Mahabharata · Chapter 3.306

sā tu kanyā mahārāja brāhmaṇaṃ saṃśitavratam /
toṣayāmāsa śuddhena manasā saṃśitavratā //

prātareṣyāmyathetyuktvā kadāciddvijasattamaḥ /
tata āyāti rājendra sāyaṃ rātrāvatho punaḥ //

taṃ ca sarvāsu velāsu bhakṣyabhojyapratiśrayaiḥ /
pūjayāmāsa sā kanyā vardhamānaistu sarvadā //

annādisamudācāraḥ śayyāsanakṛtastathā /
divasedivase tasya vardhate na tu hīyate //

nirbhartsanāpavādaiśca tathaivāpriyayā girā /
brāhmaṇasya pṛthā rājanna cakārāpriyaṃ tadā //

svapnakāle punaścaiti na caiti bahuśo dvijaḥ /
sudurlabhamapi hyannaṃ dīyatāmiti so'bravīt //

kṛtameva ca tatsarvaṃ yathā tasmai nyavedayat /
śiṣyavatputravaccaiva svasṛvacca susaṃyatā //

yathopajoṣaṃ rājendra dvijātipravarasya sā /
prītimutpādayāmāsa kanyāratnamaninditā //

tasyāstu śīlavṛttena tutopa dvijasattamaḥ /
avadhānena bhūyo'syāḥ paraṃ yatnamathākarot //

tāṃ prabhāte ca sāyaṃ ca pitā papraccha bhārata /
apituṣyatite putri brāhmaṇaḥ paricaryayā //

taṃ sā paramamityevapratyuvāca yaśasvinī /
tataḥ prītimavāpāgryāṃ kuntibhojo mahāmanāḥ //

tataḥ saṃvatsare pūrṇe yadā'sau japatāṃvaraḥ /
nāpaśyadduṣkṛtankiñcitpṛthāyāḥ sauhṛde rataḥ //

tataḥ prītamanā bhūtvā sa enāṃ brāhmaṇo'bravīt /
prītosmi paramaṃ bhadre paricāreṇa te śubhe //

varānvṛṇīṣva kralyāṇi dūrāpānmānupairiha /
yaistvaṃ sīmantinīḥ sarvāyaśasā'bhimaviṣyasi //
kuntyuvāca /

kṛtāni mama sarvāṇi sasyā me vedavittama /
tvaṃ prasannaḥ pitā caiva kṛtaṃ vipra varairmama //
brāhmaṇa uvāca /

yadi necchasi mattastvaṃ varaṃ bhadre śucismite /
imaṃ mantraṃ gṛhāṇa tvamāhrānāya divaukasām //

yaṃyaṃ devaṃ tvametena mantreṇāvāhayiṣyasi /
tenatena vaśe bhadre sthātavyaṃ te bhaviṣyati //

akāmo vā sakāmo vā sa sameṣyati te vaśe /
vibudho mantrasambhrānto vākyairbhṛtya ivānataḥ //
vaiśampāyana uvāca /

na śaśaka dvitīyaṃ sā pratyākhyātumaninditā /
taṃ vai dvijātipravaraṃ tadā śāpabhayānnṛpa //

tatastāmanavadyāṅgīṃ grāhayāmāsa sa dvijaḥ /
mantragrāmaṃ tadā rājannatharvaśirasi śrutam //

taṃ pradāya tu rājendra kuntibhojamuvāca ha /
upitosmi sukhaṃ rājankanyayā paritopitaḥ //

tavagehe suvihitaḥ sadā supratipūjitaḥ /
sādhayiṣyāmahe tāvadityuktvā'ntaradhīyata //

sa tu rājā dvijaṃ dṛṣṭvā tatraivāntarhitaṃ tadā / babhūva vismayāviṣṭaḥ pṛthāṃ ca samapūjayat //