મહાભારત · અધ્યાય 3.305

બ્રાહ્મણં યન્ત્રિતા રાજન્નુપસ્થાસ્યામિ પૂજયા ।
યથાપ્રતિજ્ઞં રાજેન્દ્રન ચ મિથ્યા બ્રવીમ્યહમ્ ॥

એષ ચૈવ સ્વભાવો મે પૂજયેયં દ્વિજાનિતિ ।
તવ ચૈવ પ્રિયં કાર્યં શ્રેયશ્ચ પરમં મમ ॥

યદ્યેવૈષ્યતિ સાયાહ્ને યદિ પ્રાતરથો નિશિ ।
યદ્યર્ધરાત્રે ભગવાન્ન મે કોપં કરિષ્યતિ ॥

લાભો મમૈષ રાજેન્દ્ર યદ્વૈપૂજયિતું દ્વિજાન્ ।
આદેશે તવ તિષ્ઠન્તી હિતં કુર્યાં નરોત્તમ ॥

વિસ્રબ્ધો ભવરાજેન્દ્ર ન વ્યલીકં દ્વિજોત્તમઃ ।
વસન્પ્રાપ્સ્યતિ તે ગેહે સત્યમેતદ્બ્રવીમિ તે ॥

યત્પ્રિયં ચ દ્વિજસ્યાસ્ય હિતં ચૈવ તવાનઘ ।
યતિષ્યામિ તથા રાજન્વ્યેતુ તે માનસો જ્વરઃ ॥

બ્રાહ્મણા હિ મહાભાગાઃ પૂજિતાઃ પૃથિવીપતે ।
તારણાય સમર્થાઃ સ્યુર્વિપરીતે વધાય ચ ॥

રસાઽહમેતદ્વિજાનન્તી તોષયિષ્યે દ્વિજોત્તમમ્ ।
ન મત્કૃતેવ્યથાં રાજન્પ્રાપ્સ્યસિ દ્વિજસત્તમાત્ ॥

અપરાધેઽપિ રાજેન્દ્ર રાજ્ઞામશ્રેયસે દ્વિજાઃ ।
ભવન્તિ ચ્યવનો યદ્વત્સુકન્યાયાઃ કૃતે પુરા ॥

નિયમેન પરેણાહમુપસ્થાસ્યે દ્વિજોત્તમમ્ ।
યથા ત્વયા નરેન્દ્રેદં ભાપિતં બ્રાહ્મણં પ્રતિ ॥

એવં બ્રુવન્તીં બહુશઃ પરિષ્વજ્ય સમર્થ્ય ચ ।
ઇતિચેતિ ચ ક્રતવ્યં રાજા સર્વમથાદિશત્ ॥

એવમેતત્ત્વયા ભદ્રે કર્તવ્યમવિશઙ્કયા ।
મદ્ધિતાર્થં તથાઽત્માર્થન્કુલાર્થં ચાપ્યનિન્દિતે ॥

એવમુક્ત્વા તુ તાં કન્યાં કુન્તિભોજો મહાયશાઃ ।
પૃથાં પરિદદૌ તસ્મૈ દ્વિજાય દ્વિજવત્સલઃ ॥

ઇયં બ્રહ્મન્મમ સુતા બાલા સુખવિવર્ધિતા ।
અપરાધ્યેત યત્કિઞ્ચિન્ન કાર્યં હૃદિ તત્ત્વયા ॥

દ્વિજાતયો મહાભાગા વૃદ્ધબાલતપસ્વિષુ ।
ભવન્ત્યક્રોધનાઃ પ્રાયો હ્યપરાદ્ધેષુ નિત્યદા ॥

સુમહત્યપરાધેઽપિ ક્ષાન્તિઃ કાર્યા દ્વિજાતિભિઃ ।
યથાશક્તિ યથોત્સાહં પૂજા ગ્રાહ્યા દ્વિજોત્તમ ॥

તથેતિ બ્રાહ્મણેનોક્તે સ રાજા પ્રીતમાનસઃ ।
હંસચન્દ્રાંશુસન્કાશં ગૃહમસ્મૈ ન્યવેદયત્ ॥

તત્રાગ્નિશરણે ક્લૃપ્તમાસનં તસ્ય ભાનુમત્ ।
આહારાદિ ચ સર્વં તત્તથૈવ પ્રત્યવેદયત્ ॥

નિક્ષિપ્ય રાજપુત્રી તુ તન્દ્રીં માનં તથૈવ ચ ।
આતસ્થે પરમં યત્નં બ્રાહ્મણસ્યાભિરાધને ॥

તત્રસા બ્રાહ્મણં ગત્વા પૃથા શૌચપરા સતી । વિધિવત્પરિચારાર્હં દેવવત્પર્યતોષયત્ ॥