Mahabharata · Chapter 3.305

brāhmaṇaṃ yantritā rājannupasthāsyāmi pūjayā /
yathāpratijñaṃ rājendrana ca mithyā bravīmyaham //

eṣa caiva svabhāvo me pūjayeyaṃ dvijāniti /
tava caiva priyaṃ kāryaṃ śreyaśca paramaṃ mama //

yadyevaiṣyati sāyāhne yadi prātaratho niśi /
yadyardharātre bhagavānna me kopaṃ kariṣyati //

lābho mamaiṣa rājendra yadvaipūjayituṃ dvijān /
ādeśe tava tiṣṭhantī hitaṃ kuryāṃ narottama //

visrabdho bhavarājendra na vyalīkaṃ dvijottamaḥ /
vasanprāpsyati te gehe satyametadbravīmi te //

yatpriyaṃ ca dvijasyāsya hitaṃ caiva tavānagha /
yatiṣyāmi tathā rājanvyetu te mānaso jvaraḥ //

brāhmaṇā hi mahābhāgāḥ pūjitāḥ pṛthivīpate /
tāraṇāya samarthāḥ syurviparīte vadhāya ca //

rasā'hametadvijānantī toṣayiṣye dvijottamam /
na matkṛtevyathāṃ rājanprāpsyasi dvijasattamāt //

aparādhe'pi rājendra rājñāmaśreyase dvijāḥ /
bhavanti cyavano yadvatsukanyāyāḥ kṛte purā //

niyamena pareṇāhamupasthāsye dvijottamam /
yathā tvayā narendredaṃ bhāpitaṃ brāhmaṇaṃ prati //

evaṃ bruvantīṃ bahuśaḥ pariṣvajya samarthya ca /
iticeti ca kratavyaṃ rājā sarvamathādiśat //

evametattvayā bhadre kartavyamaviśaṅkayā /
maddhitārthaṃ tathā'tmārthankulārthaṃ cāpyanindite //

evamuktvā tu tāṃ kanyāṃ kuntibhojo mahāyaśāḥ /
pṛthāṃ paridadau tasmai dvijāya dvijavatsalaḥ //

iyaṃ brahmanmama sutā bālā sukhavivardhitā /
aparādhyeta yatkiñcinna kāryaṃ hṛdi tattvayā //

dvijātayo mahābhāgā vṛddhabālatapasviṣu /
bhavantyakrodhanāḥ prāyo hyaparāddheṣu nityadā //

sumahatyaparādhe'pi kṣāntiḥ kāryā dvijātibhiḥ /
yathāśakti yathotsāhaṃ pūjā grāhyā dvijottama //

tatheti brāhmaṇenokte sa rājā prītamānasaḥ /
haṃsacandrāṃśusankāśaṃ gṛhamasmai nyavedayat //

tatrāgniśaraṇe klṛptamāsanaṃ tasya bhānumat /
āhārādi ca sarvaṃ tattathaiva pratyavedayat //

nikṣipya rājaputrī tu tandrīṃ mānaṃ tathaiva ca /
ātasthe paramaṃ yatnaṃ brāhmaṇasyābhirādhane //

tatrasā brāhmaṇaṃ gatvā pṛthā śaucaparā satī / vidhivatparicārārhaṃ devavatparyatoṣayat //