Mahabharata · Chapter 3.290

tāvubhau patitau dṛṣṭvā bhrātarau rāmalakṣmaṇau /
babandha rāvaṇirbhūyaḥ śarairdattavaraistadā //

tau vīrau śarajālena baddhāvindrajitā raṇe /
rejatuḥ puruṣavyāghrau śakuntāviva pañjare //

dṛṣṭvā nipatitau bhūmau sarvāṅgeṣu śarācitau /
sugrīvaḥ kapibhiḥ sārdhaṃ parivāryopatastivān //

suṣeṇamaindadvividaiḥ kumudenāṅgadena ca /
hanumananīlatāraiśca nalena ca kapīśvaraḥ //

tatastaṃ deśamāgamya kṛtakarmā vibhīṣaṇaḥ /
bodhayāmāsa tau vīrau prajñāstreṇa pramohitau //

viśalyau cāpi sugrīvaḥ kṣaṇenaitau cakāra ha /
viśalyayā mahauṣadhyā divyamantraprayuktayā //

tau labdhasañjñau nṛvarau viśalyāvudatiṣṭhatām /
ubhau gataklamau cāstāṃ ṇenaitau mahārathau //

tato vibhīṣaṇaḥ pārtha rāmamikṣvākunandanam /
uvāca vijvaraṃ dṛṣṭvā kṛtāñjaliridaṃ vacaḥ //

ayamambho gṛhītvātu rājarājas śāsanāt /
guhko'bhyāgataḥ śletāttvatsakāśamarindama //

idamambhaḥ kuberaste mahārāja prayacchati /
antarhitānāṃ bhūtānāṃ darśanārthaṃ parantapa //

anena mṛṣṭanayano bhūtānyantarhitānyuta /
bhavāndrakṣyati yasmai ca bhavānetatpradāsyati //

tatheti rāmastadvāri pratigṛhyābhisaṃskṛtam /
cakāra netrayoḥ śaucaṃ lakṣmaṇaśca mahāmanāḥ //

sugrīvajāmbavantau cahanumānaṅgadastathā /
maindadvividanīlāśca prāyaḥ plavagasattamāḥ //

tathāsamabhavaccāpi yaduvāca vibhīṣaṇaḥ /
kṣaṇenātīndriyāṇyeṣāṃ cakṣuṃṣyāsanyudhiṣṭhira //

indrajitkṛtakarmā tu pitre karma tadā'tmanaḥ /
nivedya punarāgacchattvarayā'jiśiraḥprati //

tamāgataṃ tu sankruddhaṃ punareva yuyutsayā /
abhidudrāva saumitrirvibhīṣaṇamate sthitaḥ //

akṛtāhnikamevainaṃ jighāṃsurjitakāśinam /
śarairjaghāna sankruddhaḥ kṛtasañjño'tha lakṣmaṇaḥ //

tayoḥ samabhavadyuddhaṃ tadā'nyonyaṃ jīgīṣatoḥ /
atīva citramāścaryaṃ śakraprahlādayoriva //

avidhyadindrajittīkṣṇaiḥ saumitriṃ marmabhedibhiḥ /
saumitriścānalasparśairavidhyadrāvaṇiṃ śaraiḥ //

saumitriśarasaṃsparśādrāvaṇiḥ krodhamūrcchitaḥ /
asṛjallakṣmaṇāyāṣṭau śarānāśīviṣopamān //

tasyeṣūnpāvakasparśaiḥ saumitriḥ patribhistribhiḥ /
vārayāmāsa nārācaiḥ saumitrirmitranandanaḥ //

asṛjallakṣmaṇaścāṣṭau rākṣasāya śarānpunaḥ /
tathā taṃ nyahanadvīrastanme nigadataḥ śṛṇu //

ekenāsya dhanuṣmantaṃ bāhuṃ dehādapātayat /
dvitīyena tu bāṇena bhujamanyamapātayat //

tṛtīyena tu bāṇena śitadhāreṇa bhāsvatā /
jahāra sunasaṃ cāpi śiro jvalitakuṇḍalam //

vinikṛttabhujaskandhaḥ kabandhākṛtidarśanaḥ /
papāta vasudhāyāṃ tu chinnamūla ivadrumaḥ //

taṃ hatvāsūtamapyastrairjaghāna balinaṃvaraḥ /
laṅkāṃ praveśayāmāsustaṃ rathaṃ vājinastadā //

dadarśa rāvaṇastaṃ ca rathaṃ putravinākṛtam / sa putraṃ nihataṃ śrutvā trāsātsambhrāntamānasaḥ /

rāvaṇaḥ śokamohārto vaidehīṃ hantumudyataḥ //
ṅgamādāya duṣṭātmā javenābhipapāta ha //

taṃ dṛṣṭvātasya durbudderavindhyaḥ pāpaniścayam /
śamayāmāsa sankruddhaṃ śrūyatāṃ yena hetunā //

mahārājyesthito dīpte na striyaṃ hantumarhasi /
hataivaiṣā yadā strī ca kabandhanasthā ca te vaśe //

na caiṣā dahabhedena hatāsyāditi me matiḥ /
jahi bhartāramevāsyā hate tasminhatā bhavet //

na hi te vikrame tulyaḥ sākṣādapi śatakratuḥ /
asakṛddhi tvayā sandrāstrāsitāstridasā yudhi //

evaṃ bahuvidhairvākyairavindhyo rāvaṇaṃ tadā /
kruddhaṃ saṃśamayāmāsa jagṛhe ca sa tadvacaḥ //

niryāṇe sa matiṃ kṛtvā niyantāraṃ kṣapācaraḥ / ājñāpayāmāsa tadāratho me kalpyatāmiti //