teṣāmasti durgatiḥ //
yudhiṣṭhira uvāca /

araṇī tu hṛtāyasya mṛgeṇa vadatāṃvara /
tasyāgnayo na lupyeranprathamo'stu varo mama //
dharma uvāca /

āraṇeyamidaṃ tasya brāhmaṇasya hṛtaṃ mayā /
mṛgaveṣeṇa kaunteya jijñālārthaṃ tavānagha //
vaiśampāyana uvāca /

dadānītyeva bhagavānuttaraṃ pratyapadyata /
anyaṃ varaya bhadraṃ te varaṃ tvamamaropama //
yudhiṣṭira uvāca /

varṣāṇi dvādaśāraṇye trayodaśamupasthitam /
tatrano nābhijānīyurvasato manujāḥ kvacit //

dadānītyeva bhagavānuttaraṃ pratyapadyata /
bhūyaścāśvāsayāmāsa kaunteyaṃ satyavikramam //

yadyapi svena rūpeṇa cariṣyatha mahīmimām /
na vo vijñāsyate kaścitriṣu lokeṣu bhārata //

varṣantrayodaśamidaṃ matprasādātkurūdvahāḥ /
virāṭanagare gūḍhā avijñātāścariṣyatha //

yadvaḥ sankalpitaṃ rūpaṃ manasā yas yādṛśam /
tādṛśaṃ tādṛśaṃ sarve chandato dhārayiṣyatha //

araṇīsahitaṃ bhāṇḍaṃ brāhmaṇāya prayacchata /
jijñāsārthaṃ mayā hyetadāhṛtammṛgarūpiṇā //

pravṛṇīṣvāparaṃ saumya varamiṣṭaṃ dadāni te /
na tṛpyāmi naraśreṣṭha prayacchanvai varāṃstathā //

tṛtīyaṃ gṛhyatāṃ putra varamapratimaṃ mahat /
tvaṃ hi matprabhavo rājanviduraścamamāṃśajaḥ //
judhiṣṭhira uvāca /

devadevo mayā dṛṣṭo bhavānsākṣātsanātanaḥ /
yaṃ dadāsi varaṃ tuṣṭastaṃ grahīṣyāmyahaṃ pitaḥ //

jayeyaṃ lobhamohau ca krodhaṃ cāhaṃ sadā vibho /
dāne tapasi satye ca mano me satataṃ vet //
dharma uvāca /

raupapanno guṇairetaiḥ svabhāvenāsi pāṇḍava /
bhavāndharmaḥ punaścaiva yathoktaṃ te bhaviṣyati //
vaiśaṃvāyana uvāca /

ityuktvānta'rdadhe dharmo bhagabām̐llokabhāvanaḥ /
sametāḥ pāṇḍavāścaiva sukhasuptā manasvinaḥ //

upetyacāśramaṃ vīrāḥ sarva eva gataklamāḥ /
āraṇeyaṃ dadustasmai brāhmaṇāya tapasvine //

idaṃ samutthānasamāgataṃ maha- tpituścaputrasya ca kīrtivardhanam /
paṭhannaraḥ rasyādvijitendriyo vaśī saputrapautraḥ śataparṣabhāgbhavet //

na cāpyadharme na suhṛdvibhedane parasvahāre paradāramarśane /
kadaryabhāve na ramenemanaḥ sadā nṛṇāṃ sadākhyānamidaṃ vijānatām //