Mahabharata · Chapter 3.313

nāpadāmasti maryādā na nimittaṃ na kāraṇam /
dharmastu vibhajatyarthamubhayoḥ puṇyapāpayoḥ //
bhīma uvāca /

prātikāmyanayatkṛṣṇāṃ sabhāyāṃ preṣyavattadā /
na mayā nihatastatratena prāptāḥ sma saṃśayam //
arjuna uvāca /

vācastīkṣṇāsthibhedinyaḥ sūtaputreṇa bhāṣitāḥ /
atitīvrā mayā kṣāntāstena prāptāḥ sma saṃśayaṃ //
sahadeva uvāca /

śakunistvāṃ yadā'jaiṣīdakṣadyūtena bhārata /
sa mayā na hatastatratena prāptāḥ sma saṃśayam //
vaiśampāyana uvāca /

tato yudhiṣṭhiro rājā nakulaṃ vākyamabravīt /
āruhya vṛkṣaṃ mādreya nirīkṣasva diśo daśa //

pānīyamantike paśya vṛkṣānvāpyudakāśrayān /
ete hi bhrātaraḥ śrāntāstava tāta pipāsitāḥ //

nakulastu tathetyuktvā bhrāturjye'ṣṭhasya śāsanāt / tata utthāya matimāñśīghramāruhya pādapam /
abravīddhāntaraṃ jyeṣmabhivīkṣya samantataḥ //

paśyāmi bahulānrājanvṛkṣānudakasaṃśrayān /
sārasānāṃ ca nirhrādastatrodakamasaṃśayam //

tato'bravītsatyadhṛtiḥ kuntīputro yudhiṣṭhiraḥ /
gaccha saumya tataḥ śīghraṃ tūṇaiḥ rapānīyamānaya //

nakulastu tathetyuktvā bhrāturjyeṣṭhasya śāsanāt /
prādravadyatra pānīyaṃ śīghraṃ caivānvapadyata //

sa dṛṣṭvā vimalaṃ toyaṃ sārasaiḥ parivāritam /
pātukāmastato vācamantarikṣātsa śuśruve //
yakṣa uvāca /

mā tāta sāhasaṃ kārṣīrmama pūrvaparigrahaḥ /
praśnānuktvā tu mādreya tataḥ piba harasva ca //

anādṛtya tu tadvākyaṃ nakulaḥ supipāsitaḥ /
apibacchītalaṃ toyaṃ pītvā ca nipapāta ha //

cirāyamāṇe nakule kuntīputro yudhiṣṭhiraḥ /
abravīddhrātaraṃ vīraṃ sahadevamarindamam //

bhrātā cirāyate tāta sahadeva tavāgrajaḥ /
taṃ caivānaya sodaryaṃ pānīyaṃ ca tvamānaya //

sahadevastathetyuktvā tāṃ diśaṃ pratyapadyata /
dadarśa ca hataṃ bhūmau bhrātaraṃ nakulaṃ tadā //

bhrātṛśokābhisantaptastṛṣayā ca prapīḍitaḥ /
abhidudrāva rapānīyaṃ tato vāgabhyabhāṣata //

mā tāta sāhasaṃ kārṣīrmama pūrvaparigrahaḥ /
praśnānuktvā yathākāmaṃ pibasva ca harasva ca //

anādṛtya tu tadvākyaṃ sahadevaḥ pipāsitaḥ /
apibacchītalaṃ toyaṃ pītvā ca nipapāta ha //

athābravītsa vijayaṃ kuntīputro yudhiṣṭhiraḥ /
bhrātarau te ciragatau bībhatso śatrukarśana //

tau caivānaya bhadraṃ te pānīyaṃ ca tvamānaya /
tvaṃ hi nastāta sarveṣāṃ duḥkhitānāmapāśrayaḥ //

evamukto guḍākeśaḥ pragṛhya saśaraṃ dhanuḥ /
āmuktakhaṅgo medhāvī tatsaraḥ pratyapadyata //

yataḥ puruṣaśārdūlau pānīyaharaṇe gatau /
tau dadarśa hatau tatrabhrātarau śvetavāhanaḥ //

vigatāsū naravyāghrau śayānau vasudhātale / prasuptāviva tau dṛṣṭvā narasiṃhaḥ suduḥkhitaḥ /
dhanurudyamya kaunteyo vyalokayata tadvanam //

nāpaśyattatrakiñcitsa bhūtamasminmahāvane /
savyasācī pipāsārtaḥ pānīyaṃ sobhyadhāvata //

abhidhāvaṃstato vācamantarikṣātsa śuśruve /
yattvamicchasi pānīyaṃ naitacchakyaṃ balāttvayā //

kaunteya yadi vai praśnānmayoktānprativakṣyasi /
tataḥ pāsyasi pānīyaṃ hariṣyasi ca bhārata //

vāritastvabravītpārtho dṛśyamāno nivāraya /
yāvadbāṇairvinirbhinnaḥ punarnaivaṃ vadiṣyasi //

evamuktvā tataḥ pārthaḥ śarairastrānumantritaiḥ / pravavarṣa radiśaḥ kṛtsnāḥ śabdavedhaṃ ca darśayan /
karṇinālīkanārācānutsṛjanbharatarṣabhaḥ /

sa tvamoghāniṣūnmuktvā tṛṣṇayā'bhiprapīḍitaḥ /
anekairiṣusanghātairantarikṣe vavarṣa ha //
yakṣa uvāca /

kiṃ vidhānena te pārtha praśnānuktvā payaḥ piba /
anuktvā ca pibanpraśnānpītvaiva nabhaviṣyasi //

sa ca moghāniṣūndṛṣṭvātṛṣṇayā ca prapīḍitaḥ /
avajñāyaiva tāṃ vācaṃ pītvaiva nipapāt ha //

athābravīdbhīmasenaṃ kunatīputro yudhiṣṭhiraḥ /
nakulaḥ sahadevaśca bībhatsuśca parantapa //

cirangatāstoyahetorna cāgacchanti bhārata /
tāṃścaivānaya bhadraṃ te pānīyaṃ ca tvamānaya //

bhīmasenastathetyuktvā taṃ deśaṃ pratyapadyata /
rayatrate puruṣavyāghrā bhrātarosya nipātitāḥ //

tāndṛṣṭvā duḥkhito bhīmastṛṣayā ca prapīḍitaḥ /
amanyata mahābāhuḥ karma tadyakṣarakṣasām //

sacintayāmāsa tadā yoddhavyaṃ dhruvamadya me /
pāsyāmi tāvatpānīyamiti pārtho vṛkodaraḥ //

tato'bhyadhāvatpānīyaṃ pipāsuḥ puruṣarṣabhaḥ //
yakṣa uvāca /

mā tāta sāhasankārṣīrmama pūrvaparigrahaḥ /
praśnānuktvā tu kaunteya tataḥ piba harasva ca //

evamuktastadā bhīmo yakṣeṇāmitatejasā /
anuktvaiva tu tānpraśnānpītvaiva nipapāta ha //

tataḥ kuntīsuto rājā pracintya puruṣarṣabhaḥ /
ātmanā'tmānamanviṣya vicāramakarotprabhuḥ //

tataściragatānbhrātṛnathā'jñāya yudhiṣṭhiraḥ /
cirāyamāṇānbahuśaḥ punaḥ punaruvācaha //

kiṃsvidvanamidaṃ dagdhaṃ kiṃkhiddṛṣṭo mṛto bhavet /
praharanto mahābhūtaṃ śaptāstenātha te'patan //

na paśyantyathavā vīrāḥ pānīyaṃ yatrate gatāḥ /
anvicchadbhirvane toyaṃ kālo'yamatipātitaḥ //

kinnu tatkāraṇaṃ yena nāyānti puruṣarṣabhāḥ /
gacchāmyeṣāṃ padaṃ draṣṭumiti kṛtvā yudhiṣṭhiraḥ //

samutthāya mahābuddhirdahyamānena cetasā /
vyapetajananirghoṣaṃ praviveśa mahāvanam //

rurubhiśca varāhaiśca pakṣibhiśca niṣevitam /
nīlabhāsvaravarṇaiśca pādapairuśobhitam //

bhramarairupagītaṃ ca pakṣibhiś samantataḥ /
mṛduśāḍvalasankīrṇabhūmibhāgaṃ manoharam //

sa gacchankānane tasminhemajālapariṣkṛtam /
dadarśa tatsaraḥ śrīmānviśvakarmakṛtaṃ yathā //

upetaṃ nalinījālaiḥ sindhuvāraiḥ sacetasaiḥ /
ketakaiḥ karavīraiśca pippalaiścaiva saṃvṛtam //

tato dharmasutaḥ śrīmānbhrātṛdarśanalālasaḥ / śramārtastadupāgamya saro dṛṣṭvā'tha vismitaḥ //