Mahabharata · Chapter 3.312

evaṃ hṛtāyāṃ bhāryāyāṃ prāpya kleśamanuttamam /
pratipadya tataḥ kṛṣṇāṃ kimakurvata pāṇḍavāḥ //
vaiśampāyana uvāca /

evaṃ hṛtāyāṃ kṛṣṇāyāṃ prāpya kleśamanuttamam /
vihāya kāmyakaṃ rājā saha bhrātṛbhiracyutaḥ //

punardvaitavanaṃ ramyamājagāma yudhiṣṭhiraḥ /
svādumūlaphalaṃ ramyaṃ vicitrabahupādapam //

anubhuktaphalāhārāḥ sarva eva mitāśanāḥ /
nyavasanpāṇḍavāstatrakṛṣṇayā saha bhāryayā //

vasandvaitavane rājā kuntīputro yudhiṣṭhiraḥ /
bhīmaseno'rjunaścaiva mādrīputrau ca pāṇḍavau //

brāhmaṇārthe parākrāntā dharmātmāno yatavratāḥ /
kleśamārcchanta vipulaṃ sukhodarkaṃ parantapāḥ //

tasminprativasantaste yatprāpuḥ kurusattamāḥ /
vane kleśaṃ sukhodarkaṃ tatpravakṣyāmi te śṛṇu //

araṇīsahitaṃ bhāṇḍaṃ brāhmaṇasya tapasvinaḥ /
mṛgas gharṣaṇasya vipāṇe samasajjata //

tadādāya gato rājaṃstvaramāṇo mahāmṛgaḥ /
āśramāntaritaḥ śīghraṃ plavamāno mahājavaḥ //

hriyamāṇaṃ tu taṃ dṛṣṭvā sa vipraḥ kurusattama / tvarito'bhyāgamattatraagnihotraparīpsayā /
teṣāṃ tu vasatāṃ tatra pāṇḍavānāṃ mahāratham //

ajātaśatrumāsīnaṃ bhrātṛbhiḥ sahitaṃ vane /
āgamya brāhmaṇastūrṇaṃ santaptaścedamabravīt //

araṇīsahitaṃ bhāṇḍaṃ samāsaktaṃ vanaspatau /
mṛgasya ghaṟṣamāṇasya viṣāṇe samasajjata //

tamādāya gato rājaṃstvaramāṇo mahāmṛgaḥ /
āśramāttvaritaḥ śīghraṃ plavamāno mahājavaḥ //

tasya gatvā padaṃ rājannāsādya ca mahāmṛgam /
agnihotraṃ na lupyeta tadānayata pāṇḍavāḥ //

brāhmaṇasya vacaḥ śrutvā santapto'tha yudhiṣṭhiraḥ /
dhanurādāya kaunteyaḥ prādravadbhrātṛbhiḥ saha //

sannaddhā dhanvinaḥ sarve prādravannarapuṅgavāḥ /
brāhmaṇārthe yatantaste śīghramanvagamanmṛgam //

karṇinālīkanārācānutsṛjanto mahārathāḥ /
nāvidhyanpāṇḍavāstatra paśyanto mṛgamantikāt //

teṣāṃ prayatamānānāṃ nādṛśyata mahāmṛgaḥ /
apaśyantomṛgaṃ śrāntā duḥkhaṃ prāptā manasvinaḥ //

śītalacchāyamāgamay nyagrodhaṃ gahane vane /
kṣutpipāsāparītāṅgāḥ pāṇḍavāḥ samupāviśan //

teṣāṃ samupaviṣṭānāṃ nakulo duḥkhitastadā /
abravīdbhrātaraṃ śreṣṭhamamarṣātkurunandanam //

nāsminkule jātu mamajja dharmo na cālasyādarthalopo babhūva /
anuttarāḥ sarvabhūteṣu bhūpa samprāptāḥ smaḥ saṃśayaṃ kinnu rājan //