Mahabharata · Chapter 3.291

tataḥ kruddho daśagrīvaḥ priye putre nipātite /
niryayau rathamāsthāya hemaratnavibhūṣitam //

saṃvṛtorākṣasairgherairvividhāyudhapāṇibhiḥ /
abhidudrāva rāmaṃ sa pothayanhariyūthapān //

tamādravantaṃ sankruddha maindanīlanalāṅgadāḥ /
hanumāñjāmbavāṃścaiva sasainyāḥ paryavārayan //

te daśagrīvasainyaṃ tadṛkṣavānarapuṅgavāḥ /
drumairvidhvaṃsayāñcakrurdaśagrīvasya paśyataḥ //

tataḥ svasainyamālokya vadhyamānamarātibhiḥ /
māyāvī cāsṛjanmāyāṃ rāvaṇo rākṣasādhipaḥ //

tasya dehaviniṣkrāntāḥ śataśo'tha sahasraśaḥ /
rākṣasāḥ pratyadṛśyanta śaraśaktyṛṣṭipāṇayaḥ //

tānrāmo jaghnivānsarvāndivyenāstreṇa rākṣasān /
atha bhūyopi māyāṃ sa vyadadhādrākṣasādhipaḥ //

kṛtvā rāmas rūpāṇi lakṣmaṇasya ca bhārata /
abhidudrāva rāmaṃ ca lakṣmaṇaṃ ca daśānanaḥ //

tataste rāmamarcchanto lakṣmaṇaṃ ca kṣapācarāḥ /
abhipetustadā rāmaṃ pragṛhītaśarāsanāḥ //

tāṃ dṛṣṭvārākṣasendras māyāmikṣvākunandanaḥ /
uvāca rāmaḥ saumitrimasambhrānto bṛhadvacaḥ //

jahīmānrākṣasānpāpānātmanaḥ pratirūpakān /
ityuktvā'bhyahanadrāmo lakṣmaṇaścātmarūpakān //

tato haryaśvayuktena rathenādityavarcasā /
upatasthe raṇe rāmaṃ mātaliḥ śakrasārathiḥ //
mātaliruvāca /

ayaṃ haryaśvayugjaitro maghonaḥ syandanottamaḥ /
tvadarthamiha samprāptaḥ sandeśādvai śatakratoḥ //

anena śakraḥ kākutstha samare daityadānavān /
śataśaḥ puruṣavyāghra rathodāreṇa jaghnivān //

tadanana naravyāghra mayā yattena saṃyuge /
syandanena jahikṣipraṃ rāvaṇaṃ mā ciraṃ kṛthāḥ //

ityukto rāghavastathyaṃ vaco'śaṅkata mātaleḥ /
māyaiṣārākṣasasyeti tamuvāca vibīṣaṇaḥ //

neyaṃ māyā naravyāghrarāvaṇas durātmanaḥ /
tadātiṣṭha rathaṃśīghramimasaindraṃ mahādyute //

tataḥ prahṛṣṭaḥ kākutsthastathetyuktvā vibhīṣaṇam /
rathenābhipapātātha daśagrīvaṃ ruṣā'nvitaḥ //

hāhākutāni bhūtāni rāvaṇe samabhidrute /
siṃhanādāḥ sapaṭahāditi divyāstathā'nadan //

[daśakandhararājasūnvostathā yuddhamabhūnmahat / alabdhopamamanyatratayoreva tathā'bhavat // ]

sarāmāya mahāghoraṃ visasarja niśācaraḥ /
śūlamindrāśaniprakhyaṃ brahmadaṇḍabhivodyatam //

tacchūlaṃ satvaraṃ rāmaścaccheda niśitaiḥ śaraiḥ /
taddṛṣṭvā duṣkaraṃ karma rāvaṇaṃ bhayamāviśat //

tataḥ kruddhaḥ sasarjāśu daśagrīvaḥ śitāñcharān /
sahasrāyutaśo rāme śastrāṇi vividhāni ca //

tato bhuśuṇḍīḥ śūlāni musalāni paraśvathān /
śaktīśca vividhākārāḥ śataghnīśca śitānkṣurān //

tāṃ māyāṃvividhāṃ dṛṣṭvā daśagrīvasya rakṣasaḥ /
bhayātpradudruvuḥ sarve vānarāḥ sarvatodiśam //

tataḥ supatraṃ sumukhaṃhemapuṅgaṃ śarottamam /
tūṇādādāya kākutstho brahmāstreṇa yuyoja ha //

taṃ prekṣyabāṇaṃ rāmeṇa brahmāstreṇānumantritam /
jahṛṣurdevagandharvā dṛṣṭvā śakrapurogamāḥ //

alpāvaśeṣamāyuśca tato'manyanta rakṣasaḥ /
brahmāstrodīraṇācchatrordevadānavakinnarāḥ //

tataḥ sasarja taṃ rāmaḥ śaramapratimaujasam /
rāvaṇāntakaraṃ ghoraṃ brahmadaṇḍamivodyatam //

muktamātreṇa rāmeṇa dūrākṛṣṭena bhārata / sa tena rākṣasaśreṣṭhaḥ sarathaḥ sāśvasārathiḥ /
prajajvāla mahājvālenāgninābhipariplutaḥ //

tataḥ prahṛṣṭāstridaśāḥ sahagandharvacāraṇāḥ /
nihataṃ rāvaṇaṃ dṛṣṭvā rāmeṇākliṣṭakarmaṇā //

tatyajustaṃ mahābhāgaṃ pañcabhūtāni rāvaṇam /
bhraṃśitaḥ sarvalokeṣu sa hi brahmāstratejasā //

śarīradhātavo hyas māsaṃ rudhirameva ca / neśurbrahmāstranirdagdā na ca bhasmāpyadṛśyata //